السلام عليكم
أنا عندى فليشيا 95
بقالها معايا 4 شهور - لا تزيد سرعتها عن 110 كيلوا/ساعه
لو حد يعرف السبب ياريت يقلى
لأن فى حد قالى ده قدره الماتور وده قلقنى أوى ..........
السلام عليكم
أنا عندى فليشيا 95
بقالها معايا 4 شهور - لا تزيد سرعتها عن 110 كيلوا/ساعه
لو حد يعرف السبب ياريت يقلى
لأن فى حد قالى ده قدره الماتور وده قلقنى أوى ..........
السلام عليكم
فليشيا 97 كومبى مشكلتها المطلعايه الجامده لو هديت السرعه فى نص المطلع ( سلانسيه ) العربيه متطلعش ابداً وتكركر ولازم ارجع بظهرى لاول المطلع واطلع بسرعه
نفس المشكله لو وقفت والكاوتش لازق امام مطب عالى معرفش اطلعه الا بصعوبه وبكركره جامده
غيرت بوجيهات ومفيش فايده
الميكانيكى قال لى ده عيب اسبراتير خلعته ورحت لواحد بتاع استعمال قال لى الاسبراتير بتاعك حلو حرام تغيره ،
افيدونى افادكم الله على الحل
:Copy of majd(4):
السلام عليكم جميعا عندي مشكلة يا جماعة في الفتيس ساعدوني الله يباركلكم العربية فليشيا 97 ، الفتيس سايب اوي وبيروح يمين وشمال وبيحجر ويعض في الغيار الاول وكمان بيلغبط في المارشدير شوفت مشاركة هنا في الموقع بيحكي نفس المشكلة وكان حلها انه مسمار اللي ماسك جلبة الفتيس سايب وبيتربط عليه ويبقي تمام ، روحت للميكانيكي رفع العربية ونام تحتها شويه طلع قالي المشكلة عندك ان الماسورة علي برشام مش مسمار وصامولة نقدر نحل ونربط وحلها بدل ما نحل الفتيس خالص وده معناه اننا نحل الموتور هنعمل حاجة نختصر بيها المشكلة دي جنبه واحد بتاع لحام كهرباء وعنده بير ، قالي هندخلها علي البير عنده ونفك المسورة دي بشنيور وبعدين نربطها بمسمار ، بصراحة مش مستريح للحل ده ، ياريت ياجماعة اللي عنده سابق خبرة بالموضع ده وعنده حل للمشكلة دي يفيدني الله يخليكم
السلام عليكم . عندي مشكله في الفيليشيا 95 وهي اني بعد ما اقفل الكونتاك الموتور بيفضل شغال شويه مع العلم ان العربيه مبتسخنش وكهربتها مضبوطه بس لما بوطي السلانسيه شويه الحركه دي بتخف شويه .. الميكانيكي بعد ما احتار فيها قالي ممكن يكون المشط الالكتروني مع العلم العربيه شغاله كويس ومبتنتش وفيه ميكانيكي تاني قالي المشط ملهوش دعوه وقالي وش السلندر عايز يتحل ويتكشف عليه ممكن يكون فيه حاجه جوه !!! مع ان الموتور حالته كويسه جدا ياريت تفيدوني انا خايف اغير المشط تكون المشكله مش فيه
و عليكم السلام
الموضوع سهل و بسيط
و هى مشكلة كهرباء فقط
و له وش سليندر و له اى حاجة
بس انتا متاكد انى الكهربا مظبوطة مش عالية و
عاوزك بس تعمل حاجة بسيطة هتفتح علبة الفيوزات تحت التابلوه هتلاقى كتاوت شكلها مربع و لونها اسود فك واحده واحده اخبطها خبطه خفيفة كدة و رجعها تانى و جرب و دور لو كدة يبقى فى كتاوت عندك كسلان و عاوز يتغير جرب كدة و متابع معاك
انا نزلت وطيت الكهرباء بتاع السبراتير شويه كمان مع انها مظبوطه مش عاليه ولا حاجه وخلعت الكتاوت كلها في علبة الفيوزات وخبطت عليهم وركبتهم تاني ودورت وبطلت نفس الحكايه فيه رده في تبطيل العربيه واوقات كتير بتحصل والعربيه بارده مع العلم ان عربيتي اخرها في الحراره 90 يعني الحمد لله مبتسخنش .. بس انا عايز اعرف ايه علاقة الكتاوت بالحركه دي انا لا حظت ان الكتاوت الكبير الي مكتوب عليه 18 بيسخن.. بس بتهيألي دا امر طبيعي ملوش علاقه بموضوعنا.. على فكره العربيه بقالها يومين مركونه يعني بارده ومع ذلك عملت الحركه دي .. بقالي اكتر من شهر ونص الحركه دي هتجنني ومحدش عارف يوصلها.. مع ان الميكانيكي بتاعي راجل محترم جدا وشاطر ..
