الموضوع: نتشة في 307

المشاركة الأصلية كتبت بواسطة goldenegyption

بصراحة انا جالي اكتئاب من موضوع الفتيس بالرغم من إن العربية حلوة أوي ومقتنع بيها جدا لكن مشاكل الفتيس كرهتني فيها

غيرت طقم البلوف وحطيت زيت جديد أصلي

كانت مشكلتي في الأول إن العربية وهي بارده بتقفش في الغيارات ولازم ابطلها واشغلها تاني علشان تمشي كويس والمشكلة دي راحت لما غيرت البلف

لكن ظهرت عندي مشكلة النتشة والغيارات بتتأخر أوي في الزحمة لكن لو مشيت بياعربية مشاوير قليلة أو موقفتش إشارات كتير مبتظهرش المشكلة

رحت مركز الصيانة وكشف على العربية بالكمبيوتر وقالي الضغوط مفيهاش أي مشكلة ومفيش أي إيرور .. طيب انا آخد المهندس معايا وافضل الف بيه في الزحمة علشان يشوف المشكلة ولا اعمل ايه

بصراحة فكرت جديا ابيع العربية واريح دماغي لأني زهقت بجد وخايف أسافر بالعربية في أي مكان أو أروح مشاوير بعيدة

انا شايف إن الموضوع قديم بس ياريت حد يكون عنده خبرة يفيدنا أكتر ويقولي اعمل ايه علشان اعرف العيب الحقيقي

مبدئياً أهلاً بيك وكل سنة وانت طيب

مشكلتك من وصفك واضحة جداً انها مشكلة في الحرارة
ولما الحرارة بتزيد دا بيأثر علي اداء الفتيس سواء بتاخير النقلات او نقل الغيارات مع نتشة محسوسة غير مريحة او رزعة علي حسب حالة الفتيس والزيت بتاعه ودرجة الحرارة وحالة القواعد

دلوقتي عشان تشخص مشكلتك صح لازم تبدأ بالحاجات الاسهل والاوفر الاول قبل ما تبدأ بالحاجات الكبيرة وان شاء الله مشكلتك سهلة وتتحل

اول حاجة هتراجع علي دورة التبريد لان الفتيس بيتبرد من دورة تبريد العربية
ودا عن طريق الكشف علي المية ناقصة ولا لأ وحالة المية فيها صدأ ولا لأ واذا كان فيها ماء تبريد احمر ولا مية حنفيه
بعد كدا حالة الرادياتير والمروحة
بعد كدا كولر الفتيس اللي بيبرد الفتيس

هما دول اول تلات حاجات تبدأ بيهم
ولو احتجت اي مساعدة في الحاجات دي اكتب لنا وهنوجهك للصح ان شاء الله