للاسف انا اتخدعت في الكثير من التيارات اللي ظهرت علي الساحة حاليا

**Ghamrawy** · 21-03-2011 01:03 AM

المشاركة الأصلية كتبت بواسطة som3aa

هو لحق؟؟ , مبارك مشى من شهر و 8 أيام يعنى من 38 يوم و مطلوب من الناس انها تكون كونت أحزاب و فهمت الناس و كل حاجة؟؟

اللى يضحك على شخص و يقوله لو قولت لأ تبقى كافر او غيره هو المسئول مش اللى مقالش كلام زى دا

مستحيل واحد ميعرفش يعنى ايه سياسة تفهمه فى شهر!!!

دى مش محتاجة كلام , فى حتت كتير بعد الصلاة و خصوصا الحتت اللى فيها ناس بسطاء و مناطق شعبية كتير كان الأئمة فى المساجد بيقولوا للناس لازم تصوتوا بنعم علشان الدين و الكلام دا و الناس مش فاهمة أساسا هما بيصوتوا على ايه

أنا أتقبل رايى الأغلبية بصدر رحب حتى لو ضد رايى و خصوصا ان كلنا هدفنا واحد و مختلفين فى الطريقة اللى نصل بيها للهدف دا

مفيش حاجة اسمها نعم = أستقرار دا كلام غلط و لا لا هتضيع البلد و لا تدخل أمريكا و لا فى نفس الوقت فى حاجة اسمها نعم خيانة للثورة و لا الكلام دا!!!!!!!

الخلاصة الاستفتاء دا مش مهم كدا كدا , المهم ان ميبقاش فى انتخابات او حاجة كدا لفترة مش اقل من 6 شهور علشان تبدا توصل للناس البسطاء و تفهمهم اهمية صوتهم و ازاى يختاروا الناس فى الانتخابات و اللى يدفعلهم فلوس يبلغوا عنه و كدا , حملات توعية من الاخر دى اهم حاجة!!!!

أنا تماما مع الديموقراطية و مع راى الاغلبية مهما كان بس يبقى رايهم فعلا مش ضحك عليهم.

ناس كتير جدا اعرفهم بسطاء من اول البواب بيقولوا ان اتقالهم او لاهلهم ان نعم دى علشات الاستقرار و الدين لان لا دى للناس اللى مش عايزة دين و الناس الكافرة و عملاء البرادعى الامريكانى (البرادعى دلوقتى بقى معاه 5 جنسيات و فى زيادة مستمرة و الكلام الفارغ دا و دا واقع محدش يقدر ينكره)

ده الجزء الاول و تم استغلال الجهل بالدين فيه

الجزء التانى حايبقى ب 50 جنيه او 2 كيلو سكر و 2 كيلو رز و علبة ليبتون 100 فتلة و سلم لى على التصويت و الانتخابات

**alynubira** · 21-03-2011 01:08 AM

المشاركة الأصلية كتبت بواسطة human12

كتبت الكلام ده من شويه وشايف ان ليه فايده هنا
فانا استأذنك فى نشره فى الموضوع
اشدد انى متفهم لاقصى درجه ضيقك

مش قادر افهم ليه مش واضحه المشكله؟؟

المشكله ليست فى الديموقراطيه المشكله فى تطبيقها كيفيه ممارستها

خد مثلا اى مشكله هتقابل الشعب ونزل فيها استفتاء
الناس المفروض على درجات متفاوته من الوعى

