الموضوع: أنا أتعقدت و جاللي أنهيار عصبي

السلام عليكم و رحمة الله و بركاته
أشكر كل من شارك في هذه الفضفضة
و بالفعل أشعر بإحساس أفضل اﻵن بعد أن فرغت شحنة الغضب التي كانت بداخلي

و لكني أشعر بأنه " مفيش فايدة في الشعب "

إمبارح و أنا راجع و بأخذ منعطف للدوران للإتجاه العكسي للطريق و الاقي واحد معندوش ريحة الدم ........ راح واخد المنعطف على واسع و بقدرة قادر بقى قدامي ......... لا بقيت قادر أتحرك و لا أعمل أي حاجة
زمرت و بقوله ينفع كدا .......... مش المفروض تستنى ورايا
عارفين قالي أيه ........
طبعا شوح بأيده و قالي هو أنت أشتريت الشارع ؟؟؟؟

طبعا هو قالي كدا و أنا اتعفرت أكتر ما أنا متعفرت
و روحت زنقت عليه حوالي كيلو
المهم هو باين عليه قال " الراجل ده مجنون و لا أيه ؟"
ببص لقيته هدى سرعته خالص و خاف
طبعا رحت ماشي و سايبه

.............................

ذهبت إلى مقر البنك لتخليص بعض الأعمال

المهم لقيت الطرق عند البنك زحمة جدا ........ رحت راكن قبل البنك بحوالي 100 متر
تخيلوا .......... كل العربيات راكنة ادام البنك و الطريق فعلا مسدود ......... و 100 متر فقط بعيد عن البنك ملئ بأماكن الركن الفارغة من السيارات

المصريين يتركون أماكن الركن ........ و يركنوا في الشارع و يسدوه

ناقص كل واحد يأخذ العربية معاه و هو طالع بيتهم ........ أو يأخذها في جيبه و هو رايح أي مصلحة

سدوا الشارع أدام البنك علشان البهاوات مش عايزين يمشوا 100 متر
و المصيبة بقى إن كل اللي راكنيين .......... نازلين من عربياتهم ببدل و كرفتات ......... يعني كلهم ناس متعلمة

و لذلك دب اليأس في صدري أكثر و أكثر

و قلت لما المتعلمين بيعملوا كدا ............ طيب بنعيب ليه على الجهلة و المتخلفين من حسالة الشعب ؟؟؟؟؟؟؟؟؟؟؟؟؟؟؟

و سأقتبس كلمة سعد زغلول الموجودة في توقيع أكسبرت

مفيش فايدة يا صفية ..... غطيني و صوتي يا صفية

سعد زغلول قالها من 100 سنة

المشاركة الأصلية كتبت بواسطة casber

هوا فيه جهلة بس مش كلهم حثاله

أنا آسف على الكلمة ......... و آسف إن كان خانني التعبير و أغضب حضرتك
و أرجوا أن لا يغضب مني أحد
و لكن غصب إن عني ................. أنا مخنوق على الآخر

عارف حضرتك المشكله كلها ايه؟ ، المشكله هى انك بتتوقع حاجه و تحبط لما متلاقيهاش. حضرتك عايزو يكون مجتمع اوروبى و هو عمره ماكان و لا هيكون، يبقى توقع الاسوأ عشان لما تلاقى الاحسن تنبسط.
ده غير ان كان فيه جمله بسمعها طول عمرى و مكنتش بستعملها غير لما عرفت قيمتها، وهى "انظر للجانب المشرق" يعنى متبصش لكل حاجه على انها %100 وحشه، حاول تستمتع بحياتك علشان العمر اللى بيعدى مش هيرجع تانى و انت مبتكسبش حاجه من حرقة الدم بالعكس بتخسر كتير، و اكيد اوروبا فيها سلبيات كتير برضه اولها الغربه، اكيد لو حضرتك كنت مرتاح تماما هناك مكنتش سبتها..لاكن عشان بتبص للجانب المشرق فيها فحاسس انها جنه بالنسبه لهنا، لاكن ممكن واحد تانى يبص على مساؤها بس و تبقى بالنسباله جحيم زى ما حضرتك بتبص لمصر...
واى حد متخلف تقابله و يعمل معاك موقف مش كويس، متزعلش نفسك و Don't take it personally علشان هو بيعمل كده مع اى حد مش قصدك انت، متسمحش لغبى زى ده انو يعكر دمك، هو ميستحقش الاهتمام ده.
انا بيتهيءلى انك لو اتجوزت و استقريت فى اى بلد هتشعر بتحسن، بس نقى واحد مبتسمه للحياه ومش فى دماغها حاجه عشان تخفف عليك.
على فكره كل الكلام ده انا بقولو لنفسى برضو لانى زيك بالظبط، Perfectionist و محترم اوى.

