زيت الفتيس cvt

**theking_med** · 04-06-2011 04:53 PM

المشاركة الأصلية كتبت بواسطة Ralliart

ده كان رأي ميتسوبيشي نفسها
Mitsubishi Motors -
وكان في فيديو لمهندس من ميتسوبيشي بيشرح طريقة عمل الفتيس وفي الآخر حذر من وضع زيت الاوتوماتيك العادي والا هتخرج من الضمان وفعلاً في التوكيل في فترة الضمان بيحطو الزيت الاصلي وبعد الضمان اي حاجة شغالة

وأخيراً........اسأل اللي غيرو الفتيس!!

كلام جميل وتوثيق من حضرتك للمعلومه اشكرك على الرد الجميل

طيب ايه الحل عشان انا كمان عاوز اغير الزيت راكن العربيه تحت البيت مش بتحرك بيها

**Ralliart** · 04-06-2011 09:14 PM

العربية ماشية كام بالزيت اللي فيها ؟؟
في مقياس للزيت هتلاقيه تحت جنب البطارية هتلاقي فيه cold & hot قيسه والعربية باردة وبعدين روح مشوار واركن في حته مستوية وشد الهاند ومشي الفتيس بالترتيب وانت دايس فرامل من اول p لحد L وارجع تاني لـp وبعدين قيس الزيت على hot
وشوف لونه لو احمر مدي على وردي زي كدة
يبقى شغال واستنى معايا الفرج

**limo** · 04-06-2011 09:24 PM

المشاركة الأصلية كتبت بواسطة ralliart

العربية ماشية كام بالزيت اللي فيها ؟؟
في مقياس للزيت هتلاقيه تحت جنب البطارية هتلاقي فيه cold & hot قيسه والعربية باردة وبعدين روح مشوار واركن في حته مستوية وشد الهاند ومشي الفتيس بالترتيب وانت دايس فرامل من اول p لحد l وارجع تاني لـp وبعدين قيس الزيت على hot
وشوف لونه لو احمر مدي على وردي زي كدة

يبقى شغال واستنى معايا الفرج

الف شكر يا باشا
بجد معلومه جمليه جدا جزاء الله خيرا
انا الزيت عندى بتاع الفابريقه واعد حوالى 42 الف كم منهم قول 10 الف سفر فقط

**wdramiz** · 04-06-2011 10:17 PM

الاخوة الاعزاء

انا غيرت زيت الفتيس بموبيل 320 .....طيب انا ممكن ارمي الزيت الجديد وواحد يدلني علي نوعية الزيت الصحيح بشرط وجودة في مصر ..... دة الزيت الوحيد الموجود الان

**theking_med** · 04-06-2011 11:54 PM

المشاركة الأصلية كتبت بواسطة ralliart

العربية ماشية كام بالزيت اللي فيها ؟؟
في مقياس للزيت هتلاقيه تحت جنب البطارية هتلاقي فيه cold & hot قيسه والعربية باردة وبعدين روح مشوار واركن في حته مستوية وشد الهاند ومشي الفتيس بالترتيب وانت دايس فرامل من اول p لحد l وارجع تاني لـp وبعدين قيس الزيت على hot
وشوف لونه لو احمر مدي على وردي زي كدة

يبقى شغال واستنى معايا الفرج

كتير والله علينا الكلام ده مشعارف اقلك ايه بس مفيش كلمات توصف غير الشكر الكبير لمجهودك

فعلا العلم نور

انا موديل2006 وغيرت في التوكيل قبل كده في ال 40000 و مكنتش اعرف انواع الزيوت ولا اشكالوا ولا اي حاجه والله اعلم غيرولي بايه :s دلوقت ماشي 75000 قلت اخش على المنتدى الغالي واشوف الموضوع ده واحسن حاجه لقيت اني هوا لفه طويله جدا

طيب ايه احسن نوع زيت في مصر للعربيه !؟

**gta10** · 05-06-2011 02:51 AM

طيب يا جماعه هو احنا ما ينفعش نحط الزيت بتاع الهوندا و دا اكيد موجود عند الفطيم وكيل هوندا فى مصر

**Hossam_Zaky** · 05-06-2011 03:27 AM

الزملاء الأفاضل
علي الرغم لأمتلاكي لنيسان صني بفتيس أتوماتيك عادي مش cvt لكن كنت متابع اخبار الفتيس cvt عشان كان نفسي في النيسان القشقاي الجديدة لو نزلت بالفتيس ده ( و غيرت رأيي )
و بعد البحث علي مواقع أوروبية و خليجية و عربيات تستعمل الcvt زي النيسان التيما و مورانو اتضح الأتي :
- الفتيس cvt مالوش علاقة بفتيس العربية المانيوال أو الأوتوماتيك من أساسه و مافيهوش تروس أصلا هو عبارة عن سير زي سير الكاتينة بين بكرتين ( مش تروس ) و حجم البكرتين دول بيكبر و يصغر ( بديل للتروس ) بضغط الزيت ( صمام ضغط )
- و بغض النظر عن المشاكل العديدة اللي لقيتها عن ال cvt و في كل المواقع ( و ده مش موضوعنا ربنا يباركلكم في عربياتكم )
- أهم ما في الموضوع أن زيت الفتيس ده نوع مخصوص جدا جدا و أي نوع زيت تاني يخربه و مبينفعش يتصلح
- كمان العربيات اللي مشيت أكتر من الكيلو مترات المحددة لتغيير الزيت التوكيلات برة خرجتها برة الضمان تماما و رفضت تصلح الفتيس لأنه غالبا بيخرب ( و مبيتصلحش بيترمي و يتغير )
- تكلفة تغيير الزيت ( برة مصر ) في التوكيلات مكلفة جدا ( الزيت نفسه تكلفته عالية لدرجة في أوروبا الناس أتهمت نيسان بالنصب عشان مذكرتش تكلفة التغيير و هي بتبيع العربية بالفتيس ده )
- و الكلام ده أتأكدت منه في مركز صيانة السبع نيسان قبل الثورة بأيام كان عندهم عربية قشقاي بتاعة واحد أجنبي و كانو بيغيروله الفتيس الcvt بواحد جديد ( جه بعد شهر من اليابان ) و هو تقريبا مكنش غير الزيت
كمان كان عندهم واحد بمورانو بيتخانق عشان تكلفة تغيير زيت الفتيس
- نهايته أنا مش عارف حل للموضوع ده لأن التغيير معناه و ضع زيت خطأ غالبا حيخرب الفتيس و عدم التغيير برضه معناه مسألة وقت و ممكن يخرب برضه
- بعتذر لكم أنا مكنتش عاوز أزود همكم لكن كان لازم أوصلكم المعلومة اللي عندي

**samsong** · 05-06-2011 03:32 PM

+11111111111

**Dawns_Mist** · 05-06-2011 03:34 PM

هاهاها .. فيه ويب سايت تبع النيسان ألتيما بيقول إنه زيت الفيتيس الـ cvt بيغيروه بـ 580 دولار أمريكي يعني أكتر من 3000 جنيه مصري !!!!

يا جماعه لازم نتصرف الله يكرمكم في زيت الفيتيس ده ... أنا مش لاقيه في الكويت برضه !!!!