الموضوع: ما هو تقييمك لوكيل تويوتا و مراكز الخدمه

انا اتعاملت مع مركز صيانه ابو حته بالغردقه زببببببببببببببباته ومش عارف يحدد العيب كانت صليبه كولن قالى بيله عجل حميييييييير وكمان غالى جدا جدا ده علشان يحطكيس على الكرس تدفع 30 جنيه (ده انااجبيله 5 كيلو اكياس احسن)

والله ياجماعه التوكيل ده مزعلنى بسبب ان انا محطوط على الوايتنج ليست عشان يصلحوا موضوع الفتيس بتاع الجنوب افريقي من 2009 ومش فاهم منهم حاجه وكل ما اكلمهم يقولولى ان شاء الله هنتصل بيك لحد مازهقت وبعت العربيه كانت تويوتا كورولا 2008 و ربنا يسامحنى لانى مقلتش للى اشترها على الموضع ده !!!

انا على وشك شراء كورولا اريد ان اسأل ملاك الكرولا فى الاسكندريه عن احسن مركز صيانه و هل هنالك ميكانيكى و عفشكى خارج التوكيل شاطر و فاهم و موثوق به ممكن اذهب له بدلا من التوكيل - شكرا مقدما لكل من سيتفضل بالرد

أنا معايا العربية بقالى أربع سنين و بتعامل مع توكيل أبو رواش بس...
خدمة الصيانة كويسة وجربت كمان سمكرة ودهان و كانت هايلة
المواعيد مظبوطة لحد كبير بس بقالهم فترة الحجز مستحيل على التليفون و محدش بيرد عليك أبدا فلازم تنزل تروح و تستنى دورك من غير حجز.

يا جماعة أنا إكتشفت إكتشاف


أن توكيل العبور بتاع تويوتا سئ للغاية ( نصحية أى واحد عنده تويتا ميروحش العبور خالص ) المشكلة لما تكون فى قطع غيار تتغير

و المشكلة أنه طلع مش توكيل ده طلع معتمد من الوكيل ،

أنا حصلتى مواقف كتيرة معاهم بس كنت مقضيها و الناس لبعضها ،، بس أنا خلاص جبت زيت منهم

أحكيلكو خبرة 3 سنين معاهم و عامل عندهم الضمان بالكامل

1- المعاملة سيئة من العمالة ( مهندسين -أفراد )
2- أخص بالذكر مهندس التصوير (مهندس يقوم بتصوير المشكلة لتغيريها تابع للضمان ) إنسان كده مستفز و يحسسك أنه بيدفع من جيبوا فلوس قطع الغيار
3- غسيل التوكيل سورى هذا الكيان المعتمد مش قد كده ( بس ماكنش فارق قوى علشان أنا بنضف فى بنزينة بمزاج )

بس كنت بتعايش لغاية ما جه مشكلة زرار الإزاز الكهرباء ،، الزرار اليمين بايظ ، المهم صوره ، و لحد دلوقتى داخلين فى 4 شهور مفيش تغير للزرار

كان عندى مشكلة إن الدبرياج كان تقيل جدا ( ده من أول ما جبت العربية ) بس المهندس بتاع الصيانة بقول إنه عادى ،، لغاية ما الواحد ربنا كرمه و عرف النت و النتيت و عرف أن اليارس عيبها الدبرياج

المهم الدبرياج بقى بوجع الرجل قوى ،، قمت قلته لازم تعمل حاجه

جه مهندس التصوير قال إن العيب دسك و ده إستهلاك و بره الضمان ( أنا لسه فى الضمان ) قلت ماشى ، طب و الدبرياج أساسا كان تقيل ليه ؟

قال إن فيه سوسته تعمل كده ؟ طب دى فى الضمان و لا بره قالى أسأل و جه الباشا مهندس كبير مدير عمل نفسه مهم و معاه ناس و إطلتعط أكتر من ساعة و خرجت


كلمت الشكاوى ، ،، قالوا اللى ممكن نعمله هو إننا نكلمهم على قطع الغيار ، و لكن المعاملة دى مش تبعنا ؟؟؟؟؟


من بعد كده أنا قررت أروح توكيل للصيانة مش مركز (( بس عازو أعرف أنهى أحسن ابو رواش ، و لا العباسية ))؟؟

