أضراب الاطباء عن العمل

**megamoudy** · 18-05-2011 07:14 PM

المشاركة الأصلية كتبت بواسطة angeliccore

هدف نبيل

مقدرش اعلق قوي

بس معظم الدكاترة الكبار عدوا المرحلة دي برده

وانا أتمنى تاخدوا حقكم ونبقى زي الدول اللي الطب فيها على قمة السلم المهني مع القضاء وأساتذة الجامعة

بس برده زي ما قلت قبل كده رأيي إن ده مش وقته استنوا الجو العام يهدى

على فكره جايز من تفكيري انا مش هاممني المرتب اوي لأن سهلة اوي بقرار مع ارتفاع الاقتصاد تترفع المرتبات زي ماحضرتك بتقول مش وقته

طيب بالنسبة للبلطجة ....... مش وقته برده ...... والشرطة والجيش مش قادرين يأمنو الدكاترة

**dr_radioooooo** · 18-05-2011 07:17 PM

المشاركة الأصلية كتبت بواسطة angeliccore

هدف نبيل

مقدرش اعلق قوي

بس معظم الدكاترة الكبار عدوا المرحلة دي برده

وانا أتمنى تاخدوا حقكم ونبقى زي الدول اللي الطب فيها على قمة السلم المهني مع القضاء وأساتذة الجامعة

بس برده زي ما قلت قبل كده رأيي إن ده مش وقته استنوا الجو العام يهدى

مهو عشان كل الدكاترة الكبار عدوا بالمراحل دى
بيوصل الواحد فيهم 45 سنة و بدأ يتشهر فبييبقى سفاح فلوس
ومن وجهة نظرة ان ده حقه لان تعب و شقى و اتجوز و هو عنده 38 سنة و البلد مساعتدوش و هو اللى تعب فحلال ان كشفه يبقى بمتين جنيه واللى معهوش ميلزموش
منا لما مكنش معايا نكمنش حد واقف جنمبى اقف جنمكوا ليه دلوقتى

**heshamzaky** · 18-05-2011 07:51 PM

بص يا باشا أنا مش ضد أن الدكاترة يعملو اضراب علشان المرتبات تتحسن ابدا خالص . بس أية المانع أنى اقول أة عاوز وضعى يتحسن و المرتبات الى بتاخدها زفت و مش مكفية عيش حاف
عارف انا بحب الشخص الى بيطالب بحاجة يقولها وش كدة و بصراحة بس هما ما عملوش كدة هما قالو عاوزين معدات و و و و ...
بس ذكرو موضوع المرتب كأنة مش هدف رئسى عارف لو قال ان دة هدف رئيسى محدش حا يزعل و المهم بجد لو واحد راح مستضفى فى حالة خطر يتعالج صح لانى اخشى أن فى وسط الهوجة دى مريض يتظلم فى صحتة و عافيتة مش فلوس مقدور على حلها . بس كدة و ربنا يوفكم

**dr_radioooooo** · 18-05-2011 08:00 PM

http://www.nilemotors.net/Nile/220303-a.html
ممكن تبص على الموضوع ده Heshamzaky

**dr_radioooooo** · 18-05-2011 08:05 PM

اسف ده اللينك الصح

http://www.nilemotors.net/Nile/220303-a.html

**metenawy** · 18-05-2011 08:10 PM

الدكاترا دول لازم يتحاكمو دول عاملين زاي الي ابوه بيموت و هو مصم ما يدهوش الدوا الا لما يسحب من دمه الي بيعملوه عار عليهم سواء مطالبهم الفئوية او حتي مطالب عشان مصلحة المريض فداه مش وقته و البلد مفلسة صحيح الي اختشو ماتو كما ماتت الرحمة في قلوب الداكترة

**icehearted girl** · 18-05-2011 08:12 PM

هي ليه الناس بتتكلم عن لاطباء كأنهم اناس جيين من المدينة الفاضلة

وكل الاتهامات ليهم بتبدأ بالجملة الشهيرة,,(لو حد ملمرضي اللي جيين دول قرايبك)

طب مهم فعلا قرايبنا...نفترض ان حد مننا مهواش طبيب ودخل بمريضه مستشفي هتفرق ف ايه لو هو طبيب؟؟؟ زمايله هيهتعموا اكتر يعني؟؟؟ طب مهي نفس الامكانايات المتاحة

ولا عشان هو طبيب قرايبه هيتعالجوا ف سويسرا مثلا؟؟

لما بنقول اضرابنا ف المقام الاول لمصلحة المريض دا مش كدب...لان المريض ف الاول والاخر ابويا واخوك وومكن اكون انا بعد كام سنة

**icehearted girl** · 18-05-2011 08:15 PM

وبعدين الاضراب بيؤثر mainly علي الصناديق الخاصة بوزارة الصحة...يعني ضغط مادي علوزارة وليس علمرضي...الاضراب فقط فلعيادات الخارجية والعمليات المؤجلة يعني مصادر تمويل للوزارة

انما حتي مرضي العيادات مبيمشوش وبيتم تحويلهم للطوارئ احيانا..او يتم علاجهم لكن بدون قطع تزاكر

ولو حد بيشتكي ان خدمة طبية فمكان ما مقطوعه احب اقله خدعوك فقالوا..هي فين الخدمة الطبية دي اساسا؟؟

دي مجرد تمثيلية..مكان بيمثل انه مؤسسة طبية..بيشتشغل فيه شوية ناس بيمثلوا انهم كوادر طبية....وفالنهاية المريض الغلبان بيبقي اختياره الاول الدكترة الكبار ف البرايفت وتلاقي راح يبيع عفش بيته واللي وراه وقدامه لانه ملقاش خدمة طبية فحدود ظروفه واللي من حقه يحصل عليها مجانا

**icehearted girl** · 18-05-2011 08:18 PM

بالله عليك لو اختك دكتورة هتسيبها تروح المستشفى ولا هتخليها تعد فى البيت
ملحوظة الاعتداءات على معظم مستشفيات مصر و بشكل يومى

حدث بالفعل...وفاستقبال القصر العيني اترفع عليا مطوة ولما كلمت الامن قالولي..مع نفسك هنعملك ايه يعني؟؟؟

دا غير باقي الاعتداءات بقية الايام..دا بقي العادي يعني

-

الموضوع: أضراب الاطباء عن العمل

LinkBack

أدوات الموضوع

عرض

-

-

-

-

-

-

-

-

المواضيع المتشابهه

هل نيابات المرور شغالة ولا عاملين أضراب؟

اخطاء الاطباء

العمل ثم العمل ثم العمل - منقول للافاده..

الكلمات الدلالية لهذا الموضوع

المفضلات

المفضلات

ضوابط المشاركة