كل شئ عن 620

**ALshahba** · 22-04-2011 05:40 PM

من يومين كنت بركن فى الجراج وبعدبن وانا بجيب علي المارشدير وبعدبن بجيب علي الديركت سمعت زي صوت كسره كده ....
انا قلقت جدا .... وبعد كده لقيت المؤشر فى التابلوه اداني علي وضع "المور" مع اني جايب علي "الدايركت" وبعد كده لقيت الفتيس خفيف جدا فى النقل من اي اتجاه
انا قلت كده يبقي الفتيس اتكسر او علبة التروس حصل فيها مصيبه وتصلحها صعب جدا
المهم نديت كهربائي قريب مني وحاولنا مع بعض وحركت الفتيس من دراع النقل الاصلي من الفتيس ومكانه قدام عند الموتور ...لقيته الحمد لله بينقل فى جميع الاتجاهات "D,N,P,R" فقلت كده يبقي اكيد من دراع الفتيس
المهم اتصلت بتوكيل ام الفتوح بالخدمة السريعه... ولقيت الراجل بيقولي..."اسف يافندم الاعطال من 8 الي 8 ...وكانت الساعه حوالي 8:30مساءا ....قمت اترفزت بصراحه وقلتلو يعني اللي عطل بعد 8 مايتصلش بحضراتكم ولا لازم اعرف حعطل امته ولا المفروض اعطل قبل 8؟؟؟؟؟ الراجل اعتذرلي وقالي اسف جدا دي التعليمات
المهم كلمته تاني يوم من الساعه 8:30 الصبح وقالي الفني حيجيلك كمان شويه..... وخد عندك كمان شويه بلغة الفنيين يعني اضرب فى 13..... وبعدين وبعد كلام كتيييير فى التليفون وزعيق...كلمني الفني وشرحتله العطل بالظبط .... وجالي الساعه 12 الضهر !!!!! المهم لقيته بكل سلاسه بيفتح العربيه من جوه وبيفتح مكان الابنوس بمصمارين وفك الدنيا كلها فى 3 دقايق وبعدبن لقا العطل وربطها "بسلكه مصمط" !!!!! وربط الدنيا كلها واشتغلت زي الفل
وقالي ان العطل ده نادرجد او مش بيحصل تقريبا غير كل فين وفين
والحمد لله عملها واخد مني 100 جنيه
وحروح بعد كده التوكيل يركبولي القطعه الاصليه وربنا يسهل

ساوافيكم باخر الاخبار

**islamnasser10** · 22-04-2011 06:36 PM

الحمد لله انها حاجة بسيطة
بس مش كتير عليه 100 جنيه طالما الموضوع طلع تافه كدة؟ هههههههههههه

**ALshahba** · 22-04-2011 08:17 PM

دا بيقولهالي كانه بيعملهالي خدمة من عنده...... وبيقولي انا حاخد منك بس تمن النقل لكن مش حاخد منك مصنعية لان العربية جديدة وعاملة اخر صيانة
الحمد لله انها اتصلحت علي خير بدون مشاكل تانية

**saddam** · 24-04-2011 07:07 PM

العربية بصراحة أنا مالك ليها من الزيرو وهي عدا المساعدين بتوعها ناشفين ولما ربنا يديك طولة العمر وتغيرهم أم عمرهم ينتهي بمساعدين زيت فقط وليس غاز أو زيت مع الغاز حتكون أحسن عربية بسعرها بصراحة والله ولي التوفيق والسلام

**AMRSPEED** · 25-04-2011 06:13 PM

انا عندى كرسى السائق فيه بوش خفيف هل ليه حل فى التوكيل ولا ممكن يغيرولى الكرسى

**saddam** · 26-04-2011 03:39 AM

المشاركة الأصلية كتبت بواسطة amrspeed

انا عندى كرسى السائق فيه بوش خفيف هل ليه حل فى التوكيل ولا ممكن يغيرولى الكرسى

[gdwl]بص يا راجل يا طيب لو العربية لسه في الضمان روحلهم بس نصيحتي في حاجات تافهة وبسيطة وبتتعمل ب 20 أو 30 جنيه عند سروجي محترم أحسن متضرب مشوار للتوكيل ميجيبش عشان تحط فيبرة أو نطت من مكانها وواحد يعملهالك طبعا أحسن من التوكيل لأن مشاكل التوكيلات عندنا في مصر مفيش حد يخش عشان يعمل حاجة بسيطة لازم يطلعولك 180 عيب في العربية فعشان تروح التوكيل لازم تغير زيوت وسيور وفلاتر ومعرفش إيه وتقعدلك كذا ساعة ودور ومكان بعيد وفي الآخر فاتورتك قريبة من ألف جنيه نصيحة لكل مصري الدخول للتوكيلات للقضايا المصيرية واللي مش موجودة بره وعربية حتوقف عليها وعيب صناعة أو حاجة إنت ملكش ذنب فيها والسلام ختام[/gdwl]

**ALshahba** · 27-04-2011 10:54 PM

المشاركة الأصلية كتبت بواسطة saddam

العربية بصراحة أنا مالك ليها من الزيرو وهي عدا المساعدين بتوعها ناشفين ولما ربنا يديك طولة العمر وتغيرهم أم عمرهم ينتهي بمساعدين زيت فقط وليس غاز أو زيت مع الغاز حتكون أحسن عربية بسعرها بصراحة والله ولي التوفيق والسلام

ياريت لو سمحت توضح ايه هوه المساعد الزيت ؟؟؟؟ هوا اللي راكب فيها زيت ولا غاز ولا غاز وزيت؟؟؟
ومنين اشتريه؟؟؟ ولا ممكن اقول للتوكيل يركبولي مساعد زيت؟؟
رجاءا تجاوبني علي الاسئله دي لاني محتاج اغير المساعد الخلقي ونفسي اجيب حاجه قويه وطريه فى نفس الوقت
اشكرك للاهتمام

**ALshahba** · 27-04-2011 11:22 PM

المشاركة الأصلية كتبت بواسطة saddam

العربية بصراحة أنا مالك ليها من الزيرو وهي عدا المساعدين بتوعها ناشفين ولما ربنا يديك طولة العمر وتغيرهم أم عمرهم ينتهي بمساعدين زيت فقط وليس غاز أو زيت مع الغاز حتكون أحسن عربية بسعرها بصراحة والله ولي التوفيق والسلام

معلش كان عندي سؤال..... زي مانا شايف ان حضرتك تمتلك مرسيدس!!!! هل فعلا توكيلها متعب كده برضه ولا ايه ؟؟؟