كل العربيات بيحصل فيها مشاكل... إهداء خاص للأخ أبو عبد الله

كل أصحاب العربيات مكن يحصلهم مشاكل يعني للأسف محدش فينا يقدر ينام و هوا حاطط في بطنه بطيخة صيفي... الإهمال و عدم النظام ده صفة بشرية في الأصل و بزيادة شوية عندنا كمصريين. و برضه أي عربية ممكن يحصل فيها عيب صناعة أو مشاكل تقفيل... الكمال لله وحده...

الموضوع ده من مشاركات إخوانا في المنتدي لمشاكل تتراوح بين عيوب صناعة لعيوب تقفيل لشكوى من توكيل و ده كمثال بس من بعض أنواع السيارات.. و هو إهدء خاص لأخونا أبو عبد الله..

شيفروليه
http://www.nilemotors.net/Nile/showthread.php?t=11669

ميتسوبيشي
http://www.nilemotors.net/Nile/showthread.php?t=21320&highlight=%E3%D4%DF%E1%C9
http://www.nilemotors.net/Nile/showthread.php?t=21173&highlight=%E3%D4%DF%E1%C9

تويوتا
http://www.nilemotors.net/Nile/showthread.php?t=18614
http://www.nilemotors.net/Nile/showthread.php?t=19274
http://www.nilemotors.net/Nile/showthread.php?t=18566

رينو
http://www.nilemotors.net/Nile/showthread.php?t=19622
http://www.nilemotors.net/Nile/showthread.php?t=12198

سوبارو
http://nilemotors.net/Nile/showthread.php?p=167280

بروتون
http://www.nilemotors.net/Nile/showthread.php?t=10722



نيسان
http://www.nilemotors.net/Nile/showthread.php?t=18040
http://www.nilemotors.net/Nile/showthread.php?t=19992


فولكس
http://www.nilemotors.net/Nile/showthread.php?t=20894
http://www.nilemotors.net/Nile/showthread.php?t=20218
http://www.nilemotors.net/Nile/showthread.php?t=21231

معلش سؤال ممكن يكون غبي.. بس هو ليه الموضوع ده إهداء لأبو عبد الله بالتحديد؟ :confused:

انا مش فاهم حضرتك تأصد ايه بالموضوع ده أو ايه الهدف منه؟
فى وجهة نظر محدده حضرتك بتحاول توضحها ؟

يا جماعة براحة بس شوية... الموضوع إن كان في هجوم كبير على هيونداى و أخونا أبو عبد الله كان من رأيه إن هيونداي سيارة وحشة و توكيلها أسواء توكيل في الدنيا .. فهنا بس أنا بحاول أوضحلوا فكرة إن كل العربيات فيها مشاكل.. و كل الناس ممكن العربية أو التوكيل يتعبها في وقت من الأوقات..

مفيش داعي لاثارة المشاكل وفتح جدال

وساحة نزاع جديدة في القسم العام بدل

اللي اتقفلت في هيونداي.


انت بالطريقة دي بتستفذة علشان يجي

يرد ونفتح موضوع مكرر من اللي اتقفل!!



اكيد معروف ان مفيش سيارة كاملة والكمال

لله وحدة لان لو كانت السيارة دي موجودة

محدش كان هيجيب غيرها!!

اقتباس:

---

المشاركة الأصلية كتبت بواسطة OlaOsman

معلش سؤال ممكن يكون غبي.. بس هو ليه الموضوع ده إهداء لأبو عبد الله بالتحديد؟ :confused:

---

هو لكل الناس طبعاً بس أنا بعاكس أبو عبد الله شوية ...:)

اقتباس:

---

المشاركة الأصلية كتبت بواسطة Nader

مفيش داعي لاثارة المشاكل وفتح جدال

وساحة نزاع جديدة في القسم العام بدل

اللي اتقفلت في هيونداي.


انت بالطريقة دي بتستفذة علشان يجي

يرد ونفتح موضوع مكرر من اللي اتقفل!!

