الحوادث ..الموقف القانونى

**MMamdouh** · 03-10-2008 06:28 PM

المشاركة الأصلية كتبت بواسطة محمد ابراهيم 1

يتم التفريق بين عده حالات
شركات التأمين الإجبارى تدفع للغير المضرور فى حال الإصابه أو الوفاه فقط ولا تدفع تعويضات للتلفيات التى تحدث للمركبات
ويشترط أن تكون الرخصه ساريه وقت الحادث حتى يكون التأمين سارى من باب أولى
ويشترط أن يكون إستخدام السياره فى الغرض المخصص لها
وترجع شركه التأمين على مالك السياره أذا ثبت أن السياره كانت تستخدم فى السباقات أو أن السياره كانت تسير بسرعه تزيد عن الحد الأقصى المقرر أو فى عكس الإتجاه أو أن الحادث وقع عمدا أو أن قائد السياره كان يقودها وهو فى حاله سكر

التلفيات التى تحدث للغير يتحملها المتسبب فيها كأصل عام
طبقا للقاعده القانونيه المدنيه التى تنص على أن كل خطأ سبب ضررا للغير ألزم من إرتكبه بالتعويض
وتتحملها شركه التأمين الشامل فى حاله وجود تأمين شامل

وبناء على ما سبق فإن قائد السياره إذا كان لديه رخصه قياده ساريه فإنه يتحمل التعويض عن ما وقع منه من تلفيات للغير
كما أنه يتحمل المسئوليه الجنائيه فى حاله حدوث إصابه أو وفاه
ويتحمل المسئوليه المدنيه أيضا إذا كانت الرخصه غير ساريه

وبرضه أى إستفسار أنا فى الخدمه

طيب دلوقتى انا ليا استفسارات

1- انا خبطت واحد و توفى... و معايا رخصة سارية و مكنتش بسابق ولا مخمور ولا متخطى السرعة القانونية و المتوفى كان بيعدى من مكان لا فيه اشارات ولا مكان عبور مشاه... و قرار النيابة نص صراحة ان خطاء المجنى عليه استغرق خطا الجانى... ما هو الموقف فى المحكمة؟

2- بالنسبة للشق المدنى... كدة تتحمل شركة التامين دفع تعويض لاهل المتوفى... صح؟ هل دة مرتبط بالحكم فى الشق الجنائى؟؟؟ يعنى لو اخدت براءة فى المحكمة فى الشق الجنائى هل ممكن شركة التامين تول لاهل المتوفى ان هو اللى كان غلطان و بالتالى ميدفعوش ليهم حاجة على اساس انهم بيدفعوا تعويض لو سائق السيارة هو اللى اخطاء و كونى طلعت براءة يبقى انا مش غلطان؟؟

3- حضرتك قولت ان "التلفيات التى تحدث للغير يتحملها المتسبب فيها كأصل عام" و بالتالى لو فى حالتى دى طلعت براءة و كان الخطاء بالكامل على المجنى عليه... هل من حقى اطلب تعويض عن التلفيات اللى حصلت فى عربيتى؟؟ (انا مش حطالب حد بحاجة... اهل المتوفى اغلبب من الغلب اساسا... انا بسال لمعرفة الموقف القانونى فى الحالات دى)

MMamdouh

**D . a .\ AYMAN** · 28-10-2008 10:17 AM

ما شاء الله عليك يا محمد باشا ابراهيم
بصراحة انا عمري ماكنت هاعرف اسرد الشرح الرائع ده بالأسلوب الجميل ده
ربنا يباركلك

**D . a .\ AYMAN** · 28-10-2008 10:34 AM

المشاركة الأصلية كتبت بواسطة MMamdouh

طيب دلوقتى انا ليا استفسارات

1- انا خبطت واحد و توفى... و معايا رخصة سارية و مكنتش بسابق ولا مخمور ولا متخطى السرعة القانونية و المتوفى كان بيعدى من مكان لا فيه اشارات ولا مكان عبور مشاه... و قرار النيابة نص صراحة ان خطاء المجنى عليه استغرق خطا الجانى... ما هو الموقف فى المحكمة؟

ياباشا الحمدلله ان الموقف في المحكمة عدى على خير خلاص وأكيد انت دلوقتي عرفت ;)

المشاركة الأصلية كتبت بواسطة MMamdouh

2- بالنسبة للشق المدنى... كدة تتحمل شركة التامين دفع تعويض لاهل المتوفى... صح؟ هل دة مرتبط بالحكم فى الشق الجنائى؟؟؟ يعنى لو اخدت براءة فى المحكمة فى الشق الجنائى هل ممكن شركة التامين تول لاهل المتوفى ان هو اللى كان غلطان و بالتالى ميدفعوش ليهم حاجة على اساس انهم بيدفعوا تعويض لو سائق السيارة هو اللى اخطاء و كونى طلعت براءة يبقى انا مش غلطان؟؟

