الموضوع: علشان كده لازم اقول نعم ..... ما يريده البرادعي وأمثاله في الدستور

المشاركة الأصلية كتبت بواسطة qmax

كنت متعاطف مع الاخوان لكن بعد اختيارهم مصلحتهم عرفتهم كويس
وبلاش تفزيع بالماده التانيه

ده كده بقى افهم ان لما اقول نعم مفيش دستور هايتغير
يبقى انا مازلت مصمم على لا للترقيع
الميدان اليوم كان خالي من الاخوان زي يوم 25 و26
رفضوا المشاركه وبعدها اعلنوا ان اللي هايشارك يبقى على مسئولية نفسه

يا اخي حرام عليك فين مصلحتهم دي، الناس عرضوا وجهة نظرهم وقالوا على الرغم من إن التعديلات مش كافية إلا إنها خطوة أولى لتحقيق الامل المنشود. ومن امتى الإخوان بيشوفوا مصلحة نفسهم وهما طول عمرهم شايلين النيلة في المعتقلات وفي ارزاقهم وشغلهم. والله حرام عليكوا انتو ظالمين الإخوان

الدكتور البرادعي أعلن في اكثر من مره دعمه للماده الثانيه وآخرها في لقاءه على اون تي في
لكنه يطالب بالتطبيق الحقيقي لجوهر الاسلام ولخصها في العداله والحريه والمساواه وقال انها مبادئ يتفق عليها كل الجنس البشري مسلمين وغير مسلمين

تركيا لا يوجد في دستورها هذه الماده ويحكمها حزب متدين محترم ناهض
مصر يوجد بها الماده الثانيه وحكمها حزب فرعوني فاسد

اذن المشكله ليست في وجود الماده الثانيه لكن في كيفية تطبيق الماده الثانيه اذ ان وجودها دون تطبيق لا تعني شيئا
هذا هو مضمون كلام د البرادعي


لا لتشويه صورة د البرادعي
سأقول لا وسأنتخب البرادعي

المشاركة الأصلية كتبت بواسطة mikho83

يا اخي حرام عليك فين مصلحتهم دي، الناس عرضوا وجهة نظرهم وقالوا على الرغم من إن التعديلات مش كافية إلا إنها خطوة أولى لتحقيق الامل المنشود. ومن امتى الإخوان بيشوفوا مصلحة نفسهم وهما طول عمرهم شايلين النيلة في المعتقلات وفي ارزاقهم وشغلهم. والله حرام عليكما انتو ظالمين الإخوان

كنت مُعتقد إنهم كانوا شايلين النيلة علشان مصر .... اتضح لي أن مصرلديهم حدودها جماعة الإخوان فقط... ما هو خارج حدود الجماعة لا يعنيهم في شيء.
للأسف كنت أحسبهم غير ذلك وطالما دافعت عنهم أمام من أكدوا لي أنهم لا يعترفون بما هو خارج الجماعة واتضح خطأي للأسف.

المشاركة الأصلية كتبت بواسطة abdelaziz-waleed

انا بحب ديني جدا جدا وبخاف عليه جدا جدا
وبحب مصر جدا جدا
وهقول لأ وهنتخب البرادعي
ولو طلعت نتيجة الاستفتاء نعم مش هزعل وهكون سعيد جدا لأي اختيار يكون في مصلحة البلد وايضا لو البرادعي خسر في الانتخابات برده مش هزعل لو نجح اللي افضل منه وخدم مصر
كل التحية والتقدير لشخصك يا ابو عبد الله

رجاله حلوان الجامده , كلام فى الجون
انا كمان بحب دينى جدا جدا و بخاف عليه جدا جدا
وهقول لا للترقيع و هنتخب البرادعى لان الكلام على الماده التانيه فى الحديث مأخوذ من السياق مش عارف من باب سد الزرائع برضه ولا ايه
اخونا الفاضل ابو رقيه كان حاطط الفيديو ده قبل كده وده ردى عليه

المشاركة الأصلية كتبت بواسطة saif3s

سؤال لكل الاخوه هلى النظام فى مصر من وقت الملكيه و الجمهوريه من عبد الناصر الى السادات الى حسنى مبارك هو نظام اسلامى ولا نظام علمانى ؟

انا رأى انه نظام علمانى 100%
و الاخوان و السلفيون قبلوا به 100% لدخول الساحه السياسيه بجانب الجزء الدعوى
وهذا النص اعتقد انه لن يتغير فى اى دستور
ده نص الماده التانيه
المادة (2)
الإسلام دين الدولة، واللغة العربية لغتها الرسمية، ومبادئ الشريعة الإسلامية المصدر الرئيسى للتشريع.

الاسلام دين الدوله وده بطبيعه الحال لان الغالبيه من الشعب المصرى مسلم لكن الدوله ككيان اعتبارى ليس مسلم لكن توجهه اسلامى , ده اذا كان الدوله والدستور هو العقد والكيان الذى اتفق عليه الحاكم و المحكوم لأداره شئون الافراد
ليه الاخوان بيقبلوا بأحقيه ترشح القبطى اذا توفرت فيه شروط الترشيح بنص الماده الصريح الذى لا يشترط ان يكون الرئيس مسلم ,طالما الاسلام دين الدوله يبقى يجب ان يمثلها مسلم .

مبادئ الشريعة الإسلامية المصدر الرئيسى للتشريع
يعنى المبادىء الشريعه وليست الشريعه الاسلاميه فى حد ذاتها مصدر اساسى
مبادىء الشريعه لا يختلف عليها اى دين وحتى من ليس له دين
الجزء الخاص المصدر الرئيسى للتشريع انه مصدر بجانب مصادر اخرى لانه لم يذكر انه مصدر اساسى ووحيد للدستور
كل ما سبق الاخوان و كافه القوى اجتمعت على قبولها به ماعد الاقباط الذين يريدون تعديله
انا شفت الفيديو اللى حاطه عن البرادعى , لكن عايز اقولك انه وضح بما لايدع مجال للشك او التخوين او التكفير انه مع الماده التانيه كما هى خلال لقائه الاخير مع يسرى فوده
الوحيد المسلم اللى لقيته مع تغير الماده التانيه هو عمرو حمزاوى وزير الشباب !

كنت عايز أقول حضرتك هاتقول نعم للتعديلات زي الحزب الوطني مخصوص علشان البرادعي وأمثالة ؟؟؟؟؟؟؟؟؟؟؟؟؟؟

كفاية بقى تخويف الناس من المادة الثانية
لا للتعديل