ما هو تقييمك لوكيل تويوتا و مراكز الخدمه

**mafbadr** · 24-08-2008 03:10 PM

المشكلة الكبيرة زى ماقال الزميل السابق
إنك ما تعرفش إيه اللى حصل فى سيارتك داخل المركز
و بعدين هتيجى مشكلة الأسعار أول ما الواحد يبدأ يغير
ربنا يستر

**محمد ابراهيم 1** · 31-08-2008 12:55 AM

بصراحه هما مالهومش لازمه غير فى فترة الضمان

**hanyelwaly2010** · 06-09-2008 12:29 AM

بصراحه احسن مركز هو الي في العباسيه

**دموع الثلج** · 15-09-2008 08:51 PM

جربت توكيل العبور كذا مره وعملت فيه اول صيانه ليا
وقلت انهم ملهمش فى الموضوع نهائى خبره زيرو وحرافيه زيرو

جربت توكيل ابو رواش قبل رمضان فى صيانه 5000
فرق شاسع بين ابو رواش والعبور
اغلب المتواجدين فى الاستقبال مهندسين اصلا بعكس العبور كلهم بصمجيه

الورش داخل تختلف فيه حرفيه فى الشغل وفيه ناس فاهمه كويس وعارفه تتعامل مع اى مشكله فى العربيه ده ملقتهوش فى العبور المهندس هناك مكانش عارف الفرق بين الفرامل العاديه وabs , ebd وواكثر تنظيم واتقان من العبور بكثير

فى ابو رواش دخلت ا لورشه مع العربيه لحد ما راحت للمغسله بصراحه فرق 180 درجه بين توكيل العبور والاسعار تقريبا نفس الاسعار اللى كاتبها شاركى مفيهاش زياده

بالنسبه لتوكيل العباسيه كل اللى جربوه بيشكروا فيه

**د.محمد** · 30-03-2009 12:29 AM

بعد اذنكم استفسار
او انا لو لسه شاري العربية وطبعا هى في الضمان , هل انا لازم اروح التوكيل نفسه ولا ممكن مراكز الخدمة المعتمدة تفي بالغرض , وكاني رحت التوكيل نفسه؟؟؟

**Sharky** · 30-03-2009 10:24 AM

ممكن تروح التوكيل او مراكز الخدمة المعتمدة من الوكيل

**mohamed_abobakr** · 30-03-2009 07:00 PM

انا بصراحه شايف انهم ناس محترمين اوى انا بتعامل مع الفرع الجديد اللى قريب من التجمع

**Horsepower** · 03-01-2010 12:10 AM

توكيل ممتاز ممتاز ممتاز. أنا بعمل صيانة سيارة والدي في فرع العباسية دايما و بصراحة مجربتش غيره و معنديش إستعداد أجرب بدون سبب .

**john_samy** · 03-01-2010 03:37 PM

انا جربت صيانة الالف فى ابو رواش. ناس محترمة ومواعيدهم محترمة جدااااااااااا وكمان مكان الانتظار كويس اوى ومكيف وفيه انترنت.

**Berlioz** · 24-01-2010 01:35 AM

ما يقال هنا غريب وفيه تفاوت كبير بعضها يبجل في التوكيل والآخر يحط من قدره بصورة مبالغ فيها.

من واقع خبرتي التوكيل جيد من حيث الأسعار وتوافر قطع الغيار ونظافة المكان "وبس"
أما من حيث الموظفين -حثالة- والمواعيد غير منضبطة والصنايعية جهلة ومهملين وكله كوم وموظفين الاستقبال القذرين كوم آخر (وعلى فكرة مسألة القذارة ليست في سلوكياتهم لا سمح الله لأن ده مسلم بيه) ولكن أقصد قذارة الموظفين شخصياً وعدم احترام المواعيد وتكرار الكذب.

عموماً أنا ما زلت مصر إن العربية ممتازة ولكن التوكيل وسخ سمعتها
على فكرة أنا تعاملت مع توكيل القاهرة الجديدة

مشاهدة نتائج الإستطلاع: ما هو تقييمك لوكيل تويوتا و مراكز الخدمه

الموضوع: ما هو تقييمك لوكيل تويوتا و مراكز الخدمه

LinkBack

أدوات الموضوع

عرض

-

-

-

-

-

المواضيع المتشابهه

ما هو تقييمك لوكيل بيجو و مراكز الخدمه

ما هو تقييمك لوكيل سبيرانزا و مراكز الخدمه

ما هو تقييمك لوكيل جيب و مراكز الخدمه

ما هو تقييمك لوكيل ستروين و مراكز الخدمه

ما هو تقييمك لوكيل كيا و مراكز الخدمه

الكلمات الدلالية لهذا الموضوع

المفضلات

المفضلات

ضوابط المشاركة