كنت.. مهدد بالقتل........تجربه شخصيه ومنظور أخر للوضع الحالى..

**Ahmed Anwer** · 02-03-2011 08:22 PM

أ / اشرف ،،، قلبي معاك و ربنا يقويك و يعوضك عن كل ما اصبت به ،،

خلاصة الموضوع ،،،

شفيق فاشل !!!!

قال أولوياتي الأمن و أديي النتيجة

**heshamzaky** · 02-03-2011 08:25 PM

المشاركة الأصلية كتبت بواسطة cdkareem

الغريبة الناس المعترضة على اللى حصل فى البلد وخايفين من الفقر والجوع كاتبين فى توقعهم آية دينية ، هو انتم ليه خايفين من الفقر والجوع ليه خايفين من بكرة ، هو مش فيه ربنا وفيه قول الرسول صلى الله عليه وسلم : " لو أنكم تتوكلون على الله حق توكله لرزقكم كما يرزق الطير يغدو خماصا وتعودوا بطانا ؟؟؟

لو حا أقولك رأيى . أعقلها و توكل أنزل أشتغل و أسعى يا عبد و أنا اسعى معاك . لكن مفيش حاجة حا تجيلى و أنا قاعد من غير أى عمل و جد

**heshamzaky** · 02-03-2011 08:35 PM

المشاركة الأصلية كتبت بواسطة A.Saad

+++++++++++11111111111111
بس المهم الحرية
تعيش فقير
المهم الحرية
ابنك يموت
المهم الحرية
مفيش مدارس
المهم الحرية
فيه حاجات اسمها الحاجات الانسانية
اولها الاكل
الحرية فى اخرهم
بس الهرم فى مصر مقلوب
والبلد اللى فيها هرم مقلوب
عمرها ما هتتعدل

+++++ 111111111111 متفق معاك تماما

**mohamedfadel** · 02-03-2011 08:49 PM

لا حول و لا قوة الا بالله و الله المستعان

**Mo.Kareem** · 02-03-2011 09:07 PM

المشاركة الأصلية كتبت بواسطة heshamzaky

لو حا أقولك رأيى . أعقلها و توكل أنزل أشتغل و أسعى يا عبد و أنا اسعى معاك . لكن مفيش حاجة حا تجيلى و أنا قاعد من غير أى عمل و جد

يا استاذ هشام تحياتى لحضرتك
انا مقولتش ان حد يقعد فى البيت ويستنى الرزق ، والحديث اللى انا حطه بيقول ان الطيور بتروح وتيجى مش بتفضل وقفه على الشجرة مستخبية من الشمس ومستني رزقها
لكن اقصد ان بلاش خوفنا على الرزق يكون اقوى من حبنا لبلدنا وانا مؤمن ان السبب فى كل الرعب اللى الناس عيشه فيه ده مش من شباب التحرير ده من عجز الحكومة والمجلس العسكرى على اجبار رجال الشرطة تنزل الشارع وتشوف شغلها واعتقد ان ده اهم مطلب دلوقت

**A.Saad** · 02-03-2011 09:15 PM

المشاركة الأصلية كتبت بواسطة cdkareem

الغريبة الناس المعترضة على اللى حصل فى البلد وخايفين من الفقر والجوع كاتبين فى توقعهم آية دينية ، هو انتم ليه خايفين من الفقر والجوع ليه خايفين من بكرة ، هو مش فيه ربنا وفيه قول الرسول صلى الله عليه وسلم : " لو أنكم تتوكلون على الله حق توكله لرزقكم كما يرزق الطير يغدو خماصا وتعودوا بطانا ؟؟؟
استاذ اشرف حضرتك بتلوم على مين الشعب ولا الشرطة ؟
حضرتك ممكن تقولى ليه لحد دلوقت وزارة الداخلية مش عايزة تشتغل ؟؟
وليه أحمد شفيق ( وعلى فكرة انا بحترمة جداا ) مش قادر على الوزراة ومش قادر انه يجبرهم ينزلوا الشارع ويحموا الناس ؟؟؟؟
يا جماعة والله المشكلة مشكلة وزارة مش مشكلة شارع

عايزحضرتك تعرف ليه الشرطة مش عايزة تشتغل
اقرا الخبر ده

أصيب نقيب شرطة بالإدارة العامة للمرور أثناء محاولته منع سائق سيارة نقل من صعود محور 26 يوليو وفقا لقوانين المرور.
كان الضابط النقيب محمد عويس إبراهيم والمعين بخدمة طريق محور 26 يوليو قد فوجىء بقيام سيارة نقل رقم (ر ج د 721) قيادة حمادة صبحى جاد الله (36 سنة) مقيم بعزبة النخل بالاتجاه إلى الصعود للمحور المحظور سير السيارات النقل عليه فقام الضابط بإيقاف قائد السيارة النقل وحاول إفهامه بأن سير السيارات النقل ممنوع على طريق المحور قانونا للحفاظ على أرواح وسلامة المواطنين إلا أنه رفض الانصياع الى كلامه وواصل سيره بالسيارة فتشبث الضابط بالسيارة أثناء سيرها لإرغامه على التوقف إلا أنه تابع السير.
قام قائدو السيارات والاهالى بالتعاطف مع الضباط وإلقاء القبض على السائق المتهم.
نتج عن الواقعة إصابة ضابط الشرطة بعدة

