الموضوع: الاخوان و السلفيين اغلبيه فى مجلس الشعب - دعوه مفتوحه للنقاش

المشاركة الأصلية كتبت بواسطة seiffoz

أبسط شئ هيعملوه الجماعات الإسلامية بتواجهتها المختلفة .. و أدينا شفنا فيديوهات و فتاوى صادمة .

1- إلغاء الديموقراطية ( حرام شرعا) .. و يبقى الحاكم للأبد هو الحاكم و الخليفة و لا يجوز الخروج عليه و لا يجوز الإعتراض و لا يجوز إبداء الرأى . و يكون حكم فردى أوحد

2- عدم عمل المرأة .. ممنوع تخرج من بيتها .. و كلنا عارفين الست بقت بتصرف على البيت هى كمان .

3- النقاب إجبارى و الحجاب إجبارى .

4 - الست تتزوج بمجرد أن تبلغ ال18 بدون الحق فى إختيار الزوج .

5- الإختلاط حرام .. مموع تشوف واحدة او تتكلم معاها فى أى حاجة .. و بالتالى تمنع على الفتاه الذهاب إلى الجامعة المختلطة .. و العمل فى الأماكن المختلطة .. يعنى مش هتلاقى مهندسة ولا محامية ولا كاتبة ولا طبيبة و لا ناشطة ولا سيدة أعمال ... الست لبيت جوزها و ممنوع تخرج أصلا .

6- مش بعيد يقفلوا كل قنوات الدش و التلفزيون بحجج كتيرة ... و يسيبوا قناة الناس و القنوات الدينية و الإخبارية فقط .

7- مش بعيد يفروضا الدقون . و يرجعوا عصر الجوارى .. مصلحة يا عم .

8 - بلاها علم فى بعض الأشياء حتى لا يذهب أبناؤنا إلى بلاد الكفر و الفسوق.

9 - إلغاء المسابقات الرياضية و البطولات و كرة القدم بحجة أنها تلهى عن ذكر الله . .. و الإكتفاء بممراسة الرياضة للرجال فقط بدون أى حافز .

10 - إغلاق كليات السياحة و الفنادق - الفنون الجميلة - الفنون التطبيقية - التربية الموسيقية - التربية الرياضية . إلخ إلخ .

11 - الحاكم كالرب .. لا يجوز لك الإعتراض ..

و إن إعترضت .. فأنت كافر .. و يقام علي الحد .

أنا متوقع إن رد حضرتك هيكون كده

لأن أنا فاكر حضرتك بالتحديد كنت بتهاجم القنوات الإسلامية لما أغلقوها ، وعللت بذلك إنهم شيوخ متشددين وكل حاجة حرام حرام

أنا مش بهاجمك والله ، بس بدعو حضرتك للقراءة فقط عنا قبل ما تتهمنا

اقرأ عن الدولة الإسلامية في عزها ومجدها

اقرأ عن عمر بن عبد العزيز وصلاح الدين الأيوبي

ربنا يصلح أحوالنا جميعا يا رب

المشاركة الأصلية كتبت بواسطة thedeveloper87

أنا متوقع إن رد حضرتك هيكون كده

لأن أنا فاكر حضرتك بالتحديد كنت بتهاجم القنوات الإسلامية لما أغلقوها ، وعللت بذلك إنهم شيوخ متشددين وكل حاجة حرام حرام

أنا مش بهاجمك والله ، بس بدعو حضرتك للقراءة فقط عنا قبل ما تتهمنا

اقرأ عن الدولة الإسلامية في عزها ومجدها

اقرأ عن عمر بن عبد العزيز وصلاح الدين الأيوبي

ربنا يصلح أحوالنا جميعا يا رب

متركز عشان متهيسش ههههههههههههههه :0002014a: ... مركز معايا قوى إنت ههه ..

بس يا باشا ..

إنت صح .. أنا منكرش إنى بهاجم قنوات و السلفيين و عندى نوع من التعمييم ... غصب عنى ..

