علشان كده لازم اقول نعم ..... ما يريده البرادعي وأمثاله في الدستور

**human** · 19-03-2011 01:57 AM

المشاركة الأصلية كتبت بواسطة أبو عبدالله

يعني حضرتك عاوز تعمل تعديل للمادة التانيه في الدستور
طيب قول كده في كلامك السابق
وياريت تقوله صراحة للناس علشان الاخوة هنا يفهموا لأن أظن ان اغلبهم اذا مكنش كلهم فهم كده

وعن رايي لأ طبعا لا اوافق بأي شك من الأشكال عن تغيير حرف واحد من هذه المادة ولو على رقبتي وقول اللي انت عاوزه حقي ولا يمكن افرض فيه

++++++++++++++++++++++++++1

احب انا الردود ديه
عشان لازم نشوف كذا وجهه نظر

يبقى لازم تقول لا للتعديلات قبل ما السياسه تلعب لعب اكبر :)

خد بالك ان شريعتنا تسمح بالتعديل ده
لانه امر طبيعى وليس امر غريب
عشان مانخشش فى جدل طلاقهم بيتم ازاى وقواضى غريبه فى المحكمه غير مختصه بشريعه المسيحيين

المشاركة الأصلية كتبت بواسطة saif3s

لا مش جديد ولا حاجه , مجلس الوزراء سيكون منتخب من الشعب بالتبعيه
لان الحزب الذى له اغلبيه او تحالف احزاب لها اغلبيه و منتخبه من الشعب من حقها ان تشكل الحكومه مش تعيين من الرئيس زى الموظفين ده أ - ب سياسه مش نظام ديمقراطى جديد

++++++++++++1
ده الطبيعى و ده المتعارف عليه فى اى دوله برلمانيه
بس عشان طول عمره وطنى فعمرنا ماعرفناه

عشان كده الاخوان والتيار الدينى بيقول نعم
عشان الاخوان عايز 35 او 40% من البرلمان وده هيبقى اغلبيه فى البرلمان القادم وممكن ائتلاف بسيط ونشوف الاخوان بتشكل حكومه

ديه اللعبه الكبيره
والاخوان مش عايزين يفوتوا الفرصه وحقهم

بس حق الناس تعرف هما بيقولوا نعم ليه فعليا

**fepsceasar** · 19-03-2011 01:58 AM

راجع النظام الرئاسى فى الولايات المتحدة
اما النظام البرلمانى فالحزب صلحب الاغلبية يختار الوزراء من اعضاء البرلمان ولا تحدث انتخابات مباشرة لاختيار وزراء بعينهم لوزرارات معينة

فى النظام البرلمانى فهناك دمج للسلطات لأن المجلس يملك سحب الثقة من الحكومة
ويمكن الدعوة لانتخابات مبكرة
اما النظام الرئاسى فهناك فصل فى السلطات فلايملك الرئيس حل البرلمان ولا يملك البرلمان سحب الثقة من الحكومة
وكل نظام له مزايا وعيوب يمكن مناقشتها فى اطار اخر
بلاش ندخل النظام البرلمانى فى المواد المعدلة فى عيوب النظام الرئاسي فلكل مقام مقال ولا اقصد مصادرة رايك ولكن اطلب من سيادتك تنظيم المشاركة تبعا للموضوع
تقبل لحترامى

**RimonWagdy** · 19-03-2011 02:05 AM

المشاركة الأصلية كتبت بواسطة أبو عبدالله

يعني حضرتك عاوز تعمل تعديل للمادة التانيه في الدستور
طيب قول كده في كلامك السابق
وياريت تقوله صراحة للناس علشان الاخوة هنا يفهموا لأن أظن ان اغلبهم اذا مكنش كلهم فهم كده

وعن رايي لأ طبعا لا اوافق بأي شك من الأشكال عن تغيير حرف واحد من هذه المادة ولو على رقبتي وقول اللي انت عاوزه حقي ولا يمكن افرض فيه

يا فندم أنا قولت التعديل بالأضافة عليها ما يسمح للأقباط بالاحتكام فيما بينهم بحسب قانون الديانة المسيحية و ذلك بدون حذف حرف أو حتى نقطة منها .

و لو فيه قانون بهذا مثلما نطالب و مثلما أقترح الزميل العزيز الدكتور محمد فأنا أكيد موافق طبعاااااا عليه و أطالب كمان انه لا تعديل و اضافة و لا مساس بالمادة الثانية .

**medo_2060** · 19-03-2011 02:06 AM

انا مسلم واسمى محمد
هقول "لا"
وهنتخب البرادعى
الاختلاف فى الرأى لا يفسد للود قضيه لكن استخدام الفزاعات والكذب عالناس الغلابه هو الى يفسد فعلا...
تحياتى

**SAiF3S** · 19-03-2011 02:09 AM

المشاركة الأصلية كتبت بواسطة fepsceasar

راجع النظام الرئاسى فى الولايات المتحدة
اما النظام البرلمانى فالحزب صلحب الاغلبية يختار الوزراء من اعضاء البرلمان ولا تحدث انتخابات مباشرة لاختيار وزراء بعينهم لوزرارات معينة

حضرتك الظاهر مش بتقرا المشاركات كويس
انا ما قلتش انتخابات مباشره لاختيار الوزراء انما قلت منتخب بالتبعيه وعلشان متعبكش المشاركه بتعتى اهى

المشاركة الأصلية كتبت بواسطة saif3s

لا مش جديد ولا حاجه , مجلس الوزراء سيكون منتخب من الشعب بالتبعيه
لان الحزب الذى له اغلبيه او تحالف احزاب لها اغلبيه و منتخبه من الشعب من حقها ان تشكل الحكومه مش تعيين من الرئيس زى الموظفين ده أ - ب سياسه مش نظام ديمقراطى جديد

