+ 1
صح احنا بنكلم علي موتور الإلنترا القديمة مش الجديدة
موضوع العمر الي بيقصر دية قالهالي واحد مهندس مواتير بيقولي علشان الاحتراق بتاع الغاز غير احتراق البنزين
و عموما الحاجة لما كون كتير مش وحشة تطمن و خصوصا اني عارف اني شاري عربية شعبية مش القصد منها فخامة و منظر و الكلام دا و دا يدل علي انها عربية حمالة قسية و بعدين دا رد مباشر للجماعة الي بيقارنوها باللانوس اللانوس ما اتعاملتتش تاكسيات بالمنظر دا و اكيد الناس الي عملتها تكاسي مش هبلة
لاني لقيت ناس في مواضيع تانية هنا في المنتدي مبهدلين بعض خالص:d
واحد يقول الفيرنا احسن من اللانوس و التاني يرد علية
حتلاقيها في مية موضوع هنا
نظام الحقن
مش عارف و ما افهمش قوي فية تجنبا للفته انا باتكلم علي العربيات الي بتتعمل غاز عموما
سوال لمالكى الفيرنا
مع ابن عمى فيرنا ومستلمها الفانوس الشمال فىة فارغ من ناحية الشبكة بتاعت العربية والفانوس اليمين مظبوط هل كلوا كدة
اكيد لأ
يروح يخليهم يظبطهوله
أيه هو الفرق بين الفيرنا الهندى وفيرنا غبور
الفيرنا المصري 1600 سي سي الفيفا 1500
ده الفرق الاساسي و هتلاقي مقارنات بينهم بالتفصيل في المنتدي هنا احث عنهم هتلاقيهم
الفيفا تقفيل افضل
المصري تصميم احدث و قطع غيار ارخص و اسهل في اعادة البيع و قيادة افضل و اكثر انتشارا
نسيت يامحمدالمصري موتورها افضل
من الاخر من ناحيه الاداء المصري افضل
شياكه و تقفيل ( من جوه ) الفيفا احسن
اما من بره فانت وذوقك
مبروك علي التثبيت يا رجالة الفيرنا
و اسف انها متأخرة عشان مشغول موت
و ربنا معاكم
الله يبارك فيك
و متنشغلش علينا كتير
و بعدين مين يرد علي اسئله الفيرناويه :)
الف مبروووووووووووووك علي التثبيت و معلش اصل عندى امتحانات و مستنى بس افضى و اشارك معاكو ان شاء الله
الف مبروووووووووووووك علي التثبيت
بجد الموضوع مفيد ويستاهل التثبيت
بيبفى فى صوت زنة خارج من التابلوه لما بتدوس على البنزين وبيختفى على وضع المور
هل التابلوه مش متربط كويس او فيه حاجة وهل العيب ده فى الفيرنا ولا عندى انا بس (فيرنا 1500cc مو 2006)
لا عند ابن عمى نفس الموضوع موديل 2006 1500 اتوماتيك ولما بدوس بنزين تسمع صوت زنة
حضرتك ارجع ورا شوية في نفس الموضوع دا حتلاقينا متكلمين عن الماسورة الرفيعة الي بتخبط في سدر العربية
استكمالا لموضوع التصفيق
امس .. تانك البنزين فضي .. روحت امون ولم اجد في البنزينه غير بنزين 90
قلت امري الي الله .. مونت 90 ..والعجيب ان التصفيق قل جدا بعدها ..
