نتشة في 307

**ahmdghalwash** · 10-09-2011 02:36 AM

السلام عليكم-احب اوضح امر انه بالنسبة لفتيس ال307 وموضوع النتشه واداء الفتيس......الفتيس يتكون من 3 اقسام هامه:
قسم ميكانيكي وهو خاص بالتروس
قسم هيدروليك وهو خاص بدائرة الزيت
قسم كهرباء او الكتروني وهو يشمل الحساسات واسلاك الضفيرة
و غالبا تكون النتشه من الاتي....
لزوجة زيت الفتيس وكميته
درجة حرارة الزيت
درجة حرارة مياه التبريد(ذلك لان الفتيس مزود بمبرد لزيت الفتيس فاذا تلف تسبب في نتشه عند سخونة السيارة)
تلف احد السلونيد الداخلي للفتيس
تلف في الفالف بدي الداخلي
سدد في فلتر الفتيس
تهريب في الضغوط الداخليه
تلف الاسلاك الخاصة بالدفيرة الداخليه
تلف في مجموعة abs
تلف في وحده التحكم
تحديث لبرنامج الفتيس
عدم صلاحية الدينامو

ويمكن اذا اردتم شرح كل جزء علي حده ولكن لااريد الاطاله ...وان كان اكثر الفنيين تعودو تغير 2 سلونيد وزيت فتيس فقط ؟؟؟؟؟؟واحيانا تنجح واحيانا لايكون هذا السبب
مع العلم انه انتشر وضع زيت الماني ماركة swag بحجة انه يوضع في الالماني وله العديد من الاثار السلبيه علي المدي المتوسط (سنه) ولكن يجب ان يستعمل زيتal4الخاص بفتيس 307al4
اسف للاطالة وارجو ان اكون افدتكم بعض الشيء
احمد غلوش

**shark_3li** · 10-09-2011 02:45 AM

طبعا يا احمد باشا افدتنا بس هو كل الاعطال دي بتظهر بالكمبيوتر ولا في اعطال منها لازم تفور الفتيس عشان تقدر تحددها.

**ahmdghalwash** · 10-09-2011 03:01 AM

تحت امر حضرتك .....كل الاعطال الالكترونيه او الكهربائيه تظهر بالكمبيوتر...(طبعا الجهاز الاصلي الخاص لبيجو)
كالاتي:
1-شحن الدينامو
2-درجة حرارةالزيت للفتيس
3-اذا وجد عطل في اي حساس(حيث يظهر اسم الحساس تلقائيا)
4-الضغط داخل الفتيس(2.7bar) عند السرع الخامله ويتم زياده الضغط مع سرعة المحرك فاذا ثبت الضغط او بدء بالنزول عن 2.7 يكون في تهريب في الضغط ويتم عندها فك الفنيس
5-يتم الكشف عن فتح السلونيد الداخلي ومجموعةevs وهي عباره عن 6 صمامات صغيرة مزودة باويل رنج وتغيرها يلزم فك كرتير الزيت فقط
6-مجموعة abs
7-تلف الكنترول او تحديثه
اما تغيير الفلتر الداخلي او الكلاتشات فتحتاج فك الفتيس
وغالا اذا كان مستخدم الجهاز ماهر جدا جدا يستطيع تحديد العيب قبل الاصلاح خاصة وانه ازا لزم عمرة للفتيس فالنصيحه هو تغييره ارخص.....خاصة وان بعض المراكز تقوم بعمل عمرة للتغلب علي كل الاعراض ويكون العيب في حساس فقط
اسف للاطاله وارجو ان اكون افدت حضرتك مع اني بحاول اختصر الا لو في بند محتاج شرحه مفصل تحت امرك
م احمد غلوش

**shark_3li** · 10-09-2011 10:54 PM

ألف شكر ليك يا باشمهندس احمد
هو حضرتك شغال في صيانة البيجو فالتوكيل أو مركز خدمة لأن واضح من خبرتك إنها مش هواية
ولو كده حضرتك ممكن تقولنا أنهي فرع

**amadjoo** · 12-09-2011 01:33 AM

كلام كبير وهام وأرجو منك لو كنت شغال فمركز خدمة أو توكيل تقولنا فين أو تنصحنا بمكان يكون فيه ناس بتفهم وعندها ضمير

تحياتى لك وشكرا على التعاون

**ahmdghalwash** · 15-09-2011 01:37 AM

حضرتك انا تحت امرك في اي مساعده وممكن تختار اي مركز خدمه معتمد والنصيحة انك تتعامل دايما مع مدير المركز...وذا حضرتك حابب انك تقوليالعيب قبل متروح ممكن اساعدك.....

