هو الزرار اللى مكتوب عليه A/c بيعمل ايه
هو الزرار اللى مكتوب عليه A/c بيعمل ايه
طب لو مشغلتوش يحصل ايه وسواء شغلته او لأ الهوا بيطلع عادى من التبلوه بس لما اشغه بحس ان صوت الموتور بئه اعلى
كنت عايز اعمل الشنطه تتفتح من جوه حد عارف بتتعمل فين و بكام
و لو حد عارف ياريت يقوللي علي حد في الهرم أو فيصل؟
شكرا
الساده المحترمين خبراء الفيرنا
السلام عليكم
عربيتى 2008 بحس و ان ماشى ان فيه صوت فى أبواب العربيه خاصة فى الأمام مش عارف ايه السبب هل حد قابل المشكله دى؟
برجاء الإفاده مع جزيل الشكر مقدماً
أخوكم خالد
كانت عندي نفس المشكله
الحكايه بتبقي في الفبر الداخلي للابواب
وديها قسم الهياكل و بتخلص في ربع ساعه
روحت امبارح البنزينة عشان اعمل للعربية ظبط زوايا واتزان على الكمبيوتر وبعد شوية فوجئت الراجل بيقولى مينفعش تتظبط زواياها عشان الشمعدان اليمين معووج والعربية بئت بتحدف اكتر
وبالمناسبة العربية جابت كبالن بركولى (ماشية 19 الف)
شكرا علي الرد ياباشا
لا مش دي خالص
الزنه دي انا عارفها
انا بتكلم عن زنه تانيه خالص
أنا غيرت السماعات و ركبت سنتر لوك بانذار(ماكنش فيها) هو انا كده لسه في الضمان؟؟
سؤال تاني هو أنا لو طلعت من الضمان ينفع أروح بعد كده أعمل صيانه عادي و الا ايه؟
شكرا علي ردك و الله
انا رايح الاربعاء 4/يونيو اعمل صيانة الالف ان شاء الله(فيرنا 2008 هاف اويبشن)
ايه اللي هايتم بالضبط وكم يتكلف تركيب سنتر وانذار بالتوكيل
تاني تفويلة للعربية حطيت 22 لتر 92 والعداد كان عمل 290 كم ومشغلتش التكييف نهائي واقصى سرعة كانت 85 كم/ساعه يعني الصفيحة 20 لتر تعمل 260 كم يا ترى ده كويس؟ ولا فيه افضل :scooter:
وساواليكم بباقي تقيمي للسيارة .
اولا بالنسبه لاستهلاك البنزين في حدود المعمول
صيانه الالف هتغير فيها الزيت اما بشل هيلكس ب 120 او سوبر هيلكس اللي بيتغير كل 10 الاف ب 260
و هيغيرو فلتر الزيت تقريبا
و تربيط عفسه و كشف علي العربيه و لو عندك مشاكل و كده
و اللي بتدفعه في اول صيانه تمن الزيت و الفلتر بس
اما السنتر و الانذار فمش موجود بالتوكيل الان السنتر و الانذار الاصلي
انا شايف ان 260 كيلو فى الصفيحه ده رقم كويس جدا انا عن نفسى مشوارى كل يوم طوال يعنى مش فى زحمه ولا حاجع و بتعمل 200 بس
http://www.mp3quran.net/ موقع ممتاز ومش هاتندموا
خدت بالي من ملاحظه جميله جدا
ان الحمد لله الموضوع ده بقي اكتر موضوع به عدد ردود في تاريخ منتدي هيونداي كله
و الثالث من عدد المشاهدات
مبرووووك للفيرناويه و ان شاء الله يستمر و نستفيد من بعض اكتر
صحيح هوا medo80 فين ؟
فعلا ده يدل علي انتشارها و كفائتها
العربيه زي الفل والله بس العيب في التوكيل المقرف ده لو اتزبط هتبقي عربيه رقم 1 في مصر
يا جماعه انا شاب . وزى اغلب الشباب بموت فى الشد و الغرز .. هل الفرنا مناسبه ليا ؟ وهل لو جنط العجل فى مشكله على العفشه و ما هو النوع الامثل للجنوط . و ما هو المقاس الامثل و الارتفاع الامثل . مع العلم انى متزوج ؟؟؟؟
استاذ mtolaymat
يبقي اقدر اقول اهلا بيك في العيله الفينزاويه
علي فره ومن غير تحيز الفيرنا ملكه التسارع عارف مش لاقي وصف اكتر من عربيه مجنونه (بس براحه شويه في الجري)
وبالنسبه للجنوط انا مجنط 15 من 3 شهور لأن لفابريكه كان 14 عندي ومفيش اي مشكله لغايه دلوقتي الحمد لله
