الموضوع: رابطة ملاك الكيا برايد - كلاكيت تانى مرة!

المشاركة الأصلية كتبت بواسطة Karim_Monir

السلام عليكم ورحمه الله
في البداية احب اشكرك جزيلا على الرسالة المحترمة اللي بعتها على الموبايل واللي طبعا مارضيتش ارد عليها

انا مردتش برسالة سب او قذف كل اللى قلته كان حسبى الله ونعم الوكيل ومش مسامح فى الفلوس اللى اتخدت منى ودى تعتبر على ما اظن رسالة لا شبهة فيها انا بدعى لو كنت مظلوم ربنا يسامحك اما لو ظلمتنى يبقى منك لله بردو

في البداية احب اعرف الاعضاء اللي انت شهدتهم من البداية بداية التعرف كان ازاي

حضرتك كلمتني عشان تسالني على كهربائي كويس عشان الكهرباء عندك مش مظبوطة في العربية
فاكر كويس جدا انك قولتلي العدادات مش شغالة وبتهيس والسنتر بيقفل عليك ومابيفتحش والانذار بيهيس
وغيرها من حاجات الكهرباء

انا لما كلمت حضرتك قلت ان الاشارة الشمال هيه اللى مش شغالة فقط لا غير، وده عيب بسيط وكمان لما الكهربائى شافه قالى من السنتر لوك واعتقد ان على حد علمى ان الاشارة متعبش عربية ولا تعيب كهرباتها اساسا وكمان العدادات كلها سليمة ماعدا الاشارة الشمال اللى تعتبر مش ضمن العدادات فى المعتاد ولا ايه ؟؟؟؟؟؟؟؟
وكمان انا جربت العداد بتاع الزيت والعداد الرئيسى وشوفتهم شغالين تمام مفيهوش اى مشاكل خالص بيعدوا بالمظبوط بدون لخبطة وده الحاجة اللى كانت سليمة فى العدادادت وطبعا الار بى ام بيقرأ كويس بدون مشاكل هوه بس الاشارة الشمال لا غير بتنور لوحدها ولما افتح الانذار تقفل تانى وده عيب فى الانذار على ما سمعت

اعتذرتلك وقولتلك انا ممكن اعرفك على كهربائي لكن ماليش دعوة انت تسلمه وتستلم منه
لان شغل الكهرباء حساس ومش مرضي لاي حد

وده فعلا حصل وانا مبنكرش ده اساسا بس اللى حصل تانى ان احمد استلم العربية وقالى هنعمل السمكرة الاول ولما نخلص يبقى اعمل شغل الكهرباء اللى فيها والميكانيكا مع العلم ان الكهرباء بردو مش بايظة كلها فقط الاشارة الشمال بتنور لوحدها

قولتلي طيب انا هاعدي على الورشة قولتلك اتفضل
انت روحت الورشة وانا مش موجود واتفقت مع احمد على شغل سمكرة ودهان
احمد اتصل بيا وقاللي حالة العربية اكثر من سيئة باللفظ قال(مشنة) وده لفظ بقولة الصنايعية على العربية المتهانة جدا
قولتله معلش استلمها عشان هو من نايل موتورز والناس بتثق فينا وشكله مالوش في العربيات
استلم العربية ولما روحت شوفتها ماكنتش متخيل ان حالتها بالسوء ده

فى الحالة دى المفروض يرفض الشغل فيها من الاساس ويديها للى يعرف يتعامل مع عربيات متهانة وحالتها كرب أما لو كانت عاملة حادثة ولا متفرتكة كنت قلت ايه بس ، وكان ابسط شئ انك تقول لا كنت رفضتها وقلت مبعرفش اعمل فيها حاجة مش هتخسر ولا تكسب حاجة

