الموضوع: هل وجود ال abs,ebdيخلينى اغير رأيى فى العربية اللى هشتريها؟؟

المشاركة الأصلية كتبت بواسطة bee

الاخ العزيز فادي "تاني"
مع ان موضوعنا الاساسي كان عن الـ ABS والي ولا شفتك جبت سيرته في الرد ده
بس ما علينا ..

(((المرسيدس طبعا هى سيارة رائعة بكل المقاييس و هى أكثر ما يمكن الحصول عليه فى فئتها))) ده كلامك الجديد
يا ترى حضرتك تقصد ايه بالكلام ده يعني ايه فئتها ؟؟

هي المرسيدس بتصنع نوع واحد من السيارات ولا حاجه ؟؟
ولو كان ده صحيح يا ريت تختار الاجابة الصحيحة :

أ-مرسيدس تصنع السيارات الرياضية فقط
ب-مرسيدس تصنع السيارات العائلية فقط
ج- مرسيدس تصنع سيارات الفورميولا
د- جميع ما سبق


(((و لذا فقد أحبت هذه الشركة و لأول مرة أن توفر لعملائها سيارة مترفة و فى الوقت نفسه تتمتع بمستوى جيد من الثبات لكن دون أن يأتى على حساب الراحة)))ده بردو كلامك

عجبني أوى تعبير "لأول مرة " على أساس ان مرسيدس طول عمرها مش مترفه بالنسبة للسيارات الاخرى ؟؟
وبعدين انت بتقول هنا انها تتمتع بمستوى جيد من الثبات ..
لكن دون ان يأتي على حساب الراحه ... هو أتى إزاي ؟؟ محتاجه توضيح

((( الموضوع مش حكاية أبحاث و لا يحزنون, الموضوع بسيط جدا, فيه مثل اسمه "مفيش حاجة ببلاش"))) ده بردو كلامك
الابحاث مش حكاية دي حقيقة علمية واساسية في اي شركة محترمة وفي اي تفكير علمي مبنى على أسس .. دي حاجه
حاجه تانيه موضوع مفيش حاجه ببلاش ده أكبر دليل ان الابحاث دي مش ع الفاضي وانها من احد اهم الاسباب الي بتكون العربية غاليه بسببها.

(((الراحة تأتى على حساب الثبات و الأداء الرياضى, و الأداء الرياضى على حساب الراحة, و هكذا)))
حضرتك لو جبت اي عربية سبور او رياضية يعني هتلاقي نفسك اول ما تقعد على كرسي السائق بتحس باحساس بالراحه غير عادي
معنى كده ان السيارة الرياضية ليها احساس مختلف عن السيارات العادية والي هو مترف ومريح بالنسبة للفئة الي بتحب النوع ده من السيارات بمعنى انك لو بتحب السيارات الرياضية هتميل للخطوط ذات الطابع الشرس .. او بمعنى آخر الرياضي .. وفي نفس الوقت هتحب تكون العربية قريبة من الارض .. ولا ايه ؟؟
فالعربية الرياضية تتمتع بموتور قوي وفتيس قوي وعزم اكبر وباور هورس اعلى مع راحه ترضي الفئة دي من الناس..
في نفس الوقت لو انت بتحب العربيات السيدان هتحب تكون مرتاح وانت بتسوق ودي اهم سمات السيارات الالمانية على الاطلاق ايا كان نوعها ..
ولا كلامي مش مظبوط ؟؟

((( لا يمكنك أن تجمع بين الاثنين, بالنسبة للمرسيدس الأولوية للراحة طبعا لأنها ليست سيارة رياضية)))
الجملة دي محتاجه تكون محدد انت بتتكلم عن اي موديل من موديلات المرسيدس .. عشان تفرق

((( و هذا ليس عيبا, و لذا فان المهندسين فى مرسيدس توصلوا الى الحلول الالكترونية كنوع من الحل الوسط لحفظ ثبات السيارة فى مختلف الظروف, و هو حل ملتوى لكنه فى النهاية سوف يحفظ ثبات السيارة الى حد معين))).

معنى كده ان الاجهزة الالكترونية هتعوض ضعف السائق
ولو هو سائق "متمرس" دي حاجه هتساعده انه يبدع أكتر.

