الاخوان و السلفيين اغلبيه فى مجلس الشعب - دعوه مفتوحه للنقاش

**ahmedbatoos** · 24-03-2011 01:19 PM

بمناسبة :) النقاب الي هيبقي فرض وضرب والكلام بتاع بعض الكتاب في الجرايد المصرية الفاسدة
جنازة ملك النمسا . . الملكات و زوجات الكهنة يتردون النقاب كلهم والجنازة طبعا في النمسا

YouTube - ‫ط§ظ„ظ†ظ‚ط§ط¨ ظƒط§ظ†طھ طھظ„ط¨ط³ظ‡ ظ…ظ„ظƒط§طھ ظˆط£ظ…ظٹط±ط§طھ ط£ظˆط±ظˆط¨ط§‬&lrm;

وطبعا . . الفكر السعودي الوهابي مكنش وصلهم :) ولا الثقافة البدوية !! دة بلرغم ان اوربا اساسا قبائل وهناك قبائل حتي الان

**Ahmed Eraqy** · 24-03-2011 01:32 PM

المشاركة الأصلية كتبت بواسطة human12

انا اشتغلت بالسياحه 3 سنين
90% من السياحه هيه من بتاعه تغور

يا استاذي يعني عندي تلت اثار العالم و موقع استراتيجي و جو معتدل و مميزات كتير ممكن نستغلها

و يبقى عندنا 90 % من السياحة من النوعية ديه

حضرتك مش شايف ان ده فشل اخر للنظام السابق

يعني معتقدش ان السايح الاجنبي محروم من الزنا او الخمرة علشان يجي يشربها هنا

احنا ممكن نستغل امكانياتنا ان يكون لينا نوع تاني من السياحة و اعتقد اننا هنكون متميزين فيه عن اى دولة تانية

**Ahmed Eraqy** · 24-03-2011 01:38 PM

المشاركة الأصلية كتبت بواسطة hookyelyak

المشكله عند الوصول للحكم وليس وأحنا على البر لسه

يعني هو المطلوب منهم انهم يمضوا علي بياض انهم هينفذوا البرنامج اللى هيترشحوا من خلاله و لا يحلفوا على المصحف

يا استاذي الفاضل النوع ده من الشك مرتبط باي مرشح هينزل فى الانتخابات مش بالاسلاميين فقط

**ahmed1981** · 24-03-2011 02:41 PM

يتميز النظام الديمقراطي الإنتخابي بأنه ذاتي الإصلاح
يعني لو فئة دخلت المجلس وطلعت أي كلام مش هتدخله تاني

والشعب كل مدى بيتثقف ديمقراطياً ومحدش يضحك عليه بفلوس أو غيره
وبعد مجلس وإتنين سنحصل على مجلس شعب مثالي

المشاركة الأصلية كتبت بواسطة human12

ماذا لو الاخوان و السلفيين اغلبيه فى مجلس الشعب

الإخوان ولهم حزب معروف
طيب
السلفيين أين هم وما هو حزبهم ولم أسمع أحداً منهم أعلن نيته للترشح
لكن لو حصل فلا مانع

المشاركة الأصلية كتبت بواسطة human12

هل تعتقد اننا سنرى رئيس وزراء من الاخوان؟؟

لو ديمقراطية بجد يبقى ممكن يحصل

المشاركة الأصلية كتبت بواسطة human12

ما هو موقف الاخوان و الجيش و السلفيين و الجيش؟؟؟ طبعا انتوا عارفين مافيش سلفيين فى الجيش خالص و اخوان بردوا

الجيش مليان إخوان وسلفيين ولكن بدون دقون

المشاركة الأصلية كتبت بواسطة human12

ماهو نظرك فى تطبيق الشرع مثل قطع يد السارق - هل تعتقد انه سيحدث؟؟

قطع يد السارق
جلد الزاني الغير متزوج
رجم (إعدام) الزاني المتزوج
جلد القاذف
القصاص في كل الجراح (العين بالعين والسن بالسن)
من قتل عمداً يقتل
من قتل خطأً بلا قصد يدفع الدية

