للاسف انا اتخدعت في الكثير من التيارات اللي ظهرت علي الساحة حاليا

**م. حاتم السباعي** · 21-03-2011 12:20 AM

المشاركة الأصلية كتبت بواسطة mertahgedan

اللهم بارك في مصر وفي شعب مصر . نتيجة الاستفتاء مع اني من أنصار لا. لكني أري انه لا يوجد سبب للاختلاف لكن هذا سبب للتقدم إلي الامام

و بالفعل اخي الكريم انا كنت مع نعم و كنت مجهز نفسي ان الاغلبية ستكون بلا و بدأت استعد لان اتبني فكرة و منظور الاخوة الذين رفضو الاستفتاء و احاول ان اقنع نفسي بها لو ظهرت النتيجة للاغلبية بلا
و لكن كما اشرت انا اعلاه بأني سمعت من اصدقاء لي بكل ما حكيت سابقا و طوال اليوم النهاردة جالس اكذب سمعي و لكن هالني ما شاهدته قبل كتابتي مباشرة لحلقة ال ( o tv ) و جزء من مصر النهاردة
تأكدت شكوكي و لهذا كتبت الموضوع

المشاركة الأصلية كتبت بواسطة kono

انا من انصار لا ... ومتقبل النتيجة بصدر رحب ...طالما ده رأى الأغلبية ..والمجلس العسكرى قال انه هيعمل اعلان دستورى يتضمن المواد المعدلة خلال 48 ساعة

ومش شايف اى سبب لنقاش النتيجة وتفرقة المصريين الى مؤيدى نعم ومؤيدى لا ...واللى بيهاجم الاخوان المسلمين غالبا غيران منهم لانهم القوى السياسية الوحيدة المنظمة

المفروض اننا نتخطى الموضوع ده ونشوف اللى جاى هيبقى ايه

فعلا استاذ kono هذا ما كنت اعد نفسي له و كنت فاكر ان اغلبية التيارات التي دعت ل ( لا ) صدمت حين رأيت و سمعت ارائهم من قبل حتي النتيجة ما تظهر
ربنا يهدينا و لا يفرق من شملنا

**amr100** · 21-03-2011 12:23 AM

بالرغم من اني قلت نعم ولكن عاوز اقول شئ للناس اللي بتقول ان الاخوان الطريق مفتوح قصادهم في انتخابات مجلسي الشعب و الشورى القادمة انا اللي عاوز اقوله ان الانتخابات الجاية هي اصعب انتجابات جاية للإخوان بالعكس الانتخابات السابقة كانت من اسهل الانتخابات للاخوان
اولا علشان في ناس كتير ماكنتش بتروح تنتخب علشان مش واثقة صوتها هيتزور ولا لأ
ثانيا اللي بيروح ينتخب للاخوان من الجماعة بس مش حد تاني
ثالثا اعتقد في ناس كتير دلوقتي هتحاول تطلع بطاقة انتخابية علشان الانتخابات اكيد يعني مش كلهم اخوان
لهذه الاسباب هذه الانتخابات ستكون اصعب انتخابات للإخوان

**human** · 21-03-2011 12:25 AM

المشاركة الأصلية كتبت بواسطة windsofchange

ممكن فيديو السلفيين ده ولو واحد منهم قال كده ياريت منعممش مش كلهم مستغلين للدين زي لما قسيس ينكر حاجات فالقرآن هنعمم علي كل قساوسة النصاري

ده الاكتر من انه بيقول - هو انه معلق اليافطه
موجود هنا الفيديو ممكن تدور عليه

اسامى نصارى وماجنين والبرادعى اللى عايز يبقى مع دول يقول لا

الموضوع قتل مناقشه و لو حتى مش مصدق اعتبر انه خيال قابل للتصديق من خلال واقعنا

**ashrafkemo** · 21-03-2011 12:27 AM

يا جماعة انا ساكن في منطقة ريفية وشوفت بعيني ما حدش قالي الناس اللي ركبو علي الثورة اللي هما اخواننا دخلوا في دماغ البسطاء ان التصويت بنعم جهاد في سبيل الله وان الدين في خطر وفي احد المناقشات بيني وبين مجموعة من البسطاء محاولة مني توضيح ان هذا الكلام ليس صحيحا فاتهموني والعياذ بالله باني ملحد ليست صريحة ولكن الرسالة وصلت فحسبي الله ونعم الوكيل في من ارتكب هذه الجريمة في حق الوطن وليكن الحزب الحاكم الجديد هو الحزب الوطني الاخواني اللي شعاره الغاية تبرر الوسيلة