بالظبط الكلام ده صح لأن التأمين بيكون ضد خطأ السائق (مافيش خطأ مافيش تعويض) الإ إذا نصت وثيقة التأمين على غير كده لأن في النهاية ده تعاقد يخضع للشروط الوارده فيه

المشاركة الأصلية كتبت بواسطة MMamdouh

3- حضرتك قولت ان "التلفيات التى تحدث للغير يتحملها المتسبب فيها كأصل عام" و بالتالى لو فى حالتى دى طلعت براءة و كان الخطاء بالكامل على المجنى عليه... هل من حقى اطلب تعويض عن التلفيات اللى حصلت فى عربيتى؟؟ (انا مش حطالب حد بحاجة... اهل المتوفى اغلبب من الغلب اساسا... انا بسال لمعرفة الموقف القانونى فى الحالات دى)

طبعا لو الحكم انتهى الى ان المصاب هوة اللى كان مخطئ يبقى ممكن ترجع عليه أو الورثة (حسب الأحوال) وتطالب بالتعويض عن الضرر اللى أصابك

**R A N A** · 10-01-2009 04:08 AM

ايه ياجماعة الموضوع الهايل ده؟
انا اول مرة اخد بالي منه بجد موضوع جامد ومفيد جدا جدا.
بس هو ليه نام كده والناس بطلت تسأل ؟

بجد تحية كبيرة جدا لأستاذ محمد ابراهيم :k32: على سعة صدره واجاباته الهايلة ، لا وكمان بيقولها بطريقة مبسطة تخلي اي حد يفهمها سواء دارس قانون او لأ بجد احييك على اسلوب حضرتك في الرد والإستجابة لكل التساؤلات ربنا يكرمك يارب.
انا رديت مخصوص عشان الموضوع يرجع يظهر تاني في ال New Posts لباقي الأعضاء موضوع زي ده مينفعش يستخبى أكتر من كده في المواضيع القديمة خالص :k32:.

**R A N A** · 10-01-2009 04:22 AM

كان ليا سؤال بقي احب اعرف اجابته.
انا كنت مرة ماشية بالعربية ووقفت في اشارة وكنت ناوية اخد يوتيرن شمال فإديت اشارة شمال وبعدين اتحركت ومسكت شمال وهديت عند اليوتيرن وفجأة لاقيت موتوسكيل دخل في الباب الشمال عندي والنتيجة كانت ان المتوسيكل بالاتنين اللي كانوا راكبينه اتنطروا كام متر قدام العربية (وده اعتقد نتيجة ان الموتوسكيل كان عايز يعديني وكان جاي على سرعة عشان كده الخبطة كانت شديدة) وحصل في عربيتي اصابات في الباب الشمال والمرايا. المهم واحد منهم قام سليم تماما والتاني كان بيتوجع جامد (لان المتوسكيل وقع علي رجله) وكان عنده جرح صغير في دراعه والناس تدخلت ووديته المستشفي بس ناس نصحوني مدخلش معاه وخلوني امشي بالعربية وخرجوني من الموقف ومعرفتش حصله ايه بعد كده.
طبعا الموقف زي ماحكيت انا مكنتش غلطانه فيه بس وانا بنقل المصاب اخدت بالي من ناس بتتكلم مع الشخص التاني اللي كان معاه علي الموتوسيكل وماسكين موبايلات فممكن يكون بيستعين بشهود مثلا وبايخد نمرتهم ولا حاجة.

السؤال هنا لو كانوا اخدوا رقم عربيتي وبلغوا وعملوا محضر في القسم المفروض كان يحصل ايه بالضبط؟
الحادثة دي كانت من اكتر من 3 او 4 شهور مثلا ومن وقتها محصلش اي حاجة ورحت طلعت شهادة مخالفات ومالقيتش غير مخالفة واحدة (طلعت من القانون القديم ياكسر اشارة ياموبايل ياحزام امان) وبيعت كمان ومالقيتش حاجة تاني على العربية هل ده معناه انهم مبلغوش ولا ممكن يكون البلاغ هايظهر في وقت تاني؟

