عربية محترمة جدا ولو حالتها كويسة هتعمل فوق 35 الف
استاذ صبحى
مش قصة الموضوع بتاعى و بتاعك و تقبل منى كلامى على صدر رحب
الموضوع هنا انى احنا كلنا فى قسم واحد و بيتوجب علينا مساعدة بعض
اما إختلاف وجهات النظر لايفسد للود قضيه
انتا لك رايك و انتا شايف انى انتا صح
و انا شايف راى و انا من وجهة نظرى صح
بس معناه انى مختلفين فى الاراء يبقى مش موضوعى و موضوعك
تقبل منى اعتراضى على الجزئية المذكورة بصدر رحب
و بالتوفيق ان شاء الله
السلام عليكم
اذا سمحتم يا جماعة انا معايا فيليشيا 98 و كان عندى مشكلة فى العدادات، عداد الحرارة وعداد البنزين كانوا بيدوا قرايات غلط خالص و اول ما أدور العربية يفضلوا يطلعوا و ينزلوا ، المهم فى واحد قاللى دا عيب "اى سى عداد" و نصحنى اروح التوفيقية او وكالة البلح (أنا من السويس). أنا جربت أغير سعة الحرارة و عوامة البنزين لقيت العدادات اشتغلت كويس لمدة اسبوع مثلا بعد كده الموضوع رجع زى الاول تانى،، ده غير إن فى شوية لمض فى العدادات مش شغالة أو لازم أخبط عليها علشان تشتغل كذلك عداد السرعة ساعات بيريح فبخبط عليه بيشتغل تانى.... فهل فى حل يا جماعة للموضوع ده ؟؟
عداد الحرارة يهيس فى حالة ان الترموستات المروحة مش مظبوطة وبالنسبة لعداد البنزين لو مش شغال خالص او بيهيس هتبقى مشكلة عوامة البنزين وخلى بالك ان عوامة البنزين الموجودة فالسوق صينى ومش بتعيش وبالنسبة للمبات لوحة العدادات كنت عامل موضوع ازاى تغير اللمبات المحروقة وكمان اللمبة اللى بتبقى مهزوزة وحلها هحاول ادور لك على موضوع تغيير اللمبات وابعتلك لينك ليه
السلام عليكم
انا جبت عوامة بنزين فيكا لسكودا فيلشيا 1997
و عايز اعرف توصيل السلوك بس و انا عندى 3 سلوك فقط
الف شكر ياباشا
شوف الموضوع ده هيفيدك
http://www.nilemotors.net/Nile/351949-a.html
انا عايز اعرف الطرف الرابع الى فى العوامة و مش علية لون اوصلة باية ؟؟؟؟؟؟؟؟؟؟؟؟؟؟؟؟؟؟؟؟؟
السلام عليكم جميعا كل اعضاء واصحاب الساحره فلشيا وبالاخص البشمهندس احمد
اسمى محمد فتحى وبما انكم كلكم انشاء الله هتبقى اصحابى يبقى تقولولو يا فتحى زى اعز صحابى ما بيقولولى
انا عايز اقول انى بقالى تقريبا 3 ايام بقرى فى الصفح 43 صفحه يا ناس بس بجد اتعلمت حجات كتير منكم كلكم فبشكركم وانشاء الله افيدكم زى ما بتفيدونى
ونبدأ على بركه الله
اولا اسعار شويه حجات
علبه دركسيون كورى (اونطه صينى يعنى) 350جنيه (سيئه جدا )الاصلى 800جنيه التوفيقيه
كبالن اصلى خارجى 380 جنيه بردو التوفيقيه
صباع حراره الى بيبقى راكب فى الكوعه بتاعه الميه 85 الله اعلم صناعه ايه
تيل فرامل صينى 40 جنيه تيل فرامل كورى(كداب وبيصفر وبيعمل فرح )70جنيه (الصينى برقبته بس بيتاكل بسرعه)
مارش استيراد بالتركيب(بتاع مرسيدس اصلا) 380 جنيه من عند كهربائى اسمه طلعت فى احمد سعيد (حراق جدا بس بيفهم)
طرمبه زيت ماتور 65 من المعادى +جوان ب 5 جنيه
ساعه الزيت 20جنيه
وش التقسيمه استيراد نمن السبتيه (رمضان اسكودا) 100جنيه فاصل معاه لغايه ما تجيب اخره متسبوش فى حاله