---

إنت يا نادر شايف إن ده إستفزاز؟؟!! و فتح ساحة نزاع؟؟؟
لو كده خلاص... مفيش أي مشكلة إنو يتقفل..

اقتباس:

---

المشاركة الأصلية كتبت بواسطة ahmedfd

إنت يا نادر شايف إن ده إستفزاز؟؟!! و فتح ساحة نزاع؟؟؟
لو كده خلاص... مفيش أي مشكلة إنو يتقفل..

---

اهداء خاص لابو عبد الله .... انت مش شايف كدة انك بتدعوة لاستكمال

الجدال؟؟!

اقتباس:

---

المشاركة الأصلية كتبت بواسطة Nader

اهداء خاص لابو عبد الله .... انت مش شايف كدة انك بتدعوة لاستكمال

الجدال؟؟!

---

يعني لما نتناقش بهدوء و بالدليل يبقى جدال...
دا أنا بالعكس قاصد أدعوه علشان يخش معانا و يبقى في حوار ....
خلاص بجد أقفلوا الموضوع و كفى المؤمنين شر القتال...

يا باشا أبو عبدالله كان يقصد إن توكيل هيونداى فى مصر سئ جدا و إنت جايب لينكات لعيوب صناعة أو حجات إتغيرت لإنتهاء عمرها الإفتراضى فى ماركات تانية يعنى مالهاش دعوة بسوء توكيل الماركة فى مصر زى إللى فى قسم رينو مثلا

الحمد لله القائمه مفيهاش بيجو :p:p:p

......
وانا شايف ياجماعه ان الراجل مايقصدش استفزاز ولا حاجه
.............

هو بيشرح وجهة نظرو بان اى عربيه فيها عيوب....ومشاكل

وبالنسبه لكلمة ...اهداء لابو عبد الله...بالعكس ان شايف انها فيها نوع من الهزار والود ليس اكتر

والله اعلم
وربنا يديم المعروف

اقتباس:

---

المشاركة الأصلية كتبت بواسطة sharky

يا باشا أبو عبدالله كان يقصد إن توكيل هيونداى فى مصر سئ جدا و إنت جايب لينكات لعيوب صناعة أو حجات إتغيرت لإنتهاء عمرها الإفتراضى فى ماركات تانية يعنى مالهاش دعوة بسوء توكيل الماركة فى مصر زى إللى فى قسم رينو مثلا

---

أيوه يا sharky بس أنا فاكر كان في حاجة عن تغيير علبة دريكسيون في الضمان... و ده عادي جداً و علشان كدة الضمان معمول و معروف إن توكيل رينو من أحسن التوكيلات في مصر... القصد إن الكل معرض لمشاكل... عادي جداً و ممكن كمان يحصل في مرسيدس و بي إم... و دي حاجات متعيبش العربيات..
و أنا قلت في الأول إن العيوب تتراوح بين عيب صناعة لعيوب تقفيل لإهمال في التوكيل... يعني ممكن أي واحدة فيهم...

اقتباس:

---

المشاركة الأصلية كتبت بواسطة FLYINGPEUGEOT

الحمد لله القائمه مفيهاش بيجو :p:p:p

......
وانا شايف ياجماعه ان الراجل مايقصدش استفزاز ولا حاجه
.............

هو بيشرح وجهة نظرو بان اى عربيه فيها عيوب....ومشاكل

وبالنسبه لكلمة ...اهداء لابو عبد الله...بالعكس ان شايف انها فيها نوع من الهزار والود ليس اكتر

والله اعلم
وربنا يديم المعروف

---

أهو إنت اللي فهمتني بالظبط و الله... يمكن علشان عندي بيجو بجانب لإلنترا؟؟؟:)

أولا انا شاكر لك جدا على هذا المجهود الجبار

ولا تقلق والحمد لله فانا باخد الأمور ببساطه أكتر من كده

يعني انا لن استفز لو الكلام على عربيه واي نوع واي ماركه
ولكن ما يستفزني فعلا هو الكلام على شخصي او انكار لوقائع وحقائق موجوده
او اعطاء الكلام اكبر من حقه والتهليل عليه


