الموضوع: متظاهرو التحرير يحددون مطالبهم فى بيان اليوم لانهاء الاعتصام بالميدان

المشاركة الأصلية كتبت بواسطة cheetos_892005

عدد سكان الكام دول تقريبا قد سكان شبرا ....

ويمك مش كلهم كمان ...

كمان ده بني ادم مصري

يا أستاذ شيتوس عددهم قليل يفرق فى ايه ؟ ماهوا انت عددك كبير جيشك كبير وتسليحه كبير يا راجل ده طلع الجيش والامن المركزى والشرطة وامن الدولة والشرطة السرية عندنا اكتر من مليون ونصف؟

كمان تقصد ايه بكلمة بنى ادم مصرى ؟ صدقنى والله مش فاهم؟ يعنى المصرى بنى ادم و البحرينى والليبى والايرانى واليمنى مش بنى ادم؟

المشاركة الأصلية كتبت بواسطة wael17

...يبقي ليه ندور علي مطالب تقسمنا بدل ما تجمعنا؟

علشان فيه ناس كل شغلتها الابقاء على حالة عدم الاستقرار فى مصر.
وربنا يرد كيدهم فى نحورهم

(( طيب احنا متفقين ان الثوار كانوا بالملايين وفي كل انحاء الجمهورية للمطالبة بمطالب الثورة ايا كانت وقتها لانها ليست ما يقال الان
بافتراض ان تولي مجلس رئاسي بدل المجلس العسكري هو مطلب المجتمع والثوار كما
كان الحال من قبل يا ريت نشوف مليونية جديدة تطالب بذلك
وصدقني لو لم يشارك فيها الاخوان لن تكون مئوية حتي - 100 الف ))
حضرتك برده تناسيت يومى الجمعة قبل و بعد و فى نفس الوقت اى طلبات مش قراءن و قابلة للتفاوض
(( ان شاء الله تنجح ولسة باقي حبات السبحة في الطريق لكن بالدور علشان كل واحد ياخد حقه في الدعاية والتركيز معاه ))
من الواضح ان فكرة نظرية المؤامرة موجودة عند حضرتك بس مش ملاحظ حضرتك ان حكام الدول بيكرروا نفس الاخطاء و مابيتعلموش
(( وليبيا الاقل من 5 مليون زي ما حضرتك قلت قتل منها حتي الان في التقديرات المعقولة الفين والعدد سيزيد كثيرا فيم عركة طرابلس لو قارنا بمصر وعدد السكان 80 مليون يبقي كان استشهد حوالي 32 الف تقريبا لو لم يكن هناك شئ عظيم اسمه الجيش المصري الذي يقول البعض الان نحن الذين وضعنها ويمكنا عزله ووضع مجلس رئاسي مكانه ويتنمر البعض عليه لاسباب غير مفهومة وغير مقبولة ))
كل الشعب يقدر للجيش المصرى دوره فى المحافظة على الوطن و عدم اسالة الدماء و لكن لابد ان نعترف بحقيقة انه لولا ثورة الشعب ما كان الرئيس السابق قد رحل و ما كان الجيش يتولى الحكم الان و ما يقترحه المتظاهرين هو مساعدة الجيش لانك كما تعلم ان الجيش ليس له اى قدرات سياسية او اقتصادية
(( ثورة يوليو نحت الملك فاروق وتولي العرش ابنه الامير احمد فؤاد تحت الوصاية ولم ينهي الحكم الملكي الا بعدها بسنة ولم تلغ الاحزاب الا بعدها ب4 سنوات ولم تبدا التغيير الاجتماعي والاقتصادي الا بعدها بسنوات
ولم يقولوا للشئكن فيكون كما يريد بعض المتحدثين باسم ثوار 2011 ))
يا استاذى اى احزاب وقد كان الجيش يحكم و اى ملكية التى كانت تحت الوصاية ده حتى الاخوان عبد الناصر لبسهم موضوع المنشية بعد الثورة بسنة علشان يبعدهم عن الحياة السياسية تماما
