الموضوع: أضراب الاطباء عن العمل

المشاركة الأصلية كتبت بواسطة icehearted girl

حضرتك بناء علي ايه بتقرر ان مبدأ الاضراب مرفووض؟؟

مرفوض من مين؟؟؟

الاضراب حق يكفله لي القانون ومهواش عمل غير شرعي

وايه المشكلة لما بكرة الصيادلة وبعده غيرهم غيرهم؟؟؟

ماضاع حق وراءه مطالب

مفيش اي منطق يبرر الاستمرار ف منظومة فاسدة... بأي حجج كانت

أنا برفضه لأن لو التروس كلها اللي في منظومة الدولة وقفت مش هانرحم نفسينا

باستطاعتكم كأطباء أو مهندسن أو تجار أن تجدوا حلول أخرى غير الاضراب

الان لا ينبغي أن نركن للقانون أو الشرعية و أن نتحجج بوجود الفساد

البلد الان محتاجه دفعه...كلنا نشتغل و كلنا نتفائل...و في نفس الوقت نطالب بحقوقنا ولكن بشكل اخر

غير أن عمال شركة أو مصنع يشعروا أنها الوسيلة الوحيدة لأخذ حقوقهم بالاضراب

المشاركة الأصلية كتبت بواسطة dojuar

أنا برفضه لأن لو التروس كلها اللي في منظومة الدولة وقفت مش هانرحم نفسينا

باستطاعتكم كأطباء أو مهندسن أو تجار أن تجدوا حلول أخرى غير الاضراب

الان لا ينبغي أن نركن للقانون أو الشرعية و أن نتحجج بوجود الفساد

البلد الان محتاجه دفعه...كلنا نشتغل و كلنا نتفائل...و في نفس الوقت نطالب بحقوقنا ولكن بشكل اخر

غير أن عمال شركة أو مصنع يشعروا أنها الوسيلة الوحيدة لأخذ حقوقهم بالاضراب

ثورة 25 يناير فى مصر = الثورة فى وزارة الصحة
لو حضرتك حسبتها كده يبقى الثورة المفروض بعد الريس اعلن عدم نيته للترشح للرئاسة المفروض كنا نهدى و نروح نبنى البلد ولا ايه

المشاركة الأصلية كتبت بواسطة dr_radioooooo

ثورة 25 يناير فى مصر = الثورة فى وزارة الصحة
فقط؟؟؟؟؟؟؟
لو حضرتك حسبتها كده يبقى الثورة المفروض بعد الريس اعلن عدم نيته للترشح للرئاسة المفروض كنا نهدى و نروح نبنى البلد ولا ايه

أنا قولت كده؟؟؟؟ بذمتك؟؟؟؟؟

وحتى لو قلت كده..-وأنا مقصدش كده- لما يبقى السلوجان و الأجندة المصرية دلوقت = اعتصام و اضراب

وبالتالي : المزيد من الاعتصام و الاضراب = وقف الحال

هل ده نتيجة طبيعية للثورة؟؟؟؟؟

أنا متفق معاكم في الهدف أو الغاية...لكن الوسيلة مش صح

طبيب فى الحكومة عنده 30 سنة= 350 جنيه فى الشهر
محاسب بنك فى الحكومة عنده 30 سنة= 4000 جنيه فى الشهر
موظف بترول فى الحكومة عنده 30 سنة = 10000 جنيه فى الشهر
وكيل نيابة فى الحكومة عنده 30 سنة= 8000 جنيه فى الشهر


وما الى ذلك من موظفى الحكومة مثلى لكنهم عارفين يعيشوا عيشة محترمة
وانا ابويا بيصرف عليا لحد دلوقتى
هى دى العدالة الاجتماعية اللى الثورة حققتها

المشاركة الأصلية كتبت بواسطة heshamzaky

لآ طبعا هما عاوزين الاجور بتاعتهم ترتفع مش ممكن اصدق أن كل دة من غير مطلب
حقهم ان الاجور تزيد مهم عايشين فى الدنيا و العيشة صعبة على الكل.
بس المهم لو حصل ظرف طارىء و روحت مستشفى تلاقى دكتور يعرف يشخص صح مش دكتور لسة متخرج معندهوش أى خبرة يفتى من دماغة و يودى المرض فى ستين داهية

على فكره يا استاذ هشام

الاضرااااااااااااااااب جزئي وليس كلي ............ والاستقبال مفتوح على طول والجراحات متلغتش


بالنسبة لموضوع العيشة صعبة على الكل انا بس حابب حضرت تعرف ان مصاريفنا ف طب اكتر من اي جهة تانية ؟

وده مش اثناء الدراسة بس لا بعدالتخرج وبعد التخرج مصاريف بالهبل

تعرف تكلفة الماجستير لا تقل عن 10 بواكي وكمان مستواه التعليمي تعبان ............ الزماله المصرية الانضف شوية
20 باكو

عاوز بقى معادلة امريكية او زماله بريطانية عشان تتعلم صح ............ مش هتقل عن 50 الف جنيه وفي ناس تانية بتقولي انها متقلش عن 100 الف جنيه

مراجع وكتب غالية جدا جدا جدا ........ اقل مرجع محترم ب 500 جنيه ........ وفي كتب بتوصل ل 5000 جنيه

بالنسبة لموضوع المرتبات مش كل حاجة لأن المستشفيات الحكومية معدومة ......... وعلى فكره مفيش حاجة اسمها طبيب حديث التخرج يكون متكفل بالعلاج او التشخيص مية ف المية احنا بيكون علينا رقابه من النواب اللي اكبر منا وكل دوا او تحليل او طلب اشاعة بتتم بموافقة وامضاء النائب اللي ماسكة النوباطجية بتاعت اليوم ده

الاجهزة تعباااااااااااااانه جدا ......... تخيل ف استقبال الجامعه عندنا تلاتة اجهزة ضغط كلهم بايظين وانا كنت بحاول اقيس بيهم كان الرد ........ انت مش عارف تقيس ضغط يا دكتور

صناديق وزارة الصحة بتتنهب مش بتتسرق

عمو اشرف حاتم وزير الصحة اللي بيقول مفيش فلوس ........ عين واحد قريبه واداله مكافئة على طول بعد تعيينه

مش كل حاجة كمان المرتبات ......... عندك البلطجة ........ احنا يوميا ودي حاجة بشوفها بعيني مش قصص ...... بنتعرض لقلة الادب والبلطجة والضرب كمان

والشرطة وحتى الجيش مش بيقدر يعمل حاجة

اقولك من شهر ف الاستقبال .......... حصلت خناقة اضربت فيها بنت ف امتياز من راجل ........ وراحو للشرطة العسكرية كان الرد خليهم يولعو ....... وماكثر حدوث ذلك

النهارده ...... واحد داخل بعربية من بوابة الخروج بتاعت العياده الخارجية وهو مش معاه عيان ولا حاجة وفرد الامن اللي ع البوابة حوال يمنعه كان جزاءه انه اتشتم بأقذر الشتائم بابوه وامه
مع انه الفرق بين البوابة بتاعت الدخول والخروج بالكتير اوي 20 متر .....