حاجات كنا بنسمعها او نفهمها غلط

**aif** · 19-04-2008 01:23 PM

المشاركة الأصلية كتبت بواسطة OlaOsman

كنشميسب حخثغحصقااب ضعثصقشنىب مكنسيتبشنتيب خدني على النواصي :p

هأوأوأوأوأو
بالظبط زي مانتي كاتبة كدة يا علا ... ايه ده ... ده انتي تنفعي مؤلفة اغاني ;)
هو بيقول :
فين العم الواصي .. فين الخال الواصي
رمشه عدى مزعلي توبي .. وفاتني علي النواصي

بصراحة هي اغنية غريبة شوية لكن تحححححححفة
.... ....
لكن ايه اللي انتي كاتباه ده .... اتحداكي لو عرفتي تقرأيه

ده عامل زي تعليم الآلة الكاتبة زمان كمنت شسيب ... كانو بيعلمونا كدة

**aif** · 19-04-2008 01:46 PM

المشاركة الأصلية كتبت بواسطة OlaOsman

يااااااااااااه.. هي طلعت فاتني على النواصي مش خدني على النواصي؟

هي دي بس اللي جلت مني.. ياخسارة.. معلش بأه تتعوض الأغنية الجاية :p

ههههههههههههههههههههه
يعني هي فاتني وخدني هي اللي فرقت يا علا

كلامك ده فكرني بواحد كان بيقول لزميله : تيجي نلعب شطلموحه في البلكونه
رد زميله بمنتهي البراءة : يعني ايه بلكونه

بس كلمات الاغنية مكلكعة اوي ... عاوزة مترجم ...زيي كدة.... إحم إحم..... قسم أغاني غامضة :D

**OlaOsman** · 20-04-2008 11:27 AM

المشاركة الأصلية كتبت بواسطة airbus320

اغنية عبدالحليم التوبة كنت بسمع عبدالحليم بيقول انا كل ما اقول التوبة يا بوى ترمنى المجاديف :d بدل ترمنى المقادير

و انا كمان :D

**hefnawy77** · 20-04-2008 12:07 PM

اغنية عبد الحليم حافظ:
" يا تبر سايل بين شطين يا حلو يا اسمر" انا شفت التصحيح هنا على فكرة..

كنت بسمعها كالاتى:
"يا وز عايم بين شطين يا حلو يا اسمر".

و كنت بقول لنفسى ...تيجى ازاى وز و اسمر ...شوف يا اخى الاخطاء اللى بيقع فيها المؤلفين..
الوز ابيض مش اسمر...

المفروض كان يقولها كالاتى:
"يا بط عايم بين شطين يا حلو يا اسمر"

على اساس ان فيه بط سودانى لونه اسمر...

الواحد كان بيفسر اى حاجة مش عارفها على مزاجه

**hefnawy77** · 20-04-2008 12:14 PM

اغبية تانية لعمرو دياب:
"نفس المكان اللى كان بيجمعنا سوا..هو مكان الوداع اللى ضاع فى الهوا"

كنت بقول غريبة ...هو مكان الوداع ده ضاع فى الهوا ازاى؟؟؟
هو فجر المكان قبل ما يروح علشان ميفكرهوش بالذكرى الحزينة للوداع؟؟!!

لحد ما واحد سميع كويس قالى:

"هو مكان الوداع اللى ضاع فيه الهوا"

الضياع عائد على الهوا او الحب اللى بينهم ساعة الوداع مش على المكان نفسه...

بصيت له باستغراب شديد...ايه يا بنى اللى بتقوله ده..بس لما دورتها فى دماغى ...قولتله تصدق ممكن صح تمشى كده..

**Ahmad Allawy** · 20-04-2008 03:06 PM

يا جماعه مش ممكن..
انا هانطرد من الشغل من كتر الضحك.الناس شايفاني باضحك بدون سبب...!!!
مش ممكن.. موضوع رهيب و ردود الناس فظيعة؟.؟
اكتر حاجات قتلتني من الضحك موضوع توربينه سبعاوي اللي في الحنطور دي..
و الوز العايم بين شطين.. وغيرهم.. بس فعلا.. المفروض اللي عمل الموضوع ده كان يحط تحذير..
تحذير: لا تقرأ هذا الموضوع الا في المنزل او في مكان تستطيع الضحك فيه علي راحتك..

**Goodle** · 20-04-2008 05:20 PM

طيب ممكن حد ينقذني ويقوللي كلام أغنية منير (المريلة الكحلي).. بيقول في الكوبليه الأخير

والجايزة فورية..... تلاجة... وهايستلمها الفائز في مظروف :D:D

راحوا الصبايا والصبايا جم
أجمل ما فيهم مين غير بنتي
وأجمل ما فيكي يا بنتي إن إنتي
في عينيكي ن ن ن ن ن حنان الأم

حد يقوللي إيه بقى الحتة دي :D:D

**OlaOsman** · 20-04-2008 08:06 PM

المشاركة الأصلية كتبت بواسطة Goodle

راحوا الصبايا والصبايا جم
أجمل ما فيهم مين غير بنتي
وأجمل ما فيكي يا بنتي إن إنتي
في عينيكي ن ن ن ن ن حنان الأم

حد يقوللي إيه بقى الحتة دي :D:D

في عينيكي نني في حنان الأم / فيه حنان الأم :)

الموضوع: حاجات كنا بنسمعها او نفهمها غلط

LinkBack

أدوات الموضوع

عرض

-

-

-

-

المواضيع المتشابهه

أحسن 5 حاجات و أسوا 5 حاجات في العربية

حكمة لو نفهمها ونعقلها كلنا هانرتاح

أيه حكايه المشاكل الكثيره اللى بنسمعها على الفتيس الاوتوماتيك 1600

ما معني اسماء الاضافات والكماليات اللي بنسمعها دي ....؟؟؟

الكلمات الدلالية لهذا الموضوع

المفضلات

المفضلات

ضوابط المشاركة