يا استاذى الا ترى معى ان الثورات الحقيقية قد خلقت دول اقوى لان النظم التالية تتجنب اخطاء سابقيها و لك مثال فى فرنسا و روسيا و ان شاء الله ليبيا
(( هات لي ايكلمة من اي مصدر اعلامي من 25 الى 28 يناير يقول ان الثوار يطالبون بتشكيل مجلس رئاسي ومتقوليش البرادعي لان البرادعي علاقته بالثورة كانت يوم 28 في صلاة الجمعة نص ساعة في الجيزة وهرب واشاع انه اتقبض عليه ))
مازلت حضرتك مصمم فى اختزال الثورة فى الاربعة ايام دول فقط و هذا غير صحيح فهذه الايام كانت الفتيل الحقيقى لباقى الثورة و قد اكتشف الشعب انه قوى و من حقه ان يسعى الى تحقيق احلامه الدفينة و ارجوك بصراحة يا دكتور قبل قيام الثورة و فى الجلسات العائلية و مع الاصدقاء الم تسمع الكثير من الناس التى تتحدث عن فساد مبارك و عائلته و تنتظر اليوم الذى يرحلون فيه
يا دكتور الطبيعى ان الثوار يبحثوا كل مرحلة و اهدافها و كيفية التعاطى معها لان مفيش حاجة محفوظة و لا منزلة و ده فى حد ذاته ايجابى انك تتطور فكرك مع المواقف
على فكرة كنت جبت لحضرتك فيديو يطالب برحيل مبارك منذ 25 يناير فاكره يا دكتور
(( لان عمل دستور جديد يستغرق ما لا يقل عن 4 شهور ويفتح الباب لمواد لا نريد الدخول في جدل حولها الان يكفينا انقسامات ))
يا دكتور مصر مليئة بخبراء القانون الدستورى الذين فى مقدورهم وضع دستور جديد فى اقل من نصف المدة المذكورة و صدقنى يا دكتور انك تبنى جديد اسهل من انك تدور على عيوب القديم و تقعد تصلح فيها
و برده حضرتك مارديتش على سؤالى كده كده هنغير لماذا الانتظار و تضييع الوقت و انتظار ان الرئيس القادم يتنازل عن سلطاته طواعية هو اللى هيحكم هيكون ملاك و يسيب صلاحياته بسهولة و ما الضامن الا تكون التعديلات فى عهد الرئيس القادم ليست سيئة كما فى التعديلات السابقة
(( ولا فهم لماذا الاصرار على عزل شفيق ونقلل الحكومات اللى اتغيرت الا لو حضرتك شايف ان تغيير شفيق لا يعتبر تغيير للحكومة
وبعدين ما فيه تغيير لبعض المحافظين وووووووو
وغالبا عند الانتخابات ستعزل الحكومة كلها ويتم تشكيل حكومة استثنائية يتولاها الجيش فقط حتي لا يقال ان هناك انحياز وتكون مهمتها الانتخابات فقط ))
طب ما الجيش هيغير حكومة شفيق ايه الهدف من بقائها و تغيير الوزراء وزير وزير و اسباب رفض شفيق قولتها قبل كده لو حضرتك تتذكرها
(( اسئل حد يكون درس قانون وهو يعرفك الفرق يبن صدور قرار بالحبس15 يوم في هذه القضية من عدم صدوره - علي فكرة هو حبس مش سجن- ))
يا دكتور اخويا محامى و قرات و اتاكدت منه وردى على حضرتك ان الهدف القانونى والقصد الجنائى من الحبس الاحتياطى هو التحفظ على المتهم لمنع هروبه بما ان العادلى محبوس احتياطي فعلا فمفيش ضرورة لكده و راجع حضرتك معلوماتك.