نتشة في 307

**GoldenEgyption** · 19-07-2015 04:10 AM

شكرا جزيلا أستاذ أحمد أمين على ردك المهذب وترحيبك واهتمامك لحل المشكلة

بالنسبة لموضوع التبريد أنا فعلا كان عندي مشكلة في الحرارة وعملت صيانة للردياتير أكتر من مرة لغاية ماوقفت مع الراجل وهو بيمرر السيخ من كل ماسورة واتأكدت بنفسي إن الريدياتير نظيف وكمان طلمبة المياة كانت بتقلب كويس وفضلت مشكلة الحرارة لغاية مارحت توكيل أحمد عمارة وقالولي ده جوان وش سلندر هو اللي بيسبب الحرارة
وكنت بشوف الحرارة بتعدي الشرطة اللي بعد ال90 وأحيانا كانت توصل لقرب الشرطة الأخيرة اللي قبل الأحمر على طول وخاصة لو مسافر والسرعة عدت ال120
المهم رحت أغير جوان وش السلندر لقيت إن الوش نفسه فيه مشكلة وتم تغييره

موضوع إن الحرارة كانت بتزيد مع السرعة راح بعدها ولكن فضلت مشكلة إن الحرارة دايما مابين ال100 وال110 وخصوصا مع التكييف

آخر حاجة غيرت الردياتير بواحد جديد وفعلا حسيت بفرق كبير أوي أوي والحرارة أصبحت طبيعية جدا، لكن مشكلة الفتيس مازالت موجودة

فاضل من الحاجات اللي حضرتك قولتها كولر الفتيس .. انا مش عارف هو ايه ومكانه فين وازاي أكشف عنه

وأشكرك مرة أخرى على تعاونك

**م أحمد** · 20-07-2015 12:53 AM

المشاركة الأصلية كتبت بواسطة GoldenEgyption

شكرا جزيلا أستاذ أحمد أمين على ردك المهذب وترحيبك واهتمامك لحل المشكلة

بالنسبة لموضوع التبريد أنا فعلا كان عندي مشكلة في الحرارة وعملت صيانة للردياتير أكتر من مرة لغاية ماوقفت مع الراجل وهو بيمرر السيخ من كل ماسورة واتأكدت بنفسي إن الريدياتير نظيف وكمان طلمبة المياة كانت بتقلب كويس وفضلت مشكلة الحرارة لغاية مارحت توكيل أحمد عمارة وقالولي ده جوان وش سلندر هو اللي بيسبب الحرارة
وكنت بشوف الحرارة بتعدي الشرطة اللي بعد ال90 وأحيانا كانت توصل لقرب الشرطة الأخيرة اللي قبل الأحمر على طول وخاصة لو مسافر والسرعة عدت ال120
المهم رحت أغير جوان وش السلندر لقيت إن الوش نفسه فيه مشكلة وتم تغييره

موضوع إن الحرارة كانت بتزيد مع السرعة راح بعدها ولكن فضلت مشكلة إن الحرارة دايما مابين ال100 وال110 وخصوصا مع التكييف

آخر حاجة غيرت الردياتير بواحد جديد وفعلا حسيت بفرق كبير أوي أوي والحرارة أصبحت طبيعية جدا، لكن مشكلة الفتيس مازالت موجودة

فاضل من الحاجات اللي حضرتك قولتها كولر الفتيس .. انا مش عارف هو ايه ومكانه فين وازاي أكشف عنه

وأشكرك مرة أخرى على تعاونك

f

**GoldenEgyption** · 23-07-2015 06:02 PM

منتظر الرد

**blue_7** · 02-09-2015 12:06 PM

المشاركة الأصلية كتبت بواسطة GoldenEgyption

بصراحة انا جالي اكتئاب من موضوع الفتيس بالرغم من إن العربية حلوة أوي ومقتنع بيها جدا لكن مشاكل الفتيس كرهتني فيها

غيرت طقم البلوف وحطيت زيت جديد أصلي

كانت مشكلتي في الأول إن العربية وهي بارده بتقفش في الغيارات ولازم ابطلها واشغلها تاني علشان تمشي كويس والمشكلة دي راحت لما غيرت البلف

لكن ظهرت عندي مشكلة النتشة والغيارات بتتأخر أوي في الزحمة لكن لو مشيت بياعربية مشاوير قليلة أو موقفتش إشارات كتير مبتظهرش المشكلة

رحت مركز الصيانة وكشف على العربية بالكمبيوتر وقالي الضغوط مفيهاش أي مشكلة ومفيش أي إيرور .. طيب انا آخد المهندس معايا وافضل الف بيه في الزحمة علشان يشوف المشكلة ولا اعمل ايه

بصراحة فكرت جديا ابيع العربية واريح دماغي لأني زهقت بجد وخايف أسافر بالعربية في أي مكان أو أروح مشاوير بعيدة

انا شايف إن الموضوع قديم بس ياريت حد يكون عنده خبرة يفيدنا أكتر ويقولي اعمل ايه علشان اعرف العيب الحقيقي

يا جماعه انا عندي نفس مشكله النتشه فى الزحمه بين الاول و الثانى فى 301 و العربيه مش مطلعه اي error و مكملتش 30 ألف كيلو ...حد يساعدنا الله يكرمكوا