(((هذه الف باء سيارات, كل سيارة لها غرض, السيارة الرياضية لها غرض, السيارة المترفة لها غرض, السيارة العائلية لها غرض, و كل سيارة هى مجموعة من الاختيارات التى يوازن بينها المهندسون بعناية للحصول على أفضل النتائج. لكن لا يمكن أبدا أن نختار اختيارين فى نفس الوقت.
اذا كنت تريد سيارة رياضية بشكل أكبر, و تعنى بالأداء على حساب الراحة, فهناك مثلا سيارات ألفاروميو التى تفتقد للراحة بشكل كبير عن المرسيدس لكن اداءها أفضل و ثباتها أفضل, و هناك أيضا سيارات مازيراتى, هذه كلها سيارات سيدان رياضية و مثل كل السيارات الايطالية تهتم بالأداء على حساب الراحة, لذا فان من يرغب فى الأداء و لا يهمه كثيرا موضوع الراحة و الترف, فعليه بمثل هذه السيارات و مثلا وصفت احدى المجلات سيارة ألفاروميو 166 بالصادمة فى فئتها لأن هذه السيارة كانت تتمتع بثبات غير معتاد فى هذه الفئة, و هى سيارة توازى مرسيدس فئة اى و بى ام الفئة الخامسة, و لكنهم طبعا ذكروا أن ذلك قد جاء على حساب الراحة بشكل كبير.
و طبعا لو ذهبنا الى السيارات السوبر رياضية (و التى لم تزود بمثل هذه الأنظمة الا فى وقت متأخر), و بعضها لا يزود به و هو مما يؤكد وجهة نظرى (ليست وجهة نظر بل هى رأى أجمع عليه كل الخبراء), فسوف نجد أن مثل هذه الأنظمة لا جدوى منها هنا, لأن ما سوف يجعل سيارة مثل فيرارى أو لمبرجينى تنزلق, لن ينفع معها مئات الأجهزة لاعادتها الى نصابها.
و طبعا أى سيارة رياضية هى أكثر ثباتا من المرسيدس و أكثر ثباتا من أى سيارة مترفة أو عائلية عموما.)))
الجزء ده اعتقد انه مش هيفيد بقدر اكبر من الي وضحته فوق

بس اتمنى تكمل كلامك في صلب الموضوع الخاص بالـ abs

تحياتي وفي انتظار تفاعل الجميع

تحياتى لك أولا يا زميلى العزيز.
المرسيدس تنتج فى العادة سيارات عائلية مترفة, و لكنها بدأت مؤخرا فى انتاج بعض الطرازات الرياضية بل و الصغيرة المدمجة, أنا هنا أتحدث عن السيارات المترفة أما السيارات الرياضية فهى مثلها مثل أى سيارة رياضية أخرى و لو أننى أعتقد أن مرسيدس لا يمكن أن تصل الى مستوى شركات عريقة فى هذا المجال مثل فيرارى مثلا.
الايه اس بى هو هو الايه بى أس, لكى نكون أوضح الايه اس بىESP هو تطوير للايه بى اسABS, الايه بى أس كان يشمل السيطرة على السيارة فى حالة انزلاق الاطارات فقط, أما الESP يشمل الانغلاق أو التفاف الاطار حول نفسه.لذا فالايه بى اس ABSهو جزء من نظام الايه اس بى ESPو اسمه العربى "نظم المحافظة على الثبات".

"حضرتك لو جبت اي عربية سبور او رياضية يعني هتلاقي نفسك اول ما تقعد على كرسي السائق بتحس باحساس بالراحه غير عادي
معنى كده ان السيارة الرياضية ليها احساس مختلف عن السيارات العادية والي هو مترف ومريح بالنسبة للفئة الي بتحب النوع ده من السيارات بمعنى انك لو بتحب السيارات الرياضية هتميل للخطوط ذات الطابع الشرس .. او بمعنى آخر الرياضي .. وفي نفس الوقت هتحب تكون العربية قريبة من الارض .. ولا ايه ؟؟
فالعربية الرياضية تتمتع بموتور قوي وفتيس قوي وعزم اكبر وباور هورس اعلى مع راحه ترضي الفئة دي من الناس..
في نفس الوقت لو انت بتحب العربيات السيدان هتحب تكون مرتاح وانت بتسوق ودي اهم سمات السيارات الالمانية على الاطلاق ايا كان نوعها "

