عاوز تعدل فرامل ال 128 الخلفيه لديسكات اتفضل معانا هنا

**misoalex** · 10-05-2011 07:39 AM

المشاركة الأصلية كتبت بواسطة kaza

لكن في الريجاتا والريتمو وال28 ممكن تتعمل فلانشة مستطيلة بسمك 25 مم وباطوال155 مم *50 مم وبيتم تفتيح مكان المسامير حسب مقاس اماكن مسامير الكاليبر والشمعدان بقطر 10مم وترك شفة داخلية 3مم واستخدام مسامير الن بدون رأس مقاس 10 مم (سن 17 ناعم) وبطول 60مم وقد تحتاج ل8وردة 17 لرجلشة الكاليبر وضبطة لمنع احتكاكة بالديسك
ادي كل القصة ..وبالتوفيق

تمام بالنسبه لابعاد الفلانشه نفسها اضلاعها كام سسم فى كام سمم اصل حضرتك كاتب 155 مم *50 مم ده كده اقل من الطبيعى خالص

ودى صوره تخيليه للفلانشه اللى حتركب مكان الدشمه لتثبيت الكالبرات واللى حيتعمل فيها صح كده ولا انا غلطان وياريت المقاسات تانى بالتفصيل وحكتبها على الرسمه او حعمل رسمه تانيه فيها الابعاد بمقاسات الاخرام بالمسامير وسن المسامير وكده

ودى صوره الدشمه الخلفيه بالطنابير بتاعه ال 125 جبتها من الكتالوج بتاعها وسؤال احنا ليه مستخدمناش طنابير ال 125 واخترنا التمبرا هل عشان التبريد فقط

**omar128** · 10-05-2011 08:20 AM

صح كدة احنا فعلا محتاجين المقاسات تبقى متوضحة على الرسمة عشان لما نروح لخراط نبقى عارفين نفهمة هيعمل اية عشان لو مقاس واحد مش مضبوط لقدر اللة هتفشل العملية كلها لانها تعتمد على الفلانشة دى.

**smsm_nabawy** · 10-05-2011 12:29 PM

المشاركة الأصلية كتبت بواسطة misoalex

الابعاد كلها مختلفه حتى الفراغ اللى فى الجنط ال 13 مش حيكفى الدشمه دى بالكالبرات

أخصص !! أخصص أوي كمان !!!! أنا مستعجب من كل ده ،، ازاي الشاهين و ال 138 أبعادهم واحده في الحاجات دي ،، المفروض الشاهين أتقل و أكبر من ال 128 ،، و محتاجة قوة كبح اكبر !!!

يساوو فراملها بال 128 ،، الي هي أصغر و أخف ؟؟

**smsm_nabawy** · 10-05-2011 06:26 PM

المشاركة الأصلية كتبت بواسطة misoalex

ههههههههههههه لا وازيدك من الشعر بيت
هى لو كانت كويسه ومكفيه ال 128 مكنتش فكرت اعدلها

دى لما ببقى مركب 4 افراد فى العربيه يبقى موضوع الفرامل ده بالحظ يعنى تقرأ الفاتحه والشهادتين قبل متجرى بالعربيه

وعملت كل المحاولات الفرامل تبقى كويسه بالكتييييييييييير شهر وترجع تانى زفت

ههههههههههههههههههههههههه هههه

لااااحظ أنك كلامك جارح على فكرة !!! :))))

**misoalex** · 10-05-2011 08:11 PM

المشاركة الأصلية كتبت بواسطة omar128

لو نفترض اننا عدلنا كل حاجة

فان بئة ال handbrake

اقرأ الموضوع كويس تانى لحد الاخر حتلاقى الاجابه

**misoalex** · 10-05-2011 08:13 PM

المشاركة الأصلية كتبت بواسطة smsm_nabawy

ههههههههههههههههههههههههه هههه

لااااحظ أنك كلامك جارح على فكرة !!! :))))

الحقيقه دايما بتوجع

**kaza** · 11-05-2011 12:31 AM

[QUOTE=misoalex;3873483767][SIZE="5"][COLOR="DarkOrange"]

تمام بالنسبه لابعاد الفلانشه نفسها اضلاعها كام سسم فى كام سمم اصل حضرتك كاتب 155 مم *50 مم ده كده اقل من الطبيعى خالص

ودى صوره تخيليه للفلانشه اللى حتركب مكان الدشمه لتثبيت الكالبرات واللى حيتعمل فيها صح كده ولا انا غلطان وياريت المقاسات تانى بالتفصيل وحكتبها على الرسمه او حعمل رسمه تانيه فيها الابعاد بمقاسات الاخرام بالمسامير وسن المسامير وكده

