أنا أتعقدت و جاللي أنهيار عصبي

**Akram** · 09-04-2008 11:22 AM

المشاركة الأصلية كتبت بواسطة SAbuhashem

إفترض دايماً حسن النية من اللي حواليك حتى لو بتضحك على نفسك يعني لو ميكروباص طلع فجأه من اليمين وكان هيدمر جانب عربيتك قول جوة نفسك أهو مستعجل وبيأكل أولاده

لو واحد ظريف لاصق في عربيتك من ورا وبيقلب نور وعاوز يعدي من فوق عربيتك وسع له وعديه وقول في نفسك اديني أثبت له اني أنا محترم أكتر منه يمكن يتكسف على دمه بعد كدة وعدوانيته تقل لإنه في الاساس مكنش متوقع انك توسع له

يا Tut (إذا بلغك عن أخيك الشيء تنكره فالتمس له عذرا واحدا إلى سبعين عذرا، فإن أصبته، وإلا، قل لعل له عذرا لا أعرفه).
صحيح الواحد احياناً ممكن يتنرفز لكن انا بقول لنفسي و بقولك إننا لازم نحاول نلتمس الأعذار و منأخدش أي حاجة على أعصابنا ,
أيه المشكلة لما واحد مستعجل و عايز يعدي منك ,
أو واحد رمى عليك ,
أنا احياناً لما بكون مستعجل و فيه ظرف معايا ببقى عايز أوصل بأي طريقة و حاسس ان الناس لازم توسعلى و انها لازم تقدر إن عندي ظرف (طبعاً مع الناس مش عارفة).
حاجة كمان انك و انت نازل لازم تكون مهيأ للزحمة و للناس اللى ماشية بالدراع ,
خلييييييييييييييييييييك كووووووووووووول

**aeid79** · 09-04-2008 11:28 AM

باشا ,

ليه مترجعش انجلترا , انا طبعا معرفش عن وضعك القانوني هناك بس ممكن تعمل Hsmp و تقدر تسافر و تشتغل هناك قانوني.

**tutankhamoun** · 09-04-2008 11:40 AM

المشاركة الأصلية كتبت بواسطة aeid79

باشا ,

ليه مترجعش انجلترا , انا طبعا معرفش عن وضعك القانوني هناك بس ممكن تعمل Hsmp و تقدر تسافر و تشتغل هناك قانوني.

الحمد لله أنا وضعي قانوني جدا في أوروبا كلها و مش أنجلترا بس و ممكن أروح البلد اللي أنا عايزها
بس أنا مش عايز أروح و أتبهدل ماديا ........ فأنا خططي إن شاء الله إني اظبط أحوالي المالية الأول و بعدين أشتري تذكرة السفر ........ و أخذ ديلي في سناني و أهرب من السيرك المصري الكبير

و شكرا على النصيحة .......... بس أيه هي HSMP دي ؟؟

المشاركة الأصلية كتبت بواسطة hussein

الاخ العزيز توت: بالنسبة لموضوع السواقة شوفلك سواق (اذا كان عندك القدرة المالية) انا شخصيا رتبت نفسى على كده و هبدأ ادور على سواق هادى كده وابن حلال وداكمان ممكن يعملك المشاوير اللى مفيش داعى انك تروحها
بالنسبة لموضوع الطابور و السلوكيات : انا معاك اننا شعب همجى و سىء بس زى مقال الاخ شريف حاول تلتمس اعذر ليهم ولو ان الكلام دا صعب جدا
وياريت ياشباب اللى يعرف حاجة تخليه احساسو بالقلق والضغوط اقل يقولى حتى لو كان الحل انى اروح لدكتور نفسانى

شكرا يا أستاذ حسين على مداخلتك الكريمة
الموضوع مش موضوع سواقة بس
للآسف أنا بكره قلة النظام ........ و مش عارف أغير من نفسي
يعني حتى و أنا راكب ......... دمي بيتحرق برضه
و الأحسن بقى إن الواحد يجيب حد يعيش مكانه !!!!!!!!!!!!!!!!!!!!!!!!!!!!!