بعد التحية....فضلت ان انتظر فترة مناسبة (على الأقل أسبوعين) حتى أهدا وانقل تجربتى مع توكيل العباسية على الأقل بدون عصبية الفترة الأولى من حدوث الموضوع..ولانى اتفق مع الأخوة بشأن انه مع زيادة الأعداد للسيارات المقدم لها الصيانة بكل مركز فأنه فى بعض الأحيان يوجد نسبة عدم رضا للعميل وانا ان كنت اتفق مع هذا واعتبر نفسى من تلك النسبة حيث لا يمكن التعميم او النسبية المطلقة لذلك فانى ارى انه من تعاملى مع الشركة تم عمل موضوع الحجز المسبق بحيث لا يستقبل التوكيل عدد اكثر من طاقته وهم يسجلوا على نظام الشركة نوع الصيانة لان كل نوع له عدد ساعات عمل داخل الورش فلابد ان تخرج جميع السيارات بنفس الجودة وان تكون نسبة رضاء العملاء على اعلى مستوى خاصة انها تتعلق باروح العملاء وراكبى السيارة ورضاء العملاء واستمرار الثقة فى منتجات وخدمات الشركة ومحافظ على إستثمار العميل فى سيارته....كذلك اتفق على ان توكيل تويوتا بفروعه العباسية/ابو رواش / التجمع من افضل التوكيلات المقدمة لخدمة الصيانة بالمقارنة لبعض الشركات الأخرى.......انا من عملا تويوتا القدامى منذ 1993(شخصيا وعلى مدى تلك السنوات امتلكت 2 كرولا 1993 / 2003 وحاليا أفينسيس 2007 وجميعهم زيرو ومن التوكيل وأحرص دائما على جميع الصيانات حتى انى فى بعض الأحيان اعمل صيانة 10 ألاف مع ان الكيلو متر عامل 5000 فقط لمرور فترة زمنية كبير ) وقد تعاملت مع توكيلات العباسية / أبو رواش/ التجمع وكنت افضل العباسية (تعاملى فى أبو رواش كان ممتاز) .

