زيت الفتيس cvt

**limo** · 05-05-2011 10:54 PM

انا انهارضه كملت ال40 الف كيلو وبرضو عايز اغير زيت ومش عارف اعمل ايه
طيب لو غيرت لموبيل هل فى مشكله ؟ كمان مش التووكيل الجديد المفروض انه كان هيفتح 1/5/ ولا ايه

**gta10** · 06-05-2011 03:07 PM

طيب يا جماعة الناس اللى معاها اللانسر cvt بتغير الزيت فين و بتلاقيه فين طالما التوكيل بيشتغل بموبيل و موبيل مش مخصص للcvt و لا هو عادى لو حطيت موبيل

**nice_bird** · 08-05-2011 02:36 PM

للاسف الحل الوحيد انك حد يجيبهولك معاه من الخليج او السعودية لحد ما ربنا يكرمنا بوكيل نضييف يريحنا

**Ralliart** · 08-05-2011 05:17 PM

التوكيل كان بيجيبه زمان
ولو حد جاي من الخليج طيران مستحيل يشيلك 9 كيلو زيت لان وزنه محدود والمصريين بيبقو جايبين معاهم هدايا كتير والوزن بيبقى مشكلة كبيرة

طيب قولو انتو كام واحد محتاجه وهحاول اقنع مستورد في الحرفيين يجيبلنا كمية ان شاء الله

**hprima** · 08-05-2011 05:51 PM

روح بنزينه موبيل او مصر امارات او شل واطلب غلبه زيت فتيس اوتوماتيك واقرى المكتوب عليها واتاكد انها atf3 لو كده غير وانتا مطمن لان ده اللى بتنصح بيه متسوبيشى والعربيه بتاخد حوالى 5 كيلو وكان لازم تغير على 40000

**nice_bird** · 08-05-2011 07:22 PM

دا البديل الموجود منه والناس بتحطوا عادي بس انا حاسس انو مش بيدي اداء الفتيس صح

**nonnos5** · 08-05-2011 10:01 PM

شكرا لمشاركتككم وياريت لو حد عنده تجربه ياريت يقول علي الحل

**gta10** · 09-05-2011 11:24 PM

طيب ياجماعة انا اعرف ان هوندا سيتى بفتيس cvt فيا ترى ممكن نلاقى الزيت ده فى توكيل هوندا

**limo** · 10-05-2011 12:45 AM

طب يا جماعه حد متخصص يقولها هل فيه اخلاف بين الزيت العادى والزيت الcvt
يعنى من حيث اللزوجه وكده

**ahmedsmg** · 12-05-2011 12:22 AM

انا كمان زىnonnos5 لازم اغير الزيت وبقالى 5 أياما اسأل كل المتخصصين اللى أعرفهم وكمان معارفهم محدش عارف حاجة عن زيت cvt وأفتى بعض تجار الزيوت وأصحاب مراكز الخدمة والصيانة باستخدام زيت الفتيس "موبيل 320 الاحمر" مش عارف أعمل أيه ياترى ممكن نلاقيه فى الحرفيين ؟