الموضوع: حدث بنادي نقابة المهندسين بمدينة السادس من أكتوبر(خناقة محترمة) لم تصلها الثورة بعد

المشاركة الأصلية كتبت بواسطة zalabany

والله انا اكثر ما استغربت فيه هو ردود المدافعين عن سياسة النوادي في عدم دخول من يرتدي الجلباب
وكذلك سينطبق الكلام على الملتحين وعلى المنتقبات كما يحدث في نوادي القوات المسلحة
انا عندي بس كام سؤال وارجو ان حد يجاوبني عليهم
لو اللي داخل النادي بنت لابسه كت وميكرو جيب حد هايقولها انتي رايحة فين او ده مش لبس ملائم ؟؟؟
لو اللي داخل المكان رجل دين لابس لبس الأزهر هايتمنع؟
لو جدك او والدك من الفلاحين وما بيلبسش غير جلباب مش هاينفع تدخله النادي لحد ما تحليه يلبس قميص وبنطلون؟؟
لو عازم اي حد من دوله عربية ومعروف انه عربي ده مش هايخش النادي؟؟

لو النادي قوانينه هاتطبق على ال 3 لا اظن انها هاتطبق على الحاله الأولى بالرغم انها الحاله الوحيده التي تعتدي على حرية الأخرين لأن منظرها ممكن يأذي ناس كتير ان ال3 حالات التانية لن تؤذي احد
العيب في اللوائح والقوانين وفي من يطبقها وفي العقليات المتحجرة التي تعتبر ان الجلباب رمز للتخلف
والله لو ان احد بيوت الأزياء العالمية انتج جلباب وقال انه موضة هذا العام لرأيت الأجانب يرتدونها ولأصبحت موضه ساعتها
فعلا حاجه غريبه جدا نحن دولة اسلامية والجلباب زي اسلامي معروف لا يوجد ما يمنع من ارتداءه في اي مكان وخاصة وان كان نادي اجتماعي

انا معرفش باقي الاماكن بس امام يعني انا حصل الموقفين الي قلت عليهم !

موقف واحد :
واحدة كانت لابسة لبس يعني بصراحة مش مستفذ ... لأ ... "يقرف" ... و الامن منعها من الدخول رغم انها عضوة ! بدون ابداء اسباب و حصلت مشاداة كلامية بينهم انتهت باستدعائها لمكتب مدير النادي مع حرس النادي و الي عرفناه انهم كلموا اهلها يجيبوها و اتمنعت برده من الدخول .

موقف 2 :
كنت رايخ مع واحدصاحبي مصري كان جايب اصدقائه سعوديين او كوييتين مش متاكد يلعبوا معانا كورة !
وكانوا جايين بالثوب و العقال ( ومعاهم شنطة فيها ملابس رياضية ) امن النادي طلب منا بذوق انهم ممنوع الثوب بالداخل !

وعلى فكرة الاخوة الخليجيين مزعلوش ولاحاجة .. ورجعوا تاني العربية لبسوا اللبس الرياضي و دخلوا تاني و لعبنا كورة عادي جدا .

بس انا معاك برده ان مش كل الاندية ممكن تطبق موقف 1 و 2 ...

---

استدعاني موقف اخر بس ده بصراحة " سوء استخدام " و معجبنيش خالص :

على النيل جنب NILECITY
في مطعم و كافيه اسمه Pracingo تقريبا واخد سطح المركب كله العلوي و قعدته ظريفة جدا ... رحنا فطرنا فيه في رمضان مرة ... المهم المكان مكانش زحمة و احنا نازلين ماشيين كان في اخ سعودي بالثوب ومعاه زوجته و اولاده .. بيسال على المكان تحت .. قالوله انه كله محجوز "حفلة خاصة " مع ان المكان كان فاضي تماما .

هل ده يعتبر تمييز عنصري او "ملبسي " او حق صاحب المكان بما انه مكان خاص في دخول من يريد ومن لا يريد .. مش عارف بس برده تعاطفت مع الرجل السعودي رغم عدم معرفتي بيه !