كربيراتير استيراد بردو من عند رمضان اسكودا 700( شكلى لبست فلوس كتيره اوى فيه الله اعلم)
دراع النور بتاع العالى والواطى والاشارات 80جنيه التوفيقيه
2 كتاوت نور 50جنيه مش عارف منين الكهربائى الى جابهم
اويل سيل كرنك خلفى 20 جنيه
بيض مقصات 90
جلب مقصات 90
دى شويه حجات ويا رب اكون افدتكم بحاجه
السلام عليكم جميعا
من فضلكو كنت عايز اعرف معلومه ايه علاقه مؤشر الحراره بترموستات المروحه على اد معلوماتى ان فى كوعه الياه راكب فيها صباع حراره بيبقى تقريبا فبر فى الفلشيا 97 ونحاس فى الموديلات الى قبل كدا وترموستات المروحه دى مش بتبقى راكبه فى الرديراتير ولا مفيش حاجه فى الرديراتير والترموستات دى هيه الى راكبه فى الكوعه اسف للاطاله وبرجاء الرد لانى عندى المشكله بتاعه مؤشر الحراره بيفضل يطلع لغايه ما يوصل للاخر ويثبت على كدا
معلش سؤال تانى انا فكيت العدادات قبل ما تحصل عندى مشكله مؤشر الحراره لان المؤشر مكنش شغال اصلا و لقيت صموله لونها اصفر صغيره راكبه ورا عداد الحراره فكتها وربطها تانى بس مقرطش عليها اوى ومن ساعتها ابتدى يشتغل المؤشر بس زى ما قولت بيطلع لغايه الاخر ويثبت
طولت اوى بس غصب عنى كنت عايز اوصل الصوره كامله
مؤشر الحرارة اللى فى الطابلوة بياخد القراية من صباع الحرارة اللى عند الكوعة ولوشيلت الفيشة اللى راكبة على صباع الحرارة هتلاقى المؤشر بتاع الحرارة نزل للاخر كده عرفنا مؤشر الحرارة وشغله بيعتمد على صباع الحرارة نيجى لترموستات الردياتير ودى كل وظيفتها تدى امر للمروحة بانها تشتغل وتفصل حل المشكلة عندك فى صباع الحرارة لانه شكله بيهيس
الحمد لله اكتشفت المشكله كانت فى العداد نفسه لانى جبت صباع حراره جديد كان بيدى قريات غلط بردو اشتريت عداد استيراد 250جنيه من التوفيقيه رمضان اسكودا وصباع الحراره القديم طلع شغال الحمد لله والحمد لله المشكله اتحلت
معلومه للخوه بردو انا اشتريت الفبره الى بتبقى تحت الكاسيت وبتبقى طالع من وسطها عصايه الفتيس بردو من نفس المكان 250 جنيه
معلومه كمان الكربيراتير استيراد 750
وممكن اضيف ربدو شويه اسعار جديده
سعر الطنابير ايطالى 250
موبينه 125
مشط الكترونى 95
تيل فرامل ايطالى 60
ويا رب اكون بفيدكم بحاجه
السلام عليكم جميعا
انهردا حبيت اتكلم معاكو عن موضوع يمكن يفيد البعض إن شاء الله
صوت تصفير عند الضغط على الفرامل او فى عدم الضغط بعد كام كبسه فرامل غالبا بيكون من التيل وده المعروف
اما الى اكتشفتو بفضل الله حاجه جديده ولو فى غلط ممكن ترجعونى
صوت التصفير بيرجع لعده اسباب
1 نوعيه التيل سيئه
2 تأكل فى الطنابير
3خطىء فى التركيب وبكون ان المستر مش عايز يفتح مع الميكانيكى فبيفك مسمار الى بيتاخد منه هوا وبينزل منه شويه زيت والتيل يفتح يركب التيل وياخد هوا من المستر الى فكه وبعد كدا تلاحظ سيتك ان عندك عجله بتقفش قبل عجله
4 المستر نفسه مفهوش انسيابيه بمعنى انه بيقفل ومش بيرجع تانى لوضعه الطبيعى وده بيسبب تأكل التيل والطنابير