عشان اوضح للاعضاء حالة العربية :
جميع فروقات ابواب والرفاف مش مظبوطة اطلاقا لدرجة انك ممكن تعدي صباعك منها
مفيش باب ولا رفرف ولا عتب مش مخبوط وحالة الصاج اكتر من سيئ ومتسمكر وعلية معجون سابق سميك ومعمول وحش جدا جدا(شغل بلدي ورخيص اللي بيتعمل في الارياف)
العتب واكلاه البارومة ودواخل الشنطة بطريقة غريبة كان العربية كانت بتتنقع في مية
كل الجريد والسوك مش مظبوطة اطلاقا
جوانات الابواب مقطعة ومهترئة لدرجة ان الجريدة اللي على الابواب متثبتة بمسمار شك !!!!
جوان الزجاج الامام تحتة بارومة ومتبت في الصاج بمسار شك والله العظيم
عشان كدة بقول حالة العربية يرثي لها

نفس التعليق السابق بس فيه حاجة احب اوضحها ان الفرق الوحيد اللى بتقول عليها واللى وراهونى احمد قدورة كان فى الباب الشمال الخلفى فقط لا غير اما باقى الفروقات مش واضحة قوى يعنى لدرجة انك تعدى ايدك من خلالها يعنى على اساسا انى مشترى عربية جميز ولا ترمس معمولة من الخشب يا شيخ اتقى الله

وعشان تعرف ان ده السمكري الوحيد اللي رضي يشتغل فيها
اكثر من 3 سمكرية رفضو استلام عربية بهذة الحالة المزرية لدرجة ان قدورة قاللي نكلمة يجي ياخد عربيتة

فى الحالة دى ترد بردو العربية لصاحبها مع الاعتذار له على عدم العلم بالشئ وكفاية انى جايلك عن طريق الصور اللى شوفتها لما اتصلحت عربيات متبهدلة فى ورشتك المحترمة وطلعت فبريكة وكانت مش متهانة كانت متفرتكة حتت والصاج متبهدل خالص

انا قولتلة اللي يشتري عربية بالمنظر ده اكيد معندوش خبرة يتعامل مع صنايعية وهايتعمل علية شغل معلش اقبلها

انا قابلها عادى مفيش مشاكل كل واحد فى الدنيا بيتعلم ولازم ميقعش ويتعلم من غلطه وده احسن حاجة ان الواحد يعرف غلطه ويتعلم منه

مبلغ ال 1700 جنيه تم تسليمهم للسمكري بالكامل بدون اي مكسب ولا ثمن متابعة للورشة عندي
عشان زي مانت بتقول انت جايب العربية وفاكرها كويسة يبقي انا هاوجعك كمان في هامش متابعة للورشة
ماهتمش اطلاقا

ده بردو مش مشكلتى الشخصية لان انا سلمتك العربية فى ورشتك وعيب جدا تطلع الشغل بره بدون ما تاخد اذن العميل او صاحب العربية (اللى ملوش فى العربيات ولسه عضمه طرى) وتعمل الشغل بره فى ورشة تانية وتحاسب على الشغل كمان مش تبعك يعنى

علما بان مبلغ ال 2500 جنية اللي انا اديتهوملك كمقايسة لدهان عربيتك بالكامل رغم ان عربيتك اتحرقت على الصاج لتنزيل كمية المعجون الغريبة اللي كانت شايلاهم
ده اقل مبلغ ممكن تسمعه في حياتك من ورشه محترمة هاتديلك الشغل بما يرضي الله وتظبطلك العربية