يا جماعة هيا الفيرنا مياه الريدياتير لونها ايه علشان فى التوكيل حاطو مياه عاديه على اللى كان فيها و بتقل اوووى كل شوية
يا جماعة ليا إستفسار صغير
الزنة الشهيرة بتاعة طلمبة البنزين بدأت و أنا خلاص برة الضمان فما هو سعرها برة و هل يمكن أشتريها و أروح التوكيل يركبوها
و أنا سمعت أنها ممكن تتنظف و خلاص و تشتغل عادى فها حد جرب هذا الموضوع
أفيدونى أفادكم الله
بعد اذن باشمهندس عاطف
دى ارقام تليفونات مهندسى ابو رواش للى محتاج اى استفسار
http://www7.0zz0.com/2008/06/06/12/318090499.jpg
للمرة التانية
يا جماعة ليا إستفسار صغير
الزنة الشهيرة بتاعة طلمبة البنزين بدأت و أنا خلاص برة الضمان فما هو سعرها برة و هل يمكن أشتريها و أروح التوكيل يركبوها
و أنا سمعت أنها ممكن تتنظف و خلاص و تشتغل عادى فها حد جرب هذا الموضوع
أفيدونى أفادكم الله
السلام عليكم
موضوع جميييييييييل جدا اشكركم عليه فيه معلومات كتييير مفيده عن العربيه
انا الحمد لله استلمت فيرنا 1600 مانيوال فل اوبشن من اسبوعين من معرض سمير ريان اخدتها ب 70500 جم
بصراحه انا في الاول كنت خايف من الفيرنا بس اتوكلت على الله و جبتها و هيا عربيه اكتر من ممتازه على سعرها ده
بس انا عندي ملاحظه مشكله ظهرت عندي صوت تزييق جامد عند التابلوه ناحيه اليمين عند الدرج تقريبا بيظهر في المطبات او حفر شوارعنا الجميله اللي تهد حيل اي عربيه انا الصوت ده مدايقني اوي واحد صاحبي قالي رجع العربيه للمعرض ازاي تبقى عربيه جديده و تزييق كدامن التابلوه بحس انو صوت بلاستيك بيحتك ببعضو بس مش عارف ودا يعتبر عيب تقفيل العربيه دلوقتي عامله 235 كم مش عارف ارجعها المعرض وتخانق معاهم ولا استنا صيانة ال 1000 في التوكيل ولا اعمل ايه
ملاحظه تانيه ليه على الاول او في المارش بسمع صوت هزه كدا او كركره في ماتور العربيه دا عيب تاني ولا من البنزين اصلي حطيت 90 و قريت في المنوال بتاع الفيرنا 92
و شكرا للقائمين على الموضوع و المنتدى
اولا مبرووووووووك العربيه و ربنا ياركلك فيها
الفيرنا يفضل بنزين 92 علشان الكركره و الموتور يبقي مستريح
اما التزييئ
هوا بيكون عيب تقفيل بسيط في الفيبر الداخلي
ريع ساعه و يخلصوهولك في قسم الهياكل ومن غير حجز تروح علي طول
لو فاضي روح اعمله لو مش كده اعمله في صيانه الالف و خلاص
مش اقل من ساعه او ساعتين وضيف عليهم ساعه رايح وساعه راجع ..يعني حوالي اربع ساعات .. ربنا يصبرنا .. هو زميلنا العزيز نيل بيحب يبسط الأمور شويتين
هي الفيرنا الأصوات اللي طالعه منها كتير ليه كده
انا لما استلمتها كان فيه صوت تزييق في القائم اللي خلف السائق
ورحت هناك صلحوه في حوالي ساعتين
وبالنسبه لصوت الموتور (اسمه تصفيق) ..ده عندي برضه و ده حاجه من ثلاثه
1- بنزين سيء (اوكتين اقل او مغشوش بمياه)
2- عدم النقل في التوقيت السليم
3- عيب صناعه في الفيرنا
وانا في صيانه الألف سألتهم عليه المهندس قالي ده عيب بنزين علشان العربيه جديده والمعارض بتحط اسوء انواع البنزين .. ولما قولت له اني شاريها من غبور مش من معرض قالي ما احنا برضه بنعمل كده !!!!!!!!!!!!
نسيت اقولك انك بعد ما تخرج من التوكيل تبقي تشيك علي كل حاجه
انا بعد صيانه الألف بكام يوم اكتشفت ان فيه تسريب في زيت الفرامل .. علما بانني قبل الصيانه ما كنش فيه مشكله في الزيت
والغريب ان امر الشغل وجدت مكتوب فيه "فرامل اليد " .. مش فاهم قصدهم ايه .. جايز قصدهم انهم بوظوها :):):chris: