الموضوع: أضراب الاطباء عن العمل

المشاركة الأصلية كتبت بواسطة hm414

ده على اساس ان د.عصام شرف لما ادانا معاد قابلناه فيه مش كده؟؟؟!

الوزير احنا مش عايزينه واللي اعلى منه مقابلناش ومعبرناش يبقى الحل ايه في رأيك؟؟؟

+11111111111111

اولا الاضراب لم يكن الطريقة الاولى او التي كان يتمناها الاطباء نفسهم و كان فيه عدد كبير من الوقفات الاحتجاجية بدون اي استجابة
ثانيا الاضراب هو اضراب جزئي كل الحالات العاجلة هتلاقي اللي هيعالجها تماما كما يحدث في الاعياد و الاجازات
ثالثا التوقيت: انا معاكم ان كتير شايفين ان المطالب عادلة و معترضين على التوقيت لكن للاسف ماينفعش يتعمل في توقيت تاني لان الميزانية الجديدة بتتعمل دلوقتي.
طيب احنا صابرين ده كله ليه؟ ماحصلش السنة اللي فاتت و في عهد النظام البائد كان فيه و قفات احتجاجية عند النقابة و الحكومة وعددت (كما وعد الرئيس المخلوع بعمل كادر خاص للاطباء و المدرسين) و لكن لم ينفذ شئ و طولبنا بالصبر بدعوى القسم و الرسالة و خلافه.
الجديد اللي حصل السنة ديه انها لم تعد مطلب فئوي كما كان بل حزمة من المطالب تهدف جميعها لتقديم خدمة طبية بمستوى مقبول ابتداء من مرتب مناسب يساعد الطبيب على التزامه المهني و الادبي بدلا من تنقله من مستوصف لمركز طبي حتى يجد ما يستره بدون اي احلام في الرفاهية مرورا بتسهيل عملية الدراسات العليا (تعرفوا ان معظمنا ممكن يزور شهادات استقالة و يجيب شهادة انه طبيب حر علشان الوزارة مصعبة عملية التسجيل بالرغم انه من حسابنا) فيه في الدنيا دولة بتجبر اطباءها انهم يلجؤا لطرق ملتوية لمجرد تسجيلهم للحصول على الماجستير؟؟؟؟
الاطباء بيطالبوا بزيادة الدعم للمستشفيات و توفير كل ما يلزم لعلاج المريض
ياريت نقرا بتمعن مطالب الاطباء و احنا نعرف ان الغرض الاساسي منها هو المريض (و بالطبع جانب شخصي)

المشاركة الأصلية كتبت بواسطة japrulez

الصحة فى مصر بخطر


معظم الاطباء فى الاستقبال دلوقتى حديثى التخرج حتى فى الرعاية المركزة مش عارفين حاجة
بسبب تدنى الاجور

هل تتخييل ان اجرى بدل عن shift مسائى فى مستشفى الجامعة 80 قرش فى الساعة

الله غلى ما اقول سهيد

بعد 9 سنين دراسة

و اهللك صارفين قد كده كتب

و 3 سنين خدمة عسكرية

يعنى 31 سنة

كل ذنبه انه جاب مجموع

و المرتب الاساسى 150 +450 حوافز =600

و مذاكرة مدى الحياه

و توتر اعصاب من المهنة ده بيموت ده تعبان

و عيان حالته خطيرة لو سبته مات و يبقى عليك ذنبه


يتجوز امتى ده ولا يروح فين ؟ و تخيل لما اخوه الصغير ب 4 سنين معاه عربية و شقة و هيتجوز

و عمل اثتاء الاعياد و الناس نيام فى بيوتها

و نبطشيات طول الليل و تروح تنام الصبح

و تدريب 5 ستين عشان توصل الماجستير

معظم الدكاترة اللى بتفهم دلوقتى بسافر بره علاطول عشان حد يقدره و يعرف يتدرب كويس و ياخد قلوس و هو بيذاكر

المهنة ذات الاعلى دخل فى المتوسط بامريكا : الطبيب بياخد غلى الاقل 200 الف دولار سنويا كحد ادنى

الدكتور لو جرى ورا الفلوس هيعمللك عملية ملهاش لزمة

و هيديك دوا غلط

و الاستاذ اللى فوقيه مش حيعلمه و لا هيوجهه صح عشان بردو بيدوور على لقمة عيشه و نفسه يبقى بنى ادم



لو رحت مستشفى او عيادة و اتعالجت غلط و جرالك حاجة لقدر الله اديك عرفت السبب ومتزعلش لو رحت فيها

حسبى الله و نعم الوكيل

كان نفسي أطلع فاشل احسن

بدل كشف النظر اللي بيغيره كل سنة

بدل تفكيري اللي مبقاش يتناسب مع عمري خالص مع سني كشاب عنده 23 سنة ..........

الواحد بقى بليد المشاعر ومفيش حاجة بتسعده بسبب الهم والمسؤولية اللي عليه وف الاخر مبتاخدش غير كلام وحش او ضرب

بدل القعدة أربع شهور مذاكرة للامتحان وشهرين امتحانات وكمية امتحانات بالهبل

من امتحان شفوي ودكتور معقد يحسس الواحد بالاحباط وده كله ومكملين عادي ........... وبنقول مسيرها تتعدل ......... وف الاخر دكاترة فشله ......... ده احنا ف ايام الثانوي العام والاعدادي كنا بنذاكر وبنجتهد وعمرنا ماضيعنا وقت وكنا منظمين جدا

ده جزاتنا وجزاه كل واحد حب يلتزم ف حياته ويدخل كلية قمة ( قال يعني قمة ) .........


يارب

المشاركة الأصلية كتبت بواسطة heshamzaky

.......... منقول ....................

