قناة السويس بالجنيه مصرى ؟ موضوع للنقاش

**wael3m** · 25-02-2011 03:13 PM

مرة شوفت على شبكة رصد 65% يوافقون على تحويل قناة السويس بالجنية المصرى ( مش عارف جابوا الاحصائية دى منين ؟)
ما علينا

خبر تانى بيقول فى خلال 6 شهور لو تم تحويل القناة بالجنية سيرتفع قيمته لتصل الى 2 دولار

طبعا انا مش بصدقهم بس قعدت مع نفسى بالورقة والقلم القرار ممكن يكون تاريخى زى تأميم القناة مثلا
والمشاريع اللى محتاجة فلوس كتير زى ممر التنمية اللى محتاج 23 مليار دولار ومشاريع توشكى وغيرها
هنقدر نمولها بسهولة

بس من ناحية السياحة ممكن تضرب فى الوقت القصير وتستبدل بسياحة تانية قادرة على الدفع
الصناعة وبقصد هنا التصدير دا اللى ممكن يتأثر اوى وخصوصا صناعات النسيج
المصريين اللى فى الخارج هتلاقيهم راجعن من بكرة وانا اولهم
دعوة للجميع انهم يقولوا رأيهم سواء بالرفض او القبول للقرار مع توضيح الاسباب

**hossamkoshy** · 25-02-2011 03:34 PM

هو موضوع ممتاز
بس لية جوانب سلبية وانت زكرت بعضها.
ثانيا الدول الكبري واولهم امريكا مش ممكن هتفبل وضع زي دة
الاقتراح الاجمل يكون نسبه من التحصيلات بالجنية المصري ولتكن 10% مثلا ثم في خلال 5 سنوات تكون النسبة 15%
كدا هتحافظ علي قيمة الجنية المصري وتعلي قمتة .
و تعرف العالم ان ممكن ان النسبة هتزيد الي 50% في خلال30 سنة مثلا.
ودة هيكونلوا مرضوض اقتصادي سريع علي قيمة الجنية المصري او علي الاقل هتحافظ علي قيمتة في الاسواق العالمية
وطبعا دة رأى شخصي و احب اسمع كلام خبراء الاقتصاد

**aly_hosny** · 25-02-2011 03:41 PM

انا ضد القرار
لان مش وقته خالص ان الجنيه سعره يرتفع
انت لسه عايز تصنع و تثبت نفسك الاول
لو سعر الجنيه غلي المنتج سعره هيبقى عالي و هيخرج من المنافسة

لما نبقى دولة اقتصادها قوي و صناعتها موثوق فيها نغلي الجنيه براحتنا

**omar-saad** · 25-02-2011 03:50 PM

المشاركة الأصلية كتبت بواسطة aly_hosny

انا ضد القرار
لان مش وقته خالص ان الجنيه سعره يرتفع
انت لسه عايز تصنع و تثبت نفسك الاول
لو سعر الجنيه غلي المنتج سعره هيبقى عالي و هيخرج من المنافسة

لما نبقى دولة اقتصادها قوي و صناعتها موثوق فيها نغلي الجنيه براحتنا

+1111111111111

**tareket** · 25-02-2011 04:01 PM

انا مع قناة السويس بالمصرى
للاسباب الاتية

اولا الفوائد

لو الجنيه تمنه زاد دا معناه المشاريع العملاقة بالنسبة للمصريين هتبقى اسهل
استيراد المعدات الطبية هيبقى ارخص.
من ناحية الاستيراد كل حاجة هتبقى ارخص مما يؤدى ان المنتج المصرى يبقى جودة عالية من اجل التنافس
جودة الخدمات المفروض تتحسن بما ان التجديد ارخص
السياح هيبقوا من الفئة الراقية
اعادة الثقة فى المنتجات المصرية ذات الكفائة العالية
زيادة الوافدين الاجانب للعمل بمصر مما يزيد من الخبرات المصرية
رجوع بعض العمال المصريين المغتربين بالخارج لتقارب المرتبات

العيوب

الكثير من الشركات الاجنبية والموردين هيرجعوا نفسهم قبل الاستثمار فى مصر
السياحة هتضرب نسبيا او هيخلى السياح من فئة اخرة ,فئة ارقى

واخيرا
انا لا افهم فى الاقتصاد وهذه وجهة نظرى

**fepsceasar** · 25-02-2011 04:13 PM

مش موافق، للاسباب الاتية
1- هيرقع سعر الصادرات والطلب عليها هيقل ومش لسبب متعلق بالكفاءة او التنافسية ولكن بشكل مصطنع
2- زيادة الواردات من السلع الرفاهية
3- السياحة الخارجية هتنخفض
4- طبعا كل ده هيتبعه ارتفاع الاسعار بشكل مبالغ فيه وتدمير الصناعة الوطنية وتبقى كانك يا ابو زيد ماغزيت ، والاقتصاد يحول لاقتصاد ريعى مش انتاجى، يعتمد على ريع من الموارد الطبيعية ورسوم المرور فى القناة

**mahfouz1983** · 25-02-2011 04:21 PM

المشاركة الأصلية كتبت بواسطة hossamkoshy

هو موضوع ممتاز
بس لية جوانب سلبية وانت زكرت بعضها.
ثانيا الدول الكبري واولهم امريكا مش ممكن هتفبل وضع زي دة
الاقتراح الاجمل يكون نسبه من التحصيلات بالجنية المصري ولتكن 10% مثلا ثم في خلال 5 سنوات تكون النسبة 15%
كدا هتحافظ علي قيمة الجنية المصري وتعلي قمتة .
و تعرف العالم ان ممكن ان النسبة هتزيد الي 50% في خلال30 سنة مثلا.
ودة هيكونلوا مرضوض اقتصادي سريع علي قيمة الجنية المصري او علي الاقل هتحافظ علي قيمتة في الاسواق العالمية
وطبعا دة رأى شخصي و احب اسمع كلام خبراء الاقتصاد

انا مع الراي دا

**power** · 25-02-2011 04:21 PM

مينفعش في ظل الفرق الكبير في ميزان المدفوعات (الصادرات بالمقارنه بالواردات) لان انت كده كده بتحتاج الدولار اكتر وده طبعا حياثر علي احتياتات النقد الاجنبي