اسف طبعا على اعتراضى فى خذة الجملة بس ناس كتير اشتكت من ضعف البودى بتاع الفيرنا يمكن متفوق فى الشكل ولكن ضعيف نسبي مقارنة باللانوس ودة عن تجربه ولكن هو يتميز بالشكل الانسيابى الجميل ودة مش تعصب للانوس ولكن عن تجربة سواقه السيارتين
لا تاسف ولا حاجه
ده رايك
و بعدين صعب اننا نحكم علي البودي الا عن طريق تجاربنا
و انا برده سقت الاتنين و كان رايي مخالف حتي الاستاذ سبعاوي في مقارنته الشهيره بين الفيرنا و اللانوس برضه قال كده
و علي العموم الفيرنا و اللانوس متقاربتان جدا لكل مزاياها و عيوبها
نورت منتدي الهيونداي :)
كملت 80000 كم والحمد لله ماشيه كويس
دى الفيرنا 1500 موديل 2007
هل فى حد عمل كيلو اكتر من كدا يقولنا ايه الاخبار معاه وايه المشاكل الى ظهرت عنده
ايه الي اتغير خلال فترة الصيانة دي(80000 )؟
بمناسبة اللون خلوا بالكم من اللون الاسود لو مش حتعرف تحافظ علية ما تجيبهوش هوا تحفة و جامد جدا بس عايز محافظه جامدة جدا برضة
ينفع نركب مراية يمين كهرباء ولا مفيش مكان أصلا فى الدفيرة ... ؟
حد جرب يعمل الموضوع دة ...
ياريت لو حد فكر يرد ,ساريت لو حد من اسكندرية ركب فوانيس شابورة كويسة ينصح بيها ...
هل يوجد فرق بين ماتور المانيوال و الأتوماتيك من ناحية العزم؟
هل في الأتوماتيك يوجد step tronic؟
لأ مافيش فى الاتوماتيك استيب ترونيك و ما اعتقدش انه فيه فرق بين المحرك فى الاتنين
النهارده بعد ما ركنت واخرجت المفتاح من الكونتاكت وباستعد للخروج من العربيه لقيت Lock قفل لوحده كأني قفلته بالريموت - فتحت الباب الإنذار ضرب ..
انا لسه كنت في صيانه الألف يوم السبت الماضي .. اروحلهم تاني ولا ايه ؟؟
هو انا معنديش مشكله انه يقفل لوحده .. بس انا خايف اركن العربيه واقفلها وهو يفتح لوحده دي تبقي مشكله..
انا معايا فيرنا مانيوال فول مو 2008 عامله 1200 كم ... حد حصل معاه حاجه زي كده ؟؟
غالبا ده فيوز مش مظبوط
لو فاضي روحلهم
لو مش كده خلي كهربائي يبصلك عليها و يعدله غير كده روحلهم
جزاك الله خير
بس انا استبعد ان يكون فيوز ومش فاضي اروح .. هو لو مش هايفتح لوحده هاستني لما اروح صيانه 5 الاف
السلام عليكم ورحمه الله وبركاته
ممكن حد يكون معاه فيرنا اتوماتيك
بقولنا استهلاك البنزين فيها ايه
فى وسط البلد من غير تكيف
فى وسط البلد بتكيف
على السريع من غير تكيف
على السريع بتكيف
وجزاكم الله خيرا
المتوسط 10 كيلو لكل لتر
بتكييف ولا من غير تكييف وبتفرق فى الزحمه قد ايه تقريبا والمانيوال بيفرق قد ايه عن الاتوماتيك
السلام عليكم يا شباب
اخر الأخبار من غبور عمارات العبور في محاولات حجز فيرنا توماتيكيي
قولت لمندوب المبيعات انا عايز فيرنا من غير كاسيت و الأنذار
قالي ماينفعش .... ليه بس
الرد : الكلام ده كان زمان
رديت: م انا لسه كنت حاجز ماتريكس من غير الكاسيت و الأنذار
قالي :يافندم policy دي في الماتريكس بس عشان سعرها عالي و على فكره الأنذار بتاع الفيرنا جامد جدا سألته هوا نوعو ايه ؟
قالي كوري و ثمنه برا 2000 جنيه
هذا هوا الحوار الذي دار بيني و بين واحد يقال عنه مندوب مبيعات
طب حيبيع ازاي و هوا كلامه كله متناقض
فعلا انذار الفيرنا افضل عن تجربتي لمدة عام
هوا نوعه ايه بازبط؟
سمت انه بيعلق كتير ياميدو
كل الحكايه اني عندي sound ssystem ف مش عايز الكاسيت بتاع غبور