كهربه الكونتاك عندك على كتاوت فالمقصود ان ممكن ان الكتاوت لما بتقفل الكونتاك مابتقطعش الكهرباء عن الموتور فيفضل شغال شوية بس ده حيخلى الأشارات تفضل شغاله هى كمان لو الكتاوت معلق
هل حضرتك بتفول بنزين 80 ؟؟
علشان لو بتفول بنزين 80 ووش السلندر عند كان مقشوط قبل كده ومتركب ليه جوان واحد والبساتم عندك نوعها اوروبى فلات فالموتور جيعمل الرجه دى قبل مايبطل
!!
كلام معقول استاذ وليد انا فعلا بمون بنزين 80 بس انا شاري العربيه من حوالي 4 شهور وكان صاحبها بيمون 90 وضبطت الكهربه ونضفت الكربراتير اما الموتور استيراد متسقط من حوالي سنه يعني مش مقشوط على كلام صاحبها .. ولو الكلام الي حضرتك بتقوله دا سليم اعالج الموضوع ازاي .. لو حليت الوش وحطيت اتنين جوان ولا اعمل ايه .. وبالنسبه للكتاوت اعرف ازاي كتاوت الكونتاك او هو رقم كام مع العلم ان الفليشر بتاع الاشارات كان بيعلق وغيرته جيبت الفليشر الشفاف وعملتله كلبسات وركبته وشغال تمام
المشكله يا استاذ منسي ان عربيتي 95 مفيش ار بي ام فيه ساعه مكانه بس كان الميكانيكي قالي ان العيب من المشط ف عشان اتأكد جيت والعربيه شغاله خلعت الكابل الي بيوصل من الموبينه للاسبراتير بسرعه من الموبينه عشان الموتور يبطل واتأكد كمان ان العيب مش من الكونتاك فعمل نفس الحركه .. انا مش عارف بصراحه اعمل ايه وكلام الاستاذ وليد عملي قلق جامد ... هو ممكن يكون الاسبراتير فيه حاجه؟ بس العربيه سحبها كويس........ على فكره العربيه وهي سخنه بيكون السلانسيه عالي جدا
الموتور الأستيراد بتبقى البساتم فلات ونسبة الانضغاط عالية بيناسبها البنزين 92 علشان الموتور مايسقفش والكهرباء تظبط معاك غير المواتير اللى بتنزل شرق اوسط ومصر بيبقى فيه تجويف فى البساتم علشان تقلل نسبة الأنضغاط والعربية تمشى مع البنزين الزفت اللى فى مصر وبيبقى الموتور محتاج بنزين اوكتين عالى اقله 90 فلو محتاج تشغلة بال80 لازم 2 جوان وش سلندر انصحك تمشى العربية على الأقل بالبنزين 90 لغاية ما لاقدر الله تجيب جوان وش وابقى ركب 2 جوان وحتلاقيها مع ال90 ظبطت لو ماظبطتش يبقى مافيش مفر من البنزين 92 جرب ولو ظبطت بعد تغير البنزين ابقى طمنى !!
انا سألت صاحبها كان فعلا بيمون 92 مش 90 لان ال90 مش موجود اصلا والعربيه عمرها ما عملت معاه كده غير مره واحده لما زود الكهربا وبعدين قللها تاني فظبطت معاه ..... بس انا مش هقدر امون 92 دا خراب بيووووووووووت ..........كلامك مقنع يا استاذ وليد بس زي ما قلتلك انا مش هقدر امون 92 ومش هقدر امشي بالعربيه كده .. طب انا لو حليت الوش وركبت 2 جوان هتظبط اكيد ولا فيه احتمال ؟؟؟؟؟؟؟؟ وحل الوش وتركيب الجوانات يتكلف كام ؟؟؟ لان الميكانيكيه احتاروا فيها وكل شويه حد يلعبلي في السلانسيه لا الكهربا لا الهوا ويدوب ارجع البيت واقفل الكونتاكت الاقي نفس الحركه لما خلاص مبقتش طايق العربيه
ان شاء الله همون بكره 92 واحكيلك
التاكيهات مضبوطه الاسبوع الي فات على 20 كلها عادم وبنزين ومن يومها والعربيه سحبها اتظبط واستهلاكها في البنزين ظبط .. العربيه في الشتا بتكون حرارتها في حدود 80 وفي الصيف بتمسك على 90 وفي الحر الشديد زي امبارع زادت عن 90 شويه وتقريبا وصلت 100 ودي اول مره تعملها في وقت الضهر وانا راجع من الشغل وعشان كده رحت للكهربائي امبارح غيرت المروحه جبت واحده اكبر واسرع لان كان فيها المروحه الاصليه ... بتهيألي دا الطبيعي من ناحية الحراره ولا ايه رأي حضرتك ؟؟
ضبك التاكيهات كده كويس ولا افتحها كمان شويه ..وايه رايك احل الوش واركب جوانين ولا ايه ؟؟؟ ع العموم انا نازل مسافر مشوار طوييييل الوقتي همون العربيه 92 هي تقريبا فاضيه .. وربنا يسهل
ازيك يا استاذ وليد ... انا فولت العربيه النهارده بنزين 92 وسافرت بيها مشوار طويل وفعلا الحركه دي خفت معايا قوي .. يعني مره تعملها ومره متعملهاش يعني بتهيألي لو ظبطت الكهربا على بنزين 92 مش هتعملها خالص .. انا فعلا اقتنعت بكلام حضرتك .. بس طبعا انا مش همون 92 تاني ... ف ان شاء الله شويه كدا وهروح للميكانيكي واحل الوش واركب جوانين .. على ضمانتك ههههههه .... بس عايز اعرف انواع الجوانات وافضلهم واعرف الجوان النضيف او الاصلي وسعره كام .. والعمليه كلها تتكلف كام وهحتاج اغير زيت ولا لأ .. ومتشكر جدا على اهتمامك بالموضوع
اهم حاجة تروح لميكانيكى كويس متخصص سكودا وتشترى جوانات اصلى وممكن تركب جوان واحد دوبل تخين عن الأصلى شوية وتغير الجوانات المصنعية بتمنهم مش حيزيد عن 250 جنية ومش محتاج تغيير زيت بس حطلها جركن مية حمراء بالمرة بعد مايقفل الموتور وربك الستار !!
