رابطة حائزى فلوينس سيدان و ميجان هاتش باك 3 --مشاركات 2011

**bukla** · 22-10-2011 10:48 AM

المشاركة الأصلية كتبت بواسطة ahmadm

انا عارف انى تعبك معاية يا استاذ بوكلا بالتفاصيل بتاعتى :) للاسف انا فى دماغى كذا عربية و عمال احاول احصر هم فى اقل عدد ممكن المهم استحملنى شوية وربنة يجازيك خير على علمك الذى لا تبخل بة علينا فى اى وقت

يا باشا لا تعب ولا حاجه اسأل زى ما انت عايز
الفكره من انشاء الرابطه دى انها تكون انسب مكان لأى عضو سواء كان مالك ليها او بيفكر فى امتلاكها و بيقارن بينها و بين عربيات ثانيه و عايز يعرف اى معلومه عن العربيه
و تمنياتى لك ان ربنا يلهمك الصواب و يوفقك فى اختيارك ان شاء الله

المشاركة الأصلية كتبت بواسطة tarek_rcc

الاستاذ/ بوكلا دة زعيم الفلوينسين وما بيبخلش بمعلومة على حد .... الله يجزاه خير ويجعله بميزان حسناته

حبيبى اشكرك على كلامك الجميل ده انت منورنا و مشرفنا
كنت عاوز اسألك صحيح هو انت بعت الفلوينس لما اشتريت السيراتو (ربنا يباركلك فيها) و لا لسه محتفظ بيها
ولوكنت مابعتهاش ابقى قول لنا العربيه عامله معاك ايه
ربنا يحفظك من كل شر و يباركلك فيهم ان شاء الله

**amrelserw** · 24-10-2011 01:42 PM

يا فلونسية
حد عمل صيانة ال 30000 كم و بى كام

**bukla** · 24-10-2011 01:59 PM

المشاركة الأصلية كتبت بواسطة amrelserw

يا فلونسية
حد عمل صيانة ال 30000 كم و بى كام

اخى الكريم ده ردى على استفسارك فى موضوع اسعار قطع الغيار و الصيانه للفلوينس

المشاركة الأصلية كتبت بواسطة bukla

اخى العزيز كما هو مكتوب فى الجريده قيمتها 479 جنيه
عموما انا فاضل لى حوالى 1600 كيلو و اكمل ال 30 الف و ان شاء لما اعمل الصيانه حبقى اعمل عنها تقرير فى الرابطه بتكلفتها و كل مافيها

**alexawy** · 27-10-2011 01:37 PM

هايل يا باشا والله

**alexawy** · 27-10-2011 01:58 PM

معلش يا بوكلا باشا كمان سؤال ..بنزين 92 شغال بكفاءة مع الفلوانس ولا ايه اصل 95 دا عالى اوى

**bukla** · 27-10-2011 08:51 PM

المشاركة الأصلية كتبت بواسطة alexawy

معلش يا بوكلا باشا كمان سؤال ..بنزين 92 شغال بكفاءة مع الفلوانس ولا ايه اصل 95 دا عالى اوى

اسأل زى ما انت عايز
شوف انا حكون صريح معاك انا شخصيا باستعمل 95 من يوم ما استلمت العربيه لغاية وقتنا هذا و الحمد الله ماعنديش مشاكل
ده مش معناه انك لازم تستعمل 95 لان فيه اخوه اعضاء بيستعملوا 92 من غير مشاكل لكن برضه للاسف فى اخوه اعضاء بيستعملوا 92 حصلهم مشكله مؤشر البنزين و هى انه بيعطى قراءه غير صحيحه لكمية البنزين اللى فى التانك و التوكيل بيعالجها بسهوله و ده سببه ان كثير من محطات البنزين العاملين فيها ماعندهمش ضمير و بيغشوا فى البنزين و ده السبب اللى مخلينى استعمل ال 95 لكن لو عارف محطه عندك شويه ثقه فيهم ممكن تستعمل 92 من غير مشاكل ان شاء الله

**engtmk** · 28-10-2011 12:24 AM

المشاركة الأصلية كتبت بواسطة bukla

اسأل زى ما انت عايز
شوف انا حكون صريح معاك انا شخصيا باستعمل 95 من يوم ما استلمت العربيه لغاية وقتنا هذا و الحمد الله ماعنديش مشاكل
ده مش معناه انك لازم تستعمل 95 لان فيه اخوه اعضاء بيستعملوا 92 من غير مشاكل لكن برضه للاسف فى اخوه اعضاء بيستعملوا 92 حصلهم مشكله مؤشر البنزين و هى انه بيعطى قراءه غير صحيحه لكمية البنزين اللى فى التانك و التوكيل بيعالجها بسهوله و ده سببه ان كثير من محطات البنزين العاملين فيها ماعندهمش ضمير و بيغشوا فى البنزين و ده السبب اللى مخلينى استعمل ال 95 لكن لو عارف محطه عندك شويه ثقه فيهم ممكن تستعمل 92 من غير مشاكل ان شاء الله

العربيه بتاعتي مكملتش شهرين وعداد البنزين بيخرف بمعني الكلمه.

شكلي هاروح التوكيل لاني حاسس ان العربيه فيها مشكله.

وفيه حاجه تانيه لما اجي امشي بالعربيه دلوقتي وتكون لسه بارده يعني مؤشر الحراره موصلش لاخره
بحس بنتشه في النقلات واضحه جدا. بتختفي لما العربيه تسخن ده ممكن يكون من ايه