قف ينظر بعين مليئة بالحزن على حاله وحظه العسر، الذى جعل موعد حقنته الأسبوعية من عقار الإنترفيرون فى معهد الكبد يتزامن مع الإضراب العام للأطباء، والذى لم يكن يعرف عنه


شيئا.. عم "عاطف عيد " مريض بفيروس "سى"، يأتى من الزقازيق كل أسبوع إلى معهد الكبد القريب من وسط البلد ليأخذ حقنة الإنترفيرون..

إضراب الأطباء الذى أربك كافة المستشفيات ومنها معهد الكبد، سيدفع عم عاطف إلى المبيت على رصيف الشارع المواجه للمعهد، لأنه لا يستطيع العودة مرة أخرى إلى الزقازيق، فضلا عن عدم قدرته على استئجار حجرة فى أحد الفنادق للمبيت فيها، وقال عم عاطف: "أنا بنام فى الشارع لأنى مش هاقدر أرجع للزقازيق ولأن ظروفى صعبة مش هاقدر اركب المواصلات وأروح".

"اليوم السابع" اقترب من المرضى لمعرفة مدى تأثرهم بإضراب الأطباء، فكان معهد الكبد أول المستشفيات التى توجهنا لها باعتباره قطاعا رسميا من قطاعات وزارة الصحة، مما يعنى عدم اشتراكه بشكل مؤسسى كمستشفى فى الإضراب، ولكن الإضراب فيه كان من خلال الأطباء العاملين به بصفتهم الشخصية، الأمر الذى أدى لتكرار مشكلة عم "عيد" مع الحاج "ناصر عطية" القادم من بنى سويف، والذى قطع كل تلك المسافة ليتلقى علاجه فى معهد الكبد، ويحصل هو الآخر على نصيبه من حقنه الإنترفيرون..

الحاج ناصر قال: " وأنا ذنبى إيه، باخد يومين فى الأسبوع أجازة، يوم ما باخد الحقنة ويوم بعدها، علشان فى يوم كامل بسافر فيه ويوم برتاح من تعب السفر ومن الحقنة، لكن اللى حصل النهاردة هيمنعنى من صرف الحقن وهيعطلنى عن شغلى"..المأساة نفسها تتكرر مع سمرة، هذا المريض البسيط الذى يطالب المسئولين بضرورة توفير دوائه كحق من حقوقه، شرط أن يحصل عليه من خلال طبيب حاصل على حقوقه هو الآخر.

أما المزارع البسيط "عبد العليم عويس"، والذى لا يمتلك سوى ما يجود به طين أرضه والفيروس الساكن فى كبده، فيأتى كل أسبوع ليحقن بالإنترفيرون هو الآخر، ورغم أنه يعيش بلا أمل فى العلاج، لكنه لا يزال يقاوم، قائلا: "المشكلة كبيرة والأطباء لهم حق فى هذا الإضراب، فلا يوجد مواطن فى مصر يحصل على كافة حقوقه بمن فيهم الأطباء، فعلى الدولة أن ترضى جميع الأطراف".

"عايزين علاجنا"، هذا ما طالب به "محمد حسين السويسى"، والذى يتردد على مركز الغسيل الكلوى التابع لمعهد الكبد، لم يفقد الأمل وظل منتظرا لساعات أمام المركز حتى يتسنى له الدخول، لعدم وجود أى تنسيق بين العمال والأطباء حول مدى مشاركتهم فى الإضراب، قائلا: "حلال ده ولا حرام، أقعد 3 ساعات فى الشارع عشان أدخل الجلسة ؟؟".. سؤال وجيه طرحه هذا المواطن البسيط، فهل هناك مسئول يملك إجابة مقنعة؟

الإضراب الذى شهد انقساما بين الأطباء حول المشاركة فيه، شهد أيضا انقساما بين المرضى فى مدى تأثرهم به، لأن أقسام الطوارئ والاستقبال، لم تتأثر مطلقا، لأنها كانت خارج إطار الإضراب، على عكس العيادات الخارجية والتى تعتبر الطاقة الحقيقية للمستشفيات..

"صباح حسين" حملت صغيرها الذى لا يتجاوز عمره الخمس سنوات إلى مستشفى الهرم، بعد أن تعرض لكسر فى ذراعه بسبب سقوطه من أعلى السلم، ولكنها وجدت الحركة متوقفة فى المستشفى تماما، وعندما سألت عن السبب، فوجئت بأن الطوارىء فقط هى التى تستقبل المرضى مع توقف العيادات، وهذا هو سبب الزحام..حمدت صباح ربها ودخلت قسم الطوارئ، والذى كان يستقبل المرضى وفق قواعد الإضراب، وأجرت لصغيرها الكشف وجبست يديه ثم خرجت من المستشفى.

ولكن الوضع اختلف مع "سعيدة عبد الوكيل"، التى جاءت إلى المستشفى لتكشف بقسم العيون دون أن تعرف شيئا عن الإضراب، ولكنها وجدت جميع عيادات الرمد لا تعمل تحت شعار الإضراب، وهو ما أصابها بحالة من الضيق قائلة: "حقى أنى أتعالج وقت ما اتعب"، الضرر الذى أصاب هذه المواطنة البسيطة، متعلقا بإحساسها بعدم حصولها على حقها فى العلاج.

هو المصدر ايه ؟

من حق المريض يتعالج يوم ما يتعب ............ وليس من حق الطبيب أن يعترض على الذل والمهانه ........ على الضرب ع الشتيمه ........ على حاله الضنك ........... على البلطجية اللي بيدخلو من قبل الثورة ويخلو الدكتور يشتغل ومطواه ف جنبه او شومة مرفوعه ادامه


لا اله الا الله .............

ربنا يخليلنا دول الخليج