المشاركة الأصلية كتبت بواسطة lightspeed

دا باين على حضرتك انك جبت اخرك(لدرجه التفكير فى الخروج من مصر)
ربنا يصبرك ويصبرنا معاك
وهو ده حال المصريين بعد ما بعدنا عن دينا ودخلت بيوتنا الفيدو كليبات والاغانى والرقص واصبحت كره القدم اهم حاجه عندنا(لدرجه ان لاعب كره القدم بقى اهم من دكتور الجامعه)
يلا معلش...... حاول تتأقلم مع المصريين وزى ما قالك الاخSAbuhashem افترض دايما حسن النيه(والله هتحللك مشاكل كتير)
والله المستعان

هو من ناحية إن أنا جبت من الآخر ......... فأنا جبت من الآخر من فترة كبيرة و يمكن من أول ما رجعت مصر و لكني كنت أحاول التأقلم و لكن مش قادر

المشاركة الأصلية كتبت بواسطة Akram

يا Tut (إذا بلغك عن أخيك الشيء تنكره فالتمس له عذرا واحدا إلى سبعين عذرا، فإن أصبته، وإلا، قل لعل له عذرا لا أعرفه).
صحيح الواحد احياناً ممكن يتنرفز لكن انا بقول لنفسي و بقولك إننا لازم نحاول نلتمس الأعذار و منأخدش أي حاجة على أعصابنا ,
أيه المشكلة لما واحد مستعجل و عايز يعدي منك ,
أو واحد رمى عليك ,
أنا احياناً لما بكون مستعجل و فيه ظرف معايا ببقى عايز أوصل بأي طريقة و حاسس ان الناس لازم توسعلى و انها لازم تقدر إن عندي ظرف (طبعاً مع الناس مش عارفة).
حاجة كمان انك و انت نازل لازم تكون مهيأ للزحمة و للناس اللى ماشية بالدراع ,
خلييييييييييييييييييييك كووووووووووووول

أولا شكرا جدا على مداخلة حضرتك
بس المشكلة تلتمس العذر لمين
للشعب كله ......... كله بيغلط فيك و عايزني لسه ألتمس العذر
ده الكل مستعجل .......... و الكل بيكسر عليك و يزنق نفسه في حته متدخلش عجلة بينك و بينه
و الكل كدا
فصعب إن الواحد يلتمس الأعذار للقطيع كله
صح و لا أنا غلطان

**M_HaFeZ** · 09-04-2008 11:52 AM

والله العظيم ياتوت باشا انت اكتر واحد بيعبر عن اللى جوايا
كل كلامك باشوفه وباعانى منه باستثناء انى مش معايا عربيه دلوقتى
الصفه الشامله فى الشعب المصرى هو عدم التحضر
عدم التحضر يعنى محدش يعمل حساب اللى معاه فى الشغل فى البيت فى الشارع فى المحل فى اى مكان
كله همج وكله غباء فى غباء ... قله الذوق ده شئ عادى جدا جدا
ولازم تعترض مره واتنين وتلاته علشان الناس تاخد بالها ولما تقولهم على اللى بيعملوه ده غلط يبصولك كانك غلطت فيهم بالاهل
فى الشغل تلاقى اللى مش مراعين انهم بيتعاملوا مع بنى ادمين
مع ناس متعرفش هما جايين من انهى ******
اللى تحط لك برفان رخيص ريحته مستفزه جدا جدا من البرفانات اللى كلها زيوت دى وتخنقك
وتكون بتصلى كمان ومحجبه
ولما توصلها عن طريق اخت تانيه ملتزمه فى الشغل ان الموضوع ده بيضايق وخصوصا انها قريبه من الناس والريحه بتضايقهم
نقول للاخت قوليلها بلاش موضوع البرفان المستفز ده وقوليلها الحديث الشريف اللى بيوضح ان المراءه اللى بيظهر عطرها ... تكون زانيه
تقولها ولا كانك منادى
تروح تحجز فى القطر تقف فى دورك منتظر الحجز تلاقى واحد بكل برود داخل مكانك علشان يحجز ... هو انا هوا مثلا ولا مش شايفنى ولا انا صبى شغال عند حد باعتنى احجز له مثلا
واللى يغيظك اكتر انى طويل وضخم يعنى لو اخدتها عافيه محدش يفتح بقه معايا
وللاسف اللى بيعملوا كده بكل برود وتناحه بتتضطر انك توضح انك ممكن توصل للمستوى الهمجى ده فى التعامل ... نظام لو شايف نفسك ! وطبعا الكل بيجيب وراء لما باعمل كده
طيب ليه من الاساس منكونش محترمين
بجد المشكله مش مشكله حكومه
المصرى متعود يمشى بال***** علشان يتعامل كويس مع الناس او يبقى متحضر او ملتزم بالقوانين
شوف المصريين لما بيبقوا فى بلد فيه قوانين مرور صارمه .. هتلاقيهم زى الالف
اول ماينزلوا مصر .. كانهم دخلوا الحمام ... اعمل كل اللى فى نفسك ومن غير خشاء ولا خجل