أحب اولا اوضح بعض الأمور من التي تستفزني وهيا

1- ان انا لم اقل ان هيونداي وحشه يعني اسوأ سيارة في العالم ولم أقل ان التوكيل اسوأ توكيل في العالم
ولكن قلت ان العربيات هيونداي بتاعت مصر دائما لتدخل غبور بها بيبقى فيها مشاكل حتى اللي بيقولوا عليها جايه من بره برضه لازم تلاقي له لمسه فيها
و قلت أيضا ان الوكيل فعلا اسوأ توكيل في مصر وليس العالم

وهو ده اللي بيستفزني ان واحد ميبقاش فاهم كلامي او فاهمه خطأ ويتكلم على اساسه ويدافع باستماته كمان

2- ان بعض الاخوة الأفاضل بيعارضو كلام اي واحد بيشتكي من عربيته وهو مالك لها ولها تجارب مع الوكيل ومع ذلك تلاقيهم مصممين ان العربيه ممتازه والتوكيل يعني ده بعض الحاجات الطفيفه فيه
وأكنهم لا يرون كمية المشاكل اللي هيا اكبر من اللي انت جمعتهم من بعض الماركات دي لموديل واحد فقط من هيونداي وهو الفيرنا

وبعدين انا ليا قريب لي عربيته والله عامله 20 الف كيلو وهتغير حاجات في الماتور
وغيره وغيره وغيره

منجيش نلاقي كمية من المشاكل في موديل واحد ومكرر ونقول مش عارف ايه
لا ونمسك في مشكلة واحده لماركه تانيه اين كانت وتمسك ونقول دي زي دي

ازاي يعني
مش كل حاجه لها نسبة وتناسب
ومشكلة في لمبه زي مشكلة في ماتور وفتيس وحاجات بتبوظ قبل عمرها الأفتراضي
لا وكمان مع تحايل من الوكيل مع كل عميل

يعني بالله عليك لما واحد معاه فيرنا سوداء والزيت نقص منها وراح التوكيل وهيا لسه زيروا وقالوله ان علشان العربيه سودا فبتسخن جامد عن باقي العربيات فالزيت بيطير بسرعه
بالله ده كلام

ولما واحد يبقى مستلم لسه عربيته ولسه طالع بعد الأستلام على الطريق ما على يوصل تكون جابت كوبلن

ده تهريج والله

فمحدش يلومني اني اتكلم عن حاجات ووقائع شوفتها بعيني في اكثر من حاله يعني ليست استثنائية وانا اعرف ان ممكن يكون في حالات استثنائية ولكن مش كده خالص

ده غير الأعضاء اللي بيشتكوا هنا في المنتدى

وبرضه في النهاية انا بتكلم على العربيات من وقائع وناس ترد عليا بشخصي وتحاول تثبت لنفسها وللغير ان كلام مغلوط وغير صحيح

يا اخي طيب انا كداب

امال اللي بيشتكوا هنا في المنتدى صبح وليل ولا اعرفهم ولا يعرفوني ومن مالكي السيارة دول يبقى ايه

المفروض اني اخد الحق من على اي لسان حتى لو انا لست اهلا لذلك ولكن طول ما انا بتكلم في حقيقه يبقى من المفروض ان احنا نحترم ذلك ولا نحاول نقلب الكلام على شخص كل واحد وهذا بيدل على ضعف الحجه وعدم الأستطاعه في الرد على المشاكل الموجوده

واحنا هنا مش في حرب

ولكن احنا هنا لأفادة الزبون المشتري للسيارة هيدفع فيها بالآلاف
لأن للأسف الناس ممكن تتوهم بالأعلانات اللي بتتعمل وقبل ما يمشي 20 الف كم يكون شاف الويل مع العربيه

وشكرا لكم جميعا ولو ممكن تجمع مشاكل الفيرنا في موضوع وشوف كده هتتجمع في كام صفحه هيا ومشاكل الوكيل