ظابط قام بعمله
حصل له كدة والمفروض ان السواق ده مواطن عادى مش مجرم
يبقى اى ظابط هيفكر
ينزل ليه

**heshamzaky** · 02-03-2011 09:28 PM

المشاركة الأصلية كتبت بواسطة cdkareem

يا استاذ هشام تحياتى لحضرتك
انا مقولتش ان حد يقعد فى البيت ويستنى الرزق ، والحديث اللى انا حطه بيقول ان الطيور بتروح وتيجى مش بتفضل وقفه على الشجرة مستخبية من الشمس ومستني رزقها
لكن اقصد ان بلاش خوفنا على الرزق يكون اقوى من حبنا لبلدنا وانا مؤمن ان السبب فى كل الرعب اللى الناس عيشه فيه ده مش من شباب التحرير ده من عجز الحكومة والمجلس العسكرى على اجبار رجال الشرطة تنزل الشارع وتشوف شغلها واعتقد ان ده اهم مطلب دلوقت

أزيك يا فندم . الله يكرمك كلام حلو و جميل جدا أكيد علشان الرزق يبقى لازم شغل و من غير شغل محدش أو أغلبيتنا مش أصحاب ملاين بالعكس كلة بيشتغل علشان معيشتة و الى جاى على قد الى رايح . محدش أبدا مش بيحب البلد بالعكس كلنا بنحبها و لكن أنا بقول تيجى لغاية حد معين من المطالب , أقف علشان ما حدش يعرف يلتف و يسرق كل حاجة و يبقى كأنك يا أبو زيد ما غزيت يعنى حققت مكسب ممتاز أقف و أحافظ على المكاسب الى كسبتها و بعد ما الامور تهدى أزود و أطهر و أحاسب كل فاسد . الجيش مش عاجز بس الناس هيا الى مش مساعداة يعنى أنا مع نزول الشرطة و لكن برضو عاوزها تنزل نيو لوك و شكل جديد و فكر جديد و معاملة جديدة و الى يغلط يتحاسب و تتقطع رقبتة لو ثبت أنة مدان بالقانون . بس هما مش عارفين ينزلو أو متقاعسين لسببين ممكن لو نزلو الناس البلطجية حا تقطعهم و الى كان فى الطبيعى ماشى جنب الحيط و الله لو لقى الشرطة بتتضرب حا يدخل و يجامل و يضرب و دة لآن رصيد الشرطة زى الزفت و مكروة من زمان بوجة عام بس فى نفس الوقت أنت عاوز تواجدهم و هما علشان ينزلو بيلعبو على وتر أديكو من غيرنا أتبهدلتو و لما ينزلو ينزلو بشروطهم و يتفردو تانى و دة طبعا غلط و غير مقبول ينزلو بس بأدب . و اكون اذكى منهم و ما أديلهومش الفرصة الى هما عاوزينها و هى أشاعة الفوضى علشان لما ينزلو يبقو نازلين بصورة الابطال لآ طبعا . ينزلو بأحترام بس الناس تبطل جو التوتر الى البلد فية و ساعتها حا يتكشفو و يبان عاوزين ينزلو و لا مش عاوزين و تقدر ترمى الكورة فى ملعبهم و تقول أهى الاوضاع استقرت اشتغلو و ورونا الهمة و طهرو البلد من البلطجية و الهاربين و حا يبان نيتهم ساعتها و الامور تتضح

**Mo.Kareem** · 02-03-2011 10:00 PM

المشاركة الأصلية كتبت بواسطة a.saad

عايزحضرتك تعرف ليه الشرطة مش عايزة تشتغل
اقرا الخبر ده

ظابط قام بعمله
حصل له كدة والمفروض ان السواق ده مواطن عادى مش مجرم
يبقى اى ظابط هيفكر
ينزل ليه

كويس اوى حضرتك مواطن واحد حاول يقتل ظابط او قتله فعلاً وباقى الخبر بيقول ايه حضرتك ( تعاطف المواطنين والاهالى ) يعنى واحد ضرب - واحد بس واخد بالك - وباقى الناس تعاطفوا مع الظباط ومسكوا الواحد ده يبقى الحجة فين بقى ؟؟