بس أنا هشرحلك وجهة نظرى بالضبط ..

أولا أنا مسلم و مش بعمل حاجة غلط الحمد لله ..

هقولك ليه أنا بهاجمهم ... أولا .

التشدد ... إللى هو إيه ؟؟

يعنى مثلا مش هنبعد بعيد ... كان فى موضوع هنا بيتساءل .. أجيب أنهى مكنة حلاقة .. دخل أحد الأعضاء و قال أنا ريحت نفسى و قام حاطط لنكات فيديوهات لشيوخ كبار سلفيين ... بيقولوا لا يجوز على المسلم حلق اللحية ..
و أنها فرض ...

معلش أنا لما بشوف الدقن مطلقة كده و مش مهذبة أصلا و شكلها وحش ... أقول معقولة هو ده الإسلام ؟؟؟

الموسيقى ... و هى مثار جدل كبير قوى .... و إن كان الشيوخ الازهريين الكبار أمثل الشيخ شلتوت و الشيخ جاد الحق .. و الشعراوى ... العديد منهم قالوا أنها حلال طالما لا يتم إستخدامها فى حرام ... موسيقى هادفة و أغانى مثلا هادفة زى أشعار هشام الجخ تتلحن و تكون حاجة جميلة ... و خاصة إن الشيخ شلتوت قال " غير محرم الأصوات الجميلة " .... و الشيخ خالد الجندى يقول الموسيقى حلال حلال .....

الشيوخ السلف حرموها جامد جدا ... و بتعنت ...

و العديد و العديد .... حرام .. حرام .... حرام .... إيه هو مافيش حلال خالص ؟؟؟!!!!

و الهجوم الرهيب على أى حد بصورة رهيبة ...

مثلا عمرو خالد فى برنامج على خطى الحبيب لما كان بيحكى عن الطائف .. و قال الرسول عمل مهاهم محاولات و فشلت .... " محاولة فشلت " ..... جاء الشيخ محمد حسان و هاجمه هجوم رهيب و قعد يشتم فيه أنت أفشل أهل الأرض .... و بيقول لم يفشل الرسول قط .... و الرسول عمل محاولات فى كذا حاجة و فشلت ... غزوة أحد فشلت فى تحقيق أهدافها ... و و بنتعلم من الرسول مهما فشلت المحاولات نثابر ...

إلا إن هجوم غريب ... حتى الواحد حس إنه بعد كده هيقول إهدروا دمه! ....

ثم الفترة الأخيرة إن من يقول لا فهو علمانى ليبرالى كافر بالله ....
و غزوة الصناديق ... و سنجعلها إسلامية .. و موتوا بغيظكم !!! و كلام صعب .......
وواجب شرعى ...

و طبعا سياسة السلف ... الديموقراطية حرام و باطلة .... و الحاكم هو من يحكم و لا يجوز لأحد التدخل فى حكمه و محاسبته ....


تفتكر ... هل أنا هثق فى الناس دى ؟؟؟؟ إنهم يحكموا بلد بالفكر ده ؟؟

أنا أقول لأ طبعا ... و لو خيرت بينهم و حكم علمانى غير قامع للحريات ( و ركز فى غير قامع للحريات) ... هختار العلمانى .. وقتها هقوم بإللى انا عايزة من عبادات ... و أقدر حتى اتعلم حاجات جديدة .. و يكون الكل له رأى مسموع ...


ثانيا ...

هم ليه السلف بيتكلموا على أساس إنهم لو دخلوا الحكم مش هيخرجوا منه ؟؟؟ هما ناويين يعملوا دستور متفصل على مزاجهم ؟؟؟؟؟ ما هو ممكن لو قرفونا بالإنتخابات الجاية نشيلهم أصلا ....

ولا هم هيحولوها لدكتاتورية و قمعية و لا يجوز الإنتخابات ؟؟؟ محسسنى بكده ... صح ولا إيه ؟؟

و شكرا على سعة صدرك يا باشا ....

