الموضوع: حدث بنادي نقابة المهندسين بمدينة السادس من أكتوبر(خناقة محترمة) لم تصلها الثورة بعد

المشاركة الأصلية كتبت بواسطة aif

عرفتو بقى فرنسا جابت منع النساء من الحجاب في المدارس والجامعات منين ....... من عندنا ..... من قلب الاسلام
....
والله طالما ان ملابسي لا تخدش حياء الآخرين يبقى محدش له عندي حاجة
دي حرية شخصية طالما لم تتعدى حريات الآخرين
....
طب ما الستات بيلبسو عبايا وجلاليب وبنطلونات ...... ايه المشكلة لما راجل يدخل لابس جلابية
...
دي مش تعليمات النوادي دي تعليمات امن الدولة سابقا
...
هما مرعوبين من اي حاجة ممكن يكون لها اي علاقة محتملة او اي انتماء قد يكون او اي مظهر ممكن يبقى له علاقة بالاسلام ........ من الآخر

أتفق معك تماما وللاسف احنا عشان اتعودنا على ده خلاص بأه هو ده الثابت وهو ده الصح واي مخالف ليه يبقى مخالف للزوق والايتيكيت والقانون كمان

المشاركة الأصلية كتبت بواسطة otefa

هشام بيه
ماهو ده ألي أقترحه مهندس أحمد(صاحب الموضوع) أن القانون يتعدل وفقا لأستفتاء بالنقابة ولو أني شايف أي بند في القانون يقيد الحريات فهو من المفترض أنه لاغي من مبدأ نشر الحريات ألا أذا كان تم أستفتاء بشأنه سابقا
نقطة اللبس المحترم أو الخليغ للبنات ياترى ممكن يذكر قانونا بأي صيغة قصدي المذكرة التوضيحية ليه يكون بنودها أيه
ممنوع دخول من تلبس ميني ولا ميكرو؟
تحياتي

أزيك يا باشا . لو أتعدل اللام و , أتعمل أستفتاء على هوى كل شخص حا تلاقة فئة تقول طب أشمعنى بيسمحو بلبس و لبس لآ . لو مشيت حريات و مفيش حاجة تقيد أى حرية بكرة فئة معينة مثلا من البنات يطالبو بالدخول عادى بأى لبس طالما الموضوع حرية شخصية .
أى عمل أنت بتتعامل فية مع جمهور و حا أقول شركات خاصة مينفعش حد يروح الشغل مش حالق دقنة و لا مطول شعرة حا يقولو لة كدة ممنوع و شركة خاصة و شركات أستثمارية مش حا أقول موظف حكومى مثلا .
بعض شركات الطيران بيقولك ممنوع تلبس فى أيدك أنسيال مثلا . مهى حرية شخصية بس وقت العمل ممنوع و يقولك أقلعة و بعد كدة أنت حر برة أعمل الى أنت عاوزة
يعنى القصة مش حكر على لبس الجلابية فقط لا أى لبس لا يليق بطبيعة المكان الى داخلة

المشاركة الأصلية كتبت بواسطة zalabany

أتفق معك تماما وللاسف احنا عشان اتعودنا على ده خلاص بأه هو ده الثابت وهو ده الصح واي مخالف ليه يبقى مخالف للزوق والايتيكيت والقانون كمان

بص يا باشا النقطة دى أختلف معك فيها الوضع فى الدول الاوربية مختلف تماما . فرنسا فيها ناس ملتزمة جدا زى الصعايدة فى مصر و فيها ناس منحلة و عادى جدا . هما مانعين الحجاب فى بلدهم يبقو أحرار دى عاداتهم و تقاليدهم زى ما ممنوع فى الصعيد و غير مقبول أن واحدة تلبس لبس خليع شوية . و السعودية لما تدخل مطعم تاكل فية مكان للعزاب و مكان للعائلات دة نظامهم يعنى كل مكان لة نظامة الى ماشى علية . أنا شايف ردود بدأت تدخل فى نطاق الدين مع أن محدش تطرق لهذا الموضوع و لا جاب سيرتة يبقى لية الناس رايحة للزاوية دى و بتدخل فى الموضوع دة
هو الجلابية لبس ملتصق برجال الدين لآ و لا لة أى علاقة متدين لابس قميص و بنطلون و لا تى شيرت بولو حتى دة مش دليل و لا علامة عن موضوع التدين .
يا باشا بقولك لو روحت نادى محترم مش حا يدخلو حد لابس لبس خليع يعنى مفيش واحدة تروح نادى لابسة سوارية عريان لا يليق و لا حا يدخلو حد لابس جلابية و دى مش تعليمات أمن دولة دى تعليمات النادى دة و لو دخل الاعضاء هما الى حا ينتقدو سواء واحدة بلبس سوارية أو مش محتشم أو واحد لابس الجلابية يعنى مفيش خلط و تميز عنصرى .

على فكره
انا مش بلبس جلابيه
عن اقتناع ان الجلابيه مش زي اسلامي
ولو كانت زي اسلامي مش حلبسها برضو
لان مش معنى اني مش لابسها اني مش مسلم ومش معنى ان حد لبسها يبقى مسلم
كمان لو كان فيه بنطلونات جنز زمن الرسول كان لبسها ولا حد عايز يقول ان كان فيه بدل وكرافتات وسيدنا محمد كان مصر يلبس جلابيه ؟؟؟؟

رأيي ان الجلابيه مش زي اسلامي
هي زي قديم
مثلا الزي الفرعوني
وصلت ولا لأ؟؟؟

كلامي على الجلابيه نفسها مش على النقابه ولا المهندسين ولا مدينه نصر