المفروض معظم الناس عندهم الوعى الكافى انهم يسمعوا ويفكروا

بس اللى هيحصل ان التيار الاسلامى هياخد رأى ويقول ان ده الراى من الاسلام (ممكن يكون كوبرى مشاه حتى) يمر من هنا ولا هناك
عمر ما فى حد اتكلم بالدين فى امور الدنيا اذا كنت تعتقد ان السياسه والحكم ليسوا من الدين فى شىء
اصبح الامر هكذا الدين يريد ذلك
وما الخطأ فى ان الدين يقول كذا؟
معظم الناس الدين هو المسيطر و بالذات فى الامور الغير مفهومه يعنى ممكن يكون بيسب للناس ميت مله بس يقولك لا كله الا الدين لا لازم ندافع عنه ولازم نقول كذا(راى الدين)
اللى ممكن يبقى من شيخ جامع او اجتماع او فى صوان وما شابه خصوصا بعيدا عن القاهره

كويس؟؟

دلوقتى الناس ديه هما الاكتريه و فوق دماغى من فوق وصوتهم يحترم

بس الاصل فى التصويت انه صوت حر قادر انه يقرر
ليه هو فى حد اجبر حد على ان يقول نعم ما حضرتك بتقول لا من زمان انا حر اسمعك او لا
يعنى الراجل هيسمع الدين هيقولك نمشى وراهم عشان ربنا يكرمنا - وهو مغمض
ليه هو اعمى مش عيب ان الشعب المصرى متددين
فى تلك اللحظه صوته لم يعد صوت حر وظلم الجميع
ليه مثلا لو حذب التجمع كان ليه الاغلبيه يبقى ظلم الجميع علشان هو ليبرالى اشتراكى ولا ايه مش فاهم
واللى بيمليه ظلمه لانه افهمه ان الطريق الى الله عن طريق ما يقول
ظلمه ده لو ضربه بس لما المشايخ تقول رأيها او رأى الدين والناس تتبعهم ده مش عيب
عشان مافيش هنا طريق لربنا وطريق للشيطان اصلا
كلام غلط
مثل الفيديو بتاع السلفيين - لما يقول ان تامر حسنى والنصارى اختاروا لا يبقى اكيد اللى بيقول لا اما ماجن واما كافر
وبكده يكون صحيح الدين هو نعم

السؤال هل تعتقد ان هذه ديموقراطيه؟؟

ما هى الديمقراطيه فى رأيك؟
ولا المفروض نقول يا جماعه ابعدوا الدين عن الديمقراطيه ازاى بس ايه التناقض ده

**hobiko** · 21-03-2011 01:14 AM

أنا كمان بصراحة إتخدعت في ناس كتير

http://www.nilemotors.net/Nile/207779-a.html

**thedeveloper87** · 21-03-2011 01:22 AM

المشاركة الأصلية كتبت بواسطة alynubira

ما هى الديمقراطيه فى رأيك؟
ولا المفروض نقول يا جماعه ابعدوا الدين عن الديمقراطيه ازاى بس ايه التناقض ده:_alshmokh08[1]::_alshmokh08[1]::_alshmokh08[1]::_alshmokh08[1]:

غالبا زي مانت قلت

من الآخر الناس اللي عايزه تبرر إن لا يجوز خلط الدين مع السياسة بتستخدم الأسلوب ده

ربنا يهدي

والناس اللي بتقول الدين بيأثر على رأي الناس:
على فكره يعني ، شعب مصر مش أهبل ، ياما فيه أميين بيفهموا أكتر بكتير عن ناس معاهم دكتوراة

ومن الآخر كده لو فعلا فيه ناس بتأثر عليهم وبتقولهم لو قلتوا نعم هتخشوا الجنة ولو قلتوا لا هتحشروا مع قارون وهامان وكده (على أساس إنهم بيخاطبوا أطفال ما بيفهموش) ، انزلوا عقلوا الناس اللي فهمت غلط .. مش كده ولا ايه؟

