الموضوع: كل شئ عن 620

لا ياباشا متنساش انها 2000 وكمان ممكن تعمل اقل من كده كمان انا معايا فى البلد بتعمل من 100 ل 120 فى الصفيحه

المشاركة الأصلية كتبت بواسطة islamnasser10

العربية دي ركبتها من اسبوع كنت في فرح وركبت ورا
لحد دلوقتي مش مصدق ان دي اسبيرانزا
الوسع حدث ولا حرج
عزل ممتاز
سحب جيد
مشينا في شارع كله حفر وزلط زي الفل
ده غير الاوبشنز طبعا
افضل ما صنعت اسبيرانزا
a620

الحمد لله ان حضرتك جربتها بنفسك ي استاذ اسلام وقلت عنها الكلام المعقول ده..... لانها فعلا مظلوووومه جدا..... ول انفي ان فيها بعض المشاكل .... و اي عربيه

المشاركة الأصلية كتبت بواسطة maserati

السلام عليكم و رحمة الله و بركاته

ألف مليون مبروك عليك العربية يا باشا و ربنا يباركلك فيها و يملهالك بركة و خير و عقبال ماتجيب الbmw535 ان شاء الله.

أنا متهيألى أنها بتستهلك بنزين أقل من اللى أنت قايل عليه, أنا متهيألى أنها ممكن تعمل 220-230 كم فى الصفيحة لأن ال211 كم فى الصفيحة دى ممكن فى عربيتنا القديمة الكاربيراتير.

الله يبارك فيك... وا شاء الله ربنا يرزقنا الحلال ويباركلنا فيما اعطى
بالنسبة لسحب البنزين... الحمد لله استهلاكها معقول جدا وحقولك زي ما قالك اخونا "عمرو"... ماتنساش انها 2000سى سى !!!
العربيات الكاربراتير اخرها بعد التعديل والمحافظه تعمل 170-180كم فى الصفيحه الواحده

المشاركة الأصلية كتبت بواسطة amrspeed

لا ياباشا متنساش انها 2000 وكمان ممكن تعمل اقل من كده كمان انا معايا فى البلد بتعمل من 100 ل 120 فى الصفيحه

عمرو باشا..... كان عندي سؤال ليك لو سمحت
ايه اخبار البوجيهات 3 شمعه؟؟؟ كويسه وبتسحب العربيه كويس ولا مالهاش لازمه؟
وهل صوت الموتور بيزيد ولا مافيش فرق؟
عرفت ان استهلاك البنزين مالوش دعوه بزيادة عدد شمعات الاحتراق... بس ياريت تاكدلي المعلومه دي من واقع تجربتك لاني ناوي عليها ان شاء الله من باب التجربه

السحب حلو جد وزى ما قولتلك قبل كده زياده الشمعات دى مش هتفرق فى البنزين حالص هو مجرد انه كل ما يزيد شمعه كل ما يزود عمر البوجيه مش اكتر وهاتها على ضمانتى
وعلى فكره اللى فيها اصلا 2 شمعه فمتقلقش مش هتفرق كتير لو حتى مقتنع بكلام الناس اللى بتقول بيزود بنزين فا مش هتفرق 2شمعه من تلاته

المشاركة الأصلية كتبت بواسطة amrspeed

السحب حلو جد وزى ما قولتلك قبل كده زياده الشمعات دى مش هتفرق فى البنزين حالص هو مجرد انه كل ما يزيد شمعه كل ما يزود عمر البوجيه مش اكتر وهاتها على ضمانتى
وعلى فكره اللى فيها اصلا 2 شمعه فمتقلقش مش هتفرق كتير لو حتى مقتنع بكلام الناس اللى بتقول بيزود بنزين فا مش هتفرق 2شمعه من تلاته

تمام جدا الكلام ده... انا مقتنع بكلامك جدا فى موضوع سحب البنزين وانها فعلا مش بتأثر فى سحب البنزين بل بالعكس انه بيحسن فى استهلاك البنزين بالقياس بسحب العربيه
بس كنت عايز اعرف ...صوت الموتور بيرتفع ولا مش بيفرق؟؟
وهما فى الضمان قالولك حاجه علي انك غيرتالبوجيه بره الضمان؟؟

لا الصوت ملوش علاقه بالبوجيه
بالنسبه للتوكيل عندنا هنا فى المنصوره المعامله بقت حلوه الحمدلله ويمكن احسن من القاهره فمريحنى على الأخر واللى عايز اعمله بعمله
بس بالنسبالك غير البوجيهات عادى ولما يجى معاد تغيرهم فى الصيانه ابقى قولهم من غير بوجيهات او حاجه تانيه شوف هما معادهم امته وقبل ما تعمل الصيانه اشتريهم من بره وهما يركبوهم عادى مفهاش حاجه
انت عملت ايه فى المساعدين

لسه ما غيرتش المساعدين لان الحجز فى ابو رواش متعب اوي
بالنسبة للبوجيهات انا متحمس جدا لتركيب 3شمعه زي ماقلتلك وانت طمنتني من ناحية السحب وارتفاع الصوت, بس لقيت فكهم مش بسيط ...لكن ححاول ولو عندك اي نصيحه فى التركيب ياريت تقولي عليها