و الله ياباشا ده اللي حصل معايا
اصل الحوار ده كان عندي
يمكن كنت رحت في وقت فاضي او حضرتك رحت في وقت زحمه والله اعلم
المهم انهم بيصلحوها
الله يتور عليك نسيت فعلا اذكر حوار النقلات الغلط
شكرا ياباشا
يا جماعه انا نعايا فيرنا 1600 و عامله 9000 كيلو و من يوم ما استلمتها و هيه فيها و انا برفع الدبرياج واجى اتحرك اسمع صوت تكه فى الفتيس و دى مع كل النقلات فى العربيه و فالولى فى التوكيل ان ده صوت الفرش بتاع الدبرياج ياترى الكلام ده صح ولا غلط
انا كمان بيحصل معايا كده احيانا ... بس غالبا فى الأول والثانى ، خصوصا لما اكون طالع على الهادى ، وبتغلب على الموضوع ده ، بأنى ادوس سنه بنزين زياده ( لكن برضو صوت التكه دى مش عاجبنى وقلقان منها )
ياريت لو حد عنده تفسير ( ماعدا ..... انه يكون عيب سواقه ).
ولما قالولك كده .. قالوا ان ده عيب ومحتاج اصلاح ، ولا ده كده بيقى عادى ؟؟اقتباس:
و فالولى فى التوكيل ان ده صوت الفرش بتاع الدبرياج
بيقولو ان ده عادى بس انا مش مستريح بصراحه وخصوصا انى عارف انهم بيتبعوا نظام نيم الزبون لحد مايمشى
لا دى تكه جايه من عند الفتيس
شكرا على الاهتمام
للمرة التالتة
يا جماعة ليا إستفسار صغير
الزنة الشهيرة بتاعة طلمبة البنزين بدأت و أنا خلاص برة الضمان فما هو سعرها برة و هل يمكن أشتريها و أروح التوكيل يركبوها
و أنا سمعت أنها ممكن تتنظف و خلاص و تشتغل عادى فها حد جرب هذا الموضوع
أفيدونى أفادكم الله
حكايه التنظيف دى مش بتجيب نتيجه
انت تروح تشترى واحده بس بصراخه انا مش عارف تمنها
و مش ضرورى تروح التوكيل لان تركبها غايه فى السهوله و هيه موجوده فى التنك تحت الكنبه عباره عن سلكتين موجب و سالب و خرطومين بنزين داخل و راجع
أخيرا حد عبرنى
متشكر أوى أوى للأستاذ أحمد و ياريت لو حد عنده معلومات عن تمنها و فين تتباع بسعر حنين أكون شاكر ليه أوى
ياباشا محدش يقدر ميعبركش
بس ساعات المشكله بتكون في عدم توافر المعلومه
و عذرا لو الرد اتاخر
و شكرا للاخ ahmedcar علي الرد
أبو عمار المصرى يقصد فلتر البنزين صح؟؟
علي العموم انا جبته ب35 جنيه
طب عندي سؤال يا شباب الفيرنا الله يرضى عنكم
انا غيرت من شهر تقريبا طقم سيرفس ( سير كاتينة - و طقم بوجيهات ) وفلتر هوا عند ميكانيكي اعرفه
المهم السير من ساعة ما حطه وهوبيصرخ قولتله في ساعتها قالي عادي هيرخي و التصريخة هتروح
بقالي شهر دلوقتي و التصريخة لسة موجودة ده بالاضافة ان العربية ابتدت تصقف ومش من البزين عشان انا بحط من حتت مختلفة والتصقيفة دي ظهرت بعد ما روحتله
وكمان العربية مابتدورش لو بطلتها ثواني عشان تمون مثلا او مستني واحد صاحبك او اي حاجة ولازم تستنى 5 دقايق كده عشان تدور معاك تاني ( المارش بيعتل )
فيا ريت حد يقولي الراجل ده عمل ايه في عربيتي و ايه سبب المشاكل و اصلحها ازاي و فين
انا روحتله تاني على فكرة بس ماعملش حاجة ركب ارضي بس و العربية زي ماهيه
سير الكاتينه ده متركب غلط او بمعنى اصح فيه سنه زياده او ناقصه فى التركيب
شير الكاتينه عمره مايصفر اللى بيصفر اى سير من السيور الاخرى ماهى بتفك و تتركب ع تغير سير الكاتينه
فعلا انا كمان بجيب بيها 180 بس خوفت ازود عن كده وعملت الحكايه دى كذا مره
الأخ إكس مان أنا أقصد طرمبة البنزين و ليس الفلتر و دى غالية أوى بس مش عارف تمنها بالضبط ... مشكور لإهتمامك
الأخ إيهاب أعتقد أن هذه الصرخة هيا صوت سير دينامو جديد و ليس كاتينة و عربيتى غيرت هذا السير فى صيانة ال60 ألف فى التوكيل و الصوت موجود عند دوران السيارة دائما و هيا باردة فلا تقلق و إن شاء الله هيروح
بالنسبة للمارش أعتقد تروح لكهربائى نضيف يعملك صيانة مارش و هو موضوع غتيت جدا و عايز كهربائى محترم بس دا هيوفر عليك شراء مارش جديد لمدة زمنية معقولة و ياريت تلحق الموضوع دا بسرعة لأنه بيأكل فى الموبينا و يمكن تضطر تغيره لأنه واضح عندك أنه وصل لمرحلة متأخرة
السلام عليكم يا فرناويه
معايا فيفا ومن ساعة ما استلمتها وهى كويسه جدا معايا بخلاف حاجات بسيطه كده بس تعكنن مثلا الباب الى جنبى مختلف فى قفلته عن باقى الابواب يعنى لازم تزرعه زىاده شويه وفى التوكيل قالولى مافهش اى حاجه كمان لما اجى اطلع علب مطب باسمع زى صوت فى العتب ومش عارف ده طبيعى ولا ايه