**kekokelany** · 29-09-2011 09:42 AM

طب يا جماعه انا النتشه دي عندي بتظهر و العربيه بارده وبتبدأ تقل لما العربيه تبدا تسخن ومش عارف السبب في ايه ولما روحت كشفت عليها عند مودرن سيرفس قالي الضغوط سليمه ولو الفتيس كان محتاج بلوف كان ظهر فمش عارف ممكن يكون السبب ايه وبرده لما اسيب رجلي مره واحده من على البنزين بلاقي العربيه زي ما تكون اتخطفت كده لورا فدي تبقى قواعد ماتور ولا فتيس ولا ايه بالظبط ؟؟؟

**A.Lotfy** · 29-09-2011 01:11 PM

المشاركة الأصلية كتبت بواسطة kekokelany

طب يا جماعه انا النتشه دي عندي بتظهر و العربيه بارده وبتبدأ تقل لما العربيه تبدا تسخن ومش عارف السبب في ايه ولما روحت كشفت عليها عند مودرن سيرفس قالي الضغوط سليمه ولو الفتيس كان محتاج بلوف كان ظهر فمش عارف ممكن يكون السبب ايه وبرده لما اسيب رجلي مره واحده من على البنزين بلاقي العربيه زي ما تكون اتخطفت كده لورا فدي تبقى قواعد ماتور ولا فتيس ولا ايه بالظبط ؟؟؟

الخطفة دي ساعات تحصل عندي وعاملة زي قاعدة الموتور كده ... بس لسه مش عارف دي ايه

**nodey** · 29-09-2011 02:01 PM

بس ياباشا انا معي رينو كليو جير اتو ماتك وكان بيها نفس العيب اللي بتقول علية هتقول وايه علاقةجير الرينو بالبيجو هقولك هو نفسه الجير في البيجو بيأخذ اسم AL4 وفي الرينو يأخذ اسم DP0
العيب ده موجود في الجيرات دي وبيكون علي شكل نتشه كدا لما العربية تكون باردة
حلها ان مجموعة الفالفات تتفك وتغير 2 سلونيد مع تغيير الزيت وسلامتك
وده رابط الموضوع اتطلع عليه
http://www.nilemotors.net/Nile/219963-307sw.html

**kekokelany** · 29-09-2011 02:49 PM

المشاركة الأصلية كتبت بواسطة nodey

بس ياباشا انا معي رينو كليو جير اتو ماتك وكان بيها نفس العيب اللي بتقول علية هتقول وايه علاقةجير الرينو بالبيجو هقولك هو نفسه الجير في البيجو بيأخذ اسم al4 وفي الرينو يأخذ اسم dp0
العيب ده موجود في الجيرات دي وبيكون علي شكل نتشه كدا لما العربية تكون باردة
حلها ان مجموعة الفالفات تتفك وتغير 2 سلونيد مع تغيير الزيت وسلامتك
وده رابط الموضوع اتطلع عليه
http://www.nilemotors.net/nile/219963-307sw.html

ايوا مش دول هما البلوف بتاعت الضغط لما روحت لمودرن سيرفس قلتله عليهم قالي دول لو فيهم حاجه كانو بانو في الكمبيوتر فنا مش عارف اعمل ايه وهل لو فعلا غيرت البلوف والزيت خلاص الفتيس هيتظبط ومش هيرجع يعملها تاني ولا هيبقى ليه فتره معينه وترجع (يعني يكون عيب في الفتيس نفسه) مع العلم ان اكتر حاجه زهقتني من العربيه فعلا اني مش لاقي حد فاهم فيها حتى مراكز الصيانه مع احترامي الكامل ليهم ,,,, ومعلش انا عايز اسالك لما كانت المشكله عندك برده كانت بتعمل نفس موضوع لما تشيل رجلك مره واحده من البنزين تعمل الخطفه دي معاك ولا دي مالهاش دعوى ومعلش انا تاعبك معايا بس والله العظيم انا نفسي متضايق جدا وتقريبا هبيع العربيه عشان كده