ودى صوره الدشمه الخلفيه بالطنابير بتاعه ال 125 جبتها من الكتالوج بتاعها وسؤال احنا ليه مستخدمناش طنابير ال 125 واخترنا التمبرا هل عشان التبريد فقط

مساء الخير ..معلهش اتاخرت في الرد ..بس حاولت اني اصور الفرامل اللي معدلها في الكوروما بس للاسف الوقت كان تأخر والدنيا ضلمت بس حاحاول انزل الصور بالتفصيل يوم الجمعة ان شاء الله
المهم وانا باراجع علي المقاسات فية فرق فعلا لان المسافة بين مسمارين الكاليبر بالضبط 88.9مم وبالتالي يبقي ابعاد الفلانشة بعد اضافة 10مم كقطر لكل مسمار 17 اللي بيثبت الكاليبر في الفلانشة واضافة 8مم للحفاظ علي جسائة الفلانشة لكل جانب بعد خرم المسمار يبقي اجمالي العرض 125 مم او12.5 سم وبالنسبة للطول قطر الدرم او طبلة الفرامل الخلفية لل28 205مم او 20.5مم ..لكن قطر قرص طنبور الفرامل للتمبرا252مم او 25.2 سم وبالتالي اكبر ب5سم تقريبا بيقسم علي 2 علشان اخد مساحة التشغيل للفلانشة +مساحة تشغيل اماكن المسامير في الشمعدان يبقي طول الضلع 50مم تقريبا
يبقي ابعاد الفلانشن من الاخر 125*50 *25 مم طول *عرض *سمك وكلها بالمم
كنت بتسأل لية ماخدناش ديسكات ال25 علي طول بدل وجع الدماغ ده والسبب ان عمق الديسك في 25 قليل لان التجهيز دة علي محور الكورونا والاكسات ليست بعيدة عن شفة جسم الكورونا لكن عندك فية مسافة اكبر لحجم طبلة الفرامل وبالتالي بتحتاج لديسك اعمق وكمان بيركب علية سبيسر اوفلانشة بنفس القطر للقرص الداخلي وطبقا للمسافة الحرة التي تمنع احتكاكة بالكاليبر والتيل
طبعا فية فرق عن الابعاد السابقة لاني كنت حسبت علي الفرامل الامامية وهي بتختلف
شكلي حاجيلك ونعدل الفرامل عندك وبعدين تنزل الصور في المنتدي علشان الكل يستفيد
وبعدين انت نت الاسكندرية وعندك الفراهدة وقطع الفيات عندك ببلاش بالمقارنة للحرامية عندنا هنا وعندك اطنان من القطع البديلة واكيد هتلاقي قطمة ريتمو130 خلفي جاهزه علي طول بس شكلك انت عايز تعمل التعديل بايدك ودي حاجة كويسة جدا ربنا يوفقك

**kaza** · 11-05-2011 12:44 AM

المشاركة الأصلية كتبت بواسطة heshamzaky

دول هما بالظبط بس دول مقاسهم 14 مش 13 زى ال 128

الله ينور ياستاذ هشام معلهش ظروف الشغل كانت مكعبلة لكن مايمنعنيش عن المنتدي الا الشديد القوي ..يارب تكون بخير وانت عامل شغل جامد في رابطة التمبرا وقسم الفيات
بالضبط الصور دي بتاعة التمبرا ال2000 او ال4*4 والموديلات دي في اوروبا مع وضع ان تجهيز التمبرا 4*4 للويكاند او الاستيشن
الفرامل دي جيرلنج انجليزي واختها بتجهز للعديد من طرازات فورد وفوكسهول (اوبل تجميع انجلترا) وبتتميز بقلة الاعطال عن البندكس الخاص بالفيات بس ماهلش تيل خالص واذا لقيت يبقي من حظك وبسعر خيالي بس نفس الديسكات ممكن استخدامها مع البندكس المجهز لل25 و24 وx1\9 وبعض فئات الكوبية ال4سلندر وليست 5سلندر الاخيرة وكمان الكوروما
بس والله انا معجب بجهدك وبتعرفوا ازاي تنزلوا الصور باين عليا جاهل جدا ومعلوماتي في الحواسب زي معلوماتك عن المريخ

-

الموضوع: عاوز تعدل فرامل ال 128 الخلفيه لديسكات اتفضل معانا هنا

LinkBack

أدوات الموضوع

عرض

-

-

-

-

-

-

المواضيع المتشابهه

احلى تورتة من سكودا اتفضل معانا

تعديل فرامل النوبيرا الخلفية لديسكات

تعديل فرامل النوبيرا الخلفية لديسكات

لو عاوز تشترى اتفضل شارك معانا

عايز كساحه لسيارتك النيسان صني اتفضل معانا

الكلمات الدلالية لهذا الموضوع

المفضلات

المفضلات

ضوابط المشاركة