اعوذ بالله
بجد اى بنى ادم بيفكر انه يبقى محترم او متحضر لازم يعمل زيك كده ويتخانق الف مره فى اليوم ويضطر انه يغلط وياخد سيئات من كلامه ومن التناحه والبرود اللى موجود يومى وفى كل ثانيه
والله انت خليتنى اتكلم عن بلاوى من اللى الواحد بيشوفها دايما كل يوم

**M_HaFeZ** · 09-04-2008 12:01 PM

المشاركة الأصلية كتبت بواسطة SAbuhashem

على فكرة يا TUT أنا زيك بالظبط متربي و عايش برة ولما جيت مصر إتصدمت صدمات عنيفة من أخلاق بعض المصرين السيئة ولسة بحاول لحد دلوقتي أتأقلم على الغابة إلي في شوارع مصر دي

فعلاً إنت بتحس و إنت ماشي في الشارع انك بني أدم ضعيف أو نقول مستضعف من الوحوش إلي حواليك واللي هيفترسوك في أي لحظه لو مفضلتش صاحي لأي حركة حواليك

بس أقولك على حاجة أنا بحاول أجربها وأحياناً بتجيب نتيجة

إفترض دايماً حسن النية من اللي حواليك حتى لو بتضحك على نفسك يعني لو ميكروباص طلع فجأه من اليمين وكان هيدمر جانب عربيتك قول جوة نفسك أهو مستعجل وبيأكل أولاده

لو واحد ظريف لاصق في عربيتك من ورا وبيقلب نور وعاوز يعدي من فوق عربيتك وسع له وعديه وقول في نفسك اديني أثبت له اني أنا محترم أكتر منه يمكن يتكسف على دمه بعد كدة وعدوانيته تقل لإنه في الاساس مكنش متوقع انك توسع له

اضحك على نفسك يا مان أحسن تعجز بدري يا إما بقولك إيه تيجي نهاجر تاني للأبد أنا ونت :)
تعالى نعيش في ماليزيا أهي بلد مسلم ونضيفة ومنظمة جداً ومش محتاجة فيزا ولا غيره

:(

Thanks
Eng.Sherif Shaker

والله مش لازم تكون متربى بره مصر علشان تحس بكده
انا مولود فى مصر ومتربى فيها ومخرجش منها غير مره واحده لاوروبا ولفتره قصيره
بس عارف يعنى ايه تكون محترم او متحضر
عارف ازاى الناس المحترمه بتتعامل مع بعض فى اوروبا او فى اى مكان غير مصر

**fakoussa** · 09-04-2008 12:05 PM

الاستاذ توت معه حق فى كل كلمة كاتبها و انا كمان هاقدم على هجرة الى كندا او استراليا او اى حتة بس بعيد مع مصر و المصريين بصراحة كل حاجة تقرف فى البلد دى مفيش نظام فى اى حاجة حتى الطابور مش عايزينه و الله المشكلة مش فى الحكومة بس دى فى الناس نفسهم . انا كمان بكون مخنوق احيان كتير جدا و ساعات بطلع راسى من العربية و ازعق بصوت عالى على اى حاجة انا عارف ان الموضوع مضحك شوية بس احسن من انى اتخانق مع اى حد و اكسر اى شئ او ضغطى يترفع.