**Ghamrawy** · 21-03-2011 12:38 AM

المشاركة الأصلية كتبت بواسطة human12

كتبت الكلام ده من شويه وشايف ان ليه فايده هنا
فانا استأذنك فى نشره فى الموضوع
اشدد انى متفهم لاقصى درجه ضيقك

مش قادر افهم ليه مش واضحه المشكله؟؟

المشكله ليست فى الديموقراطيه المشكله فى تطبيقها كيفيه ممارستها

خد مثلا اى مشكله هتقابل الشعب ونزل فيها استفتاء
الناس المفروض على درجات متفاوته من الوعى

المفروض معظم الناس عندهم الوعى الكافى انهم يسمعوا ويفكروا

بس اللى هيحصل ان التيار الاسلامى هياخد رأى ويقول ان ده الراى من الاسلام (ممكن يكون كوبرى مشاه حتى) يمر من هنا ولا هناك

اصبح الامر هكذا الدين يريد ذلك
معظم الناس الدين هو المسيطر و بالذات فى الامور الغير مفهومه يعنى ممكن يكون بيسب للناس ميت مله بس يقولك لا كله الا الدين لا لازم ندافع عنه ولازم نقول كذا(راى الدين)
اللى ممكن يبقى من شيخ جامع او اجتماع او فى صوان وما شابه خصوصا بعيدا عن القاهره

كويس؟؟

دلوقتى الناس ديه هما الاكتريه و فوق دماغى من فوق وصوتهم يحترم

بس الاصل فى التصويت انه صوت حر قادر انه يقرر

يعنى الراجل هيسمع الدين هيقولك نمشى وراهم عشان ربنا يكرمنا - وهو مغمض

فى تلك اللحظه صوته لم يعد صوت حر وظلم الجميع

واللى بيمليه ظلمه لانه افهمه ان الطريق الى الله عن طريق ما يقول
عشان مافيش هنا طريق لربنا وطريق للشيطان اصلا

مثل الفيديو بتاع السلفيين - لما يقول ان تامر حسنى والنصارى اختاروا لا يبقى اكيد اللى بيقول لا اما ماجن واما كافر
وبكده يكون صحيح الدين هو نعم

السؤال هل تعتقد ان هذه ديموقراطيه؟؟

انا متفق معاك تماما

و هو ده فعلا اللى مضايقنى فى الموضوع كله

اقحام الدين فى امور زى دى

احنا فى بلد فى ناس فيها لغاية دلوقتى بتروح تتمسح و تلحس و تملس على قبور ما يطلقون عليهم اولياء الله الصالحين و قبر الحسين و غيرهم الكثير .

و استغلال جهل ناس زى دى بامور الدين يعتبر تضليل و تدليس يحاسب عليه
و لك ان تتخيل عدد اصوات ناس من الفئة دى اد ايه خصوصا فى النجوع و القرى و الاماكن اللى عايشة سنة 1850 م

دى حاجة

والحاجة التانية لما نشوف موضوع 50 % عمال و فلاحين ده كمان حايعملوا فيه ايه

و عجبى

و اتفضلوا و شهد شاهد من اهلها

المشاركة الأصلية كتبت بواسطة ashrafkemo

يا جماعة انا ساكن في منطقة ريفية وشوفت بعيني ما حدش قالي الناس اللي ركبو علي الثورة اللي هما اخواننا دخلوا في دماغ البسطاء ان التصويت بنعم جهاد في سبيل الله وان الدين في خطر وفي احد المناقشات بيني وبين مجموعة من البسطاء محاولة مني توضيح ان هذا الكلام ليس صحيحا فاتهموني والعياذ بالله باني ملحد ليست صريحة ولكن الرسالة وصلت فحسبي الله ونعم الوكيل في من ارتكب هذه الجريمة في حق الوطن وليكن الحزب الحاكم الجديد هو الحزب الوطني الاخواني اللي شعاره الغاية تبرر الوسيلة

انا يوم الاستفتاء والدتى اخدت معاها مرات بواب العمارة علشان هى كمان كانت عايزة تصوت و قالت لوالدتى نفس الكلام اللى اخونا اشرف قاله

مع انى مش ساكن فى منطقة ريفية و لا فى مركز و لا غيره
انا ساكن فى اسكندرية فى زيزينيا !!!!