ده مبلغ اساسا مبالغ فيه بعد ان سألت فى 10 أماكن على الاقل وفى اكتر من منطقة وكمان على رابطة ملاك كيا برايد هتلاقى فى ناس بتقولك الدهان كله ب800 جنيه الى 1000 جنيه ميعديش المبلغ ده اللى يعجز اللى رايح يعمل عربيته تجديد لنفسه مش علشان يبعها ولا يكسب فيها !!!!!
لازم يكون عندكم النوعين الاقتصادى والغالى مش اكلم احمد يقولى لا مبنشتغلش فى الكلام ده
هوه طبعا كل واحد براحته وعلشان كده انا اخدت العربية لانى معرفش ادبر مبلغ بالشكل ده بس لازم اخد شغل سمكرة بما يوازى التكلفة اللى دفعتها ادام اقبل انه يشتغل فيها واستلمها وإلا كان رجعها لصاحبها وقاله معلش مبنعملش شغل فى عربيات (متهانة ولا مهترئة) روح اسرح بيها على الكورنيش ومشكور طبعا لانه قال معرفش وافتى !!!!!

شكل الصور اللي انت مصورها للعربية دي الحمد لله ماتعيبش العربية اطلاقا واللي بيقول يا حرام العربية عاملة كدة ليه للاسف ماشافش منظر العربية قبل ما نشتغل فيها
والصور دي والحمد لله مافيهاش اللي يعيب شغلنا وكل فروقات العربية وسوكها بقت مظبوطة
واثار اللحامات دي هي اثار الصاج اللي اتبدل في العربية نتيجة انها كانت واكلاها البارومة

بيتهيألى ان الصور دى المفروض انها شغل متسلم وخلصان ويادوب جاهزة على الدهان مقابل المبلغ اللى طلبه السمكرى منى واللى اخده كله بدون تأخير ولا نسويف (انا مش هاممنى المبلغ بقدر ان الشغل متعملش صح، وكما ينبغى او زى ما انا متوقع ان يكون، ما الفلوس بتروح وتيجى بدون اى حاجة) بس للاسف لما روحت بيها لسمكرى تانى وده معرفة خالى ولم اذهب اليه من البداية لانى لما شوفت شغل ورشة نيل موتورز عجبنى واتصلت بحضرتك على طول دون تأخير وطبعا انا مش هستلم صاج مرصص جنب بعضه وشكله ملحم ومنقط وحالته بلا وتقولى انه ميعبش عربية - حرام يعنى - والسمكرى اللى تبعى قال ان شغل السمكرة المعمول مش كويس ومش نافع لانها محتاجة تانى شغل وكمان انا كنت متفق مع احمد يغير العتب اللى فيه برومة وده المكان الوحيد اللى فيه البرومة بعد ما كشف عليها 3 سمكرية قبل ما اروح عندكم يعنى مش العربية كلها واكلاها البرومة والا كانت اتكهنت ورماها صاحبها ولا ايه؟؟؟ وبعدين مين قال ان الصاج اتبدل؟؟؟ الصاج متبدلش اساسا كل اللى حصل ان السمكرى ماسك الكاوية وشغال لسع فى الصاج اللى انا اساسا مش شايف فيه برومة - يعنى انت متعرفش وكمان بتخرب حاجات الناس السليمة كان ممكن يقول معرفش ولا ياخد فلوس علشان يلحم فى العربية - المهم لما روحت للسمكرى تبع خالى قالى ايه كمية اللحام دى؟ هوه ايه خلص انبوبة الاكسجين عليها ولا ايه؟

بخصوص كهربة العربية واضح برضه انك نسيت انك انت اللي قولت انك عندك مشاكل في العربية والعدادات وان الناس نصحتك تشتري عدادات جديدة وانا قولتلك ايوة كدة افضل
يبقي دلوقتي العدادات بقت سليمة انها تحسب انها مشيت 200 كم

بردو انا لم اقول ان الناس نصحونى بشراء عدادات لان اللى كان بايظ عندى هوه الاشارة الشمال وانا مجرب كل العدادات من قبل وكنت عامل بيها مسافة كبيرة وحاسبها ومصفر العداد بعد ما غيرت الزيت وكانت القراءة سليمة وماشية مظبوط ، تخيل انا مشفتش العداد الا بعد ما استلمت العربية ومشيت بيها لحد بره مش معقولة المسافة من ورشتك لحد الشارع بره اكتر من 200 كيلو ؟؟؟ !!!!! حتى لو العداد بايظ ميعملش القيمة دى يا أخى حرام يعنى