الموضوع مش مطروح عشان نجرح فى التيار الاسلامى
الموضوع مطروح لمناقشه ايه اللى ممكن يحصل كيفيه التعامل فى القضايا الخلافيه
يا ريت بلاش تجريح فى الاخر
احنا عايزين نفهم - لو حد عنده مخاوف يقولها فى صوره مخاوف
و اللى يقدر يدى تطمينات عن معرفه يقولها

لازم نفهم

المشاركة الأصلية كتبت بواسطة SeiffoZ

متركز عشان متهيسش ههههههههههههههه :0002014a: ... مركز معايا قوى إنت ههه ..

بس يا باشا ..

إنت صح .. أنا منكرش إنى بهاجم قنوات و السلفيين و عندى نوع من التعمييم ... غصب عنى ..

بس أنا هشرحلك وجهة نظرى بالضبط ..

أولا أنا مسلم و مش بعمل حاجة غلط الحمد لله ..

هقولك ليه أنا بهاجمهم ... أولا .

التشدد ... إللى هو إيه ؟؟

يعنى مثلا مش هنبعد بعيد ... كان فى موضوع هنا بيتساءل .. أجيب أنهى مكنة حلاقة .. دخل أحد الأعضاء و قال أنا ريحت نفسى و قام حاطط لنكات فيديوهات لشيوخ كبار سلفيين ... بيقولوا لا يجوز على المسلم حلق اللحية ..
و أنها فرض ...

معلش أنا لما بشوف الدقن مطلقة كده و مش مهذبة أصلا و شكلها وحش ... أقول معقولة هو ده الإسلام ؟؟؟

الموسيقى ... و هى مثار جدل كبير قوى .... و إن كان الشيوخ الازهريين الكبار أمثل الشيخ شلتوت و الشيخ جاد الحق .. و الشعراوى ... العديد منهم قالوا أنها حلال طالما لا يتم إستخدامها فى حرام ... موسيقى هادفة و أغانى مثلا هادفة زى أشعار هشام الجخ تتلحن و تكون حاجة جميلة ... و خاصة إن الشيخ شلتوت قال " غير محرم الأصوات الجميلة " .... و الشيخ خالد الجندى يقول الموسيقى حلال حلال .....

الشيوخ السلف حرموها جامد جدا ... و بتعنت ...

و العديد و العديد .... حرام .. حرام .... حرام .... إيه هو مافيش حلال خالص ؟؟؟!!!!

و الهجوم الرهيب على أى حد بصورة رهيبة ...

مثلا عمرو خالد فى برنامج على خطى الحبيب لما كان بيحكى عن الطائف .. و قال الرسول عمل مهاهم محاولات و فشلت .... " محاولة فشلت " ..... جاء الشيخ محمد حسان و هاجمه هجوم رهيب و قعد يشتم فيه أنت أفشل أهل الأرض .... و بيقول لم يفشل الرسول قط .... و الرسول عمل محاولات فى كذا حاجة و فشلت ... غزوة أحد فشلت فى تحقيق أهدافها ... و و بنتعلم من الرسول مهما فشلت المحاولات نثابر ...

إلا إن هجوم غريب ... حتى الواحد حس إنه بعد كده هيقول إهدروا دمه! ....

ثم الفترة الأخيرة إن من يقول لا فهو علمانى ليبرالى كافر بالله ....
و غزوة الصناديق ... و سنجعلها إسلامية .. و موتوا بغيظكم !!! و كلام صعب .......
وواجب شرعى ...

و طبعا سياسة السلف ... الديموقراطية حرام و باطلة .... و الحاكم هو من يحكم و لا يجوز لأحد التدخل فى حكمه و محاسبته ....


تفتكر ... هل أنا هثق فى الناس دى ؟؟؟؟ إنهم يحكموا بلد بالفكر ده ؟؟

أنا أقول لأ طبعا ... و لو خيرت بينهم و حكم علمانى غير قامع للحريات ( و ركز فى غير قامع للحريات) ... هختار العلمانى .. وقتها هقوم بإللى انا عايزة من عبادات ... و أقدر حتى اتعلم حاجات جديدة .. و يكون الكل له رأى مسموع ...