**cheetos_892005** · 21-03-2011 12:39 AM

المشاركة الأصلية كتبت بواسطة ashrafkemo

يا جماعة انا ساكن في منطقة ريفية وشوفت بعيني ما حدش قالي الناس اللي ركبو علي الثورة اللي هما اخواننا دخلوا في دماغ البسطاء ان التصويت بنعم جهاد في سبيل الله وان الدين في خطر وفي احد المناقشات بيني وبين مجموعة من البسطاء محاولة مني توضيح ان هذا الكلام ليس صحيحا فاتهموني والعياذ بالله باني ملحد ليست صريحة ولكن الرسالة وصلت فحسبي الله ونعم الوكيل في من ارتكب هذه الجريمة في حق الوطن وليكن الحزب الحاكم الجديد هو الحزب الوطني الاخواني اللي شعاره الغاية تبرر الوسيلة

ها ايه رايكو ؟؟؟؟؟؟؟؟؟؟؟؟؟

بس انا مبسوط جدا ........

كل اتجاه كان فاكر نفسه حويط اتكشف .....

انا بعتبره كان ماتش ودي قبل المعارك الانتخابيه اللي جايه

ونجح بنسبه كبيره

المشاركة الأصلية كتبت بواسطة ghamrawy

انا متفق معاك تماما

و هو ده فعلا اللى مضايقنى فى الموضوع كله

اقحام الدين فى امور زى دى

احنا فى بلد فى ناس فيها لغاية دلوقتى بتروح تتمسح و تلحس و تملس على قبور ما يطلقون عليهم اولياء الله الصالحين و قبر الحسين و غيرهم الكثير .

و استغلال جهل ناس زى دى بامور الدين يعتبر تضليل و تدليس يحاسب عليه
و لك ان تتخيل عدد اصوات ناس من الفئة دى اد ايه خصوصا فى النجوع و القرى و الاماكن اللى عايشة سنة 1850 م

دى حاجة

والحاجة التانية لما نشوف موضوع 50 % عمال و فلاحين ده كمان حايعملوا فيه ايه

و عجبى

بحلم ان البيان الدستوري يلغي الزفته دي ... و يا سلام لو كوته المراه

حلم

**م. حاتم السباعي** · 21-03-2011 12:54 AM

المشاركة الأصلية كتبت بواسطة human12

كتبت الكلام ده من شويه وشايف ان ليه فايده هنا
فانا استأذنك فى نشره فى الموضوع
اشدد انى متفهم لاقصى درجه ضيقك

مش قادر افهم ليه مش واضحه المشكله؟؟
المشكله ليست فى الديموقراطيه المشكله فى تطبيقها كيفيه ممارستها
خد مثلا اى مشكله هتقابل الشعب ونزل فيها استفتاء
الناس المفروض على درجات متفاوته من الوعى

المفروض معظم الناس عندهم الوعى الكافى انهم يسمعوا ويفكروا

بس اللى هيحصل ان التيار الاسلامى هياخد رأى ويقول ان ده الراى من الاسلام (ممكن يكون كوبرى مشاه حتى) يمر من هنا ولا هناك

اصبح الامر هكذا الدين يريد ذلك
معظم الناس الدين هو المسيطر و بالذات فى الامور الغير مفهومه يعنى ممكن يكون بيسب للناس ميت مله بس يقولك لا كله الا الدين لا لازم ندافع عنه ولازم نقول كذا(راى الدين)
اللى ممكن يبقى من شيخ جامع او اجتماع او فى صوان وما شابه خصوصا بعيدا عن القاهره

كويس؟؟

دلوقتى الناس ديه هما الاكتريه و فوق دماغى من فوق وصوتهم يحترم

بس الاصل فى التصويت انه صوت حر قادر انه يقرر

يعنى الراجل هيسمع الدين هيقولك نمشى وراهم عشان ربنا يكرمنا - وهو مغمض

فى تلك اللحظه صوته لم يعد صوت حر وظلم الجميع

واللى بيمليه ظلمه لانه افهمه ان الطريق الى الله عن طريق ما يقول
عشان مافيش هنا طريق لربنا وطريق للشيطان اصلا

مثل الفيديو بتاع السلفيين - لما يقول ان تامر حسنى والنصارى اختاروا لا يبقى اكيد اللى بيقول لا اما ماجن واما كافر
وبكده يكون صحيح الدين هو نعم

