الموضوع: حاجات كنا بنسمعها او نفهمها غلط

اغنية اهلا بالعيد لصفاء أبو السعود

انا بقى بفصاحتى المعهودة و أنا طفل أكتشفت خطأ لغوى فظيع فى هذه الأغنية،
الأغنية بتقول سعد نبيها" بيخليها"
اكتشفت إن الفعل بيخليها ده يعود على "سعد" فقط، و كده نسيو نبيها، فطول عمرى مصر أن التصحيح لهذه الأغنية :

سعد نيها "بيخلوها"

المشاركة الأصلية كتبت بواسطة OlaOsman

اما عن أغنية نعنا الجنينة بتاعة منير فدي عبارة عن مجموعة من الألغاز

نعناع الجنينة المسجي في حيطانه.. شجر المصطلح ضلل على عيدانه

و في كوبليه آخر:

مش عارفة ايه كده الباقي وقعوا صاجات..

التصحيح: شجر المصطلح طلعت شجر الموز طرح

الباقي وقعوا صاجات طلعت الباقي وقعوا سكارى

اما باقي الأغنية ففي حاجات باشبه عليها و حاجات مجرد همهمات غير مفهومة :D

بالنسبة لنفس الأغنية، كان فى موال فى الأول بيقول:
جالتلى بريدك يا ولد عمى، تع دوج العسل السايل على فمى
انا كنت بسمعها:
جالتلى بريدك يا ولد عمى، بعجوج العسل السايل على فمى
و طول عمرى بسأل نفسى ايه بعجوج العسل ده، هل هو حاجة بيشيلو فيها العسل زى البلاص، ولا ايه بالضبط.

المشاركة الأصلية كتبت بواسطة MTAK

انا هاخدكوا لورا شوية
اغنية لعبد الحليم باسمعها طول عمرى و لم يصحح معناها الا من المودام لما سمعتنى بادندن بيها مرة مع نفسى و هووووووووووب لقيتها عماله تضحك عليا و صححتلى الكلام.
الاغنية كانت

يا تبر سايل بين شطين يا حلو يا اسمر

السميع التقيل بتاع عبد الحليم كان بيسمعها

اجيب رسايل بين ظرفين يا حلو يا اسمر

بمناسبة عبد الحليم
اغنية حبيبها فيها حتة بتقول:
شك ضباب حطام
فى واحد اعرفه كان بيسمعها:
شك ضباب حصان

المشاركة الأصلية كتبت بواسطة ams

فى اغنية شد الحزام على وسطك لسيد درويش ايه اللى بعد
"واللى فى القسمه شيلناه واللى ما يجيش ان شا الله ما جاه
.................................................. ..........."

وفى اغانى فيروز
يعنى ايع كميون ؟
"نسم علينا الهوي" "يا هوى ياهوى ياللى طاير فى الهوى فى منتوره طاقه و صوره خدنى لعندن يا هوى " صحح ماتحته خط

اللى يعرف يجيبلى كلمات لاغانى الشاب خالد يجيب و اكون شاكر ليه جدا (العربى مش الفرنساوى)

اغنية مخسوبكم داس (ايمان البحر)اللى يعرف يقول
"مخسوبكم داس صبح مختاس كفرت و...... يا ناس مفيس فلوس بقيت منخوس خلصت خلاص نشتغلو فى ايه يا فندى يا بيه مدام البخت موريه مفييس تهييص مفيس جميص(قميص) فنيتو خلاص فين نروحو .......دنيا لسه تربتيت ايام الهيصه فنيتو خلاص مخسوبكم داس صبح مختاس كفرت يا ناس

بوكر مفيس يا ابو درويس قهاوى رقص مفيس ازاى يا فندى ابن الكيف يقدر يعيس بوكر مفيس يا ابو درويس قهاوى رقص مفيس مدام مفيس بدل ي........ نبيع ورنيس توخنا نروح لمين دوخنا يا مسلمين نبكى لمين ولمين ااه (حنتيس منتيس ) يا ابو الريس ان سا الله تعيش
سبت الخماره سكنت فى خاره مفيس ولا واحد باره علسان نروح كلنا ........و نيجى....... ...... ...... ....... ........ ...... ....... سمك بكالا ايه دى امان امن فين المصرو بتاع زمان ايه دى امان امن فين المصرو بتاع زمان و ......... ..... ....... ......... دىىىىىىىىىى و الله يا خرلامبو كانت ايام برجليكى "

عبد الحليم حافظ
"قدر احمق الخطا سحقت هامتى خطاه" الله هو الذى يقدر الاقدار فوصف القدر بالانسان الذى الذى تغلب الحماقه عليه يعد خطا (استعاره مكنيه -:Dحصة بلاغة ربنا يمسيك بالخير يا استاذ احمد شلبى )
"على حزب وداد جلبى " من اكتر الاغانى اللى بحبها ليه
اولا هى "حسب" ولا "حزب"
ثانيا بيقول " لا هسلم بالمكتوب و لا هارضى ابت مغلوب" اعتقد ان الكلام ده حرام ؟؟


"عالروزنا عالروزنا كل الهنا فيها و إش عملت الروزنا الله يجازيها" لصباح فخرى هى ايه الروزنا دى بالظبط ؟


هى و فى وسط السير عدى
يمكن السير اتقطع يا اخى وهو بيمر من وسطه :D

انا كمان كنت بسمعها زى صاحبك و أول مرة اعرف إنى كنت غلط

المشاركة الأصلية كتبت بواسطة د.أحمد سمير

أيوة هو الكوبلية التاني ... يا ريت حد يفيدنا فيه يا خوانا أصله هرش دماغي فترة طويلة

و ان كنتي بتحبيه .. من ايه اغير و ليه
متشوفي كام سنة وياكي عشت انا
اكتر ما خدت انا راح ياخد هو ايه