الموضوع: كنت.. مهدد بالقتل........تجربه شخصيه ومنظور أخر للوضع الحالى..

هى خربيت
واللى بيعمل حاجة مش هيبطلها بسهولة
ربنا يهدى الجميع

المضحك فية شارع فى مدينة نصر السكان نزلو ب الليل و قفلو الشارع ببندورات رصيف فى تقاطع شارعين أمام منازلهم علشان التكدس المرورى و عربياتهم بتتخبط و الشارع عمومى مش شارع جانبى يعنى الفوضى وصلت لان الناس بقت بتعمل تخطيط عمرانى و تخطيط للطرق على هواها كمان

معلش انا هنتقد حضرتك
الاول اتريقت على المتظاهرين ال بينزلو كل جمعة عشان حقنا
وفي نفس الوقت مدايق من الروتين
انت عارف البيه بتاع المديرية منزلش حد معاك ليه
عشان ال بيه ال اكبر منه قالو سيبهم كدا عشان يبطلو مظاهرات
دي ملهاش حل غير ان قيادات الداخليه تتغير
و طبعا تصرف الجيش كان غلط و سلبي بس ممكن نراعي كمية الشكاوي ال بتوصله و في منها ناس خايفة بس ف بتقولهم هاتولنا دبابة

هو حضرتك انا مع ان الناس اللى بتتظاهر فى التحرير دية تصبر اسبوع متروحش وتسيب الناس دية تشتغل
الحكومة هتتغير بعد استفتاءات الدستور عشان الحكومة الجديدة هى اللى هتعمل انتخابات
ثانيا حقى وحقك مش هنخدهم فجاءة تلاقى حقك كامل
من حق الاستاذ اشرف ان بتوع الجيش والشرطة كانوا يبعتوا معاهم قوة للمكان بس لان الناس دية كان كل حاجتهم بتخلص بسبب نفوذهم
مش بيهتموا قوى بالناس العادية لان مش حاسس بالمعاناة ناس زى دية مش فجاة هتتغير لاة ابدا الا لما يبقى فى استقرار ولما تروح لواحد زى دة وميتحركش تطلع على الوزارة
لكن فى ظل التوترات اللى احنا فيها بدل ما الناس كلهم تتظاهر دلوقتى يوجهوا جزء منهم يروحوا يحموا مخازن الاثار اللى كل يوم بتتسرق
الفكرة اننا ندنا فايقين مش ننام ومش ندننا ثائرين وهايجين على طول

مؤامرة من الشرطة على الشعب... شعارها "خلوا الجيش ينفعكو"

المشاركة الأصلية كتبت بواسطة أشرف فتحى

ومن ساعتها يوم دول ييجوا يضربوا نار ويكسروا ويخربوا بيدوروا على دول ويوم تانى دول يجيبوا السلاح ويقفوا فوق الاسطح ويضربوا نار متحديين التانيين انهم يجولهم والحصيله رعب ووقف حال وقله قيمه....

وافتكرت جمله جارى قلها للظابط....هو احنا ليه ما نمنعش الحاجه فى أولها ولا لازم نيجى وحد فينا مقتول عشان تتحركوا...

فعلا لو الناس دى كانت لقت حد جه معانا كانوا فكروا الف مره قبل ما يطلعوا سلاح ويضربوه ولو ضربو يبقى فى الهوا مش فى صدور ناس تانيه...

وأبشركم بقى..

الجيش لما رحنالهم تانى وقلنالهم على الالى اللى واقفين بيه فوق الاسطح والناس اللى ماتوا على يد ناس جينا اشتكينا ان معاهم سلاح ومحدش عبرنا ..اتكسفوا وبعتوا لنا دبابه تقف فى المنطقه....لكن بعد خراب مالطه..

الدور اللى فوقيا اتبنى....واربعه ماتوا

وناس مطاردين...

وعربيات اتكسرت

وعربيات اتحرقت

واعصاب باظت وناس سابت بيوتها وعايشه عند اهاليهم لغايه ما ربنا يعدلها....

أيه رايكم بقى؟

مصر اتغيرت ولا ما اتغيرتش؟

طبعا مصر اتغير - ببساطه كده
احنا كنا مسروقين طول عمرنا ... و الحقائق بتنكشف كل ساعه بشكل يفوق توقعاتنا كلنا
انا كنت عارف ان معظم المسؤلين بيسرقو بالملايين ... فوجئت بعد الثوره انهم بيسرقو بالمليارات .... هو على فكره المليار ده فيه كام صفر
و السرقه دى بتأثر على البلد كلها ... يعنى بدل ما انتا بتاخد مرتب 4 الاف جنيه و مش مكفيين نتيجه للسرقه
فى حين انه لو ماكنشى الفساد منتشر كده كنت حتاخد 3 الاف و تعيشك ملك
زيك زى اى بلد عربيه او اجنبيه مثلا
و السرقه بقيت عيني عينك و احمد عز يطلع يقولك سيبهم يتسلو
طيب عاوزين نغير نعمل ايه .......... كافة الطرق المشروعه استنفذت و نظريه 99.9% زهقنا منها
فى الاخر قولنا نعمل مظاهرات سلميه زى اى بلد متحضره ...... لغايه كده احنا غلطنا فى حاجه ؟؟؟
الامن طبعا تعامل بقسوه معانا ... حنعمل ايه نرجع و نفضل فى القرف اللى احنا فيه
لا استمرينا و الامن جاب اخره ..بالفعل لو دول كانو بيحاربو يهود ماكنشوش حيعملو كده
علشان يربينا فالامن انسحب و فتح علينا السجون .....يبقى مين اللى غلطان دلوقتى
و خلاص الامن قالك حننزل ...لقيناهم نزلو باعداد قليله اوى و بشكل رمزى لكن زى قلتهم ..... تبقى غلطه الثوار برضه
وخلاص مبارك اتنحى و الناس احتفلت فى الشوارع (لاول مره الناس تحتفل فى الشوارع لسبب تانى غير الكوره ) و قولنا ان الموضوع انتهى .... و رغم ذلك الشرطه مش راضيه تنزل بكامل قوتها و مستمره فى سياسة ( و انا مالى - علشان تعرفو قيمتى يا غجر )
و اللى حصلك ده بتأثير السياسه دى ... تبقى غلطة مين ؟؟؟ غلطه الناس اللى نزلو علشان يجيبو حقى و حقك و لا غلطه الفرعون اللى بيعاقب الشعب كله علشان طالب بحق طبيعي و مشروع .. طالب بتغيير اللى بيحكمه فيها ايه دى , طالب بتغيير النظام الحاكم
لو الامن تخلى عن العند اللى فيه ده و قام بدوره مظبوط الدنيا حتتظبط