الموضوع: عاوز تعدل فرامل ال 128 الخلفيه لديسكات اتفضل معانا هنا

المشاركة الأصلية كتبت بواسطة kaza

سلام عيكوا ويارب الجميع يكون بخير واشكر كل من انتظر ردي وطبعا صاحب الموضوع في الاساس
لنكر سويا الفرامل وتأثيرها واهمية الفرامل انه كلما تضاعف وزن المركبة تتضاعف ايضا كمية الحرارة المتولدة من طاقة كبح الحركة للمركبة وبالتالي زيادة الوزن تحتاج فرامل قادرة علي التخلص وبسرعة من حرارة كبح طاقة الحركة المكتسبة
لكن زيادة السرعة لها حسابات اخري واخطر وباختصار كلما تضاعفت السرعة اضحت السيارة في حاجة الي قوة كبح تعادل ضعفي السرعة وبالتالي لوجمعنا المؤثرين الوزن والسرعة تكون السيارة في حاجة الي جهاز كبح يعادل 8 امثال ضعف كليهما وبالتالي يتطلب تجهيز فرامل السيارة الحسابات السابقة اضافة الي مسافة التوقف وزمنة والاهم طبعا حرارة الفرامل وكانت هناك معادلة ايام الدراسة لحساب طاقة الحركة (الكينتك انرجي) وتتم بحساب وزن العربية مضروبا في مربع السرعة ومقسوما علي64.4 ثم تحسب الحرارة المتولدة بقسمة الناتج علي 778 وهو معامل الbtu او البريتش ثيرمال يونيت ويتم تحويل الناتج بالدرجة بالقسمة علي 40x.110 ثم يتم اضافة حرارة الجو المحيط وبيكون الناتج هو الحرارة المؤثرة علي الفرامل ودي بتفيد في الاتي ان سائل الفرامل مع طول عمر التشغيل يمتص الرطوبة والعوالق من الجو المحيط بيبدأ في الغليان والتحول الي غاز وتتجمع الرطوبة لتشكل بخار الماء واللذان يضغطان علي مكابس الدورة او المساتر اما بقفش الفرامل او باخلاء الدورة من الزيت وبالتالي هروب الفرامل ..من هنا تتضح اهمية التخلص من الحرارة وبسرعة وبالتالي يتطلب التخلص من الحرارة وجود ديسكات فرامل اكبر او اعرض او مهواه طبقا للتصميم والمساحة المتوفرة وقد يختلف عدد مكابس الكاليبر سواء 1او 2او3او 4 طبقا لكم الضغط المطلوب ومساحة سطح لقمة الفرامل نفسها
دي مجموعة العوامل اللي فاكرها والتي تؤثر علي اختيار جهاز الفرامل واللي بتتحط في الاعتبار اثناء التعديل
اسف لكل المقدمة والدش دة بس اظن انة يهم كل من يريد تعديل عربيتة
نيجي لتعديل ال28 بديسكات خلفية وطبعا السابق ذكرة من ارخص واسرع طرق التعديل وزي ما قلت اما مركبة عندي غير من اداء الفرامل تماما بس ركب في الكروما بدون فلانشة كما سبق وذكرت لكن في الريجاتا والريتمو وال28 ممكن تتعمل فلانشة مستطيلة بسمك 25 مم وباطوال155 مم *50 مم وبيتم تفتيح مكان المسامير حسب مقاس اماكن مسامير الكاليبر والشمعدان بقطر 10مم وترك شفة داخلية 3مم واستخدام مسامير الن بدون رأس مقاس 10 مم (سن 17 ناعم) وبطول 60مم وقد تحتاج ل8وردة 17 لرجلشة الكاليبر وضبطة لمنع احتكاكة بالديسك ااما بالنسبة لكابل الفرامل فبتروح بكابل فرامل 28 و25 للحاج ابراهيم الخراط في شامبليون امام الكيلاني وبتقولة عايز اعمل نهاية كابل ال28 زي ال25 وترجع كابل ال25 للبياع تاني
ادي كل القصة ..وبالتوفيق

كلام جمييييييييل بس انا عاوز اعرف الحاجات اللى حنشتريها بالاسم زى ما الراجل عمل فى الموضوع السابق كده
يعنى
1- طنابير بتوع عربيه كذا
2- كالبرات بتوع عربيه كذا
3- فلانشق مقاس كذا

معلش طلباتى كتير بس ان الموضوع بالنسبالى مبهم وحاسس انى تايهه ومش عارف اعمل ايه واجيب ايه وخايف اشترى حاجات متنفعش والموضوع يفشل