**hobiko** · 21-03-2011 01:26 AM

المشاركة الأصلية كتبت بواسطة hagan

اخي الكريم / البشمهندس طارق
اغلب الشعب المصري صدقني يعرف جيدا كيف ينظر لمصلحته
و لو نظرتهم للاخوان و السلفيين من خلال 60 سنة دعوة لو انهم يعرفون ان هؤلاء البشر و الفئة خداعين كانو اختارو عكس اختيارهم
و اخيرا انا اناقش رفض ( البعض ) الان ركز كده معايا يا هندسة الان
اعلانهم صراحة كده ان الموضوع كان يمكن ان يتغير لولا تحايل الاخوان بموضوع الدين و هكذا
فلو احنا هنكون موضوعيين كان يمكن تقبل هذه النظرة و نبررها حتي لهم مع انها غلط لو كانت النسبة الفوز بنعم مثلا كانت ( 55 : 45 % ) او ( 60 :40 % ) انما بالله عليكم ايعقل ان يصدق احد نسبة اغلبية كاسحة ( 77 : 23% ) و يصر البعض منهم ان يرجع ذلك لما نسمع او كما تقول حضرتك من انها ممارسة خاطئة للديمقراطية
يا اخي الكريم الشعب و يا اخواننا المتابعين هؤلاء الناس ( سواء اخوان او سلفيين و غيرهم من تيارات الدين المختلفة )
كل يوم حسهم بيتنبح و بيشدو في شعرهم من دعوتهم للناس ان الصلاة يجب ان تكون حاضر في المسجد و ان الكذب حرام و ان الرشوة حرام و ان النميمة حرام و ان الفساد حرام و بيحذرو الناس كل يوم من انهم لو مسمعوش كلامهم ( دينيا اهه و هم العلماء دين اهه )
بيقولولهم ليل نهار ان من لا يسمع لهم سيدخل النار
اظن لا الناس زادت في صلاة الفجر مثلا
و لا الكثير منهم بطل كذب و لا نميمة و لا رشاوي و لا و لا و لا
اشمعنا يعني في الاستفتاء خلاص الناس سلمت نمر
ارجوك منتظر الرد بموضوعية

م.حاتم السباعي

حضرتك عندك حق في دي

خارج أعضاء الاخوان و السلفيين و الجماعة الإسلامية

إلي صوت بنعم مش بس إلي تم إقناعه من مدخل الدين

فيه إلي صوت بنعم ....... عشان فاكر إن كدة حل البلد حيمشي و العجله أحتدور تاني

فيه إلي صوت بنعم ...... عشان مقتنع بالتعديلات و شايف إن دة الطريق الصحيح

فيه إلي صوت بنعم ...... عشان زهق من الثورة و مش عايز حاجة تمنعه من أكل البيتزا و الريش

فيه إلي صوت بنعم ...... نكاية في الثورة عشان بسببها خسر فلوس مثلاً

و فيه ملحوظة ....... في ناس كان ليها مواقف ثابتة من أول الثورة

الناس إلي قالت مبارك ميمشيش ...... و أحمد شفيق ميمشيش ..... و أمن الدولة ما يتحلش ......... الأغلبية الساحقة منهم قالت نعم

**elshimy** · 21-03-2011 01:27 AM

ان لم نحترم راي الاغلبيه فمرحبا بحسني مبارك جديد

**alynubira** · 21-03-2011 01:27 AM

المشاركة الأصلية كتبت بواسطة thedeveloper87

غالبا زي مانت قلت

من الآخر الناس اللي عايزه تبرر إن لا يجوز خلط الدين مع السياسة بتستخدم الأسلوب ده

ربنا يهدي

والناس اللي بتقول الدين بيأثر على رأي الناس:
على فكره يعني ، شعب مصر مش أهبل ، ياما فيه أميين بيفهموا أكتر بكتير عن ناس معاهم دكتوراة

ومن الآخر كده لو فعلا فيه ناس بتأثر عليهم وبتقولهم لو قلتوا نعم هتخشوا الجنة ولو قلتوا لا هتحشروا مع قارون وهامان وكده (على أساس إنهم بيخاطبوا أطفال ما بيفهموش) ، انزلوا عقلوا الناس اللي فهمت غلط .. مش كده ولا ايه؟