يا جماعة التوكيل كان محترم جدا بس انا حاسس انهم اتغيروا بقالهم فترة غالبا لقلة مبيعاتهم والمعروف ان ارباح التوكيل نسبتها عالية فى الصيانة...دلوقتى بقوا بيغيروا وخلاص لا يوجد موضوع الكشف..توكيل العباسية انا رحت اعمل صيانة ال40 الف وسائلت واصريت فى السؤال: اهيه بالضبط حيتعمل وطالبت اشوف اللستة اللى بيمشوا عليها لانى انا عندى واحدة طبقا لتويوتا وطبعا مندوب الأستقبال (مندوبة ودى كان غلطة عمرى انى ما طلبتش اغيرها ولا اتعامل معاها) حاولت بكل الطرق تهرب من الإجابات ويكفى تعاملها معى بقلة الزوق (تخيل تقول لعميل علشان ما تضيعش وقتنا والدنيا زحمة كفاية أسئلة ...ما انا حاجز ليه ميعاد انتم عارفين ان السيارة دى جاية وحتدخل ومحسوب ميعادها ده بس اللى قلته وكنت عاوز ازود :وانا عميل ومن حقى اعرف بالضبط الخدمة اللى حتدفعونى ثمناها وبعدين دى ارواح ناس في العربية انتم مسئولين عنها ...ردها مرة أخرى :هى حيتعمل لها صيانة تفصيل...وعند استلامها السيارة تركتها دايرة انا اللى طفيت الموتور وتخيل السيارة دخلت بعد كده بنصف ساعة لو كانت فضلت دايرة وده حصل مع عميل آخر برضه...والسيارة ما كنتش حتدخل لولا انى رحت اسئل حتدخل امتى علشان عارف حركة وقت الراحة وبمنتهى البرود ردها حتخلص الساعة 3...ده انا حاجز 8.30وحضرت فى ميعادى وردها تانى ما انت عاوز صيانة تفصيل طبعا قلت لا انا عاوز العربية حامشى وحاحجز ميعاد تانى وحاقدم شكوى....طبعا على طول جاء مدير الصيانة علشان يدخل العربية لان أمر التشغيل اخذ رقم فطبعا إدارة تأكيد الجودة حتسأله العميل أخذ عربيته ليه ومشى من غير شغل وكمان قدم شكوى وهو مش عاوز كدة...المهم افظع حاجة ودى اللى غايظانى انى علشان عارف ان مياه الردياتير الأصلى عمرها 150 ألف كيلو / على الأقل 7 سنيين ... لان دى مياه تويوتا مصنعة ومعمرة ومخصوصة علشان الردياتير التويوتا (يعنى زى زيت موبيل وان معمر) طلبت عدم تغييره والهانم كانت عملت نجمة لتضيف طلبى وبعدين اتكلمنا فى حاجة تانية ولم تكتبها (وهنا اكرر لازم تتأكد من كتابة كل طلباتك قبل تسليم السيارة بالصيغة اللى انت عاوزها مش المهندس عاوزها) وهى لم تتغير فى قسم الصيانة السريعة لكن اتغيرت بالداخل عند دخولها لغسيل الموتور واكتشفت كدة فى الفاتورة ...طبعا عند الرجوع لها قالت مش فاكرة انت طلبت ايه دى اتغيرت بمياة تويوتا الحمرا هاهاهاها طبعا سئلن مدير الصيانة السريعة انتم عندكم مياة تويوتا الأصلى لان السعر في الفاتورة يوحى بمياه طرشى قالى لا مافيش ولما حكيت له تعجب وضرب اسداس في اخماس وجاب كارت التشغيل وحاول يساعد بس حيعمل ايه ما هى اتغيرت خلاص وحاطولنى المحروصة موبيل الحمرا اللى لا تستحمل حتى سنة (النتيجة الملاحظة = الموتور يسخن بسرعة جدا – موتور المروحة شغال باستمرار لتقليل حرارة مياة المبرد وده استهلاك لموتور وسير المروحة/جهد على البطارية وتكوين املاح تسد مواسير الردياتير التويوتا الرفيعة جدا وأكيد حاجات تانية كتير لا اعرفها (وطبعا مدير الصيانة تدخل مرة ثانية وحاول يقنعنى انه عمل الأفضل ولما لقانى فاهم وقلت له لما المانويل والأستكير على الكابوت يقول 150 الف كيلو بيقول كدة ليه...الرد الخايب ان ده فى انجلترا بس اما مصر كتيب الصيانة عند 40 ألف كلوا = كلام خايب وطلبت اشوف الكتيب طبعا مافيش...حبيبى المياه دى مصنعة علشان ما تعملش املاح ورواسب وكمان درجة الغليان بتاعتها مرتفعة جدا ومش سهل اصلا انها تتبخر وده بيريح الطلمبة وموتور المروحة لانه مش بيجهدهم (فىها اضافة احنا مش محتاجنها فى مصر انها ضد التجمد بس ده لا يؤثر على المعادلة الكيميائية بتاعتها) ولا يتم لمسها الآ للمعاينة لو فيه تسريب ولا مشكلة...واصريت من كتابة شكوى لآن اللى حصل حصل هما طبعا ما عندهمش حل = العميل يتفلق ورضا العميل مش مهم الإ لو عمل فضيحة والرجل عداه العيب راح جايبلى ورقة وقلم وتركنى واختفى هو والناس بتوعوه = وقت الراحة = ضياع وقت العميل لان فيه تعطل جميع اعمال السيارات بالمركز.طب انت مع عميل عاوز يقدم شكوى اقف معاه من باب الإحترام ...طب ما تعمل الراحة تبادلية او شوف لك حل شوف في اوروبا ولا اليابان ولا الخليج حلوا الموضوع ده ازاى...ليه العميل يخسر ساعة لو هو جى صيانات عادية... طبعا كتبت الشكوى وتركتها ومتأكد انه قطعها لانهم لم يتصلوا بى امال لو ما كنتش صاحب العربية كانوا عملوا ايه) ( جتى بدون شكوى زمان كان قسم تأكيد الجودة يتصل بى نفس اسبوع الصيانة للتأكد من عدم وجود ملاحظات) ....ايوه أفتكرت طلب قولته للأستاذة اللى مش باشمهندسة رجاء مراجعة السيور وليس التغيير....ردها الجميل : ويراجع السيور ازاى....أستاذة شد السيور له عزم وقوة معين لكل موديل موجود فى المانويل عنهم وفيه اجهزة لمراعاة شد السيور ومراجعة خلوص الدواسات (هو انا باتكلم غلط)....سؤال كان نفسى اسئلة بس خفت انها تشتمنى : طب مافيش جهاز لتوصيل ال ecu لمراجعة كمبيوتر الأعطال وضبط الموتور عموما ده يؤكد انى غلطان انى كملت معاها انا اعترف انى غلطان. انا اسف للآطالة بس حبيت اكتب تجربتى الأخيرة للتوكيل والتى افقدتنى الثقة فيهم بعد ما كنت اثق بهم تماما وحاليا ارى من المشاكل والعيوب الظاهرة بالكورولا رمز الأعتمادية سابقا ان الشركة متجهة للاتجاه العكسى وفقد ولاء عملاءها والتوكيل كمان مكمل عليها بحبتين من عنده ....سيارتى القادمة لن تكون تويوتا بلا شك مع الأسف وأشد الأسف ...
أسف للآطالة – أسف للأخطاء اللغوية والأملائية – ساقوم بنشر التعليق في كل ما اتمكن من الوصول اليه. ولكم الشكر والتحية على القراءة....