5 مشكله فى توزيع الزيت بتاع الفرامل من المستر الرئيسى او السرفو
6 خراطيم ومواسير زيت الفرامل ممكن يكون فيها انسداد نسبى لان لو مسدوده خالص العربيه مش هتفرمل اصلا
يا رب اكون افدتكم انهردا بحاجه
اصدقائى اصحاب الفلشيا
افتكرت حاجه وكنت عايز اخد رأيكم فيها
بالنسبه لعلبه الدركسيون استيراد ولا جديد مع العلم ان الاستيراد 300 وده قبل الفصال اما الجديده 800 وبيقولو عليها الاصلى فى التوفيقيه وهل الاستيراد هتعيش ولا انا وحظى
شكرا للجميع ومستنى رأى البشمهندس احمد خاصه
الاستيراد هتكون اصليه اشتريها على التجربة من البائع
يعنى لو ماشتغلتش كويس ترجعها فى خلال اسبوع من الشراء
ممكن تجيبها ب 200 او 250 جنية لانك لازم تفاصل فى الاستيراد
الف شكر للرد السريع وربنا يبارك فيك
استفسار صغير
عند شراء علبه الدركسيون مستعمله بمسك البارتين واحركهم للداخل والخارج كل باره على حدى اذا كان فيهم بوش تبقى مش كويسه والعكس
هل فى حاجه تانيه اعرف منها غير طبعا انى اشوف المشرشر سليم ولا لا مع البارتين
سلام عليكم جميعا
انا شايف انهردا لسه محدش دخل بس انا قولت اصبح عليكو وابقى اول واحد
احكلكو انهردا تجربتى مع علبه الدركسيون الصينى
جبت علبه دركسيون صينى يوم 3/8/2013 بسعر 350 جنيه من التوفيقيه المهم روحت للميكانيكى فك القديمه وبعدين هيركب على طول
قولت طب يا عم اكبسها شحم خد البوش قالى لا هيه فيها الشحم بتعها وبعدين العلبه جديده اخدلها بوش
اخوكم صدق طبعا وركب يا عم العلبه فى 1/11/2013 كنت عند بتاع العفشه بطمن لانى سامع صوت تخبيط قالى العلبه دى انتا لسه مغيرها قولت بقالها شهرين او اقل قالى العلبه دى بايظه يا هندسه انا هكبسها شحم واخد البوش وهتبقى كويسه
قولت ماش اشتغل اشتغلت بالظبط عشرين يوم وشكرا بتقولى غيرنى بقى ماشيه تخبط وعامله فرح بالنسبالى
ودى تجربتى مع علبه الدركسيون الصينى
وصباح الفل عليكم جميعا
الف شكر لسرعه الرد بس باشا اللينك مش شغال بتاع نصايح شراء عربيه مستعمله
انت لو كنت سألت من الاول كنا قلنالك المفيد ومكنتش فلوسك اترمت على الارض بس فى الاول والاخر قدر الله ماشاء فعل
طيب استفسار وادينى بسأل علبه الدركسيون الاستيراد اكشف عليها ازاى انا سألت ومحدش رد وادينى بسأل تانى وارجوكم عايز رقم البشمهندس احمد
يا قوم اغيثونا
انا لسه جى من عند الميكانيكى وقالى العربيه عايزه طقم شنبر وخراط وجوانات وحبشتكنات وتكلفه الحاجه الى هشتريها حوالى 800 جنيه ده غير المصنعيه
بالنسبه لموضوع الجوانات انا عارف انها عايزه جوانات كذا مكنيكى قالى كدا بس يا جماعه موضوع الجونات ده مجدى ولا اى كلام واشترى موتور ولا اسمع كلام الميكانيكى
ارجوكم ردو عليا كلكم لانى بجد مش عارف اعمل ايه عايز استفيد من اراء جميع الفلاشياويه
وارجوكم رقم البشمهندس احمد منسق المنتدى بجد محتاج النصيحه منه ومنكم
الف شكر يا استاز منسى وانتا فعلا مش منسى انتا فى القلب يا كبير وبجد والله انتا راجل محترم ومش عارف اشكرك على ردودك دى ازاى ربنا يبارك فيك ويجزيك خير ويرزقك خير الدنيا والاخره