مش عارف بس هوا فعلا كوري و محترم و عمره ما علق معايا و عمري ما سمعت عن الموضوع دا من كل صحابي الي معاهم فيرنا
بس هوا منتشر في الماتريكس
هل يوجد عندك السيرفيس مانيوال الخاص بالسياره الهيونداي فيرنا
فية سيلافيس مانيوال لكل سيارات هيونداي و تم رفعة من قبل في المنتدي بس مش فاكر في اي موضوع ولاهي
عندك حق في موضوع لفظ الجلالة و يا ريت حد في اداره المنتدي ياخد بالة منها و يعدلها
اما دليل المستخدم دا كتاب كبير ما ارترفعش قبل كدا هنا
الي اترفع السسرفيس مانيوال او بيان او جدول الصيانة و دا مجمع لكل عربيات هيونداي جميع الماركات بما فيها الفيرنا
السلام عليكم يا شباب
انا عندي قيرنا 1600 هي عربيه جامده و كويسه و ناعمه جدا بس هي ضيقه اكتر من الانوس شويه
المهم انا عندي سؤال:
العربيه خفيفه جدا مجرد المؤشر ما يوصل ل 120 تبدأ تترج و تبقي خفيفه و الدركسيون بيتهز في ايدي لدرجة ان واحد صحبي كان ماشي ورايه بعربيته لقيته جي جانبي و يقولي هدي شويه ، العربيه خفت اوي من الخلف.
المشكله دي ليها حل و لا اسيبها كده.
عاي فكره انا مش من هواة السرعات العالية بس بحب احس بالقوة جوه عربيتي .
انا اسف علي الاطالة ، شكرا
العيب في الجنط المصري المتركب فيها
لو غيرتلها الجنط بنوع نضيف هتاخد ثبات ميه ميه و اجري زي مانت عاوز بس خلي بالك من السرعه
العربيه مهما كان نوعها بتمشي علي 4 اكياس هوا ولا ايه
ربنا يسترها علي الجميع
و لو مفيش امكانية اتغيير الجنط روح لحد بيرصص كويس و ( اهم حاجة يكون صنايعي ممتاز ) يرصصهالك الرجة حتروح بنسبة كبيره و يشوفلك الزوايا بالمره حتلاقي العربية اتعدلت كتير عن الاول ( عن تجربة لاني كان عندي نفس المشكلة )
أخى العزيز
هل يوجد فيرنا 1300 سى سى لأنى رأيت واحد عارض واحده فى موقع
http://www.car100100.com
لأنى اعرف أن الموجود 1500 و 1600
وهل تعلم أين أجد الزيرو منها
وشكرا
مفيش فيرنا 1300 خالص
يمكن قصدة علي واحدة اكسنت استيراد الي بتلاقي عليهم نمر جمرك دول ممكن تلاقي فيهم 1300 و بيكون شكلها زي الفيرنا بالضبط بس هما بيسموها اكسنت و احنا فيرنا و في منها بره 1300
كنت عايز اعرف نوع جنوط كويس بس ميكونش صيني و اجيب مقاس كام و يكون السعر متوسط (مش رخيص و مش غالي)
و كنت عايز اعرف برده نوع كاوتش كويس
و يريت لو عارفين الاسعار تكتبوها.
على فكرة الرجة اللى على سرعة 120 دى بتروح لو زادت السرعة ل 130 فما فوف لذلك أعتقد أنها مشكلة ترصيص ولا إيه راي الخبراء هنا
مع التحذير برضه من السرعة العالية ياجماعة دا احنا ماشيين على هواء
السلام عليكم ورحمه الله ازيكم يا فيرناويه انا ضيف جديد هنا معاكم اتمني انكم تقبلوني بينكم انا كنت فكرت من فتره في اني اشتري فيرنا وكنت خلاص نويت بس لما دخلت هنا ولقيت في كلام كتير اوي عن التوكيل وعن غبور والمشاكل اللي بتحصل في التوكيل وفي الصيانه وكمان عن عيوب التقفيل انا احتارت
انا العربيه عجباني اوووي وكمان العيوب بتاعتها عرفتها الي حد ما من كلامكم وعرف كمان ازاي اتفاديها المهم انا دلوقتي محتار اشتريها واتكل علي الله ولا اعمل ايه
وهل مشاكل التوكيل دي موجوده في مركز الخدمه بتاع ابو رواش ولا في كل الفروع
ياجدعان ما الصيانه مهمه والتوكيل مهم كمان في ناس اصحابي بيقولولي انهم دلوقتي بيبيعوا الاسم قبل العربيه يعني انت بتركب هيونداي
اعمل ايييه؟
واسف للاطاله