**محمد ابراهيم 1** · 21-03-2009 07:57 PM

المشاركة الأصلية كتبت بواسطة r A N A

كان ليا سؤال بقي احب اعرف اجابته.
انا كنت مرة ماشية بالعربية ووقفت في اشارة وكنت ناوية اخد يوتيرن شمال فإديت اشارة شمال وبعدين اتحركت ومسكت شمال وهديت عند اليوتيرن وفجأة لاقيت موتوسكيل دخل في الباب الشمال عندي والنتيجة كانت ان المتوسيكل بالاتنين اللي كانوا راكبينه اتنطروا كام متر قدام العربية (وده اعتقد نتيجة ان الموتوسكيل كان عايز يعديني وكان جاي على سرعة عشان كده الخبطة كانت شديدة) وحصل في عربيتي اصابات في الباب الشمال والمرايا. المهم واحد منهم قام سليم تماما والتاني كان بيتوجع جامد (لان المتوسكيل وقع علي رجله) وكان عنده جرح صغير في دراعه والناس تدخلت ووديته المستشفي بس ناس نصحوني مدخلش معاه وخلوني امشي بالعربية وخرجوني من الموقف ومعرفتش حصله ايه بعد كده.
طبعا الموقف زي ماحكيت انا مكنتش غلطانه فيه بس وانا بنقل المصاب اخدت بالي من ناس بتتكلم مع الشخص التاني اللي كان معاه علي الموتوسيكل وماسكين موبايلات فممكن يكون بيستعين بشهود مثلا وبايخد نمرتهم ولا حاجة.

السؤال هنا لو كانوا اخدوا رقم عربيتي وبلغوا وعملوا محضر في القسم المفروض كان يحصل ايه بالضبط؟
الحادثة دي كانت من اكتر من 3 او 4 شهور مثلا ومن وقتها محصلش اي حاجة ورحت طلعت شهادة مخالفات ومالقيتش غير مخالفة واحدة (طلعت من القانون القديم ياكسر اشارة ياموبايل ياحزام امان) وبيعت كمان ومالقيتش حاجة تاني على العربية هل ده معناه انهم مبلغوش ولا ممكن يكون البلاغ هايظهر في وقت تاني؟

أنا لسه شايف السؤال دلوقتى حالا
وأنا نازل رايح مشوار لكن أوعد حضرتك بالرد بكره إن شاء الله

**powerofhelll** · 22-03-2009 03:06 PM

بارك الله فيكم

**MMamdouh** · 22-03-2009 04:32 PM

المشاركة الأصلية كتبت بواسطة R A N A

كان ليا سؤال بقي احب اعرف اجابته.
انا كنت مرة ماشية بالعربية ووقفت في اشارة وكنت ناوية اخد يوتيرن شمال فإديت اشارة شمال وبعدين اتحركت ومسكت شمال وهديت عند اليوتيرن وفجأة لاقيت موتوسكيل دخل في الباب الشمال عندي والنتيجة كانت ان المتوسيكل بالاتنين اللي كانوا راكبينه اتنطروا كام متر قدام العربية (وده اعتقد نتيجة ان الموتوسكيل كان عايز يعديني وكان جاي على سرعة عشان كده الخبطة كانت شديدة) وحصل في عربيتي اصابات في الباب الشمال والمرايا. المهم واحد منهم قام سليم تماما والتاني كان بيتوجع جامد (لان المتوسكيل وقع علي رجله) وكان عنده جرح صغير في دراعه والناس تدخلت ووديته المستشفي بس ناس نصحوني مدخلش معاه وخلوني امشي بالعربية وخرجوني من الموقف ومعرفتش حصله ايه بعد كده.
طبعا الموقف زي ماحكيت انا مكنتش غلطانه فيه بس وانا بنقل المصاب اخدت بالي من ناس بتتكلم مع الشخص التاني اللي كان معاه علي الموتوسيكل وماسكين موبايلات فممكن يكون بيستعين بشهود مثلا وبايخد نمرتهم ولا حاجة.

السؤال هنا لو كانوا اخدوا رقم عربيتي وبلغوا وعملوا محضر في القسم المفروض كان يحصل ايه بالضبط؟
الحادثة دي كانت من اكتر من 3 او 4 شهور مثلا ومن وقتها محصلش اي حاجة ورحت طلعت شهادة مخالفات ومالقيتش غير مخالفة واحدة (طلعت من القانون القديم ياكسر اشارة ياموبايل ياحزام امان) وبيعت كمان ومالقيتش حاجة تاني على العربية هل ده معناه انهم مبلغوش ولا ممكن يكون البلاغ هايظهر في وقت تاني؟

الموتوسيكل بيعامل معاملة العربية من الناحية المرورية

يعنى هو المفروض يبقى ماشى وراكى و ميحشرش نفسة جنبك بالشكل دة

من الناحية القانونية هو اللى غلطان و من حقك ترفعى علية دعوة مدنية تطالبية بتعويض عن التلفيات اللى فى عربيتك

طبعا بتتعكس الاية لو هو اللى كان فى الشمال قدامك و انتى دخلتى من على يمينة و لفيتى عليه

MMamdouh

-

الموضوع: الحوادث ..الموقف القانونى

LinkBack

أدوات الموضوع

عرض

-

-

-

-

-

-

المواضيع المتشابهه

ايه الموقف القانونى من ابراج تقوية شبكات المحمول

افيدونى من ناحيه الوضع القانونى

مستشارك القانونى المجانى

ما هو الأجراء القانونى فى هذة الحالة

السن القانونى للرخصة

الكلمات الدلالية لهذا الموضوع

المفضلات

المفضلات

ضوابط المشاركة