الموضوع: كل شئ عن 620

المشاركة الأصلية كتبت بواسطة alshahba

- بلاش نحط للعربيه دي 620 زيت معدني خالص لانه غير مناسب لمواصفات الموتور ويضر الموتور جدا
- يفضل زيت شل الترا ...تمنه دلوقت 300 ج بس مناسب جدا لموتور العربيه زي الكاتالوج مابيقول بالظبط ....... 5w40 ودرجة الخدمة sn
<<ولو انت مش متأكد من نوع الزيت اللي انت حطيته فى الموتور بتاعك او لو حاطط نوع زيت معدني علي تصنيعي ..... يفضل تعمل تنظيف للزيت الموتور ..... بإضافة زيت "فلش flush" للموتور قبل التغيير وانتظر عليه مدة من 5 الي 10 دقائق بدون ماتدوس علي دواسة البنزين (علي السالانسيه) علي حسب كل نوع ماهو مكتوب عليه وبعد كده تغيره ومعاه الفلتر لازم وتحط الزيت المناسب للموتور (5w40 او 10w30 او 10w30) >>
(يباع زيت "الفلش" فى اي ماركت بنزينه بحوالي 25-35 ج وتكون عبوه صغيره حوالي 330 مللي لتر او 800 مللي لتر)

- وماتحطش ليها الزيت الاحمر للباور ......حط الزيت الشفاف ...... غالي فعلا بس ممتاز جدا وخفيف علي الباور وبيدي افضل كفائه
- وماتحطش اي زيت للفتيس ........ حط اي نوع يكون مكتوب عليه sp iii ده انسب واحد للفتيس بتاعنا ,وياريت مايكونش الزيت الاحمر ياريت يكون الزيت الشفاف......طبعا غالي بس ممتاز للفتيس

- وللحفاظ علي مياه الريداتير ....... يفضل غسل الريداتير بعبوة "فلش flush" الخاصه بالريداتير (بنفس طريقة زيت الموتور وتنظيفه) ثم توضع مياه خضراء (او حمراء -جاري البحث) تكون مركزه من موبيل او من اي شركه اخري توضع بالكامل بدون تخفيف نهائيا باي مياه عاديه (المياه العاديه دي مصيبه علي الريداتيرات وخصوصا بتاعتنا وعلي الاربه) وسوف تكون فى حدود 5-6 لترات سعر اللتر حوالي 30ج (غالي جدا انا عارف)

واستمتع بالعربيه اطول وقت بدون صيانه وافضل استهلاك للبنزين وافضل سرعه علي الطرق السريعه

دمتم فى امان الله

واستكمالا لانواع الزيوت الموصى بها لموديل 620 لكي تستفيد بافضل اداء:

- زيت الفرامل ...... يضاف زيت الفرامل فى حالة النقصان بعد تغيير التيل ( امامي+خلفي) يكون من اي نوع له رقم " dot 4" هو الانسب لماستر الفرامل لل620 ,وليس "دوت3" الشائع ..... طبعا ممكن تلف شويه لحاد ماتلاقيه وممكن تلاقيه علي طول عن اي حد بتاع قطع غيار كبير
وكما نلاحظ ان لكل زيت ولكل رقم له نظام ما يحدده المصمم وليس الميكانيكي

*** ومن الافضل تغيير زيت الفرامل كل فتره طويله او اذا تغير لونه واحترق

استاذ rabet007 انا مش عارف ارد علي انهي مشاركه لان حضرتك راد كتيير اوي فى نفس اليوم هههههههههه
مبدأيا ربنا يباركلك فى العر بيه والفين مبروك ................ حاخد لفه

مركز المتحده :
وانت علي الطريق الدائري من المريوطيه فى اتجاه المعادي خليك ماشي علي الهادي ..... حتلاقي الكنيسه علي ايدك الشمال وحتلاقي مأذنة جامع علي ايدك اليمين بعد الكنيسه بشويه
عند مأذنة الجامع وقبليه بشويه حتلاقي مركز المتحده منور وكبير
ممكن تقف وتنادي اي حد من عندهم يدخلك ليهم

اسعارهم كويسه مش زي التوكيل ..... بس يعتبروا اغلي من الميكانيكي العادي ..... بس شغلهم كويس وفاهمين

بالتوفيق ان شاء الله