السؤال هل تعتقد ان هذه ديموقراطيه؟؟

اخي الكريم / البشمهندس طارق
اغلب الشعب المصري صدقني يعرف جيدا كيف ينظر لمصلحته
و لو نظرتهم للاخوان و السلفيين من خلال 60 سنة دعوة لو انهم يعرفون ان هؤلاء البشر و الفئة خداعين كانو اختارو عكس اختيارهم
و اخيرا انا اناقش رفض ( البعض ) الان ركز كده معايا يا هندسة الان
اعلانهم صراحة كده ان الموضوع كان يمكن ان يتغير لولا تحايل الاخوان بموضوع الدين و هكذا
فلو احنا هنكون موضوعيين كان يمكن تقبل هذه النظرة و نبررها حتي لهم مع انها غلط لو كانت النسبة الفوز بنعم مثلا كانت ( 55 : 45 % ) او ( 60 :40 % ) انما بالله عليكم ايعقل ان يصدق احد نسبة اغلبية كاسحة ( 77 : 23% ) و يصر البعض منهم ان يرجع ذلك لما نسمع او كما تقول حضرتك من انها ممارسة خاطئة للديمقراطية
يا اخي الكريم الشعب و يا اخواننا المتابعين هؤلاء الناس ( سواء اخوان او سلفيين و غيرهم من تيارات الدين المختلفة )
كل يوم حسهم بيتنبح و بيشدو في شعرهم من دعوتهم للناس ان الصلاة يجب ان تكون حاضر في المسجد و ان الكذب حرام و ان الرشوة حرام و ان النميمة حرام و ان الفساد حرام و بيحذرو الناس كل يوم من انهم لو مسمعوش كلامهم ( دينيا اهه و هم العلماء دين اهه )
بيقولولهم ليل نهار ان من لا يسمع لهم سيدخل النار
اظن لا الناس زادت في صلاة الفجر مثلا
و لا الكثير منهم بطل كذب و لا نميمة و لا رشاوي و لا و لا و لا
اشمعنا يعني في الاستفتاء خلاص الناس سلمت نمر
ارجوك منتظر الرد بموضوعية

م.حاتم السباعي

**som3aa** · 21-03-2011 12:58 AM

بفرض ان الجهلة كتير , بصراحة شديدة
زي ما قالت نوارة نجم , العيب على اللي ما عرفش يوصل للناس , سواء الناس دول جهلة ولا لأ

هو لحق؟؟ , مبارك مشى من شهر و 8 أيام يعنى من 38 يوم و مطلوب من الناس انها تكون كونت أحزاب و فهمت الناس و كل حاجة؟؟

اللى يضحك على شخص و يقوله لو قولت لأ تبقى كافر او غيره هو المسئول مش اللى مقالش كلام زى دا

مستحيل واحد ميعرفش يعنى ايه سياسة تفهمه فى شهر!!!

دى مش محتاجة كلام , فى حتت كتير بعد الصلاة و خصوصا الحتت اللى فيها ناس بسطاء و مناطق شعبية كتير كان الأئمة فى المساجد بيقولوا للناس لازم تصوتوا بنعم علشان الدين و الكلام دا و الناس مش فاهمة أساسا هما بيصوتوا على ايه

أنا أتقبل رايى الأغلبية بصدر رحب حتى لو ضد رايى و خصوصا ان كلنا هدفنا واحد و مختلفين فى الطريقة اللى نصل بيها للهدف دا

مفيش حاجة اسمها نعم = أستقرار دا كلام غلط و لا لا هتضيع البلد و لا تدخل أمريكا و لا فى نفس الوقت فى حاجة اسمها نعم خيانة للثورة و لا الكلام دا!!!!!!!

الخلاصة الاستفتاء دا مش مهم كدا كدا , المهم ان ميبقاش فى انتخابات او حاجة كدا لفترة مش اقل من 6 شهور علشان تبدا توصل للناس البسطاء و تفهمهم اهمية صوتهم و ازاى يختاروا الناس فى الانتخابات و اللى يدفعلهم فلوس يبلغوا عنه و كدا , حملات توعية من الاخر دى اهم حاجة!!!!

أنا تماما مع الديموقراطية و مع راى الاغلبية مهما كان بس يبقى رايهم فعلا مش ضحك عليهم.

ناس كتير جدا اعرفهم بسطاء من اول البواب بيقولوا ان اتقالهم او لاهلهم ان نعم دى علشات الاستقرار و الدين لان لا دى للناس اللى مش عايزة دين و الناس الكافرة و عملاء البرادعى الامريكانى (البرادعى دلوقتى بقى معاه 5 جنسيات و فى زيادة مستمرة و الكلام الفارغ دا و دا واقع محدش يقدر ينكره)