أنا لم أقد أى سيارة رياضية من قبل, لكنى جلست فى واحدة و كانت من نوع بورش بوكستر(كنت فى توكيل اس ام جى), و أبشرك هى ليست مريحة على الاطلاق, بل ان أى سيارة عائلية رخيصة هى أكثر راحة منها, و صوت المحرك مرتفع للغاية و السيارة ضيقة , و على فكرة بورش هى أكثر السيارات الرياضية راحة, فما بالك بالفيرارى و اللامبرجينى و غيرها الذين يهتمون بالأداء فى المقام الأول و ليذهب كل شىء أخر الى الجحيم!!
من الأخر هى سيارة ممتعة فى قيادتها و لكنها ليست مريحة, و لك أن تتخيل أن الموديل السابق فقط من لامبرجينى كان يفتقد الى مكيف الهواء!!!

"معنى كده ان الاجهزة الالكترونية هتعوض ضعف السائق
ولو هو سائق "متمرس" دي حاجه هتساعده انه يبدع أكتر."

هتعوض ضعف السائق بالطبع, و لكنها سوف تحد من مهارات السائق المتمرس لأن عمل هذه الأجهزة قد يعيق بعض الانزلاقات المحسوبة.

"لابحاث مش حكاية دي حقيقة علمية واساسية في اي شركة محترمة وفي اي تفكير علمي مبنى على أسس .. دي حاجه
حاجه تانيه موضوع مفيش حاجه ببلاش ده أكبر دليل ان الابحاث دي مش ع الفاضي وانها من احد اهم الاسباب الي بتكون العربية غاليه بسببها"

رغم كل ذلك, أى سيارة رياضية و لو رخيصة هى أكثر ثباتا من أى سيارة عائلية مترفة حتى و لو كانت مرسيدس, و هذا شىء طبيعى, لأنها مصنوعة لهذا الغرض.
اذا كنت ترى أنه يمكن صناعة سيارة مريحة و رياضية فى الوقت نفسه, فلماذا لا نلغى قطاع السيارات الرياضية, فما الحاجة بعد الأن لسيارة صغيرة و غير مريحة و قليلة التجهيز مثل فيرارى مادامت مرسيدس توفر لك نفس ألأاداء و الثبات, كل هذا فى قالب مريح!!
بالتأكيد صوت المحرك و الوضعية المنخفضة ليست هى سبب شراء أى شخص لسيارة فيرارى, و على فكرة هذه السيارات لا تصنع للاستخدام اليومى, فهى لا تصلح للذهاب الى العمل مثلا, هى فقط للتمتع بقيادتها فى الاجازات.
فى النهاية فان أجهزة الحفاظ على الثبات تتدخل بعد الانزلاق و ليس قبله, تذكر هذا, أى أنها تحاول اعادة السيارة الى ثباتها التى فقدته أصلا, و أى سيارة رياضية غير مجهزة بمثل هذه الأنظمة هى أكثر ثباتا عند الكبح و فى المنحنيات من أى سيارة مترفة و غالية مزودة بكل ما تفتق عنه العلم من أنظمة مثل هذه.

المشاركة الأصلية كتبت بواسطة nobody

نظام abs بيطول الدايرة بتاعت الفرامل فالجزء الأول من دواسة الفرامل بيكون تأثيره ضعيف و بعد كده بقفش جامد
قصدي ان مفيش تدرج في الفرملة يعني يا تفرمل جامد يا ماتفرملش والحكاية دي بعاني منها في لانسر 2007 و قارفاني جدا لدرجة اني بندم اني جبتها abs

استاذ نو بودى انا معايا لانسر 2008 شكل قديم وفيها فرامل abs وسوقت 1300 مانوال منغير فرامل abs
الاثنين مشوار الدواسه واحد مفييش اى اختلاف
بس الفكره ان فرامل الاتوماتيك اضعف من المانوال بالذات والعربيه بارده