المشاركة الأصلية كتبت بواسطة mars3v

عارف حضرتك المشكله كلها ايه؟ ، المشكله هى انك بتتوقع حاجه و تحبط لما متلاقيهاش. حضرتك عايزو يكون مجتمع اوروبى و هو عمره ماكان و لا هيكون، يبقى توقع الاسوأ عشان لما تلاقى الاحسن تنبسط.
ده غير ان كان فيه جمله بسمعها طول عمرى و مكنتش بستعملها غير لما عرفت قيمتها، وهى "انظر للجانب المشرق" يعنى متبصش لكل حاجه على انها %100 وحشه، حاول تستمتع بحياتك علشان العمر اللى بيعدى مش هيرجع تانى و انت مبتكسبش حاجه من حرقة الدم بالعكس بتخسر كتير، و اكيد اوروبا فيها سلبيات كتير برضه اولها الغربه، اكيد لو حضرتك كنت مرتاح تماما هناك مكنتش سبتها..لاكن عشان بتبص للجانب المشرق فيها فحاسس انها جنه بالنسبه لهنا، لاكن ممكن واحد تانى يبص على مساؤها بس و تبقى بالنسباله جحيم زى ما حضرتك بتبص لمصر...
واى حد متخلف تقابله و يعمل معاك موقف مش كويس، متزعلش نفسك و Don't take it personally علشان هو بيعمل كده مع اى حد مش قصدك انت، متسمحش لغبى زى ده انو يعكر دمك، هو ميستحقش الاهتمام ده.
انا بيتهيءلى انك لو اتجوزت و استقريت فى اى بلد هتشعر بتحسن، بس نقى واحد مبتسمه للحياه ومش فى دماغها حاجه عشان تخفف عليك.
على فكره كل الكلام ده انا بقولو لنفسى برضو لانى زيك بالظبط، Perfectionist و محترم اوى.

شكرا جزيلا لهذه المداخلة
بس أحب أوضح حاجة

أنا عمري ما شعرت بالغربة في أوروبا .......... و كنت مرتاح جدا نفسيا و الناس بتعاملني بإحترام جدا

و أنا أشعر بالغربة و أنا في مصر
عارف أخرج في الشارع و مش طايق أبص في خلق الناس
هل في إحساس أسوء من هذا ........... إنك مش طايق أهل بلدك !!!!!!!!!!!!!!!

طبعا هو إحساس قاتل ........... لأني مهما أرتحت خارج مصر ففي النهاية أنا غريب و لست منهم
و لكن ناسي و شعبي .......... خانقني .......... طيب أعمل أيه ؟؟؟

و على فكرة أنا متزوج و الحمد لله

توت باشا...
صدقني مش هاتعرف تعيش هنا في مصر....
وحكاية ان الناس تبقي متحضرة....دي محتاجة ملايين السنين...
الافضل انك تشوف مكان كويس في اوروبا....(وانا في وجهه نظري انجلترا افضلهم )..وتستقر هناك...
ولما تيجي مصر...ما تعيش في القاهرة خالص....يعني شوف اي منتجع بعيد عنها ويكون فية بيزنيس بارك..(زي مدينتي مثلا) ...وتبقي عايش هناك وخلاص....

ربنا يقدرني واحصلك....

المشاركة الأصلية كتبت بواسطة tutankhamoun

شكرا جزيلا لهذه المداخلة
بس أحب أوضح حاجة

أنا عمري ما شعرت بالغربة في أوروبا .......... و كنت مرتاح جدا نفسيا و الناس بتعاملني بإحترام جدا

و أنا أشعر بالغربة و أنا في مصر
عارف أخرج في الشارع و مش طايق أبص في خلق الناس
هل في إحساس أسوء من هذا ........... إنك مش طايق أهل بلدك !!!!!!!!!!!!!!!

طبعا هو إحساس قاتل ........... لأني مهما أرتحت خارج مصر ففي النهاية أنا غريب و لست منهم
و لكن ناسي و شعبي .......... خانقني .......... طيب أعمل أيه ؟؟؟

و على فكرة أنا متزوج و الحمد لله

طالما انك مخنوق لهذه الدرجة ومش قادر تسيطر على كلماتك بوصف الشعب بالحثالة ومش طايق تبص فى خلقهم ، فأننى الاحظ ان كل مداخلة تأتى بكلمات اصعب من الاولى 000 لذا ارجوك حاول انك تتمالك اعصابك لانك بهذا الشكل تهين الجميع لاننا من شعب مصر وعلى فكرة لية مفكرتش انك تكون انت اللى خانق غيرك .؟
اكيد بكلماتك ديت انت خنقت ناس كتير ، وياريت تأخذ اجازة وتسافر الى اوربا طالما انك بترتاح هناك ويمكن تغير رأيك وترجع وانت مرتاح