الموضوع: أضراب الاطباء عن العمل

المشاركة الأصلية كتبت بواسطة icehearted girl

تم تعليق الاضراب حتي يوم 22 مايو والاستمرار ف العمل بدءا من الغد لحين الاالتقاء بمرة أخري مع رئيس الوزراء بعد اجتماعه بالمجلس الاعلي للقوات المسلحة


الله يكرمكم..انا مبقولش الاطباء مش عوزين كادر خاص...انا بقول ياريت نقرأ المطالب كويس وترتيبها علشان منخلطش الأمور ببعض

ونبتدي نرمي الناس بالباطل...

انا مش عوزة مرتبي يزيد..انا عاوزة يبقي في عدالة اجتماعية

ف مستوي نفس المؤهلات

انتو شايفين منطقي ان بدل العدوي لطبيب 19 جنيه..وبدل العدوي للقاضي 2000 جنيه؟؟؟ انتو شايفين دا منطقي؟؟؟

دا غير ان اهم مطالبنا هي تطهير الوزارة من بقايا وفلول الفساد

اللي طول مهي موجودة هتنخرب فينا ومش هتخلينا ف حال أفضل من اللي احنا فيه حتي ولو زادت الميزانية اضعاف مضاعفة

معاكي حق يا ضحى .......... أنا اختي ف مفردات مرتبها كمان 2 جنيه بدل عدوى

المشاركة الأصلية كتبت بواسطة heshamzaky

بالظبط القصة مش تطوير مستشفيات و سراير و كلام كدة لا طبعا .
طب ما الاولى يدرسو و يعملو ماجيستير و دكتوارة و الى يحصل عليهم يزيد زيادة اكبر من الى بيزيدها يعنى يشجعو الدكاترة انهم يتعلمو و يزودو لهم أجورهم بس مش فلوس كدة و السلام لان دة ممكن يكتب و لا يفتى فى مريض يجيبلة مصيبة

ومين قال حضرتك ان الطلبة مش بتحضر ماستر ودكتوراه ........... ده اساسي عشان امارس التخصص

وياريت بس تعرف التكلفة الحقيقية المبالغ فيها للدراسات

في حين ان مرتبي ميكفيش مواصلات

شكرا على الهجوم و التهكم

والله مش زعلان من حد فيكم

و ادعيلكم من كل قلبي أن وضعنا كلنا يكون أحسن من الأول

بس زي ما قلت

الغاية لا تبرر الوسيلة

مكنش ينفع مثلا تختارو وفد و يقعد مع الوزير..أو أي شئ من هذا القبيل...من غير اضراب؟

المشاركة الأصلية كتبت بواسطة dojuar

شكرا على الهجوم و التهكم

والله مش زعلان من حد فيكم

و ادعيلكم من كل قلبي أن وضعنا كلنا يكون أحسن من الأول

بس زي ما قلت

الغاية لا تبرر الوسيلة

مكنش ينفع مثلا تختارو وفد و يقعد مع الوزير..أو أي شئ من هذا القبيل...من غير اضراب؟

والله محدش هجم ....... احنا بيصعب علينا بس ان ناس كتير مش عارفين طبيعة المشاكل اللي بنواجهها

وبعدين طالبنا ميت مره وكان فيه مماطله للطلبات .........احنا مش وحشين اوي كده

عاوز اقول لحضرتك على بساطه الامكانات ف المستشفيات الحكومية ............ والمرتبات التعبانه وقلة الادب والبلطجة الا انا احنا بنروح وبنكمل المشوار

بل وايه كمان بنكون ف منافسة شرسة بينا وبين بعض مين يشخص المرض الفلاني ويعالجه كويس .......

المشاركة الأصلية كتبت بواسطة dojuar

وحتى لو قلت كده..-وأنا مقصدش كده- لما يبقى السلوجان و الأجندة المصرية دلوقت = اعتصام و اضراب

وبالتالي : المزيد من الاعتصام و الاضراب = وقف الحال

هل ده نتيجة طبيعية للثورة؟؟؟؟؟

أنا متفق معاكم في الهدف أو الغاية...لكن الوسيلة مش صح

حضرتك قبل متتكلم عارف احنا بدأنا من امتى وكمية التجاهل اللى احنا شفناها لغاية لما وصلنا لقرار الاضراب الجزئى


هحقيلك على موقفين
1- حصل بعض الخناقات فى المحاكم و القضاة ههدوا ان لو متوفرلهمش الامن هيضربوا بعد اسبوع
ساعات و طلع عصام شرف يعتذر و وفرلهم الامن فى المحاكم

2- الاطباء بيتسبتوا فى المستشفيات و بيتم الاعتداء عليهم بالقول و الفعل
و يكفى ان اقولك ان فى مريضاتدبح على باب مستشفى المطرية
و بنشتكى بألنا شهور و مفيش فايدة
بالله عليك لو اختك دكتورة هتسيبها تروح المستشفى ولا هتخليها تعد فى البيت
ملحوظة الاعتداءات على معظم مستشفيات مصر و بشكل يومى



انا حللت الموقفين و استنتجت ان البلد دى تحترم القضاة ولا يهمها الاطباء و ايكش يولعوا


ليه محدش اعترض لما القضاة دعوا للاضراب بتاعهم

المشاركة الأصلية كتبت بواسطة heshamzaky

عارف طبعا التكلفة كام و عارف دكاترة سنهم عدى ال 35 سنة و لسة بيدرسو
الدراسات تكلفتها عالية مش حا تتعمل بفلوس المرتب . حضرتك لو حا تناقش رسالة مثلا و حا تعمل دراسة على عدد معين من المرضى عارف أنك حا تدفع فلوس للمرضى دول علشان تكمل الدراسة عليهم
بس فية ناس بتقف عند الماجستير و ناس بتكمل للدكتوارة

مدة الماستر من تلات لخمس سنين ........ بيتعرض فيها الطبيب للابتزاز من الدكاترة الكبار ........... والتعليم بالممارسة فعلا مش بالابحاث ولا الكتب

الدكتوراه لا تقل عن عشر سنوات ....... وابقى قابلني لو نجحت من اول مره ........ ههههههههههه الدكاترة مش بيحبو حد ينجح ف الدكتوراه من اول مره والا تبقى عيبة ف حقهم


طيب دلوقتي انا مش عاوز زياده ف المرتب ......... يقللو التكاليف بتاعت الدراسات ويأمنو المستشفيات بجد حاجة تتعب الاعصاب

احنا بنكون بناخد الراوند والدكتور بيشرح ..... وانت سامع الشتايم والخناقات او الصويت والزعيق ههههههههههههه

سبحان الله ........ وبنكون مركزين بأقصى قدراتنا ............



بجد ربنا يكون ف عون اهالينا ........ الطب مبتز فلوسهم ومش عارفين يعملو حاجة بسببنا :)

مصاريف الماجستير السنوية بدون اى كتب او احاجة ( الفلوس اللى بدهعها مصاريف سنة ) = اجمالى مرتب الطبيب 8 شهور

مصاريف الدكتوراه السنوية بدون اى كتب او احاجة ( الفلوس اللى بدهعها مصاريف سنة ) = اجمالى مرتب الطبيب سنة


اللى بيقول المفروض يعملوا دراسات يفهمنى يعملوها ازاى و منين