كنت.. مهدد بالقتل........تجربه شخصيه ومنظور أخر للوضع الحالى..

**ahmed_su** · 02-03-2011 12:43 PM

يا اشرف كان الله فى عونك

معك بكل قلبى وفعلا انت فى موقف لاتحسد عليه

ربنا يعدى الايام السودة دى على خير - ربنا يسلم وهو المستعان

**alaa74** · 02-03-2011 12:58 PM

أشرف باشا ..
إزيك وواحشنى كتير والحمد الله على سلامتك .

بتسأل وتقول هل مصر إتغيرت فعلا ولا لأ ؟

طيب قبل ما أجاوبك على السؤال دة هسأل سؤال
هي مصر دى مين ؟

مش أنا وانت وكل اعضاء المنتدى وجيرانا واقاربنا وزملاء العمل والمجتمع كله
يعنى الشعب بالكامل .
طيب ما كل واحد فينا يسأل نفسه السؤال دة

هل أنا فعلا إتغيرت بعد الثورة ؟
يعنى غيرت نفسى للأحسن
غيرت سلوكياتى للأفضل
تخلصت من عاداتى السلبيه
اتعلمت من أخطائى
احترمت الشارع
حافظت على خصوصيه جارى
حرصت على تعليم اولادى الايجابيه والمسئوليه
جعلت الشرع وما أمرنا به الله عز وجل هو منهجى
جعلت القانون هو الدستور الخاص بى بحيث انى مش منتظر عسكرى او امين شرطه او حتى ضابط يكون واقف فى الشارع علشان اربط الحزام او اتكلم فى سماعه الموبايل وانا سايق او استخدم الاشارات وانا ماشى او اتجنب الوقوف فى الممنوع او احافظ على السرعه القانونيه حرصا على حياتى وفى عدم وجود ردارات او مخالفات .

هل عندى نيه صادقه لأصلح من نفسى وبيتى وزوجتى وأولادى
هل فعلا عندى يقين إن كل ما حدث ويحدث وسيحدث ليس لأحد أى فضل فيه إلا الله عز وجل .
يعنى لازم يكون عندى يقين إن كل شئ بيد الله عز وجل لكن !

لازم اجتهد
لازم اشتغل كويس
لازم اكون محترم
لازم اكون ايجابى
لازم اواجه الفساد
لازم اتصدى للروتين المتفشى فينا
لازم اصدق ان اللى جاى ممكن يكون احسن بس بينا وبمشاركتنا وبمجهودنا
لأنه مش هيجيلنا الصلاح والإصلاح مستورد من برة .

هنسى الإتكاليه والإنهزاميه
هنسى اللامبالاة
هنسى نغمه الإحباط
هنسى صفه اليأس

الموضوع محتاج وقت كبير وجهد مضاعف وصبر لكن
صبر فى وجود نتائج يمكن هتكون مش سريعه لكنها فى الاخر نتيجه
قبل الثورة كنا صابرين مرغمين على الوضع اللى كنا فيه وبدون أى بارقه أمل
أو حتى تخيل لأى نتيجه للصبر دة .

فمن باب أول بعد الثورة نصبر نفس الصبر لكن الفرق الجوهرى إنه بإذن الله
هيكون فى نتائج وتغير للأفضل .

فليثق كل واحد منا فى الله عز وجل وفى قدرته على تغيرنا وتغير كل حياتنا
للأفضل إن شاء الله
ولنتذكر قوله الله تعالى

"إن الله لا يغير ما بقوم حتى يغيروا ما بأنفسهم"

تقبل تحياتى وخالص دعواتى لبلدنا بالعزة والكرامه ولكل شعبنا بالأمن والإيمان ....

**tamer_a7** · 02-03-2011 01:08 PM

المشاركة الأصلية كتبت بواسطة greenday

ليه التشاؤم ده حضرتك مستحيل مصر تتغير بين يوم وليلة اللى حصل فى مصر السنين اللى فاتت بسبب انتشار الفساد والوسايط والرشاوى والأنانية المطلقة عمره ما هيتغير بسهولة الموضوع هيحتاج سنين عشان نحس بالتغير لكن باذن الله مصر هتبقى افضل بكتير حتى لو الجيل بتاعنا محسش بالتغير الفورى إن شاء الله ولادنا هيحسوا بيه ويعيشوا فيه اتمنى ده

بس المهم اننا نلاقي فلوس ناكل ولادنا ونعلمهم كويس علشان علي اللي احنا ماشيين فيه اساسا مش هيبقي فيه فلوس ناكلهم

