حاجات كنا بنسمعها او نفهمها غلط

**TaoTao** · 29-04-2008 11:33 PM

المشاركة الأصلية كتبت بواسطة OlaOsman

مقدمة مسلسل ألف ليلة و ليلة بتاع حسين فهمي و نجلاء فتحي.. احكي يا شهرزاد احكي لشهريار إشغلي له ليله لطلوع النهار.. حيري له باله و غيري له و خللي عقله دايما في حالة انبهار.

واحدة صحبتي كانت بتسمعها و خللي عقله دايما في حلة بهار :D

هاهاهاااااااااااااااااااا ااااا
هاهاهاهاهاااااااااااااااا ااااااااااااااااااااااااا ع
عشان يبقى مخ محبش بالبهار الهندي المعتبر
بس ده شهريار يعني أكيد كان قصدها "خلي عقله دايما في حلة بخار" حاجة كدة بريستو معتبرة تليق بعقل شهريار :D:D
بجد جامدة جدا جدا جدا

**OlaOsman** · 09-05-2008 10:39 AM

أغنية فايزة احمد بتاعة طول ما انت في العالي.. بتقول في كوبليه فيها:
يا ابو صوت ملالي فوق.. احنا قتلنا الشوق

انا كنت بافهمها اننا احنا يعني اللي قتلنا الشوق يعني الفاعل هو احنا.. بس هي معناها الحقيقي هو ان الشوق هو اللي قتلنا

لازم يعني يتفزلكوا في تأليف الأغاني كده؟ :o

**aif** · 09-05-2008 11:43 AM

المشاركة الأصلية كتبت بواسطة OlaOsman

انا كنت بافهمها اننا احنا يعني اللي قتلنا الشوق يعني الفاعل هو احنا..

أيتها القاتلة

**Ahmad Allawy** · 27-05-2008 08:55 AM

المشاركة الأصلية كتبت بواسطة OlaOsman

تتر نهاية مسلسل سارة:

و بنحبك يا دنيا بجد و مهما تعملي فينا
"بنسحب" شوق يفوق الحد و نحضن بكرة بإيدينا
قوم اييييييييه.. بنسحب شوق دي طلعت بنصحى بشوق

ايه الحول السمعي اللي الواحد فيه ده؟

علي فكرة.. هو رد بعيد شوية عن الموضوع..
انت يعليكي شوية صور بتحطيها في التوقيع في منتهي القوة..
صور جامدة جدا.. :)

**Engesso** · 27-05-2008 05:59 PM

الأخ اللي كان بيسأل عن كمال عارف، أعتقد ان المقصود كما العارف
(يعني زي العارف)

**OlaOsman** · 05-06-2008 07:40 AM

النهاردة و انا رايحة الشغل معدي من جنبي تاكسي مشغل أغنية يا صباح الخير ياللي معانا.. الحتة اللي بتقول فيها البدرية ساعة هنية فرحة طول عمره ما ينساها.. انا كنت باسمعها فرحةٌ عمره ما ينساها (فرحةٌ بالتنوين و الضم - اللي هي يعني فرحتون) و كنت باسأل نفسي هي ليه قلبت فجأة عربية فصحة كده في وسط الأغنية

أتاريني انا اللي كنت باسمعها غلط :)

**Chicco** · 09-06-2008 10:07 PM

بمناسبة بطولة الأمم الأوروبية.... و أنا صغير كنت فاكر لما حد يقول الماتش متذاع بالاقمار الصناعية إن الكاميرات محطوطة فوق القمر الصناعي في الفضاء الخارجي بعيييد و عشان كده الصورة بتبقى مش واضحة ساعات ....

فين في بطولة كاس العالم ١٩٨٢ و أنا عندي ١٠ سنين لما وقعت في الكلام و أهلي شرحولي الحقيقة