إلى آخره

حدود تقوم على المساواة بين الجميع في تطبيقها لا نظر إلى الدين أو الجنس

أنا شخصياً أتمنى تطبيقها لينصلح حال البلد

**medo_2060** · 24-03-2011 02:55 PM

المشاركة الأصلية كتبت بواسطة ehab_mansour

انا أسف ان كنت أخطأت في حق العضو الذي رددت عليه ولكن يا أخوة الموضوع كبير ويحتاج الي كلام كثير ولي اقتراح وهو اني حتي الأن لم أقابل من أعضاء المنتدي إلا القليل لو أمكن نخطط لمقابلة ونسميها من أجل مصر ونحضر جميعنا للموضوع وهنتكلم في ايه وهنتناقش في موضوعات ايه ونحدد الجزئيات كلها ونقعد نتكلم مع بعض وفي الأخر هنتطلع بمعلومات عن كل شيء وكل منا يتحدث عما يفهم ونضع أكثر من خطة للنهوض بالبلاد ونتبني جميعا كل هذه الأفكار ونضعها علي أرض الواقع وكل يساهم بما يستطيع

محاور الحديث سوف تتطرق عن كل سلسلة الموضوعات التي تبناها المهندس طارق جزاه الله خيرا بكل ما تحمله من نقاشات هادفه
ايه رأيكم ؟

سلامى لك يا بشمهندس ولكل الاعضاء المحترمين...
انا شايف الاسئله الى قالها الاستاذ طارق بتدور فى عقل اغلب الناس و لول اتناقشنا فيها هتوضح الصوره اوى ان شاء الله وبعد كدا كل واحد لما يكون فكره يبقى على الاقل كونها بعد ما سمع الكلام دا ... انا لى رجاء ان النقاش يبقى هنا...المقابله فكره افضل وهتبقى فرصه احسن اكيد من الكتابه هنا بس مين الى هيقدر يحضرها؟؟ فى ناس فى المنتدى من كل المحافظات وناس متقدرش تيجى لظروف مختلفه... لو امكن نتناقش هنا فى كلام الاستاذ طارق والى يجب يضيف معلومات نحب نسمعها طبعا عشان الصوره توضح لاكبر عدد ممكن مننا..
شكرا

**Ahmed Anwer** · 24-03-2011 03:06 PM

المشاركة الأصلية كتبت بواسطة tyler_durden

لو إكتسح الإخوان و السلفيين مجلس الشعب في إنتخابات ديموقراطية فلا يملك أي شخص الإعتراض لأن رأي الأغلبية - أيا كانت طريقة تفكير هذه الأغلبية - يجب أن يحترم ..
و إذا فشلوا في تحقيق ما يريده المواطنون كأغلبية في مجلس الشعب ففي هذه الحالة على المواطنين إسقاطهم و الإتيان بآخرين ..

+ 111111

ده رأيي برده ،،

و شخصيا أعتقد إن لو ده حصل ،، هتكون لفة واحدة و الشعب هيرفضهم

حتي لو بيتعاطف معاهم حاليا ،، بحكم المشاعر الدينية

بس الفكرة نتيجة اللفة دي أيه ؟؟ ممكن تكون كارثية

جبهة الإنقاذ الإسلامية أو طالبان

أعتقد إن الأفضل حاليا إن كله ينحي أحلامه الفئوية

و نلتف فقط حول أهداف الثورة المشتركة

* هدم الفساد و محاسبة المسئولين عنه

* العدالة الإجتماعية

* إنهاء التعذيب و التجسس ،،،، الخ

* تنمية مصر إقتصاديا و تعليميا

* تعدد السلطات و تقليص صلاحيات الرئيس و تداول السلطة

أهداف جميلة و لا يختلف عليها اثنان من أي تيار

الثورة مقامتشي تحت شعار علماني أو يساري أو لإقامة دولة إسلامية

ننحي أهدافنا لفترة مؤقتة نحقق أهداف الثورة و نطلع بالبلد لبر الأمان ،،و الأهم نسيب فرصة نقيم كل تيار علي نطاق صغير