**fepsceasar** · 02-03-2011 01:14 PM

ربنا يصبرك ويصبرنا يا باشا
انت عارف اللى بيطهر جرح ده بيبقى مؤلم جدا لكن ما ينفعش تقفل عليه من غير ما ينضف
فى بداية حديثك، حسيت ان احنا لازم نفكر فى حاكية المظاهرات بتاعت يوم الجمعة دة ونسيب الدنيا تمشى
بس بعد اما فكرت شوية لاقيت اننا هنقفل على قيح وصديد وثقافة انتهازية معفنة
ايه رايك نسيبها على كده ولا لا
بصراحة بعد ما قريت كلامك واستوعبته عرفت ان الناس اللى بتطالب بتغيير شامل دى عندها حق والموضوع ما خلصش على كده

**tito17182** · 02-03-2011 01:17 PM

المشاركة الأصلية كتبت بواسطة mohamed_hegazy

لك الله بس دى سقافه شعب مبنيه بالطريقه دى من 50 سنه واللى هتعمله الثورة بتغير العقد الاجتماعى علشان الناس تعيش على نظافة - نتيجة التغيير امته - لسة بدرى اوى - بس هى دى البدايه - وعموما فى فترة انعدام الامن دى الجهل هو المتحكم فى الوضع وانتم عارفين نسبه الجهل فى الشعب المصرى كام فى المائه حوالى 60 % وايضا دول نتيجة ال 50 سنه الفاسدين السابقين

+1111111111111
احلا كلام والله
إلى صاحب الموضوع ربنا معك يا باشا إن شاء الله وكلنا مقدرين إلي حضرتك فيه
بس إلي إنت بتحكي ملوش دعوة بالتحرير دة هو دة إلي علشنو الناس عملت الثورة

**MRBEBO** · 02-03-2011 01:31 PM

ايه ده كله بجد الوضع كده رايح في سكة زي الزفت

طب ازاي وزير الداخلية بيقول كلام وعلى ارض الواقع كلام تاني

وازاي الجيش مهتمش من اول شكوى وامل المصريين كلهم في الجيش وجديته ونزاهته

استاذ اشرف انا مش عارف اقول ايه وازاي استحملت الضغوط دي كلها

بس كويس انك محتكتش بالناس البلطجية دول والا محدش كان هيعرف النتيجة ايه

الحمد لله انها عدت على خير .... حاول تروح تغير جو انت واسرتك من جو الاكشن ده

وربنا يستر على البلد الظاهر اننا في وقت كل واحد يحمي نفسه .... ولا عجب من اني سمعت ان الناس طوابير على محلات بيع السلاح

**kh_talaat** · 02-03-2011 02:30 PM

الف سلامة عليك يا اشرف بك ....

لكن عايز اقولك اني عانيت من تجربة مشابهه لتجربتك من حوالي 5 او 6 سنين يعني في عز وجود الشرطة والحي والمحافظ وكل الجهات المختصه

طبعا قصتي مفيهاش لا ضرب نار والكلام اللي حصلك لكن كانت قائمة على الكر والفر والرشاوي لحد ما صاحب البيت اتم بناء دورين بالمخالف وسكنوا ودخلهم المياة والكهرباء !!!

وبالنسبة للظروف الحالية للبلد فحكومة شفيق ووزير الداخلية واضح جدا اسلوب تعاملهم وحاولتهم لإرهاب الشعب من خلال الأنعدام الأمنى في الشوارع والتباطوء في حماية المواطنين

وطبعا دة مش غريب على ناس اتعينت واشتغلت في العهد المباركي الفاسد

**W77** · 02-03-2011 02:30 PM

استاذ اشرف
حضرتك ساكن فين بالضبط علشان انا سمعت حجات زى دى قريبة من سكنى

-

الموضوع: كنت.. مهدد بالقتل........تجربه شخصيه ومنظور أخر للوضع الحالى..

LinkBack

أدوات الموضوع

عرض

-

-

-

-

-

-

المواضيع المتشابهه

تجربه شخصيه مع سي دي اللوجان

كيا سيراتو الجديده ( تجربه شخصيه )

زيارتى لتوكيل جيلى .... تجربه شخصيه

جيلى mk2 و الـ ck 2 الـ2008 تجربه شخصيه محدوده

الكلمات الدلالية لهذا الموضوع

المفضلات

المفضلات

ضوابط المشاركة