لو سمحت انا كنت عايز استفسر عن موضوع بخصوص فيليشيا 95 ومركب لها موتور استيراد 98 كربراتير طرمبة كهربا مش رداخ المشكلة كهرباء الموتور عالية ع لطول مهما اخرت الكهرباء فى الاسبراتير العربية بردو بتسقف ومخنوقة غيرت موبينة وبوجيهات وكل ما اروح لميكانيكى يقولى سير الكتينة وانا مش مقتنع لانة فابريكة مش متغير ومفيش فايدة بجد المضوع دة زهقنى ومع العلم الموتور معايا بقالو اكتر من سنة زى الفل و دة حاصل معايا من قريب والف شكر لحضراتكم
السلام عليكم فيه عندي مشكله وهي مساحات العربيه الاماميه اوقات كتير بتركن وتشتغل من نفسها تاني او بفضل العب في الدراع لحد ما تشتغل تاني وبتعمل الحركه دي اكتر لما بيكون فيه مطره .
ياباشا ربنا يجازيك كل خير علي مجهودك الرائع
بالصدفه ببص علي العربيه من تحت لاقيت الماتور من تحت عليه زيت كتير و لونه اسود و كمان تحت العمه برده في زيت بس زي ما يكون زيت متراكم .... عربيتي فليشيا 96 يا ريت تفدني يا بشمهندس ؟
السلام عليكم لو سمحت يا بشمهندس احمد عايز اعرف مقاسات بكات او فواني الكربراتير للفيليشيا 95 عشان بفكر اغيرهم .. انا ضبط التيكيهات على 20 والعربية بتعمل 150 كيلو في الصفيحة ( 20 لتر) .....
الموضوع مثبت بعنوان انتا تسال/انا اجيب على اعطال سكودا موديل 1997:1994(ففوريت - فورمان - فلشيا - كومبى)
ولكن لللاسف من 5/3مفيش حد رد علي سؤالي وانا باقترح بعد اذن ادارة المنتدي الغاء هذا الموضوع لان المواضيع الجديدة اليومية مفيدة للجميع والكل بيشارك من خلال تجاربه الحقيقية وانا باتصفح الموضوع لاحظت ان الاجابات علي الاسئلة بتكون مجرد اجتهادات وكمان في شئ اخر ويمكن موجود في اخر المشاركات الاخ بيشكر المهندس احمد وبيساله عن مكان خرطوم الفايظ وما هي التكيهات ومحدش عبره حتي باجابة خطاء الي ان يحن صاحب الموضوع ويلاقي نفسه فاضي ويدخل علي النت ويجاوب علي اسئلة الاعضاء
العفو يا صديقى الزيت الموجود عند الغطاء الاحمر نتيجة تاكل جوان الغطاء او مش موجود و تروح تجيبه من عند اى حد بيبيع قطع غيار سكودا تقوله عاوز جوان غطاء الزيت و سياتك تركبه بنفسك سهل
اما بالنسبة لخرطوم الفايظ فا هتلاقيه تحت الغطاء الاحمر المذكور هتلاقى خارج منه خرطوم و هذا بيطلق عليه مخرج او خرطوم فايظ الزيت
اما بخصوص تفسير التاكيهات
بتعتبر هى البوبات المتحكمة بتغذية الموتور بالوقود و خروج العادم عن طريق فتح و قفل الصمام وبتنظم حركتها عن طريق عمود التاكيهات و بتاخد حركتها من عمود الكرنك
ربك المستعان
الشكمان عندك بيخرج هباب اسود
لو بيخرج هباب اسود مع استهلاك عالى للبنزين
وبخصوص مقاس البكات هى معروف مقاس الفليشيا و يفضل تجيبه من محل قطع غيار سكودا
و لو هتغير غير الثلاث بكات مع بعض
الاستهلاك المذكور هلا داخل المدينة او على طريق سفر تفرق يا صديقى
ربك المستعان
متابع