الأستنتاج :
1- زي ما قال الزملاء ان غالبا المشكله بنزين مخلوط بمياه
2- اظن التصفيق الحالي (نادر الحدوث) ناتج عن اني مش متعود علي العربيه .. كان معايا قبل كده فورد اسكورت 99 وكان مشوار الدبرياج طويل (الحساسيه اقل)
بينما الفيرنا مشوار الدبرياج قصير وبالتالي محتاج حساسيه ودقه لسه مش متعود عليها
وشكرا للزملاء
عموما هوا فعلا موضوع البنزين المغشوش دا بيفرق جامد جدا في العربية و الموتور و كان فية مواضيع قبل كدا اتكلمنا فيها عن الموضوع دا بس يا ريت لو تحط 92 بلاش ال 90 ححس بفرق جامد في مواير الفيرنا لو غيرت واوفر كتير جدا عن عدة تجارب حصلت قدامي
فعلا انا مونت بنزين من محطه لمصر التعاون اللي في اخر المنيل
بنزينها زبالللللللللللللللللله و مغشوش غالبا ولا اللي فيها ميه مش بنزين 92
معلش هسال سؤال ممكن يكون غبى شوية:o
هو ايه الكاوتش النسر ده واعرفه ازاى ؟هل بيقى مكتوب عليه نسر؟ اصل الفيرنا اللى معايا مكتوب على الكاوتش جراند سلام GRANDSLAM هل هو ده النسر ولا ده حاجة تانية:rolleyes:
شكرا على المجهود والاجابة سابقا ولاحقا:)
انا معايا فيرنا 1600 مانيوال فول مو2008.. الكاوتش لاسا (LASSA)
وشفت فيرنا مو 2007 كان الكاوتش مكتوب عليه (NISR)
تقريبا بتختلف من سنه لأخري وكذلك من موديل لاخر ( يعني GL غير GLS غير الاتوماتيك)
بالمناسبه يا جماعه لما اجي اروح الصيانه في ابو رواش محتاج احجز اقبلها ولا مش مهم ؟؟
والمفروض اوصل عندهم هناك الساعه كام علشان اخلص بسرعه .. انا سامع ان فيه زحمه جامده هناك
اعوذ بالله من كاوتش النسر الزبالة
السلام عليكم
عربيتى فرنا فيفا 2008
ومن فتره حسيت ان صوت الموتور عالى ورحت التوكيل وماعملش حاجه بس المهندس نصحنى انى اشبع الغيارات لانى ملتزم باغيرات كما جاء بالكتالوج .ايه رأيك
ممكن مقارنه بين الفرنا المصرى والهندى
وشكر
رايي انت ادري بعربيتك
اديها الغيار وقت ماتحس بيها
و بعدين الهندي فيها اربي ام و ده اكيد يسههلك انك تعمل الغيار المناسب
اما الفرق بين الفيفا و الفيرنا
فالمنتدي مليان مقارنات عنهم و هتلاقي في لموضوع ده كمان في اوله مقارنه علي صغير كده
معلش بص و شيك علي زيت الماتور من حيث عمره و من حيث مستواه لا يكون زيادة و لا اقل علشان العربيات دية بيفرق فيها جدا موضوع الزيت دا و حط نوع زيت كويس يستحسن تخليقي خفيف او علي الاقل شيل بلاس ال بيقعد 6 او 7 الاف كيلو نصف تخليقي حيهدي صوت الموتور شوية و ينعم معاك و سحبة حيزيد و يا ريت لو تغير الزيت بره التوكيل و تشوفة بنفسك و هوا بيتغير و من مكان مضمون
عندي سوؤال محيرني شويه
ممكن استلم فيرنا من غير كاسيت و الأنذار؟؟
نظرا للمشاكل الي بتظهر منهم ,,,افتكر ان غبور بيركبهم عند عم عشم نواره .
و طبعا مش بيختار نوعيه جيده.الموضوع ده كان منتشر ف الماتريكس
شكرا
اظن ممكن بس تبلغ مسئول البيع و انت بتحجز
ازيك storm
لسه ولصلي رد بس غريب شويه
في الأول لمل كلمت مندوب البيع ف التليفون قال عادي و تحت أمرك و الأستلام ف نفس اليوم
و لما كلمته تاني عشان اتفق على الون و موضوع الأنذار و الكايسيت
قالي لا يافندم ماينفعش الكلام ده ف الماتريكس بس
سألته ليه ماينفعش ؟
رد أصل الفيرنا بتنزل ب كاسيت CD
مش كاسيت عادي!!!!
انا بجد مش فاهم يعني لو كان كاسيت عادي كان ينفع اني استلم من غيرو!!
غير كده قالي الأستلام حيتأخر
هما ليه بيعملو كده و كل شويه بكلام شكل؟
بالمناسبة انذار الفيرنا كويس افضل من انذار الماريكس
بص ده نتيجه الاقبال الكبير فيحصل تاخير
لكن الحسنه الوحيده اللي صبرت نفسي بيها و اللي شفتها بجد انك بتاخد دورك هو بس مسئول البيع بيبالغ في معاد استلامك عشان بشجعك علي الشرا
اما موضوع الكاسيت فانا عندي كاسيت عادي ( هاف اوبشن ) فالحوار ده كان عليه
لكن انا اللي اعرفه ان القانون لا يجزأ مادام الموضوع نافع في الهاف اوبشن يبقي ينفع في الفل اوبشن
ولا ده اوبشن في الهاف مش موجود في الفل :) :) :)
طيب ياجماعة انا بحس برجة خفيفة وانا مشغل التكيف ده طبيعي
رجه في الموتور ولا صوت معين بتسمعه
ياريت لو توضيح اكتر عن الماسوره الرفيعه الى فى صدر الماتور و ياريت لو صور لمكانها بالضبط
رجه في الموتور