رابطة ملاك الكيا برايد - كلاكيت تانى مرة!

**أحمد الجندى** · 20-09-2011 04:21 PM

المشاركة الأصلية كتبت بواسطة محمد فريد

ممكن طبعا وانا لسه شارى عربية برايد 99 سنتر وانزار وجنوط سبور بدون تكييف وبفكر اركبه بس معرفش مين يركبه وهيعرف يظبطه ولا لأ وبصراحة نفسة اضبط طقم الفيبر بتاع العربية لان معظمه بحالة سيئة جدا وربنا يكرم
فى حاجة تانية مكنة الفليشر سريعة اوى وهى علبة مربعه كده عايز اغيرها محدش يعرف بكام؟
ثانى حاجة عداد السرعة بيرمى جامد يعنى انا لو ماشى 70 ممكن يجيبلى 110 مش عارف ايه ده يعنى انا جبت وانا مروح ال160 بس طبعا هى اكيد كانت 120 مثلا ومسمعتش انزار السرعه خالص؟ هل يوجد حل؟

انتم ليه مستكترين على البرايد انها توصل ل 160 هى مش عربية زى بقية العربيات ولا اكمنها 1100 ... يا جماعة الناس واخدة فكرة غلط عن العربية دى خالص وادائها احسن بكتير من اللى الناس بتسمعه وتفتكره عنها

**أحمد الجندى** · 20-09-2011 04:26 PM

المشاركة الأصلية كتبت بواسطة khaled_re

شكراً يا باشا الرد بس انا كنت فاكر ان هي ممكن تعمل اكتر من كدة شوية يعني علي الاقل 30000 وهي فيها سنتر وأنذار والبطارية لسة جديدة بس هي مفيهاش تكيف

انا ياما شوفت ملاك برايد بتطلب اكتر من كده بس وقت البيع الفعلى محدش بيبيع بالارقام دى خالص ... أنا لسه واحد قريبى مشترى برايد من حوالى 6 شهور بالتكييف موديل 99 وعداد 76 الف ب 28.5 وأنا بعد ما اشتريت عربيتى واحد من اللى كنت موصيهم يدورولى على البرايد قالى لقيتلك واحدة 97 بتكييف وسنتر وانذار على 27.5 وكان عدادها اقل من 100 الف ... وازيدك من الشعر بيت أنا لسه بايع عربيتى الاسبوع ده على 25 الف

**أحمد الجندى** · 20-09-2011 04:29 PM

المشاركة الأصلية كتبت بواسطة akramhasan

غيرت صليبتنين كوبلن داخلى الواحده ب 30 ج صينى
بلى عجل خلفى الواحده ب 30 ج
و قصيت حلقه من السوست عشان اهبط العربيه عشان كانت عاليه
فكلى قاعده الموتور الى عند القنطره و حشاهالى عشان كانت ضعيفه شويه
مصنعيه 100 ج فى الحرفيين

طلعت على الطريق بعدها و 150 و 160 و ولا كانى ماشى و العربيه انسيابيه مع الهوا جدا

يا مظبط البرايد انت كان نفسى عربيتى تبقى معايا وقت عز كنت منجهتها بس يلا نصيبها بقى ... ربنا يباركلك فيها

**أحمد الجندى** · 20-09-2011 04:33 PM

المشاركة الأصلية كتبت بواسطة محمد فريد

حضرتك متأكد من العداد ده مش مزود وهى العربية 1100 ولا 1300؟
عشان انا لسه شارى العربية 1100 والعداد مخرف وبيرمى جامد يعنى وصل لل 160 وال rpm معداش ال 4 :b4_048:
انا لسه معملتش اى صيانات بس فكيت فلتر الهواء لقيته اسود وفى بقايا زيت نظفته بالهواء والبوجيهات مبصتش عليها لسه تنصحوانى أغير ايه تانى بالمرة وياريت الاسعار لو تكرمتم؟

غير زيت الموتور بشيل ومعاه فلتر الزيت وفلتر الهواء والبنزين والبوجيهات يابانى ngk وخلى حد بتاع كاربرتير يبص عليها ويظبطها لو محتاجة وانصحك تروح لمركز الصفا وراجع على زيت الفرامل والتيل ومية الريداتير