حضرتك جبت من الاخر

**تامر.محمد** · 21-03-2011 01:31 AM

المشاركة الأصلية كتبت بواسطة human12

الدين والجنس والمال
ثالوث السيطره يا عزيزى
اللى معاه واحده تكفى انها تغسل اى افكار

حلو اوي , يبقى الواجب ان الواحد يشمر و ينزل يقابل الضلال بالحق و يكلم الناس زي ما نوارة بتقول بالظبط

**تامر.محمد** · 21-03-2011 01:41 AM

المشاركة الأصلية كتبت بواسطة som3aa

هو لحق؟؟ , مبارك مشى من شهر و 8 أيام يعنى من 38 يوم و مطلوب من الناس انها تكون كونت أحزاب و فهمت الناس و كل حاجة؟؟

اللى يضحك على شخص و يقوله لو قولت لأ تبقى كافر او غيره هو المسئول مش اللى مقالش كلام زى دا

مستحيل واحد ميعرفش يعنى ايه سياسة تفهمه فى شهر!!!

دى مش محتاجة كلام , فى حتت كتير بعد الصلاة و خصوصا الحتت اللى فيها ناس بسطاء و مناطق شعبية كتير كان الأئمة فى المساجد بيقولوا للناس لازم تصوتوا بنعم علشان الدين و الكلام دا و الناس مش فاهمة أساسا هما بيصوتوا على ايه

أنا أتقبل رايى الأغلبية بصدر رحب حتى لو ضد رايى و خصوصا ان كلنا هدفنا واحد و مختلفين فى الطريقة اللى نصل بيها للهدف دا

مفيش حاجة اسمها نعم = أستقرار دا كلام غلط و لا لا هتضيع البلد و لا تدخل أمريكا و لا فى نفس الوقت فى حاجة اسمها نعم خيانة للثورة و لا الكلام دا!!!!!!!

الخلاصة الاستفتاء دا مش مهم كدا كدا , المهم ان ميبقاش فى انتخابات او حاجة كدا لفترة مش اقل من 6 شهور علشان تبدا توصل للناس البسطاء و تفهمهم اهمية صوتهم و ازاى يختاروا الناس فى الانتخابات و اللى يدفعلهم فلوس يبلغوا عنه و كدا , حملات توعية من الاخر دى اهم حاجة!!!!

أنا تماما مع الديموقراطية و مع راى الاغلبية مهما كان بس يبقى رايهم فعلا مش ضحك عليهم.

ناس كتير جدا اعرفهم بسطاء من اول البواب بيقولوا ان اتقالهم او لاهلهم ان نعم دى علشات الاستقرار و الدين لان لا دى للناس اللى مش عايزة دين و الناس الكافرة و عملاء البرادعى الامريكانى (البرادعى دلوقتى بقى معاه 5 جنسيات و فى زيادة مستمرة و الكلام الفارغ دا و دا واقع محدش يقدر ينكره)

المشاركة الأصلية كتبت بواسطة thedeveloper87

غالبا زي مانت قلت

من الآخر الناس اللي عايزه تبرر إن لا يجوز خلط الدين مع السياسة بتستخدم الأسلوب ده

ربنا يهدي

والناس اللي بتقول الدين بيأثر على رأي الناس:
على فكره يعني ، شعب مصر مش أهبل ، ياما فيه أميين بيفهموا أكتر بكتير عن ناس معاهم دكتوراة

ومن الآخر كده لو فعلا فيه ناس بتأثر عليهم وبتقولهم لو قلتوا نعم هتخشوا الجنة ولو قلتوا لا هتحشروا مع قارون وهامان وكده (على أساس إنهم بيخاطبوا أطفال ما بيفهموش) ، انزلوا عقلوا الناس اللي فهمت غلط .. مش كده ولا ايه؟

http://www.nilemotors.net/Nile/208236-a.html