خاصة ان السمكري قبل ما بيحط النار على العربية اول حاجة بيعملها انه يفصل فيشة التانك وطلمبة البنزين عشان العربية ما تولعش وهو شغال
تفتكر اللي بيعرف يعمل كدة مش هايعرف يفصل فيشة العداد :-)
وتفتكر ان ورشة معظم الصنايعية اللي فيها معاهم عربيات بين اكسنت وكولت ولانسر هايستنو عربيتك المفكوكة والمحروقة عالصاج يعملو بيها 200 كم مشاوير ؟؟

انا معنديش فكرة بصراحة انتم بتعملوا ايه فى العربيات ولا بتصرفوها ازاى انا بلغتك بحاجة كانت عندى سليمة وبتقرأ تمام التمام وللعلم ان العداد المظبوط 100% هوه عداد الزيت والكيلومترات على الشعرة وبيقرأ كويس وعلشان كده اتكلمت بعد لما شوفت المفاجأة

والعربية باتت عندنا من الخميس الى السبت عشان ماكنش في سمكري راضي يشتغل فيها
واني جيت بصيت عليها بنفسي يوم الجمعة زي ما وضحت واستلمها السمكري الجمعة واشتغل فيها السبت

فى الحالة دى المفروض لما محدش يرضى يعمل الشغل يبقى الواحد ميطلسقش يعنى انا جايبلك امانة تقوم تديها لحد تانى وتلزقه له يا أخى دى أمانة حتى لو مديلك اشياء لا تعجبك بس تبقى أمانه يعنى ولا ايه وبعدين لما مفيش حد راضى يعمل الشغل امال فاتحين ورشهم ليه كنت رجعها لصاحبها وقول له معرفش اسف شوف غيرى

وطبعا العربية كل يوم بعد ما يخلص شغل فيها السمكري لازم ترجع تبات قدام الورشة عندنا ويتقفل عليها عشان ما تتسرقش
تفتكر لو واحد خدها مشي بيها 200 كم مش سهل يحط فيها ال 10 ليتر بنزين اللي استهلكم ولا 20 لتر حتى ؟؟؟؟

نفس الرد انا متأكد من عداد الزيت والبنزين لانى لسه مغيره

كلامنا كان من البداية انك لازم تودي العربية لكهربائي وانت اللي تتفق معاه يفك ويركب كل كهربة العربية عشان الضفيرة ماتولعش والسمكري شغال فيها
يعني انت اللي كنت هاتستلم كهربة العربية من الكهربائي
بقينا احنا في النهاية اللي سلمناك العربية بايظة وكهربتها بايظة وعدادتها بايظة مش انت اللي جايلنا بيها كدة ونصحناك تشوف كهربائي !!!!

ده اللى محصلش كان بردو الاشارة الشمال هيه اللى بايظة فقط وانا استلمت العربية السنتر بايظ الانذار بايظ السمكرة كلها لاحمت واللى كان سليم بقى ملحم ومنقط باسود والغربية والمفاجأة الاشارة الشمال اتظبطت مش عارف ازاى ؟؟؟؟؟؟ وعداد الزيت شغال زى ما هوه والكيلومترات شغال تمام التمام

وورشة نايل موتورز عمرها ما كانت تحت بير السلم
واما ماكناش عملنا شغل لعربيات زي بي ام دبليو 525 موديل 2011 وشيروكي جديد ومرسيدس سي كلاس غير بقيت عربيات المنتدى واللي بنفخر ان العربيات دي اتعملت واتظبطت عندنا
وماكانش ورش ومراكز تانية سرقو صور الورشة وحطو اسمهم عليها ونزلوهم في مواقعهم رغم ان صنايعية الورشة عندي طالعين في الصور دي
ومش عايز احط الينكات عشان ماعملهمش دعاية مجانية

