الموضوع: الحوادث ..الموقف القانونى

المشاركة الأصلية كتبت بواسطة tmz9111

شكرا على الرد
أنا أقصد أنا مسلف عربيتى لواحد صاحبى مثلا و عمل هو حادثة بعربيتى و نزلو القسم من الذى سيتحمل النتائج و السيارة غير مؤمن عليها
شكرا

مين اللى غلط مش صاحبك يبقى صاحبك هو اللى حيتحمل النتائج
لكن يشترط أن يكون صاحبك معاه رخصه
لأن سماحك لشخص لا يحمل رخصه بقيادة سيارتك يرتب عليك مسئوليه نتيجه للخطأ الذى إرتكبته
إيه هو الخطأ الخطأ إنك سمحت له بقياده السياره رغم أنه لا يحمل رخصه
وما دام لا يحمل رخصه يبقى فى نظر القانون مبيعرفش يسوق
وما دام مبيعرفش يسوق وإنت إديتله السياره رغم ذلك يبقى إنت مسئول عن هذا الخطأ وما تبعه من ضرر

معلش يا أستاذ محمد ابراهيم تاعبينك معانا.
لو تتكرم حضرتك و تشرحلنا, كيف يتم تحميل المسئولية لاحدى طرفى الحادث, يعنى عربيتين خبطوا فى بعض, أنا كل اللى أعرفه انو اللى بيكون ورا هو الغلطان, طب بالنسبة للحالات الأخرى زى التقاطعات, و الطرق المزدوجة, و فى حالة قامت سيارة بقطع الطريق على أخرى. مين الى بيبقى غلطان.
و شكرا لسعة صدرك.

المشاركة الأصلية كتبت بواسطة محمد ابراهيم 1

مين اللى غلط مش صاحبك يبقى صاحبك هو اللى حيتحمل النتائج
لكن يشترط أن يكون صاحبك معاه رخصه
لأن سماحك لشخص لا يحمل رخصه بقيادة سيارتك يرتب عليك مسئوليه نتيجه للخطأ الذى إرتكبته
إيه هو الخطأ الخطأ إنك سمحت له بقياده السياره رغم أنه لا يحمل رخصه
وما دام لا يحمل رخصه يبقى فى نظر القانون مبيعرفش يسوق
وما دام مبيعرفش يسوق وإنت إديتله السياره رغم ذلك يبقى إنت مسئول عن هذا الخطأ وما تبعه من ضرر

جزاك الله كل خير

السؤال الخامس
لو شفت حادثة قدامى و الفاعل هرب اعمل ايه؟

السؤال ده إجابته بسيطه
وتتمثل فى إلتقاط رقم السياره الفاعله ومواصفتها كلما أمكن ذلك يعنى مثلا نقول ( عربيه مرسيدس 200 سوداء ونقول الطراز والوصف لها إن أمكن ورقمها كذا وأهم شىء الرقم طبعا )
ومن ثم إبلاغ شرطه النجده للحضور لأتخاذ اللازم ونقل المصاب ونحو ذلك
ثم الشهاده فى المحضر بكيفيه وقوع الحادث وإثبات رقم السياره فى المحضر
الموضوع ده حيضيع منك شويه وقت لكن لا شك إن ثوابه كبير

المشاركة الأصلية كتبت بواسطة Hisham_ElFeky

واضح ان محدش مهتم بالموضوع

بس عايز اقولوكو علي اللي حصلي امبارح وكان نفسي اكون عارف اعمل ايه يكون قانوني بس اتصرفت شبراوي من الاخر ونجحت


المهم خرجت من المرور علي الساعة ٤ وقلت هحط بنزين من موبيل بتاعت المنصه ولاقيت امين شرطة بيخبط علي الازاز وبيقولي ماشي من غير نمر واللواء شافك وبلغني اجري وراك واسحب العربية علي الدراسة والاشارة فتحت قالي طب اركن علي جنب حكايتلو الموضوع والمحضر والفيلم
قالي طب شوف انت بقا وانا ممكن ابلغ اللواء اني ملقتش العربية ...قلت امري لله حطيت ايدي في جيبي مالقتش فكه لاقيت قلتله ثواني روحت افك من البنزينة ودا "اداني وقت افكر" قلت خسرانه خسرانه المهم بديلو ٢٠ جنيه لاقيته بيوقولي انت كده بتيجي عليا يا باشا لو وديتك المرور هتدفع ١٢٠٠ جنيه ...الدم ضرب في نفوخي قلت لأ كده كفايه بقا وديني للواء بتاعك دا وقفشت

قالي خلاص يا باشا انا راضي باللي تجيبوه قلتله من الاخر مش هتاخد ولا مليم مني وانا اخدت رقم الموتوسيكل ولو ما قصرتش وودتني للواء هوديك في داهية وعيشت بصراحة في دور هشام أحمد عز...لاقيته
بيقولي خلاص يا باشا حقك عليا واتفضل الورق بتاعك اهو..واختفي من ادامي



يا رب افرجها عليا بالنمر يا رب

تصرفك صح من رأى مش عايز العشرين جنيه أنا عايز أدفع 1200 جنية مش راضى لا كدا ولا كدا إطلع بينا على الظابط بتاعك

السلام عليكم
الاخوه الاعضاء انا شايف ان الموضوع لاقى اهتمام بس فى كسل فى مشاركة الاعضاء
فلو ممكن نطور الموضوع و كل واحد حصل معاه موقف يحكية عشان الباقى ممكن يستفيد من
على فكرة انا كان هدفى من الاول فى الموضوع ده ان احنا نبطل حالة اللامبلاه اللى علية الناس عند وقوع لا قدر الله اى حادث و لو بسيط و نبطل كلام (معلش و الله يعوض عليك مش تحاسب و هو انا الل غلطان و الشتايم )
و يبقى سلوكنا فى المواقف ده حضارى يعنى كل واحد غلط يبقى عارف غلطة و يكون عارف حقة
يا ريت نكمل انا حاسس ان فى ناس و انا منهم استفاد من الموضوع
و السلام عليكم و رحمة الله و بركاتة
و كل سنة و انتم طيبين