**أحمد الجندى** · 20-09-2011 04:39 PM

المشاركة الأصلية كتبت بواسطة ranon73

السلام عليكم يا ملاك الكيا برايد سيدان انا اول مرة اكتب فى الكيا لانى لسة مجربها الاسبوع الى فات فقط ودى عربية زوجتى اصلا و انا معى كورولا جديدة و قبلها اوكتافيا و جيتا انا اخدتها بعد مشكلة البنزين الى مش متوفر و فوجئت بالاتى حوالى 10 ايام الان و استهلاك السيارة حلو جداجداجدا موفرة جدا يعنى ببنزين 80 يدوب نص التنك يعنى حوالى 15 جم فقط و التكيف مش عالى قوى بس مقبول جدا و الثبات لغاية 100 كويس بس عندى كام سووال انا مرايات الجنب عندى مكسورة حد يعرف بكام وو تتجاب منين و لو مش موجودة اية البديل و عندى مشكلة تانية ان الزجاج بيطلع ببطىء الامامى و هو كهرباء بجد انا اهنئكم على العربيى دى لانها ممتازة فعلا فى كل حاجة فى مصر موفرة اقتصادية بس عيبها الوحيد انها خشنة شوية

تقدر تتصل بحلمى سليمان أو الجندى وتعرف سعر المراية كام .... بالنسبة لخشونة العربية فده صحيح واى حد كان بيسألنى عليها اقوله لو عايز عربية عملية واقتصادية وسهلة الصيانة يبقى عليك بيها احنا حقتنا نخلى شعارنا (استرجل واركب برايد)

**akramhasan** · 20-09-2011 07:06 PM

المشاركة الأصلية كتبت بواسطة ranon73

السلام عليكم يا ملاك الكيا برايد سيدان انا اول مرة اكتب فى الكيا لانى لسة مجربها الاسبوع الى فات فقط ودى عربية زوجتى اصلا و انا معى كورولا جديدة و قبلها اوكتافيا و جيتا انا اخدتها بعد مشكلة البنزين الى مش متوفر و فوجئت بالاتى حوالى 10 ايام الان و استهلاك السيارة حلو جداجداجدا موفرة جدا يعنى ببنزين 80 يدوب نص التنك يعنى حوالى 15 جم فقط و التكيف مش عالى قوى بس مقبول جدا و الثبات لغاية 100 كويس بس عندى كام سووال انا مرايات الجنب عندى مكسورة حد يعرف بكام وو تتجاب منين و لو مش موجودة اية البديل و عندى مشكلة تانية ان الزجاج بيطلع ببطىء الامامى و هو كهرباء بجد انا اهنئكم على العربيى دى لانها ممتازة فعلا فى كل حاجة فى مصر موفرة اقتصادية بس عيبها الوحيد انها خشنة شوية

المرايا هتلاقيها استيراد فى الحرافيين اكيد بس عند مين بصراحه مش عارف اسم المحل بس انت لو سالت هناك هيدلوك....فيه فى الحرفين الى اعرفه الاستاذ بيبيع جديد

الزجاج هتروح لواحد بتاع ابواب يفكلك يكشفلك على المكنه و فى الغالب هتلاقى الموتور ضعف بتاع المكنه و غيره بمكنه يابانى و انساها

العربيه مش خشنه اطلاقا ...اكيد فى مشكله عندك ...يا ريت توصف و تحدد خشنه ازاى

**akramhasan** · 20-09-2011 07:08 PM

المشاركة الأصلية كتبت بواسطة ranon73

السلام عليكم يا ملاك الكيا برايد سيدان انا اول مرة اكتب فى الكيا لانى لسة مجربها الاسبوع الى فات فقط ودى عربية زوجتى اصلا و انا معى كورولا جديدة و قبلها اوكتافيا و جيتا انا اخدتها بعد مشكلة البنزين الى مش متوفر و فوجئت بالاتى حوالى 10 ايام الان و استهلاك السيارة حلو جداجداجدا موفرة جدا يعنى ببنزين 80 يدوب نص التنك يعنى حوالى 15 جم فقط و التكيف مش عالى قوى بس مقبول جدا و الثبات لغاية 100 كويس بس عندى كام سووال انا مرايات الجنب عندى مكسورة حد يعرف بكام وو تتجاب منين و لو مش موجودة اية البديل و عندى مشكلة تانية ان الزجاج بيطلع ببطىء الامامى و هو كهرباء بجد انا اهنئكم على العربيى دى لانها ممتازة فعلا فى كل حاجة فى مصر موفرة اقتصادية بس عيبها الوحيد انها خشنة شوية