ده مش كلامى ده كلام اللى شاف العربية بعد ما خلصت واستلمتها لانى مبعرفش استلم وقلت لاحمد كده انا جايلك من صور النت اللى شوفتها وعجبنى شغلك اوى علشان كده جيت ولما طلب الفلوس اديتها له ولو كان طلب زيادة - وده حقه - كنت انا ممكن افكر او اقبل وطبعا ده عرض وطلب وكمان عتب العربية اللى اتفقنا يتغير متعملش من ضمن الفلوس اللى اتخدت والمفروض انه كان يتعمل على حسب الاتفاق ان السمكرة كلها ب1700 جنيه لعربية (متهانة ومهرئة) لترجع لحاتها بس ده محصلش وخد بردو الفلوس كلها بدون فصال ولا جدال وأسأله اهو عندك

حقيقي مش لاقي رد ارد بيها على ادعائتك وافترائاتك
وعدم خبرتك في العربيات لا يعطيك الحق انك ترمي الناس بالباطل وبما ليس فيهم

لحد دلوقت انا مش فاهم ازاى انا رميتك بالباطل انا بس دعيت عليك لانى حسيت انى اتظلمت واتعمل عليا شغل ولم اعب فى حد من عندك ولا فى حضرتك شخصيا وتأكد انى معملش كده خالص لانى مؤدب كويس وكل اللى فى ايدى انى ادعى ربنا مش اكتر، يعنى هعمل ايه مثلا يعنى اشتم مش هستفيد حاجة اسب والعن بردو مش هستفيد حاجة هوه فقط اقول حسبى الله ونعم الوكيل

ودعوتك علينا بالخراب وبقية كلامك الغير محترم مالوش عندي رد لان كفاية دعوة الملائكة عليك ب (ولك المثل)

لى المثل ليه اذا كنت انا المظلوم - بس مش عارف انا اذيت فى ايه لحد دلوقت علشان تعملوا معايا كده - ده احنا لسه حتى متعرفناش وانا جايلك على اساس انك بتساعد اعضاء منتداك علشان محدش يضحك عليهم ويستغل انهم (معندهمش خبرة) على حسب كلامك - بس بردو انا مش هامننى الفلوس على قد ما مضايقنى شكل العربية اللى كانت فى عينى على الاقل حلوة ورحت بيها اماكن كتيرة رغم انى حديث عهد بالعربيات (جديد يعنى ويتعمل عليا شغل)

والحمد لله اني براعي ربنا في كل مليم يدخل جيبي سواء من الورشة او من غيرها
فالحمد لله اني بعامل رب العباد وليس العباد ولذلك بتقي الله في كل مليم بكسبه

وعند ادعائتك بقفل العضوية ولا حذفها فممكن تشوف الكلام ده في اماكن غير محترمة وليس نايل موتورز ولا من كريم منير

فى الحالة دى ليه مضايق من انى ادعى عليك، هوه انا نبى ولا رسول انا بقول حسبى الله ونعم الوكيل ومش مسامح فى الفلوس اللى اتخدت منى بس - مظلوم او ظالم حسابك عند ربنا - انا لا هقدم ولا هأخر شئ.

