الموضوع: تعالوا نعرف ازاي نفسر رموز الكاوتش

المشاركة الأصلية كتبت بواسطة shadowghost

الف شكر علي ردك وانا شفت الموضوع التاني ومجهود ممتاز منك
المشكلة بس اني ناوي اجنط وكنت عاوز اعرف اي حاجة عن الجنوط لاني سمعت ان في الومنيوم وفي كروم وفيبر كروم غبر الاشكال كمان
يا رب الاقي حاجة تفهمني قبل الشراء عشان بس متدبس واشتري اي حاجة والسلام

طب مقاس الجنط عندك كام و ناوي تجيب ايه
بس عامة لو عايزتجيب مقاس اكبر من الحالي مفضلش عشان العفشة متبوظش
و لو هتجيب متجبش صيني لأن الصيني من نقرة او حفرة جامدة هتنزل تلاقيه في الارض
فلو هتجيب جيب ماركة كويسة و صناعة كويسة و نفس المقاس عندك

بالنسبة حوار جنوط كروم و حديد و القصة ديه
انساها عشان متزعلش بعد كده
الحديد او العادي بيستحمل و بيعيش و لو اتعوج بيتعدل عيوبه الشكل التقليدي و الوزن التقيل و بيسخن
الكروم شكله احلي و وزنه خفيف و مش بيتأثر بالحرارة زي الحديد لكن مش هيترصص لو اترصص الترصيص مش تمام و لو اتكسر او حصله حاجة انساه

المشاركة الأصلية كتبت بواسطة shadowghost

متشكر علي ردك الجميل وفعلا نبهتني لكام نقطة مهمة وبارك الله فيك
انا معايا دايو لانوس وراكب فيها حاليا جنط 13 وناوي اجنط 15 ولما سالت في المنتدي قالوا مفيش مشكلة وبخصوص الكاوتش ينفع اركب r15/195/50 او r15/205/50 واحتمال اركب المقاس التاني بس برضه نبهوني ان الجنط ميكونش اتقل من اللي قبله عشان العفشة ، وبعد ما استقريت علي المقاس والكاوتش بعد عناء طلعتلي مشكلة الجنط عشان مش عارف اجيب ايه لاني محتاج حاجة نضيفة تستجمل وفي تفس الوقت مبوظش العفشة ، انا عربيتي موديل 2002 مش عارف بقه الجنط الجديدهيببقي عادي ولا العربية كده تعبت ومينفعش الجنط ده
يا ريت تساعدني يا باشا
شكرا
ضياء

بص هو مفيهاش حاجة انك تكبر لغاية 15 مش اكتر مع طبعا مراعاة وزن الجنط لكن الكلام ده لو في شواره متسفلتة و تمام انما كشوارعنا احنا العفشة هتبوظ ببب الجنط الكبيرو لاحظ ان فيه ناس ركبت جنوط اكبر و كانت بتحط و ليلة سودا
فعشان مضحكش عليك و اشيل ذنب الي هيحصل للعفشة هقولك بلاش تكبر و خليك في نفس المقاس
ع ما اتذكر المقاس عندك الاصلي 175 / 70 / 13 فممكن تشوف حاجة 185 / 70 / 13 او 185 / 75 / 13
المهم برده ميحكش و انت بتلف الدريكسيون و طبعا اعرض فهيديك ثبات احسن طبعا و ميأثرش ع العفشة و تبقي نفس المقاس و الكاوتش بقي اكبر كأنك مركب الـ15 اخدت بالك من الفكرة

المشاركة الأصلية كتبت بواسطة shadowghost

الف شكر علي الاهتمام والرد عليا يا باشا انت فعلا برنس
بس انت دلوقتني وقعتني في حيرة كبيرة بعد ما الشباب قالوا ينفع انت قلتلي ان الموضوع ده عاوز اسفلت وبس لكن في طرقنا مينفعش ، طيب ممكن لركب مقاس 185/60/r14 علي الجنط 13 اللي عندي لو الوفست بتاعه كبير ولا مينفعش خالص ولازم احط جنط 14 عشان الكاوتش ده
شكرا مرة تانية علي المتابعة

اعذرني ع التأخير في الرد
لأ لازم المقاس ع الجنط فزي مقولتلك لو بتبص للشكل و ثبات شوية جيب كاوتش اعرض شوية
انا عندي المقاس الاصلي برده 13\55\155 جيبت 13\65\165 اداني شكل زي الـ14 لدرجة ناس معندهمش خبرة اوي بقوا يتخموا لأنه بقي اعلي في الارتفاع و في نفس الوقت ثبات زاد شوية لأنه اعرض :)