المشاركة الأصلية كتبت بواسطة المناور

تقدر تتصل بحلمى سليمان أو الجندى وتعرف سعر المراية كام .... بالنسبة لخشونة العربية فده صحيح واى حد كان بيسألنى عليها اقوله لو عايز عربية عملية واقتصادية وسهلة الصيانة يبقى عليك بيها احنا حقتنا نخلى شعارنا (استرجل واركب برايد) :c_laugh[1]:

عربيتى السايبا ال 2006 مش خشنه....يا ريت تحدد خشنه ازاى

**أحمد الجندى** · 20-09-2011 09:24 PM

المشاركة الأصلية كتبت بواسطة akramhasan

عربيتى السايبا ال 2006 مش خشنه....يا ريت تحدد خشنه ازاى

فى نظرى الخشونة وعلى حسب عربيتى يعنى مافيهاش دلع كتير سواء فى الخامات أو التصميم الداخلى العربية عملية اكتر منها جمالية

**محمد فريد** · 21-09-2011 01:13 AM

بس انتعها فاميه وطقم جنط وزينون وعدة صوت حلوة واتفرج عليها :)

**alf2boshra** · 21-09-2011 11:47 AM

وحوش البرايد .. صباحكم زي الورد

بسألكم على كام حاجه

معايا برايد سايبا 2009 هي بتاعة أخويا وهو سافر بره بعد شرائها بأسبوعين فقط ، وكان اشتراها في شهر أغسطس 2010 ، وبالتالي اصبحت العربيه معايا .. طبعا لأنها مش بتاعتي فبيكون استخدامي للعربيه بمنتهى الحرص لدرجه ان في السنة دي ماكملتش لسه الـ 6000 كيلو

المهم هو راجع مصر قريب وطلب مني أركبلها إنذار والسينسور الخاص بالركن ده زائد وحدات رفع الزجاج .. المهم انا مش عارف أفضل الأنواع إيه .. ولو تنصحو بحاجه معينه ياريت حد يقولي .. كمان انا كنت سألت من فتره ع الانذار وحد قال ان البرايد الايراني بتحرق الانذار يعني مش بيعمر في العربيه دي فهل ده صحيح ولا كلام وبس

مع مراعاة اننا في المنيا وانا نازل القاهره اول الشهر بالعربية اخلص شغل خاص بيا واعمل الحاجات دي في العربية

كمان من اكتر من اسبوعين عملنا صيانة الـ 5000 في التوكيل .. مشواره محدوف اخر الدنيا بس استقبال الناس كويس والتوكيل موفر قدر كبير من قطع الغيار للعربية بس مش كل حاجه .. عموما العربية آدائها حلو قوي مينقصهاش حاجه بالمقارنه بفئات تاني ممكن تكون اغلى منها شوية .. التكييف حلو قوي .. السحب معقول جداً بس معدل البنزين حوالي 11 كم / لتر ع الطريق السريع مع سرعات من 100 الى 120 جوه البلد ما حسبتش كويس بس اعتقد ده معدل كتير على 1300 سي سي . ثباتها معقول قوي جريت بيها لغاية 150كم وكان الثبات مرضي وكنا فيها أنا وجوز اختي وتلات اطفال .. العزل مش قد كدا خصوصا لو بتجري جامد .. لو فاتح القزاز بتحس ان العربيه مش مستقره كويس او تحكمك فيها بيقل .. الباور بتاعها هايل ويخوف لو الطريق منحنيات بس حلو قوي في الركن بتبقى سهله جداً .

حبيت اقولكم على تقييم سريع للعربيه ، وأي استفسار تحت أمركم .
مستني مشورتكم .. صباحكم ورد
ألفي بشرى

الموضوع: رابطة ملاك الكيا برايد - كلاكيت تانى مرة!

LinkBack

أدوات الموضوع

عرض

-

-

-

-

-

-

-

-

المواضيع المتشابهه

كلاكيت تانى مره

ملاك الكيا برايد السيدان الاتوماتيك

اشمعى احنا يعنى (رابطة ملاك الكيا بيكانتو) خوخه

كلاكيت تانى مرة

يا جماعه هل الكيا برايد هترجع تانى ؟

الكلمات الدلالية لهذا الموضوع

المفضلات

المفضلات

ضوابط المشاركة