هل تستحق عبير ان تسفك الدماء من اجلها؟!!

**meza** · 11-05-2011 08:20 AM

المشاركة الأصلية كتبت بواسطة yobaaa

الحمد لله أنا مش برمى حد بالباطل
youtube - ‫ظ†ط¬ظٹط¨ ط³ط§ظˆظٹط±ط³ ظٹط·ط§ظ„ط¨ ط¨طھط³ظ„ظٹط. ط§ظ„ظ†طµط§ط±ظ‰ ظ„ظ„ط¯ظپط§ط¹ ط¹ظ† ط§ظ„ظƒظ†ط§ط¦ط³‬&lrm;

حضرتك بتنقض كلامك بالفيديو ده!

الراجل بيتكلم عن منطق الدفاع عن النفس مع غياب الأمن فى البلد تقوم تقولى بيدعو لتسليح المسيحيين!!!! ... بلاش ناخد نص الكلام و نجرى

اتقوا الله فى البلد لو خايفين عليها ... مش أسلوب ده إحنا ناس عاقلين!!!!

أدعو الجميع لمشاهدة الفيديو قبل تصديق الإتهام اللى قاله الأستاذ yobaaa

**Ahmed_Ramadan** · 11-05-2011 08:21 AM

المشاركة الأصلية كتبت بواسطة evram

اه انضرب نار بس مش من الكنيسة من البيت الي جنب الكنيسة و الكلام دة من واحد ساكن هناك و متاكد مش من الكنيسة و اتهامك للمسحين بالتسليح و بعدين طب م السلفين ماشين ب السلاح ولا همهم علي كدة لو عندنا سلاح ليه مضربناش نار عليهم و هما عاملين مظاهرة قدام الكتدارئية ياريت تجاوبني ليه مضربنهمش بالنار

طيب فى كام سؤال انا بطلب إنك ترد عليهم من غير مضايقة و لو فى مضايقة متردش
1- تنكر إن فى غلط و كبير من الكنيسة فى إحتجاز حد بدون رغبته و محاولة إجباره على تغيير ديانته؟؟
2- و مين قالك إنهم كانوا رايحين بسلاح ...ما هوا لو كده كانو دخلوا الكنيسة بالعافية و عملوا اللى عاوزينه مش يطلبوا الشرطة علشان الموضوع يتحل بقوة القانون ؟؟
3- إنت شفت بعينك حد منم ماشى بسلاح؟؟

ملحوظة و أرجو تنشرها فى أوساط الأخوة المسيحيين كل المسلمين سلفيين لأن السلفى هوا من يتبع سنة سيدنا محمد بكل ما تحمله من معانى سامية و أخلاق و دين المعاملة

ملحوظة تانية : جارنا اللى جنبنا مسيحى و عاوز أقلك علاقتنا بيهم أقوى من أى حد فى العمارة كلها و بيتم تبادل الزيارات فى الأعياد و التدخل فى حل مشاكل و مساعدة بعض فى أى حاجة و إبنهم متربى عندنا من و هوا عنده 3 سنين لحد دلوقتى موجود دائما عندنا من غير أى حساسيات

**Ahmed_Ramadan** · 11-05-2011 08:32 AM

المشاركة الأصلية كتبت بواسطة meza

حضرتك بتناقض كلامك!

الراجل بيتكلم عن منطق الدفاع عن النفس تقوم تقولى بيدعو لتسليح المسيحيين!!!! .... بلاش ناخد نص الكلام و نجرى

اتقوا الله فى البلد لو خايفين عليها ... مش أسلوب ده إحنا ناس عاقلين!!!!

فين اللى إنت بتقوله ده انا كنت من الأول واضح و قولت بيحرض على التسليح و الراجل السلفى زى ما قلت ف الفيديو اللى كان موجود و بيحرض على حرق الكنائس مع إنه لسه مضروب عليه نار .....يا أخى سبحان الله اوزن الموضوع و حط نفسك مكان اللى بيتكلم و انت تعرف هوا قال كده إزاى زى ما أنا تفهمت اللى قاله ساويرس و أنه مش بيدعو للتسليح و إنه مجرد كلام فى ساعة إنفعال

لو فعلا خايفين على البلد القانون يطبق على الجميع و أسلوب الطبطبة و شيخ يروح يزور قسيس و صور يا تلفزيون مش هيحل حاجة...