المشاركة الأصلية كتبت بواسطة fepsceasar

فى النظام البرلمانى فهناك دمج للسلطات لأن المجلس يملك سحب الثقة من الحكومة
ويمكن الدعوة لانتخابات مبكرة
اما النظام الرئاسى فهناك فصل فى السلطات فلايملك الرئيس حل البرلمان ولا يملك البرلمان سحب الثقة من الحكومة
وكل نظام له مزايا وعيوب يمكن مناقشتها فى اطار اخر
بلاش ندخل النظام البرلمانى فى المواد المعدلة فى عيوب النظام الرئاسي فلكل مقام مقال ولا اقصد مصادرة رايك ولكن اطلب من سيادتك تنظيم المشاركة تبعا للموضوع
تقبل لحترامى

انا اللى مش هدخل فى نقاش جانبى لأن انا اللى بطلب من حضرتك تلتزم بالمشاركه تبعا للموضوع لان حضرتك بتهكمك أخدت الحديث بعيد عن سياقه
وياريت تدرس النظام البرلمانى والرئاسى و سلطه الرئيس تحت دستور 71 بحل مجلس الشعب و أقاله مجلس الوزراء
تقبل احترامى ايضا

**Samah AbdAllah** · 19-03-2011 02:09 AM

وانا مسلمة ومتمسكة بالمادة التانية من الدستور
واحترم شيوخ المسلمين والاخوان والسلفيين
لكن هذا لا يعنى ان اسمح لغيرى بالاختيار نيابة عنى
ولا بتشيكل قراراتى
وهقول لا بالرغم انى مش هنتخب البرادعى ولا عمرو موسى ولا اى شخص حتى الآن
الفيصل بيننا هو البرنامج الانتخابى

**human** · 19-03-2011 02:24 AM

تقريبا كل الجوامع انهارده بتقول نعم

فيه لسه تعليق قاريه
لما امام جامع او شيخ يقول نعم ده يبقى وجهه نظر؟؟اللى اعرفه فى الدين مافيش ننقى اه او لأ فيه سمعا وطاعه

كان اكثر شرفا لهم ان يقولوا اللى عايز الاخوان فى البرلمان اغلبيه يقول نعم

من غير الايحاء الدينى والوحوش الوهميه والمعارك الافتراضيه

**mahmoudysf** · 19-03-2011 02:33 AM

المشاركة الأصلية كتبت بواسطة saif3s

شكرا لك يا أ طارق وانا معجب جدا بأرئك و كتابتك
المشكله ان اللى بيقول نعم (بخلاف قيادات الاخوان و الوطنى اللى لهم وجهه نظر تانيه ) فاكرين انها نعم لأستقرار البلد , نعم لحمايه الدين , نعم لدوله اسلاميه زى ما سمعت فى خطبه الجمعه النهارد فى مسجد تابع للجمعيه الشرعيه

انا لا اخواني ولا حزب وطني
ومع ذلك هقول نعم عن قناعة تامة
المفروض اني اندرج زي ما سيادتك بتحاول توصف مع السذج الجهلة اللي عايزين استقرار وخلاص
يا ريت كل واحد يختار اللي عايزة من غير ما يجهل غيرة ودي اسهل حاجة

**abdelaziz-waleed** · 19-03-2011 03:12 AM

المشاركة الأصلية كتبت بواسطة now2005

بالرغم من اختلافي معاك على تعديلات الدستور ، الا اني احترم رأيك و اسلوبك الراقي في التعبير و تقبل الآخر ..

شكرا اخي العزيز على كلامك ويعلم الله اني لا اريد الا الخير لمصر سواء كانت نعم ام لا هي الافضل

المشاركة الأصلية كتبت بواسطة saif3s

رجاله حلوان الجامده , كلام فى الجون
انا كمان بحب دينى جدا جدا و بخاف عليه جدا جدا
وهقول لا للترقيع و هنتخب البرادعى لان الكلام على الماده التانيه فى الحديث مأخوذ من السياق مش عارف من باب سد الزرائع برضه ولا ايه
اخونا الفاضل ابو رقيه كان حاطط الفيديو ده قبل كده وده ردى عليه

اهلا بيك يا باشا
ياترى من حلوان بردو ولا ايه

المشاركة الأصلية كتبت بواسطة dr ahmed

أتفق معك فى كل ما قلت أخى العزيز وتحية كبيرة لكما
إلا إنى سأصوت بنعم إن شاء الله

دكتور احمد ازاي حضرتك واحشني والله
انا متأكد ان شاء الله ان ربنا هيكتب الخير لمصر سواء بنعم ام بلا ولا ننسى صلاة الاستخارة الليلة وقبل الذهاب للتصويت والدعاء بأن ينتصر الخير لمصر.
كل التحية لحضرتك وانت دائما شخص محترم يا دكتور وقدوة لي ولأعضاء كثرين في المنتدى
الا صحيح ايه اخبار الظابط اللي كان طامس نمر العربية في الجامعة عند حضرتك؟؟

الموضوع: علشان كده لازم اقول نعم ..... ما يريده البرادعي وأمثاله في الدستور

LinkBack

أدوات الموضوع

عرض

-

-

-

-

-

-

-

-

المواضيع المتشابهه

سؤال على السريع معلشي علشان مش اقول معلومه غلط لحد !!!

قبل الأستفتاء على الدستور ..... لازم نفهم الأول

لازم انا كمان اقول فى النيو سيراتو

البرادعي مهاجما الدستور المصري

الكلمات الدلالية لهذا الموضوع

المفضلات

المفضلات

ضوابط المشاركة