وشكرا

يا احمد طيب تفتكر الموضوع التاني مش كان نقاش

وحوار عادي .... شوفت انتهى ازاي، انت كدة بتكملة



فلاينج اخرج انت منها انت معرفتش اية اللي حصل علشان

كدة بتتكلم .... ولا عاوزني اجيبلك كام عربية بيجو مقلوبة

من جونتنامو:)

اقتباس:

---

المشاركة الأصلية كتبت بواسطة Nader

يا احمد طيب تفتكر الموضوع التاني مش كان نقاش

وحوار عادي .... شوفت انتهى ازاي، انت كدة بتكملة



فلاينج اخرج انت منها انت معرفتش اية اللي حصل علشان

كدة بتتكلم .... ولا عاوزني اجيبلك كام عربية بيجو مقلوبة

من جونتنامو:)

---

جهجهججهجهجهجهجججهجهجه
ماشى ياعم نادر :D
بس اديك قولتها فى جوانتنامووو....عشان البيجو مايقلبهوش الا ضرب النار..جهجهجججهجهجهجه :D

.....
وكمان ياباشا انا عارف اللى حصل قبل كده
بس حاولت انى اهدى الامور شويه...

بس اظظاهر ان هيحصل زى ما حصل قبل كده
وياريت الموضوع يتقفل

اقتباس:

---

المشاركة الأصلية كتبت بواسطة أبو عبدالله

أولا انا شاكر لك جدا على هذا المجهود الجبار

ولا تقلق والحمد لله فانا باخد الأمور ببساطه أكتر من كده

يعني انا لن استفز لو الكلام على عربيه واي نوع واي ماركه
ولكن ما يستفزني فعلا هو الكلام على شخصي او انكار لوقائع وحقائق موجوده
او اعطاء الكلام اكبر من حقه والتهليل عليه


أحب اولا اوضح بعض الأمور من التي تستفزني وهيا

1- ان انا لم اقل ان هيونداي وحشه يعني اسوأ سيارة في العالم ولم أقل ان التوكيل اسوأ توكيل في العالم
ولكن قلت ان العربيات هيونداي بتاعت مصر دائما لتدخل غبور بها بيبقى فيها مشاكل حتى اللي بيقولوا عليها جايه من بره برضه لازم تلاقي له لمسه فيها
و قلت أيضا ان الوكيل فعلا اسوأ توكيل في مصر وليس العالم

وهو ده اللي بيستفزني ان واحد ميبقاش فاهم كلامي او فاهمه خطأ ويتكلم على اساسه ويدافع باستماته كمان

2- ان بعض الاخوة الأفاضل بيعارضو كلام اي واحد بيشتكي من عربيته وهو مالك لها ولها تجارب مع الوكيل ومع ذلك تلاقيهم مصممين ان العربيه ممتازه والتوكيل يعني ده بعض الحاجات الطفيفه فيه
وأكنهم لا يرون كمية المشاكل اللي هيا اكبر من اللي انت جمعتهم من بعض الماركات دي لموديل واحد فقط من هيونداي وهو الفيرنا

وبعدين انا ليا قريب لي عربيته والله عامله 20 الف كيلو وهتغير حاجات في الماتور
وغيره وغيره وغيره

منجيش نلاقي كمية من المشاكل في موديل واحد ومكرر ونقول مش عارف ايه
لا ونمسك في مشكلة واحده لماركه تانيه اين كانت وتمسك ونقول دي زي دي

ازاي يعني
مش كل حاجه لها نسبة وتناسب
ومشكلة في لمبه زي مشكلة في ماتور وفتيس وحاجات بتبوظ قبل عمرها الأفتراضي
لا وكمان مع تحايل من الوكيل مع كل عميل

يعني بالله عليك لما واحد معاه فيرنا سوداء والزيت نقص منها وراح التوكيل وهيا لسه زيروا وقالوله ان علشان العربيه سودا فبتسخن جامد عن باقي العربيات فالزيت بيطير بسرعه
بالله ده كلام

ولما واحد يبقى مستلم لسه عربيته ولسه طالع بعد الأستلام على الطريق ما على يوصل تكون جابت كوبلن