عاوزين نحل يبقى الدنيا واضحة قدام الكل مش أطلع أقول محدش محتجز و يطلع فى و الكنيسة عارفة
.....عاوزين نحل يبقى اللى يحول ديانته هوا حر و يروح لجهة مختصة و محدش يتعرضله و ميتخطفش تانى يوم
عاوزين نحل منستخدمش شماعة الأخوان و بعد أما الناس تعرف إنهم مش عفريت نمسك فى السلفيين علشان دايما المسيحى يبقى فى وضع المجنى عليه مع العلم إن المسيحيين ليهم حقوقهم و بياخدوها و مش محتاجين الأسلوب ده

**meza** · 11-05-2011 08:33 AM

المشاركة الأصلية كتبت بواسطة yobaaa

طيب فى كام سؤال انا بطلب إنك ترد عليهم من غير مضايقة و لو فى مضايقة متردش
1- تنكر إن فى غلط و كبير من الكنيسة فى إحتجاز حد بدون رغبته و محاولة إجباره على تغيير ديانته؟؟

تصحيح محاولة إجباره على العدول عن تغيير ديانته ... و الحاتين خطأ ... لكن الترسبات الفكرية و العادات فى مصر مش متسامحه مع تغيير الدين بالسهولة دى ... حضرتك إقلب المسألة و شوف كان ايه اللى هيحصل فى الحالة دى و هتفهم أكتر.

2- و مين قالك إنهم كانوا رايحين بسلاح ...ما هوا لو كده كانو دخلوا الكنيسة بالعافية و عملوا اللى عاوزينه مش يطلبوا الشرطة علشان الموضوع يتحل بقوة القانون ؟؟
3- إنت شفت بعينك حد منم ماشى بسلاح؟؟

أوجه نفس السؤال ليك ... إنت شفت بعينك سلاح فى الكنيسة؟

ملحوظة و أرجو تنشرها فى أوساط الأخوة المسيحيين كل المسلمين سلفيين لأن السلفى هوا من يتبع سنة سيدنا محمد بكل ما تحمله من معانى سامية و أخلاق و دين المعاملة

شكراً على التوضيح ... أنا بالفعل عارف كده من أصحابى لأنى إهتمين إنى أعرف الآخر و سألتهم .... و أدعوك للإستمرار فى إنك تعرف نفسك للآخر لكن الأهم إنك تعرف الآخر ... ساعتها التباعد بينا اللى نشأ على مدار السنين هيقل تانى.

ملحوظتى أنا بقى: منهجنا فى الكنيسة يدعونا للمحبة "الله محبة" ... و " أحبوا أعدائكم, باركوا لاعنيكم, صلوا لأجل الذين يسيئون إليكم" ...
و معندناش موضوع رد الضرب و السلاح و الكلام العجيب ده ... اللى كلنا كمسيحيين بنستغرب لما نسمعه و مش عارفين مصدره.

ملحوظة تانية : جارنا اللى جنبنا مسيحى و عاوز أقلك علاقتنا بيهم أقوى من أى حد فى العمارة كلها و بيتم تبادل الزيارات فى الأعياد و التدخل فى حل مشاكل و مساعدة بعض فى أى حاجة و إبنهم متربى عندنا من و هوا عنده 3 سنين لحد دلوقتى موجود دائما عندنا من غير أى حساسيات

ربنا يزيد المحبة.

**Ahmed_Ramadan** · 11-05-2011 08:40 AM

المشاركة الأصلية كتبت بواسطة meza

تصحيح محاولة إجباره على العدول عن تغيير ديانته ... و الحاتين خطأ ... لكن الترسبات الفكرية و العادات فى مصر مش متسامحه مع تغيير الدين بالسهولة دى ... حضرتك إقلب المسألة و شوف كان ايه اللى هيحصل فى الحالة دى و هتفهم أكتر.