كلامك جميل يا استاذ توت و عايز افكرك بالمرور و المصالح الحكومية و البيروقراطية المتخلفة و الطلبات المتخلفة علشان تطلع اى ورقة او شهادة .
و بعد بطاقة الرقم القومى الفاشلة عايزين يعملوا البطاقة الذكية .
ربنا معانا و الله .

**Karim_Monir** · 09-04-2008 12:11 PM

اخي تووت هون عليك
كلنا هذا الرجل
يويما بروح متعصب ومتنرفز وزوجتي تقعد تهدي فيا وممكن اتنرفز على الولد ولا البنت لسبب تافهة نتيجة كتم تلك العصبية
انا اقوللك على حاجة بحاول اعملها
في الشارع المصري الجميل تقدر تقفل ازاز عربيتك وتضحي بشوية بنزين وتشغل التكييف على طول حتى ولو اقل درجة
وتشغل قران في العربية وفي شوية قراء ما شاء الله عليهم عندهم تلقدرة على انهم يدخلوك في عالم القرءان بصوتهم الرائع
زي الشيخ عبد الباسط والبنا وخاصة البنا بيعمل حالة استرخاء بشعة
وحاول تحفظ معاه هاتلاقيك اتلهيت في عمل مفيد وسواقتك بقت اهدى وانعزلت عن العالم وهاتتقبل حاجات ماكنتش بتتقبلها
حتى زوجتي عرفت كلمة السر بتاعتي واول ما تركب يا تجيب محطة القرءان الكريم يا تحط اسطوانة من بتوعي واعيش معاهم
خاصة اني حافظ جزء كبير من القرءان فبردد عشانمانساش واهدي في سواقتي جدا
عندك مشاري راشد زميلنا اسلام المصري بعيش معاه الرحلة اليومية من المهندسين لاكتوبر
عندك فارس عباد بصوتة الرائع
جرب نصيحتي وما تكتمش كتير عشان ما يجلكش مرض سيء لا قدر الله وما تحملش على اعصابك اكتر من طاقتها
واكثر من الاستغفار وانت ماشي كدة هاتلاقي الدنيا ميسرة ليك باذن الله
واحتسب كل واحد بيضايقك انك كظمت غيظك وتبقي منالكاظمين الغيظ والعافين عن الناس وعند على مقدرة مش ضعف
ربنا ييسرلك امورك وبرضه البلد دي بكل قرفها احسن من غيرها
انا لسه بحبها والله واعتقد ان اللي انت فيه ده نابع من حبك ليها

**CryptonX** · 09-04-2008 12:17 PM

ولله يا استاذ توت مش عارق اقولك ايه .. بس انت معاك حق فعلا . .

انا بعمل بالظبط زي ماكريم قالك ... اقفل الزجاج .. تكييف ... بشغل يا اما قرآن او موسيقى هادئة جدا للمشاوير الطويلة ( كوبري 6 اكتوبر المجيد ) .

و بحاول علي قد ماقدر اتفادى الناس و اعديهم و اعدي المشاة .. و ابعد عن المجانين و بتوع الغرز .. طبعا من الوقت للتاني بفصل علي حد ! بس .. بحاول ارجع تاني .. علشان المشكلة ..

اني لما حد بيعمل فيا حاجة و انا سايق .. و خرجني من تركيزي و من هدوئي .. بدون ما ادري ببتدي اتحول لوحش ثائر علي الطريق .. و ابتدي اعاقب الناس المخالفة ! و اعمل زيهم .. و بدون مادري و الله ..بس لو لحقت نفسي بدري بدري بهدوء كدة .. الحمد الله بتمشي ..

و الا حبقى Vigilante ماشي في الشارع ! :)

وربنا يصبرك و يصبرنا يا رب .