ده تهريج والله

فمحدش يلومني اني اتكلم عن حاجات ووقائع شوفتها بعيني في اكثر من حاله يعني ليست استثنائية وانا اعرف ان ممكن يكون في حالات استثنائية ولكن مش كده خالص

ده غير الأعضاء اللي بيشتكوا هنا في المنتدى

وبرضه في النهاية انا بتكلم على العربيات من وقائع وناس ترد عليا بشخصي وتحاول تثبت لنفسها وللغير ان كلام مغلوط وغير صحيح

يا اخي طيب انا كداب

امال اللي بيشتكوا هنا في المنتدى صبح وليل ولا اعرفهم ولا يعرفوني ومن مالكي السيارة دول يبقى ايه

المفروض اني اخد الحق من على اي لسان حتى لو انا لست اهلا لذلك ولكن طول ما انا بتكلم في حقيقه يبقى من المفروض ان احنا نحترم ذلك ولا نحاول نقلب الكلام على شخص كل واحد وهذا بيدل على ضعف الحجه وعدم الأستطاعه في الرد على المشاكل الموجوده

واحنا هنا مش في حرب

ولكن احنا هنا لأفادة الزبون المشتري للسيارة هيدفع فيها بالآلاف
لأن للأسف الناس ممكن تتوهم بالأعلانات اللي بتتعمل وقبل ما يمشي 20 الف كم يكون شاف الويل مع العربيه

وشكرا لكم جميعا ولو ممكن تجمع مشاكل الفيرنا في موضوع وشوف كده هتتجمع في كام صفحه هيا ومشاكل الوكيل

وشكرا

---

أنا معاك محدش طبعاً يا أبو عبد الله من حقه يغلط في حد تحت أي ظرف .....
و معاك كمان إن إحنا مش في ساحة حرب ....
و كمان إن اللي عنده معلومة لازم يفيد بيها الناس علشان دي أمانة ربنا هيحاسبنا عليها...
و محدش بيلومك إطلاقاً. لما تنتقد.....
كل الإختلاف الموجود إن لو العيوب بتظهر في 5% من العربيات ... فلما نيجي للفيرنا اللي إتباع منها 10000 مثلاً أو أكتر هنشوف 500 عربية أصحابها بيشتكوا و لو جينا لعربية تانية إتباع منها 100 هنشوف 5 بس بيشتكوا.. العملية عملية حسابية بسيطة...
و بعين اللي خلا الفيرنا تبيع كل ده إن في 9500 واحد (أرقام بس كمثال) مبسوطين منها و محصلهومش مشاكل و بيشكروا فيها...
بس كدة بكل بساطة.
على فكرة أنا بقول الكلام ده و أنا معنديش فيرنا يعني مش متعصب ليها و لا حاجة..أي عربية عبارة عن حتت صفيحة بتودينا من هنا لهنا و بتجيبلنا الضغط من السواقة...

و ياريت الموضوع يفك بأه شوية علشان الناس كلها مقلقة مش عارف ليه إن هيكون في دم للركب لما تيجي سيرت فيرنا و أبوعبدالله ...:)

اقتباس:

---

المشاركة الأصلية كتبت بواسطة Nader

يا احمد طيب تفتكر الموضوع التاني مش كان نقاش

وحوار عادي .... شوفت انتهى ازاي، انت كدة بتكملة



فلاينج اخرج انت منها انت معرفتش اية اللي حصل علشان

كدة بتتكلم .... ولا عاوزني اجيبلك كام عربية بيجو مقلوبة

من جونتنامو:)

---

خلاص يا نادر... أنا مش هتكلم أهو خلاص:)

أة أة - دانا كنت غايب فترة اجى إلاقى الكلام الكبير دة :) بس الصراحة المناقشات دية مدية جو كويس قووووى للمنتدى -
بصوا يا جماعة العربيات كلها هنا إى كلام ومفيشى عريية عدلة - أنا فى إلمانيا شفت بلاووووووووووى - كفاية بقى كلام على فيرنا ولادا وشيرى وغيرة أحنا مش راكبين أساسا