طيب إشرحلى هى كانت موجودة فى مبنى تابع للكنيسة على غير رغبتها يبقى إسمه إيه ؟؟!!
أوجه نفس السؤال ليك ... إنت شفت بعينك سلاح فى الكنيسة؟

أنا مقلتش فى سلاح فى كنائس !!!!!

شكراً على التوضيح ... أنا بالفعل عارف كده من أصحابى لأنى إهتمين إنى أعرف الآخر و سألتهم .... و أدعوك للإستمرار فى إنك تعرف نفسك للآخر لكن الأهم إنك تعرف الآخر ... ساعتها التباعد بينا اللى نشأ على مدار السنين هيقل تانى.
هوا مفيش تباعد أصلا ....و اللى حرق الكنيسة بشهادة كل سكان المنطقة بلطجية مش إسلاميين

ملحوظتى أنا بقى: منهجنا فى الكنيسة يدعونا للمحبة "الله محبة" ... و " أحبوا أعدائكم, باركوا لاعنيكم, صلوا لأجل الذين يسيئون إليكم" ...
و معندناش موضوع رد الضرب و السلاح و الكلام العجيب ده ... اللى كلنا كمسيحيين بنستغرب لما نسمعه و مش عارفين مصدره.
نفس الكلام برضه فى الإسلام بدليل محدش كان رايح ومعاه سلاخ خالص !!!

ربنا يزيد المحبة.

**meza** · 11-05-2011 08:41 AM

المشاركة الأصلية كتبت بواسطة yobaaa

فين اللى إنت بتقوله ده انا كنت من الأول واضح و قولت بيحرض على التسليح و الراجل السلفى زى ما قلت ف الفيديو اللى كان موجود و بيحرض على حرق الكنائس مع إنه لسه مضروب عليه نار .....يا أخى سبحان الله اوزن الموضوع و حط نفسك مكان اللى بيتكلم و انت تعرف هوا قال كده إزاى زى ما أنا تفهمت اللى قاله ساويرس و أنه مش بيدعو للتسليح و إنه مجرد كلام فى ساعة إنفعال

لو فعلا خايفين على البلد القانون يطبق على الجميع و أسلوب الطبطبة و شيخ يروح يزور قسيس و صور يا تلفزيون مش هيحل حاجة...

عاوزين نحل يبقى الدنيا واضحة قدام الكل مش أطلع أقول محدش محتجز و يطلع فى و الكنيسة عارفة
.....عاوزين نحل يبقى اللى يحول ديانته هوا حر و يروح لجهة مختصة و محدش يتعرضله و ميتخطفش تانى يوم
عاوزين نحل منستخدمش شماعة الأخوان و بعد أما الناس تعرف إنهم مش عفريت نمسك فى السلفيين علشان دايما المسيحى يبقى فى وضع المجنى عليه مع العلم إن المسيحيين ليهم حقوقهم و بياخدوها و مش محتاجين الأسلوب ده

بيحرض على التسليح اللى حضرتك قلتها .. إتفهمت على إنها دعوة لمزيد من التسليح للمسيحيين و الكنائس!

و على فكرة موضوع فزاعة الإخوان ده كان بفعل النظام السابق ... فى أوساط المسيحيين كان السائد أن مبارك لو مشى الأخوان هيوصلوا للحكم و ساعتها هيبقى سواد على المسيحيين.
ده اللى كان سائد للأسف و كاتن عقبة كبيرة وقت الثورة ... و عانيت الأمرين عشان أفهم اللى أعرفهم إن فزاعة الإخوان دى مش حقيقية و ينزلوا أو يساندوا اللى فى التحرير لكن فين و فين على ما صدقونى.

دلوقتى لا زال الموضوع ده فى ذهنهم مع إستبدال الإخوان بالسلفيين ... و لازم تعذرهم لأن الأحداث اللى بتحصل دى كلها ميقدروش يتغاطوا عنها و هى المحرك الرئيسى لرجوع الأفكار دى تانى.