السلام عليكم و رحمة الله بص يا باشا حضرتك روح لواحد ميكانيكي تاني اسرع ما يمكن يراجعلك علي سير الكاتية و ضبطتة و يشدهولك بس يكون واحد سمعتة كويسة و سيبك من الراجل الصنايعي الاولاني دا علشان دا مش احتمال لا اكيد مش ميكانيكي لان دية مبادئ بس روح لحد يكون متجرب في عربيات انجكشن يعني يكون شغال في الجديد و سمعتة كويس و شغال علي طول
ايه يا ميدو كنت فين
قلقتنا عليك ياراجل
حمد الله علي السلامه
علي فكرا طول مامعميا العربية دي وانا مبشدش بيها
لكن اخويا ديما بيشد بيها
في الاول هتكلم عن احسن مكان ممكن تجيب من محل موجود في التوفيقية
عنده كل حاجة ونفس الماركة البيستوردها التوكيل وراجل مؤدب العايز العنوان بظبط يكلمني علي lukyman_smaw@hotmail.com
:3gears::3gears::3gears::3gears::3gears::3gears::3 gears:
شكرا ياباشا
هوا درج التابلوه بيتشال ازاي
افتح الدرج و فى الجانبين هتلاقى كلبسات سوده شيلها هتلاقيه نزل معاك
معلش يل رجالة تاعبكو معايا
انتو فاكرين لما قولتلكو على التصريخة بتاعت سير الكاتينة . روحت فعلا لميكانيكي كويس و غير البلي و ظبطه .والعربية بقت احسن فعلا
المشكلة اللي هاتجنني التصقيفة . انا بحط 92 ومن حتت مختلفة بس غالبا موبيل او شل. التصقيفة ظهرت بقالها اسبوعين كده و كنت فاكر لما اظبط الكاتينة هيتظبط معايا التصقيف
بس لسه موجودة . ايه السبب في التصقيفة دي يا رجالة الله يكرمكوا
بص عامه يقال ان مواتير هيونداي بتسقف و معرقش صحه المعلومه دي
بس اللي اتصدمت منه ان الاخ العزيز ليكويديتر قاللي ان موتور الماتركس اللي هوه هوه موتور الفيرنا 1600 يفضل وضع بنزين 95 فيه طبقا لكتالوج الماتركس
و ده هيخليها تبطل تسقيف
و بعدين تعب ايه ياراجل يارب بس نكون بنفيدك
اولا :- في ترومبة البنزين
فوق ترومبت البنزين غطاء داخل فيه الخرطوم الموصل للمتور
الغطا دة بلاستيك مع اخف خبطه من الجنب بيتكسر او ممكن مع مطب شديد ولو اتكسر منك مش بينقط بنزين لكن تعرفه عن طريق الشنطه كلها بنبقه رحيتها بنزين وكمان العربيه من جوه
التصلبح
1- تصلحوه في التوكيل 150 ثمن الغطاء و30ج مصنعيه
2- تجيبه من التوفقيه هو هوا عامل 35ج وتخلي مكنيكي شاطر يركبهولاك علا شان يعرف يركبو في مكانوا لمنع الكسر مره تنيا
:scooter::scooter:
هو رقم لون العربيه فيرنا موجود فين ؟ انا عربيتى لونها فضى بس كنت عاوز اعرف الرقم كام علشان اشترى نفس اللون بالظبط بصيط فى الكبوت لقيت مكتوب Cs بس
علي باب السواق من الجنب علي الحته الي تخش في القايم
بصراحه انا عايز اجيب عربيه ومحتار بين الاكسنت والفيرنا
ياريت حد يفيدنى
بص ياباشا
لو قصدك الاكسنت القديمه يبقي الفيرنا افضل
اما لو قصدك الفيرنا و النيو اكسنت
فالمعادله صعبه في ان
النيو اكسنت هي الفيرنا بس موديل 2008 مميزاتها عن الفيرنا
اوسع شويه
تقفيل كوري و تبقي بعدت عن التقفيل المصري و طبعا اشيك و خامات احسن و تصميم احلي
موتور بتكنولوجيا cvvt الموفره للوقود
شكل جديد غير شكل الفيرنا المنتشر جدا
غير كده مظنش فيه فرق
بس الحكايه ان الفرق بينهم حوالي 10 12 الف فانت ادري
لو مش فارق معاك المبلغ يبقي نيو اكسنت و توكل علي الله هربيه ممتازه
اما لو حبيت تجيب فيرنا و توفر الفلوس دي او تظبطها بيهم اوكي لان هما اساسا واحد
شوف كده و لو عندك سؤال تاني قولي
دى اول مشاركة ليا هنا فى الموقع الرائع دا
انا بس كنت عايز اقولك انا كنت مرة ربنا فاتحها عليا بطريق فاضى خالص
رحت واقف وجربت اطلع بيها من الصفر لتقريبا آخر كل نقلة
الاول 40 كانت ممكن تجيب اكتر بس صعبت عليا بصراحة
الثانى 80 على ار بى ام حوالى 5.500 واى يمكن اكتر شوية بسيطة
الثالث 120
الرايع 160
الخامس : الطريق خلص للأسف بس مش حجرب تانى عشان بتصعب عليا العربية.
بس طبعا دا مش الطبيعى بتاع كل يوم دا بس كان تجربة.
وشكرا
الاول 45
التاني 85
التالت 120 (كان فيه لسه سرعه علي فكره)
الرابع 160
الخامس-----
كان الكلام ده مره علي الطريق الدولي
بس للاسف ماعنديش ار بي ام