عموما: انا لما شوفت شغل الورشة جيت عليها على طول بعد لما اتصلت بيك مع العلم ان اتعرض عليها اصلحها فى اكتر من مكان قبل ما اجيلك بس انا جيتلك علشان حسيت انك ممكن تساعد الجداد عديمى الخبرة زى اللى بيضحك عليهم - ولو كان فيه بس شوية اعتناء كنت بلغتنى ان العربية محدش راضى يعمل فيها شغل وانى ممكن اعملها فى التوكيل او اروح بيها لحد تانى على سبيل النصيحة مكنتش هزعل ولا هضايق بس مش تديها لأى حد وترميها وخلاص - لما انتم مرضتوش تعملوا فيها شغل ليه استلمتوها ليه مردتوهاش ؟ وكمان انا مش بدعى عليك ولا على ورشتك انكم عملتم بيها 200 كيلو أساسا مش فارقة مهو انا (عديم الخبرة) زى ما بتقول هيفرق ايه معايا 200 من 500 بس كان المفروض انى استلم شغل كامل مقابل الاتفاق اللى قلنا عليها وميقعدش يلسع الصاج ويلحم فى العربية ويقولى ايه رأيك؟؟ ليه كده؟ مع ان انا اساس مطور ويب يعنى ممكن اشوف ان الصاج معدول ولا لأ مش شرط اكون صنايعى انت قدامك حاجة عدلة ابص الاقية يلقط بالكاوية ويرد لحد لما العربية جالها حب شباب.
أخيرا: شكرا وبردو انا مشتمتش ولا سبيت ولا قلت شئ غير محترم انا قلت حسبى الله ونعم الوكيل ومش مسامح فى الفلوس اللى اتاخدت.
وبعدين لانت اول واحد يضحك عليا فى فلوس ولا اخر واحد أساسا مبتفرقش معايا الفلوس لانى بعتبرها ورق مش اكتر يؤدى غرض معين بس لما الغرض ميحصلش اضايق وده حقى واقول بردو حسبى الله ونعم الوكيل.
وبالنسبة للعضوية براحتك ، عاوز تمسحنى مفيش مشاكل عاوز تخلينى بردو مفيش مشاكل لا انا هنقص المنتدى شئ ولا هزوده.
ولا بنشرى للصور دى اعيبك ولا بعمل دعاية وحشة انا بس بنشر حاجة حصلت لى وعاوز تمسحها بردو براحتك معنديش مشاكل خالص.

وختاما: منك لله اذا كنت جورت على حقى
وشكرا
العضو : محمد

على فكرة بس اخيرا
انا مظلمتكش فى حاجة ولا اخدت منك فلوس ولا بعملك دعاية سيئة انا بس بشرح موقف حصلى من عندك بدون ان اعرف ان كنت انا غلطان ولا صح ورفعت الصور
وخد بالك ان كل ده على منتداك (يعنى ملكك) يعنى ببساطة جدا ماسح عضويتى يتلغى كل نشاطى (كمطور ويب محترف مش مليش فيها يعنى زى العربيات).
سلام وشكرا على الشغل اللى اتعمل والصور عندك شوفها مش شرط استلم صاج جنب بعضه المهم يكون سليم والشغل يعجب العميل

مبروك عليك بيعها وعقبال متجيب الاحسن قريب ان شاء الله بس ياتري بعتها ليه كنت بتشتكي منها في حاجة وكانت اتوماتك ولا مانوال

ماشى شكرا، الكلام فعلا لا هيقدم ولا هيأخر فى شئ اللى اتعمل اتعمل خلاص، واللى حصل حصل وزى ما بيقولوا الواحد ما بتعلمش ببلاش، أول وآخر مرة ان شاء الله.
ومن الأول انا الغلطان بس لازم الواحد يغلط علشان يتعلم، والصور دى لما خرجت العربية من ورشتك ولما اخلصها هنشر لك الصور الخلصانه من جوة ومن بره وهترجع العربية احسن مما كانت ان شاء الله.
شكرا على الدرس

مبروك يا مناور وان شاء الله العربية الجاية تكون أحسن

السلام عليكم
يا جماعة انا للأسف ببيع العربية دلوئتي وكنت عاوز اعرف تجيب كام دلوئتي
انا عربيتي بيتي جداً عاملة 62000 موديل 97 هاتشباك فابريكة من جوة ورشة برة بس علشان انا عملها تامين علشان اخوكم شغال في شركة تأمين