ثانيا ...

هم ليه السلف بيتكلموا على أساس إنهم لو دخلوا الحكم مش هيخرجوا منه ؟؟؟ هما ناويين يعملوا دستور متفصل على مزاجهم ؟؟؟؟؟ ما هو ممكن لو قرفونا بالإنتخابات الجاية نشيلهم أصلا ....

ولا هم هيحولوها لدكتاتورية و قمعية و لا يجوز الإنتخابات ؟؟؟ محسسنى بكده ... صح ولا إيه ؟؟

و شكرا على سعة صدرك يا باشا ....

أولا اسمح لي أشكر حضرتك على حوارك الهادئ معايا ..

بص يا باشا ، والله أنا كنت زيك في يوم من الأيام ، بخاف من السنية والملتحين ، والخوف ده متكون من أشياء كثيرة أولها الإعلام وآخرها الكلام اللي بسمعه زي ما حضرتك تفضلت وقلت إن الناس دي كل حاجة عندها حرام حرام ، بس أنا بمجرد ما ابتديت أسمع منهم مش عنهم ، ابتديت أشوف وأعرف الناس دي مين بالظبط وعايزه إيه ، أقسم لك بالله غيرت رأيي فيهم 180 درجة

ولما تعاملت معاهم ، فيه منهم ناس كتير طيبة جدا وبتحب لك الخير ، وبتقف معاك وقت الشدة وتسأل عليك لو كنت مريض وتساعدك ماديا لو مريت بضيقة مالية (عن تجارب)... وما أنكرش إن ممكن تلاقي من بعضهم بعض الأخطاء ، وده طبيعي لأنهم بشر وليسوا من الملائكة


طلب مني لحضرتك ، اسمع بس الدرس ده ، وشوف كلام الراجل ده

http://download.media.islamway.net/l...oob/salah2.mp3

شكرا لسعة صدرك :)

المشاركة الأصلية كتبت بواسطة alaa_dash

سبحان الله مع ان شيخ الازهر ... و انا على فكرة بحترمه جدا ..قال المظاهرات حرام شرعا :)) و عدت لحسن الظن في الازهر ...

غير ان الاخوان متوغلين جدا في جامعة الازهر :))

كمان اغلب الحماعات الاسلامية مش عاجبها الكلام ده ازاي ؟!! شوف فيديو الشيخ محمد عبد المقصود و محمد حسان و نشوف ..

شوف .... لو فيه حسن ظن و حمل الكلام على حسن النية بالنسبة للجميع ...الموضوع هيختلف ... و بعدين مفيش حاجة اسمها

المنهج الازهري :)

ياباشا هو خلاص قولت منهج هيبقى منهج دراسه يعنى :)
وموضوع شيخ الازهر قال حرام..فين دى مشفتهاش لو عندك فيديو او حاجه وريهالنا.... والمفتى على جمعه قال مش حرام يعنى متقدرش تاخد رأى شيخ الازهر لو صحيح وتعممه عالازهر...
اما موضوع الناس مش عاجبها الكلام ازاى شوف كلامه والتعليقات عليه فى الشارع والنت والله بيتهاجم ولا كانه صفوت الشريف...
وانا شوفت فيديو الشيخ محمد عبدالمقصود ... ياريت كل الناس زى الراجل دا والله ربنا يبارك له ويكرمه... لكن للاسف الحال مش كدا فى ناس واتباع متشددين فى حاجات غريبه..اهو انا بقى بتكلم عالناس الى الشيخ عبدالمقصود بينتقدهم دول
ودا الفيديو عشان الى مشافوش بجد كلام رائع
YouTube - ‫ظپظ‚ظٹظ‡ ظ…طµط± ظٹط±ط¯ ط¹ظ„ظ‰ ط§ط¯ط¹ظٹط§ط، ط§ظ„ط³ظ„ظپظٹظ‡‬‎