أولا ،، لأن كله بيقول كلام جميل و خلاص ،، لكن المحك الحقيقي كرسي الحكم

**medo_2060** · 24-03-2011 03:13 PM

المشاركة الأصلية كتبت بواسطة ahmed1981

قطع يد السارق

طب عشان نفهم اكتر..ناخد قطع يد السارق كمثال... طب انا هسأل الكام سؤال دول عشان الصوره توضح اكتر ونستفيد من معلومات الاخوه هنا
دلوقتى كمثال الى سرق مليار جنيه من بنك يعتبر سارق...
والى ماشى فى السوق ومد ايده سرق تفاحه يعتبر سارق...
فكره قطع يد السارق بتوصل كانها ياأبيض يا أسود...يعنى سرقت تفاحه زى مليار جنيه ايدك هتتقطع... معلوماتى القليله فى الموضوع دا ان الحالتين مش نفس الحكم وان فى حالات لن يطبق قطع اليد.. مثال التفاحه دا فى دماغى لان صديق ليا _شيخ صغير :) - قالى ان فكره قطع ايد اى سارق غلط ودى الفكره الى واصله للغرب حتى فى فيلم علاء الدين من انتاج هوليوود لما شخصيه فى الفيلم سرقت تفاحه فورا اتجمعوا حولها وعايزين يقطعوا ايدها..قالى ان الصوره دى واصله لهم غلط ودا مش حقيقى.. هل فى حاجه فى كلامه غلط اولا ؟
و ايه البديل الى هيكون هنا لم مش هتتقطع الايد لان المفروض مش هيكون فى محاكمات واسئناف وسجن ومحامين يخرجوك منها والكلام دا؟

**human** · 24-03-2011 04:47 PM

المشاركة الأصلية كتبت بواسطة medo_2060

طب عشان نفهم اكتر..ناخد قطع يد السارق كمثال... طب انا هسأل الكام سؤال دول عشان الصوره توضح اكتر ونستفيد من معلومات الاخوه هنا
دلوقتى كمثال الى سرق مليار جنيه من بنك يعتبر سارق...
والى ماشى فى السوق ومد ايده سرق تفاحه يعتبر سارق...
فكره قطع يد السارق بتوصل كانها ياأبيض يا أسود...يعنى سرقت تفاحه زى مليار جنيه ايدك هتتقطع... معلوماتى القليله فى الموضوع دا ان الحالتين مش نفس الحكم وان فى حالات لن يطبق قطع اليد.. مثال التفاحه دا فى دماغى لان صديق ليا _شيخ صغير :) - قالى ان فكره قطع ايد اى سارق غلط ودى الفكره الى واصله للغرب حتى فى فيلم علاء الدين من انتاج هوليوود لما شخصيه فى الفيلم سرقت تفاحه فورا اتجمعوا حولها وعايزين يقطعوا ايدها..قالى ان الصوره دى واصله لهم غلط ودا مش حقيقى.. هل فى حاجه فى كلامه غلط اولا ؟
و ايه البديل الى هيكون هنا لم مش هتتقطع الايد لان المفروض مش هيكون فى محاكمات واسئناف وسجن ومحامين يخرجوك منها والكلام دا؟

فى انتظار الاجابه

**ehab_mansour** · 24-03-2011 05:14 PM

المشاركة الأصلية كتبت بواسطة medo_2060

سلامى لك يا بشمهندس ولكل الاعضاء المحترمين...
انا شايف الاسئله الى قالها الاستاذ طارق بتدور فى عقل اغلب الناس و لول اتناقشنا فيها هتوضح الصوره اوى ان شاء الله وبعد كدا كل واحد لما يكون فكره يبقى على الاقل كونها بعد ما سمع الكلام دا ... انا لى رجاء ان النقاش يبقى هنا...المقابله فكره افضل وهتبقى فرصه احسن اكيد من الكتابه هنا بس مين الى هيقدر يحضرها؟؟ فى ناس فى المنتدى من كل المحافظات وناس متقدرش تيجى لظروف مختلفه... لو امكن نتناقش هنا فى كلام الاستاذ طارق والى يجب يضيف معلومات نحب نسمعها طبعا عشان الصوره توضح لاكبر عدد ممكن مننا..
شكرا

ربنا يكرمك أخي الفاضل وياريت تعرفنا باسمك عشان نعرف نتكلم مع بعض
ربنا يوفقنا لما يحبه ويرضاه

-

الموضوع: الاخوان و السلفيين اغلبيه فى مجلس الشعب - دعوه مفتوحه للنقاش

LinkBack

أدوات الموضوع

عرض

-

-

-

-

-

-

-

المواضيع المتشابهه

مفهوم الدوله الاسلامية حتى نفهم جميعا - دعوه مفتوحه للنقاش

المسيحيين فى الاسلام مالهم و ما عليهم - دعوه مفتوحه للنقاش

الاخوان و السلفيين و الوهابيه كيفيه التفريق - دعوه مفتوحه للنقاش

تصورك للمرحله القادمه - دعوه مفتوحه للنقاش

إللى يشترى الريجاتا يبقى اشترى العتبه الخضرا... دعوه مفتوحه للنقاش

الكلمات الدلالية لهذا الموضوع

المفضلات

المفضلات

ضوابط المشاركة