كان عندى أمل بعد الثورة إن فكرة إضطهاد المسيحيين و المروجين ليها تتلاشى بعد الثورة و بعد الصورة الجميلة اللى شفتها فى التحرير ... بس بعد الأحداث الأخيرة -و اللى شكلها بالطريقة دى مش هتكون الأخيرة- بدأ الأمل يتلاشى.

**ainshouka** · 11-05-2011 08:42 AM

المشاركة الأصلية كتبت بواسطة ahmedbatoos

اقسم برب الكعبة . . الي راحوا للكنيسة راحوا بعد استنجاد جوزها المسلم الي متجوزها عرفي لحد ما تخلص اوراق فك الارتباط بزوجها النصراني من مسجد جمب الكنيسة
اقسم بلله وكل شهود العيان ووزير الداخلية قالوا احنا قبل ما نروح اتصلنا بلشرطة وكانت معانا قوة صغيرة

واسمعوا شهادة حتي المتحدث باسم الداخلية

الفتنة الي عملها المتطرف والارهابي الي بيستخدم العنف . . مش الي بيطلع في مظاهرات متحضرة وبكل سلمية اي كان مطلبة . . ومطلبة في قمة العدل واحدة نخطوفة !! فين ادعياء حقوق البتنجان !!! الي قارفين دماغنا بحجاب النبت والست تبقي رئيس والست تبقي مش عارف اية !!!

شوية انصاف . . . مين الي سبب الفتنة الناس الي راحت علي نجدة واحد ميعرفهوش بكل احترام ومعاهم الشرطة ولا الي ضرب نار في المسلمين !!!!

ومفيش فخ ولا حاجة الفكرة كلها في الفخ الاعلامي الي مبيخلص الجهلانين العرب وسذاجة عقولهم واهدافهم . . اي مشكلة حتي لو مش طائفية بيهاجموا التيار الاسلامي وخلاص . . كل هدفهم تشوية الاسلام والمسلمين . . .

بعدين محدش لية بيتكلم عل يمظاهرات ماسبيروا برغم العنف الي حصل فيها
محدش لية اتكلم علي مظاهرات النصاري الدائمة علي اختفاء زوجات الكهنة من ايام عهد مبارك وينادوا بتدخل امريكا و و و وكان كلة عادي وجميل ومش مهم لكن مسلم يطلع لقضية عادلة بكل وطنية واحترام يبقي عايز فتنة !!1

دة ساويرس المتطرف العميل طلع يقول المسيحين كدة هيتسلحوا ومحدش اتكلم عبد المسيح بسيط القمس قال نفس الكلام المسيحين كدة هيتسحلوا وكلة بيعدي وكلة في سبيل مليارات الدولارت الي بتدخل مصر من جمعيات تبشيرية او مجلس الكنائس العالمي او او . . وكلها سبوبة وتورتة كبيرة كلة بياكل منها

طيب ما النصاري بيتظاهروا في اسكندرية ويعتدوا علي المارة المسلمين بقاهلم 3 ايام !! ولا حس ولا خبر ولا الاعلام اتكلم طبعا لان الفاعل غير مسلم

لو الفاعل مسلم كان العالم كلة اتحرك !!!

اللهم اهلك كل من اراد بلمسلمين سؤ . . اللهم وحد صفوف المصرين الشرفاء اي كان دينهم

كلام سليم جدا
ياريت الناس تراجع الأحداث تاني عشان نشوف مين اللي غلطان بجد

وبعدين احنا عارفين من زمان ان الشرطة لا بتهش ولا بتنش ولو فيه جزيمة قتل قدامل وبلغتهم مابيجوش غير بعد خراب مالطة

المفروض بعد اللي حصل أنه يتم تفتيش جميع دور العبادةبطريفة محترمة لمنع حدوث مثل ذلك مرة أخزي

**Ahmed_Ramadan** · 11-05-2011 08:51 AM

المشاركة الأصلية كتبت بواسطة meza

بيحرض على التسليح اللى حضرتك قلتها .. إتفهمت على إنها دعوة لمزيد من التسليح للمسيحيين و الكنائس!

