اقتباس:
المشاركة الأصلية كتبت بواسطة asasi
بسم الله الرحمن الرحيم
اولا عايز اشيد بالمنتدى الاكثر من رائع وشكر خاص لاستاذ احمد صاحب الموضوع فعلا وانا واحد من الناس استفدت كتير جدا جزاكم الله خيرا بهذا الجهد العظيم.
ادخل فى الموضوع عربيتى فيفوريت موديل 94 معدله بالكامل فيليشيا 99 كاملة مانيول 1600cc
ليا كام استفسار كدا
1- العربية لما باجى ادورها الصبح مبتدرش الا لما اسند رجلى على البنزين لحد منسخن ولو شلت رجلى تبطل المشكلة دى ظهرت ماخرا.
2- صوت الموتور بيعلا عند 100كم هل دا طبيعى.
3- سحب العربيه بقا زى الزفت مع انى لسا مغير اسطوانة دبرياج كانت قبل مغيرو سحبها كويس.
4- وانا ماشى بالعربيه على التانى مثلا ودايس بنزين الاقى العربيه بتنتش يعنى كانى بدوس بنزين وبسيب مع انى مبسبش رجلى من على البنزين المشكلة دى مؤخرا.
5- السهم بتاع الاشارة الشمال منور على طول فى التبلو وبالتالى لما ادى اشارة شمال مبتعملش.
انا مركب وحدة رفع فى الزجاج الامامى لما بدوس سنتر لوك بيقفل الزجاج الشمال فقط اليمين مبيقفلش.
6- لما بضرب فرامل عند مضب مثلا الاقى صوت طأطأه فى العربيه.
اسف على الاطالة بس ارجو منكم افادتى فى الموضوع مع العلم انى مبهمش فى الميكانيكا يعنى مش هقدر اشتغل بايدى بس قولولى اعمل ايه لانى اغلب الصنايعية بيفتو عشان ياخدو فلوس وخلاص وانا بصراحة اتهريت دفع وشكرا مرة تانيه.
السلام عليكم ورحمة الله وبركاته
سؤالى اولا على صاحب الموضوع الراجل المحترم الذى تغيب منذ فترة ولا نعلم اسباب الغياب انشاء الله تكون خير
ثانيا انا سوف اقوم بعرض بعض الحلول لمشاكلك حيث اننى امتلك نفس السيارة وقد مرت على غالب تلك المشاكل....
العربية لما باجى ادورها الصبح مبتدرش الا لما اسند رجلى على البنزين لحد منسخن ولو شلت رجلى تبطل المشكلة دى ظهرت ماخرا.
الموضوع ده سببة عدم ضبط الهوا(السلانسية) وايضا كهربة ودى الميكانيكى يعملهالك وانتا وقف جنبة وخد بالك هو بيعمل ايه علشان توفر على نفسك وتظبط العربية بعد كده حاجة هايفة خالص....
صوت الموتور بيعلا عند 100كم هل دا طبيعى
.
اكشف على زيت الفتيس وممكن يكون الشكمان عاوز جوان....
السؤال الثالث
سحب العربيه بقا زى الزفت مع انى لسا مغير اسطوانة دبرياج كانت قبل مغيرو سحبها كويس
كان لازم تغير الطقم بالكامل ديسك واسطوانة وكمان بلية دبرياج وممكن برضوا ظبط الكهربا بتاعت العربية يظبتلك كل دا....
السؤال الرابع
وانا ماشى بالعربيه على التانى مثلا ودايس بنزين الاقى العربيه بتنتش يعنى كانى بدوس بنزين وبسيب مع انى مبسبش رجلى من على البنزين المشكلة دى مؤخرا.
انسداد البيك او برضوا ظبط الهوا والكهرباء بتاعت العربيه!!!!!!!!
السؤال الخامس
السهم بتاع الاشارة الشمال منور على طول فى التبلو وبالتالى لما ادى اشارة شمال مبتعملش.
انا مركب وحدة رفع فى الزجاج الامامى لما بدوس سنتر لوك بيقفل الزجاج الشمال فقط اليمين مبيقفلش.
سلك الاشارة ملمس مع صاج العربية راجع الاسلاك واعزلها جيدا....
برضوا اسلاك التوصيل لوحدة رفع الزجاج اليمين تحتاج الى مراجعة
السؤال السادس
لما بضرب فرامل عند مضب مثلا الاقى صوت طأطأه فى العربيه
.
دا ممكن يكون سببة تيل الفرامل او الطنابير الى خراطة لاعادة ضبطها
اللهم صل على محمد وعلى آله وصحبه أجمعين