و على فكرة موضوع فزاعة الإخوان ده كان بفعل النظام السابق ... فى أوساط المسيحيين كان السائد أن مبارك لو مشى الأخوان هيوصلوا للحكم و ساعتها هيبقى سواد على المسيحيين.
ده اللى كان سائد للأسف و كاتن عقبة كبيرة وقت الثورة ... و عانيت الأمرين عشان أفهم اللى أعرفهم إن فزاعة الإخوان دى مش حقيقية و ينزلوا أو يساندوا اللى فى التحرير لكن فين و فين على ما صدقونى.

دلوقتى لا زال الموضوع ده فى ذهنهم مع إستبدال الإخوان بالسلفيين ... و لازم تعذرهم لأن الأحداث اللى بتحصل دى كلها ميقدروش يتغاطوا عنها و هى المحرك الرئيسى لرجوع الأفكار دى تانى.

كان عندى أمل بعد الثورة إن فكرة إضطهاد المسيحيين و المروجين ليها تتلاشى بعد الثورة و بعد الصورة الجميلة اللى شفتها فى التحرير ... بس بعد الأحداث الأخيرة -و اللى شكلها بالطريقة دى مش هتكون الأخيرة- بدأ الأمل يتلاشى.

لأ الحمد لله أنا مش بقول حاجة غير اما [كون بعنيها و فعلا كلامه حتى لو رد فعل يسخن أى حد فى موقف مسيحى حاسس بإضطهاد و لو صورى و شوف در فعل الشئ اللى إسمه مايكل منير اللى من الناس اللى عاوزة تولعها دايما فى مواقف كتير

**meza** · 11-05-2011 08:54 AM

المشاركة الأصلية كتبت بواسطة ainshouka

كلام سليم جدا
ياريت الناس تراجع الأحداث تاني عشان نشوف مين اللي غلطان بجد

وبعدين احنا عارفين من زمان ان الشرطة لا بتهش ولا بتنش ولو فيه جزيمة قتل قدامل وبلغتهم مابيجوش غير بعد خراب مالطة

المفروض بعد اللي حصل أنه يتم تفتيش جميع دور العبادةبطريفة محترمة لمنع حدوث مثل ذلك مرة أخزي

على فكرة مفيش مشكلة إطلاقاً فى موضوع تفتيش الكنائس ده و إن كان ده بيتم بالفعل بصورة أو بأخرى زى ما ذكرت لأن كده كده فيه قوة حراسة على كل كنيسة فى مصر.
المشكلة إن هتطلع حكاية أو حجة جديدة و ساعتها مش هنخلص زى ما حصل قبل كده فى موضوع كاميليا.

مفيش مشكلة لو حد عنده معلومة إن فيه سلاح فى الكنيسة الفلانية يروح يقدم بلاغ ... لكن كل اللى بيحصل ده إتهامات عايمة هدفها إشعال الفتنة و خلاص و للأسف بنصدقها.

**meza** · 11-05-2011 08:56 AM

المشاركة الأصلية كتبت بواسطة yobaaa

لأ الحمد لله أنا مش بقول حاجة غير اما [كون بعنيها و فعلا كلامه حتى لو رد فعل يسخن أى حد فى موقف مسيحى حاسس بإضطهاد و لو صورى و شوف در فعل الشئ اللى إسمه مايكل منير اللى من الناس اللى عاوزة تولعها دايما فى مواقف كتير

و مايكل منير لا يمثلنى ولا يمثل المسيحيين ... كما أن الشيخ اشرف ابو انس اللى طلع فى الفيديو و طلب حرق الكنائس لا يمثل المسلمين.

و الغريب حقاً إن حضرتك تقبلت المبرر ده و دافعت به عن الشيخ اشرف ... :
"على فكرة ده كان رد فعل بعد اما إنضرب عليهم نار و أنا مش بقول إنه غلطان و لكن وجب التوضيح و أنت لو فى مكانه كنت هتعرف إيه اللى خلاه يقول كده (كلام فى ساعة غضب) ؟؟"

و الآن أنت لا تتقبله عن ساويرس!